ليلة الدخلة 🔞🔞🔞❤💞😍

الجزء الخامس

انا راقدة في عز نومي نحلم بالرفيس تاع العرس (مالڨري واش عانيت ف جرتو بصح سخفتلو ) والسي خونا ينوضني .. أمو اللي هي عجوزتي الجميلة الرقيقة تعيطلو .. و يقولي أي تسقسي اذا فريناها و لا لالا .. قتلو مك علاه مزروبة !! قلها تصبر يطلع نهار و نقولولها ياخي مناش راح نهربو . .. قالي مك لي مزروبة راهي 8 تاع صباح ... ديراكت تحطت عيني على الساعة و الله 8 ياجدك صح .. قتلو قلها فريناها فريناها و لابغات انا نزغرت على روحي .. قالي أنا كون تاخذي رايي تكملي ترقدي خير ههههههه .. المهم قال لأمو بلي فريناها .. و نضنا حنا غسلنا فطرنا بصح هو مشنف عليا تقول بت نحرق ف الجوامع .. حضنتو قتلو و راسك الليلة نفريوها .. حتى هو حضني .. يا عممممري ف هذيك اللحظة حسيت روحي ملكت الدنيا .. هو هكاك محضني و نا هزيت راسي قتلو هيا اديني عند الحفافة .. قالي لاه واش ديري عند الحفافة .. قتلو نشطح .. يعني الناس واش يديرو عند الحفافة .. و لا باغيني نفوت الصباح تاعي كشرودة .. قالي ام يصبحو مانعرف واش من صباح تهدري عليه. . المهم داني مون شيغي للحفافة و رحنا لدارهم .. انا هبطت داخلة ليهم و هو حبسني قالي خير برك وين رايحة تجري كي لحصان. .. عوقي قسام روحك و امشي .. باه مايفيقولناش و لا ناوية تفرشينا ... محمد غاجلي قاوي يا جدك يفهمها و هي طايرة...... أيا عوقت روحي و بديت نمشي .. كي وصلت للباب لقيت عجوزتي تتستنا فيا .. مع شافتني و تطلقلك واحد الزغروتة مافيهاش طول .. قتلها ف قلبي اصبري عليا برك يفوتو ليمات هذو مليح و نديرلك سطاج و راسك تولي تغرتي كي الحراير ... المهم دخلت فت للصالو انا قعدت برك و فوتاي تاعهم دار طززززز .. بن عمي زهري ف البومبارداج خلعني حتى وليت نكونفيرمي مع روحي ياخي سير ماش أنا ... أيا مالا قعدت جاو سلافاتي زوج قعدو قدامي واش نقلكم تسكت وحدة تهدر الاخرى فم بفم .. قريب نقلهم لاشيو شوي خاااه اتنفسو لا تموتو او قالك كثرة الكلام مضرة بالصحة .. صبرت صبرت من بعد قلت مافيهاش لازم نهرب باسكو وذنيا ولاو يصفرو والله تقول بوليسي مڨعمز داخلهم و يصفر دون انقطاع .. .... أيا نضت قلتهم نا نعيط للراجلي سحقيتو و نجي .. مع نضت و تنطق عجوزتي منهيه قاتلي ابنتي علاه وقفتي كي الجدارمي هك سايسي روحك مزلت عروس ( سايس سايس و الله يا الحاجة فكرتني ف أيمن سرحاني الله يفكرك ف الشهادة ) .. قاتلي اقعدي برك او مالف يدخل هاذ الوقت وليدي و نعرفو( الحاجة بدات تلعب ف اللعب الصامط ) حا نقلها أ خالتي نتي اللي سايسي ماش انا