#بنات_الليل 🌸🌸
في الحلقه 9 & 10
گاترينااا فتحت الباب وگان الجو هاديء جداا سلحت گعبهاا وقعدت حفيانه وعدت لمگتب حسن لقت الباب مسگر بالمفتاح عصبت تبي تاخد المسدس يلي شفاته لما گانت امبدري ولما موده خشت عليهاا هي گانت اتفگر تاخده وتقتله شويه خشت موده وخنقتهاا ...فلما وعت اذگرت المسدس ردت اخره لغرفة حسن وشفاته راقد وانتبهت للمفتاح معلقه في سروال امتعه قربت بخطواتها وخايفه شفاته تحرگ رقدت عالارضيه وقعدت تابثه وبعد ثواني قعدت وحطت يدها عالمفتاح وفگاته منه وشدت عليه بالقوه عشان مايديرش صوت وصبت وعدت لمگتب حسن وفتحاته وبحتت في مگتب وينه مش گان هنااا اوووف وفتحت الادراج گلهم وبحتت في درج يلي من جهة تانيه وفيه قفل فتحاته بواحد من المفاتيح يلي خدتهم ولقاته ابتسمت وخداته وعدت غيرت لبسهااا لان گانت لابسه فستان يلي جابه حسن وطلب تلبسه في حلقه يلي فاتت ولبست سروال وبلووزه لاعند رگبه فوق منهاا جاااگه طويله جلد اسود ومسگت المسدس وهمست خلاص مافيش شي نخسره حسن دمرني ودمر الگل وانا حانقتله وعرفاته لما تحرگ گان نايض وان حايلحقهاا وان ماتحرگش عشان يشوفهاا شنو ادير ولگن گاترينا ذگيه وگشفاته جهزت نفسهاا ونزلت بخطوات بطيئه وانتبهت لضله وراهاا سعرت گرعيهااا وطلعت في الحديقه وبلعت ريقهااا وألتفتت وبحتت فيه
گاتريناا....هذي نهايتگ خلاص
ورفعت المسدس شوره
حسن....هههههههههه قتلگ اول ما شفتگ انگ عجبتيني وخاصة سدگ لياا ولگن يا حلوه الابره خلاتگ تحت امري وتهديدي بأختگ برضو خلاگ تحت امري ومستحيل تقتليني نقولگ ليش لانگ حبيتي حسن مستحيل تقتلي حبيبگ والله لا وضحگ وبحت فيها نزلي المسدس
گاترينا....بالرغم من اني حبيتگ صح بس گارهاا روحي وگارهااا وجودي هنااا وانا حاننهي گل شي وحانقتلگ يا حسن
حسن...قعد يقرب وگاترينااا جامده في مگانه وتبي تطلق ودموعهاا نزلوو وخاصة اول مره تمسگ مسدس
قرب حسن .'. وقعد قريب واجد منها ومسدس لمس صدره بحت فيهاا هيا اقتلي حبيبگ ولمس خدهاا نحبگ
گاترينا...وانا گرهتگ
حسن...اششششش وگان حايقرب ويبوسها وقف من طلقه خشت في صدره بحت فيهاا وجه قعد احمر
شنو درتي وحط يديه علي صدره يلي قعد ينزف
گاترينا...طاح مسدس من يدها ونزلو دموعهااا .....اي طلقتهاا وانت واثق ان مش حانطلقها عشان نحبگ بس طلقتها انت دمرتني خديث اغلي ماعندي حرمتني من گل شي وهددتني بأختي علي شانها وعلي شان صديقاتي قعدت معااگ حرام عليگ حرام
حسن....طاح علي ضهره وبحت فيهاا وقعد يگح ....عارف أغلاطي بس گنت واثق ان وجودگ هو سبب ثوبتي قتلگ اني نحبگ ونزلو دموعه وحط ايديه عالجرح وبحت في سياره امتعه عدي اهربي امشي قبل مايجو ويمسگوگ
گاترينا ...طبست خدت المسدس وبحتت في السياره وعدت بسرعه ولقتها مفتوحه ومفتاح فيهااا وهي ماتعرفش اتسوق ماعرفت شنو ادير شافت واحد طالع طبست .......
وسام...حزين جداا وگلما يذگر عزه وهي تصلي وتدعي ينزلو دموعه بعد عن الگل قعد يمشي وانتبه لحسن طايح انصدم وجاه شوره ....حسن
حسن...بحت فيه وأشرله عالسياره
شگلها ماتعرفش اتسوق عدي وصلهاا
وسام...علي من تحگي ومن دار فيگ هگ
حسن...قتلگ امشي ....اااااااه ويده عالجرح تعبت دم ...
وسام...خلاه وعده للسياره وگاتريناا اول ما شفاته جاي شورها وفتح الباب رفعت المسدس شوره
....رفع يديه لالا وقفي شوفي انا جاي نوصلگ بس من حسن طلب مني وبحت في مسدس انتي ضربتيه
گاترينا...عجباتگ الضربه تبي گيفها وجات تبي تطلق الرصاصه
وسام...لالا والله ما تطلقيهااا خليني نرگب ونوصلگ
گاترينا...شنو نضمن انگ بعد تعرف مگاني تجوني اخره وان حسن لو عاش حايجيه
وسام...حط يده علي قلبه ...خليگ واثقه فياا هالمره بس نبي نشوف عزه لو سمحتي حاسس بالذنب هي الوحيده يلي من ضمن البنات يلي جيت شورهم گانت طاهره و شريفه والله تعبان مش قادر حتى نرقد خليني نشوفهااا
گاترينا...شافت الصدق بعيونه وعدت للگرسي التاني وخلت مسدس في يدها ومصيدته عليه ...هيااا بسرعه ارگب
وسام...عده رگب وحرگ السياره
وين العنوان
گاترينا...قعدت اتفگر ان عزه عيلتهاا مستحيل تمشيلها وخاصة خوهاا حاتنذبح طول واختهاا مستحيل تمشي بدونهااا والعيله الوحيده المتفاهمه عيلة سيرين لان تحگي عليهم انهم طيبين واجد ويحبوها لان بنتهم الوحيده بحتت في وسام شيلني .........!!!!!!
وسام....هز راسه وفي طريقه للعنوان
گاترينا...سرحانه مع روشن ومضايقه من گل شي بالرغم من يلي داره حسن فيهاا زعلت عليه وبحتت في المسدس
وسام...بحت فيهاا ما تخافيش راه هو يحبگ و وصانا من ايام ان واحد يقرب منها انوريه انتي الوحيده يلي تصرف معاهاا هگ وعلي فگره باته رئيس مرگز شرطه وحسن مستحيل يبلغ عليگ
گاترينا....ممگن تسوق وانت ساگت
وسام...بلع ريقه وساق السياره
.........
سيرين...خشت علي شاذيه مزلتي تبگي
شاذيه....ليش ما خليتوني نقعد مع اختي ليش منعتوني نلحقهااا
سيرين...اطريناا وهي قعدت اگيد عندهاا هدف وماتنسيش شنو قالت وانا ما تگلمتش لاني حسيت ان في شي
شاذيه...شنو قالت
سيرين...قالت وهي تبحت في مگان تاني ما انتبهتش بمن گان مصبي بس قالت ربي يفرجهاا وما تخافوش وقالتها اخره ربي يفرجهااا واگيد حا نلحقگم وعرفت ان عندهاا هدف معين وتبي اديره واتجي
شاذيه...يعني حاتجي
سيرين...نزلو دموعهااا اگيد
شاذيه...حضنتهااا وقعدت تبگي بابا توا يذبحنا ديما يضرب في ماما ويهزب فيهاا يبي يوحل فينا لو عرف يلي صارلناا وان ضاع شرفنااا خلاص وقعدت تبگي
سمعت دوشه عزه جات وهي گانت تصلي وتدعي بحتت في شاذيه يلي تبگي نزلت راسهااا وقربت وقعدت جنبها
.... ما تيأسي وربي حايفرجهاا علينا ونزلو دموعها وحطت يديها علي رقبتها انا بگرا ماشيه لعيلتي
سيرين...شنو انتي جنيتي شگلگ
عزه...وگلت امري لربي ويلي يبي يصير يصير خلاص ومرات ان الليله هي اخر ليله نرقد فيها ونبي نرقد جنبگم لان في صبح ماشيه وتوا حايأذن الفجر نبي نصلي ونزلووو دموعهااا
سيرين...حضنتهم هنا الاتنين وقعدت تبگي .... لا يا عزه ماتمشيش
عزه....هضوما عيلتي في الاخير مانقدر نحرق قلب ماما يلي مشغوله علياا وخلي نادر يذبحني ماعندي ما اندير حقه وقعدت تبگي
شاذيه...انا مستحيل نمشي قبل ما اتجي اختي نمشو مع بعضنااا
سيرين....گانت تبي تحگي بس سمعت سيارة وقفت برااا صبت وبحتت مع روشن
عظه...توا فجر يبي يأذن ودنيا ظلام من يلي جاي توااا
سيرين...شافتهاا نزلت وفي يدها مسدس و وسام معاهااا
عزه...صبت وبختت مع روشن گاتريناا
وعدت تجري فتحت الباب الحوش
شاذيه...سمعت اسم اختها لحقت عزه وسيرين وراهاااا
گاترينا ... بحتت في الباب يلي انفتح وعزه يلي جات تجري وحضنتهاا
وسام...بحت فيهااا وابتسم
گاترينا....عزقت المسدس وحضنتها وقعدت تبگي وجات عيونها علي شاذيه طلقت عزه وعدت لاعند اختهااا يلي دموعها شلال مسحت دموعهاا
شاذيه...خفت عليگ
گاترينا...ما تخافيش وانا قدامگ توا
شاذيه...قعدت تبگي وحضنتهااا بالقوه
سيرين...نزلوو دموعهااا
وسام...بحت في عزه ...ااا ممگن اشويه
عزه...بحتت فيه بتقزز هضا انت
وسام...نزل راسه نبي نحگي معاگ
....
#الحلقه_10
....
عزه...بعد شنو تبي تحگي معايااا انا ماشيه للموت خويا حايذبحني بسببگ انت
وانت شنو خاصر انت واصحابگ هدفگم انگم ادمرو البنات وتحطوهم في مگان حقير زي يلي جيت منه وبحتت في گاترينا وبعدين گيف جايا معاه شنو صار
گاترينا...نزلت راسهااا انا ضربت حسن بالمسدس وقالي حسن ارگبي في سيارتي واهربي وانا مانعرفش انسوق فقال للاصفر هضا يوصلني وقالي ان ندمان ويبي يحگي معاگ يا عزه
وسام...عزه
عزه...بحتت فيه ماتنطقش اسمي علي
لسانگ شنو استفدت ضيعتني وخويا حايذبحني بسببگ وحاينحبس بسببگ
وسام...يهمگ خوگ ينحبس ومايهمگ انگ تمووتي
عزه...هضاا يلي گاتبه ربي ولازم نگون راضيه بيه ونزلت راسهااا
#سمعو_اذان_الفجر
گاترينا...همست الله اگبر وشيرت لاختها وسيرين يخشو جوا وخشت معاهم بعد خدت مسدس ودساته
عزه...جات تبي تخش
وسام...مسگ يدهاا خليني نحگي
عزه...مانبيش نحگي معاگ نبي نصلي ونقرا قراءن ونرقد لاعند ماتطلع الشمس ونعدي وفگت يده وعدت
وسام...نزلووو دموعهااا وخاف عليهااا اتمووت قعد في السياره ومابش يعدي
..........
خشت عزه ولقتهم طرحات صليات عالارض ويبو يصلو جات وصبت جنبهم
وبدووو يصلوو وبعد گملو قعدو يدعو ويبگوو وان خلاص ضاع گل شي 💔
.........
حسن سعفه سعد وخالد ومعتز وقعد في غرفة العملياات وحولو الرصاصه وقعد في العناايه وبوه لما عرف عصب ويبي يعرف من يلي دار في ولده هگ ومافيش حد عارف لقوه طايح شالوه وهو رقيتله وقعد يراجي في حسن ينوض عشان يسأله
......
وآدم مزال يسگر ويمشي للبنات ويضحگ ولاعند توا يسحب زوجته ماتت وحياته گلهااا شرب وصهور مع بنات 💔💔💔 وهو ؟؟؟؟
....................
بنات رقدن جنب بعضهم وگاترينا مارقدت تفگر في امهاا وبوهاا يلي صدمهاااا واخر واحد تفگر في هو حسن
وشاذيه راقده وماسگه يد اختهاا وخايفه
وعزه...تفگر في بعدين حاتمشي لهلهاا يلي غايبه عليهم من ايام وشنو حاتگون ردة فعلهم 💔💔 بعد يعرفو يلي صار معاهاااا وسيرين زعلانه علي صديقاتهاا
ولو تقدر تشيل عنهم گل همومهم وتحل مشاگلهم برمشة عين بس گيف 💔💔 نزلو دموعهاا وغمضت عيونها
..........
ع 8 الصبح
ام گاتريناا گانت تصلي وهي قعده عند جارتهم خشت عليها توااا في غرفه
عايشه...صباح الخير
زينب...تنهدت صباح النور
عايشه...عارفه انگ ام ومشغوله عليهم ما تخافيش يمگن صايره معاهم شي حاجه بس حايجوو في الاخير انتي ادعيلهم وربي يهون عليگ ان شاء الله
زينب...يارب وبوهم يلي مش معدل ديما سگران وديما نتعارگ معاه ويضرب فيا قدام بناته
عايشه...عارفه نسمعو في بناتگ يعيطن ويمنعو فيه ومره وحده من بناتگ غطت عليگ وخصلت ضربه علي راسها يلي شالوها المستشفي ورقدت في عنايه
زينب....هذي گاتريناا بنتي الگبيره ونزلو دموعها رايفت عليهم وشاذيه من دون اختهاا ماتقدر ادير شي گاترينا شخصيتهاا قويه وهي يلي تواجه في بوها وتمنعه يمد ايده عليا وهو يضربهاا
عايشه....زعلت عليهم ونزلت راسها
ربي يفرجهاا ان شاء الله وربي يهديه راجلگ .....
زينب...ان شاء الله
......
امير فتح عيونه وصبا وگان راقد بشرط يوصل لرگبيه بس خش للحمام وغسل وجه وبحت في مرايه ولما اذگر سيرين ابتسم لما خشاها للحمام وگيف ضرباته طلع وعده للصاله فتح الروشن وقعد سرحان وگلماا يذگر دوتها يبتسم وخاصة لما قالت علي بابا ابتسم بانو غمازاته وهمس مجنونه هالبنت بس نحبهاا ومش قادر نشيلها من راسي
.............
وسام ...قعد في سيارته مبعدها اشويه من حوش وبعد وقت شافهاا طلعت عزه وطبعا بدون مايحسو صديقاتها رقدات من التعب قعدت تمشي بخطوات وگلها خوف و وسام نزل وقعد يمشي ويلحق فيهاا وطبعا عزه حوشها قريب علي بعد شارع وبعد وصلت بحتت في حوش وخايفه رنت الجرز وقعدت تلعب علي صوابع يدهاااا وخوها نادر گان نايض يبي يمشي للشغل عده شور الباب وفتحه وهو يسقم في شعره ومجرد مايشوفها هد عليهااا وضربهاا بعنف
وين گنت يلي يا حقيره ردي وقعد يضرب فيهاا وامها ناضت وبوهاا وشافوه يضرب فيهااا وجيران سمعت دوشه ومنهم ساره فتحت روشن وقعد تسمع
محمود...هد عليهاا حتى هو ويبي يضربهااا وهي تبگي واستفرغت دم
وسام...گان خايف اشويه وخاف يذبحوهاا صبا قريب من الباب وبحت في نادر ...
وسام...انا يلي ضيعت شرف اختگ
محمود...انصدم وان گيف جاته الجرأه يجيهم
نادر...وجيت عالموت بيدگ حانذبحگم انتو الاتنين و وسام غطه عليها وبحت فيه الذنب ذنبي اختگ شريفه
محمود...نزل راسه
ساره...طلعت من الحوش وعدت لحوش عزه وگانت مصبيه قريب من باب وتسمع
نادر...حاتشوفو عليهاا وخاصة انتي يا حقيره يلي وثقنا فيگ
عزه....تبگي ودم يطلع من فمهااا
ساره....خشت وبحتت في عزه وجات عينها في بوها ....عمي ولدگ اغتصبني
محمود...شنو
نادر...گذابه اطلعي براا
ساره...انا ما نگذبش هو قالي نحبگ وقعدنا نحگو فتره وانا حبيته وفي مره روح سگران وقعدت تحگيلهم 👇
گنت في غرفتي نبي نرقد خلاص بعد عطيت دواه لخالتي المريضه سمعت تخبيط عالروشن امتعي فتحته ولقيته نادر وگانت اول مره نشوفه بالشگل هضاا .....قتله شنو داير في روحگ
قالي نحبگ واطلعي توا لو ما طلعتيش نعلي صوتي وانوض الجيران وقعد يشرب في شيشه يلي في يده وقعد يخبط عالباب الحوش انا خفت قلت حاي عليا توا يفجع خالتي ويشوفوه الجيران عديت فتحت الباب ورديته وقلت امشي عيب عليگ وجاي بالشگل هضااا قالي انا نحبگ ودفني في حوش وقعدت تبگي وهي تحگي وخالتي سمعت دوشه و ولدگ اغتصبني وسمعاته حتى خالتي لو مش مصدقني وانا سگتت ماعرفت شنو اندير لان نحبه ماقدرتش نشگي وعشان عزه صاحبتي ماقدرتش وخاصة ان ماعندي سند وعارفين اني يتيمه ونادر قعد ينگر وجاه يبي يضربهاااا وقفه بوه وعطاه گف علي وجه وانصدم نادر
محمود...حيوان وحاتستر عليهااا سمعت
نادر....انا مش شوري
ساره...نزلوو دموعهاا يلعن اليوم يلي تهرفت فيييه عليگ
نادر...سگري فمگ تگذبي عليااا عليش
محمود....اتا مش حانسامحگ وحانتبرأ منگ لو ماتجوزتهاا للبنت وبحت في وسام وانت بنتي تجوزها وتستر عليهاا
وسام...انا گنت نبي نقولگ اني حانتجوزهاا وانا ندمان واسف وحانرد عليگم بعدين في العشيه وعده وعزه مصدومه من مواجهة وسام ومن قصة خوها وبوها هزبه وقاله تقرب من عزه
انوريگ ويلي درته في بنت الناس جاه في اختگ يلي ما اتحشم علي وجهگ ...
.......
#يتبع
((في بنات انا نحترمهم واجد تعليقاتهم محترمه وحلوه زيهم بس في وحدين مش قارين الروايه ولا عارفين شي وعلقو وان اگتبي عبره ومن هالگلام
والروايه عبره لو قرتها راه ما حگت هگ ويلي مش عاجبته ياريت ماتقراهش وبالنسبه يلي قالت احداث سريعه انا قلت هالشي ع ستوري امتعي ما قلتها لگم واني مطره انگملهاا بسرعه ويالا نحصل وقت نگتب حلقه مانفضش بگل حتى نومي اشويه بگل وتعبانه والله وهضا گله نرضي فيگم ونصهر ونگتبلگم حلقه وشگراا .....
وجمعتگم مبارگه ....
.......
روايات سلطانه گوگي
گاتبة روايات متنوعه
...
