عناد الهوى

الفصل الاول (ج1)

في صباح يوم مشمس ،في فيلا تشبه القصور في التجمع الخامس ،حيث الهدوء والسكون ،نسمع صوت رنين الهاتف.
*عمر:ألو ،ايوة يازفت عايز ايه علي الصبح ،خلاص ماشي هاخد دش وجاي،ياعم خلاص قولنا جي ،نص ساعة وتلاقيني عندك بس انت حاول تغطيني ،لغاية ماجي ،ماشي سلام ،وبعدين في اليوم ده ،ياترى سيادة اللواء عايز مني ايه دلوقتي .
(ينهض بطلنا من علي الفراش ،وياخذ شور ،ويرتدي زيه الرسمي ،الذي يظهر عضلات جسده ورشاقته الخلابة ،وكان الزي لم يصنع الا خصيصا له هو ،ثم يضع عطره المفضل ويرتدي ساعته التي اهدتها له والدته عندما التحق بكلية الشرطة).
*عمر: صباح الفل و الياسمين علي الحضن الحنين،اللي مبقدرش استغني عنها ،ثم يقبل راس والدته.
~تضحك هدي وتقول:ياواد يا بكاش مش هتبطل الشويتين بتوعك دول ها
*عمر :وانا بقول حاجة كدب يا ست الكل مش بقول الحقيقة (ثم يغمز لها)ها ولانتي ليكي راي تاني .
هدي:هقول ايه غير ان مش بقدر عليك ،يلا قوم علشان تفطر، انا قولت لنرمين تجهز الفطار.
عمر:فطار ايه بس يا ست الكل بس دا انا يادوب الحق اروح المديرية ،اللواء حسين مش عارف ماله طالبني حالا اكون في مكتبه.
هدي:ربنا معاك يا حبيبي و يحفظك ،بس طيب اوعي تنسي وافطر اول ما توصل هناك ماشي
عمر:حاضر يا  روحي من عنيا انتي بس تؤمري،ويغمز لها هو و ماشي.
هدي:هههههه هقول ايه طالع بكاش زي ابوك،ربنا يهديك يا حبيبي وتفرحني قريب بجوازك من بنت الحلال اللي تسعدك .
ريم:مامااااااااااااا.
هدي:ايه خضيتيني يا متخلفة ،مالك في ايه ،بتزعقي كده ليه؟
ريم:يا ماما انا مش قلتلك تصحيني بدري ،علشان متاخرش علي الشغل،واديني ياستي متاخرة بسببك.
هدي:وانا كام مرة اصحي فيكي من بدري و مفيش فايدة ،امشي من قدامي ،علشان موعلش فيكي بعد الفزعة اللي فزعتيهاني دلوقتي.
ريم :سلام يا ست ماما، باي.
هدي:سلام ياختي ،ربنا يهديكي يارب.
ريم:يارب الحق ،انا مش ناقصة اسمع حاجة من المدير الرخم ده.(وتقود ريم العربية باقصي سرعة لديها ،حتي تتجنب مديرها الذي تراه بغبغان بالنسبة لها 😂).
ميار:ايه يابنتي فينك ،المدير مغفلق الدنيا ومتعصب خالص ،تعالي بسرعة انتي مش ناقصة ،كفاية خناقتك معاه الاسبوع اللي فات
ريم:انا جاية اهو يا ميمو في الطريق يابنتي،ايه ام الرغي دا كله دا مش نص ساعة تاخير الله
ميار:ماشي ياريم براحتك انا حذرتك وهحاول اغطي عليكي لغاية ماتيجي،بس يارب يطمر
ريم:حبيبتي يا ميمو صديقتي الصدوق هههههه
ميار:ماشي ياختي ،باي.
ريم:باي.
****************************
(في مكان اخر حيث الهدوء ايضا ،ولكن هدوء من نوع آخر ،حيث الجفاء والابتعاد،في شقة اشبه بالفيلل حيث انها تتكون من دورين في احدي عمارات التجمع).
مايا:صباح الخير
امير:صباح النور، ديجا صحيت ولا لسه
مايا:لا لسه خليها نايمة ،علشان مقدرتش تنام امبارح من السخونة والتعب،انت مش معاك شغل النهاردة
امير:طيب كويس ،لا انا مش رايح النهاردة حاسس بتعب وجسمي سخن شوية .
مايا بخضة:ليك مالك انت سخن،وريني كده،ووضعت يدها علي جبهته دون انت تلاحظ ردة فعلها
امير بسعادة:مجهد بس شوية ،بس انتي خفت اوي كدة ليه ،ووضع يده علي يدها الموضوعة علي جبهته
مايا بخجل واضطراب:ها ،لا انا بس قلقت لتتعب زي ديجا ومعرفش اعمل ايه ،المهم انا هروح احضر الفطار علشان الحق اروح الشغل ،انت ادخل بس خد شور علشان التعب والارهاق ،ماشي
امير بخيبة امل :ماشي يا مايا ،امير في نفسه(لامتي يا مايا هنقعد كده كل واحد فينا بيحاول بعيد عن التاني ،لامتي هتفضلي مش حاسة بيا ،بس انا هوريكي وهكسرلك عنادك وكبريائك المستفز ده ،ويبتسم بانتقام)
*********************************
في الوجه الاخر حيث الزرع الاخضر والطيبة والشعور بالدفء ،في مكان يوجد به المحبة والسعادة والوحدة بين العائلة ،حيث هناك فيلا من اجمل ما تراه العين وليس للاعمدة والمبني ولكن لما تحتوي عليه من اسرة سعيدة وحنونة فلا يهمهم سوى الشعور بالسعادة .
تستقيظ بطلتنا بنشاطها كالعادة وشقاوتها
حلا بصوت عالي :صباح الخيررررررررررر ،انا صحيت يابشر
سامية(والدة حلا):وه ديما اكده تفجعيني مش هتطلي حركاتك دي ،وبعدين وياكي انت امتي هتكبري بس .
محمود(والد حلا):هههههه سيبيها يا سامية دي حبيبة ابوها دي ،تعالي جاري يابت ابوكي
حلا:هههههه طول عمرك ساندني يابوي مش عارفة من غيرك كنت عملت ايه وسط الديابة ونظرت لامها نظرة جانبية خبيثة
سامية:وه هقول ايه ما لما ابوكي عيل وسامع انتي وبتقولي ايه هعاتب عليكي انتي ،ونظرت لزوجها نظرت حزن
محمود:برضه كده يا سمسم وهو انا ليا في الدنيا دي غير انتي والمفاعيص دول ونظر الي ابنائه وهو يضع ذراعه علي كتفها .
روان(اخت حلا ،عمرها ١٧ سنة):كت مشهد هايل يا فنان ،يله انزل بالله بعد.
الجميع لم يستطع منع نفسه من الضحك بسببها وبسبب خفة دمها
محمود:هههههه وبعدين وياكي يا غلطة ،انتي كل حاجة تقلبيها هزار ،انا مش عارفة انت طالعة لمين
سامية:يعني هتكون طالعالي مثلا ونظرت اليه نظرة جانبية
محمود:وه وانا زي الغلطة دي يابت عمي حقه مالكيش حق تقوليلي اكده.
حلا:ههههههههههه ولا تزعل يا حمودتشي انا معاك يا غالي ،وانت في زيك اتنين ،وغمزت له
سامية:احتشمي يابت ،محدش غير يقوله يا حمودتشي ،ونظرت له بدلع
روان:اووووه شكل الحب ولع في الدره يا معلم ،بقولك ايه يا حاجة لاحظي انو في سناجل اهنه هاه
سامية بنظرة غضب :اتلمي يا مقصوفة الرجبة لاجيبك من شعرك دلوقتي
عمار (اخو حلا وهو مهندس مدني):السلام عليكم ورحمة الله وبركاته .
الجميع :وعليكم السلام ورحمة الله وبركاته
محمود:ازيك يا شيخنا الصغير عامل ايه ،اومال مشفتكش امبارح لما رجعت من صلاة العشاء
عمار:الحمد لله يابوي، اصلي بعد ما صليت كنت تعبان فروحت نمت علي طول،ايه ياستي الدكتورة مش معاكي كلية النهاردة وليه ،شايفك بتتمرقعي كده ليه
حلا:اووف شايف يابوي ولدك بيقول عليا ايه
محمود:هههههه معلش يابت ابوكي هو قصده انتي ليه مروحتيش لغاية دلوقتي .
حلا:لا يا شيخ عمار مش بتمرقع انا لسه محاضراتي معادها متاخر النهاردة .
سامية :يلا بجي الوكل هيبرد انتو مش ناويين تفطرو وليه
محمود:ادينا جايين يابت عمي ،يلا قوموا بسرعة لامكم تقضي علينا النهاردة
الجميع ضحك ونهضوا للفطار
**********************************
نعود الي القاهرة مرة اخري ،حيث في مديرية الامن