مشيت طليت على لغدة لقيتو كيطيب مزيان جلست مكونيكتية تا كدخال عليا ماما
انا : أمضرة اش قال ليك
ماما : اففف قاليا غي لوحيه ولد لحرام كان كيصحاب ليا أيصاوبو ساعة بحالك بحالو خليقة وحدة
انا : واش منيتك أماما اش أيصواب فيه راه تيلي غير تخسر ليه لبيتري لي جات معاه لوحيه حسسن ما كول مرة تبقاي تشري ليه فالبيتري جديدة
ماما :أياه أبنتي عنداك لحق جا باك
انا : اه راه متكي عيان من لخدمة
ماما : نوضي نوضي قادي طبلة ديال لغدة
انا : هيا لولة
مشيت قديت طبلة لي كاينة فالكوزينة حيت تما فين كانكلو صالة مكنكلوش فيها مخلينها لضياف حطيت لعدة ودرتو على طابلة و مشيت عند بابا حبيبي نفيقو باش نتغداو مشيت لبيتو لقيت لباب محلول دخلت وانا نلقاه متكي ناعس صراحة كيبقة فيا و بزااف هوا لي كيتكرفس علينا بغيت غير إيمتا نكمل قرايتي و نشد دوكتورة نعونو ونرجع ليه ولو غير شوية بداكشي لي دار ليا
قرابت ليه لقيتو حاط إيدو على راسو ومغمض عينيه قرابت ليه وبستو وبقيت كنفيق فيه
انا : بابا حبيبي نوض نتغداو
بابا ( حيد يدو وشاف فيا ) : واخا أبنتي واش وذن ضهور
انا : اه وذن دابا عاد
بابا :واخا أبنتي نصلي ونجي الله يرضي عليك
انا ( بستو فحنكو ) : أمين ابابا
خرجت و خليتو كيصلي جلست على طابلة دلغدة كنتسانة فيهم شوية جاو جلسو بقينا كنتغداو تا هضر بابا
بابا : مامشيتيش ليوما أبنتي لمدرسة
انا ( كنمضغ ) : لا أبابا تالزوج
بابا : واخا أبنتي الله يرضي عليك جتهدي راه قرايتك هيا لي أتنفعك
انا : واخا أبابا ميكون غي خاطرك
بقينا كنتغداو تا كنسمعو لغوات بارة وتخسار لهضرة ناضت ماما طالت من سرجم
ماما : اييخ هادو عمرهم مغيتبدلو
بابا : الله يهديهم و صافي داكشي لي أنقولو
انا : اففف ماقاليكش اماما جود ايمتا أيرجع
ماما : لا أبنتي ماقاليش كان قاليا شهر ربعة ومعرافت واش غيجي والا لا الله أعلم
انا : توحشتو بزااف والله
ماما : توحشتيه والا توحشتي ضربيه
انا : ههههه راه عزيز عليا واخا هاكاك
جود : (خويا تبوكيسة ديال دار ديما أنا وياه مضرببن ولكن عزاز على بعضياتنا هو فعمرو 28 طويل وسمر شوية عينين خضرين بنات درب كيحماقو عليه ونهار لي أيسمعوه رجع من لخدمة تلقاهم كلهم عند باب دارهم )
الكاتبة : متشوفيش ليا معاه أختي
انا : شاتي ايلى كمالتي ليا هاد لقيصة بلحب وجبتي ليا شي بوكوس والله لكان ليك
الكاتبة : يااااك واخا فيك المسمومة عقلي عليها
انا : هاني عاقلة
كملنا لغدة ناض بابا لخدمتو و ماما مشات تاكة شوية انا جمعت طابلة وغسلت لماعن ومشيت لبيتي دوشت خرجت نشفت شعري ولبست سروال دجين مقطع من ركبة و فبية حمرة نشفت شعري و جمعتو ذيل حسان دارت تيلي فجيبي و هزيت حقيبتي درتها مورا ضهري ومشيت لبيت ماما وبابا لقيت ماما كتهضر مع خالي بتيلي د بابا خالاه ليها قربت ليها بستها : خالي لباس توحشناك
خالي ( من تيلي ) : اياه المشاغبة توحشتيني داكشي علاش كتهضري معايا
انا : والله أخالي ايلى غي مع لقراية كلشي بيخير
خالي : واللهيلا بيخير اللهم لك لحمد هاهيا مريم كتسلم عليك توحشاتك تاهيا
انا : سلم ليا عليها و بوس ليا خالتو هاني مشيت لفااك
خالي : سيري ابنتي الله يرضي عليك
انا : امين
خرجت من داار بقيت كنتمشى تاااا ........يتبع
