أيا مالا قعدت على زهري الكلب .. جات قدامي عجوزتي الرقيقة .. قاتلي كي يدخل محمد روحو لاشومبر تفطرو مع بعض درتلكم رفيس يهبل .. قتلها كيفاه كيفاه !؟ رفيس !؟ الحاجة ماتهبلنيش ضرك والله يطلقني وليدك الليلة مافيهاش .. قاتلي سمله الرحمان الرحيم لاه ابنتي الهدرة هذي .. قتلها كون نحكيلك على المأساة تعذريني .. خلعت قاتلي اخلايا ا جلايا .. ابنتي ماتخبيش علينا علاه كشما صرا البارح .. ههههه ضحكت و قتلها لالا والله شي فاتت ليلة و لا في الاحلام .. انا مزالت ماكملتش هدرتي و يكرتفني سي محمد .. قالها هيه أماما ليلة و لا في الاحلام .. فتنا لاشومبر راح نفطرو .. الصح الصح لقيت أمو مسكينة موجدة واحد الفطور تبارك الله كون ماخسرتهاش برك بالرفيس .. قعدنا حنا نفطرو نتوله للسيد نلقاه يظرب ف الرفيس و يعاود .. حتى قتلوووو حبس ا سي محمد وين بيها !! البارح انا و اليوم انت .. قالي والله نتي ساعات اخرين تهدري هدرة منعرف منين تجيبي فيها واش هاذي البارح و اليوم !! ..تربط لساني عييت واش نقول ... وهو سمطني الشرير و كمل ياكل تقول ماهدرت ماشفت ..شفت شفت من بعد هزيت المغرف و بديت ناكل و نوكلو على الدمار ... هاه كول الرفيس على زهرك ماذا 😈بيا الليلة ثاني نستمتع بالعزوبية
.
......
فطرنا من بعد زدنا تغدينا .. محمد غاجلي خرج و نا بقيت ف صالو نستنا في دارنا يجيبولي القهوة .. قلت نعيط لاختي نوصيها .. قتلها جيبو واش بغيتو لبغى بطاطا خرشف .. ماتجيبوش الرفيس برك على وجه ربي ..قاتلي علاااه حنا وجدناها لازم نجيبوه .. وليت نحاول فيها باه مايجيبوهش والوو تقول نهدر مع الحيط حتى قلتلها راني نتوحم و مانقدرش نشم ريحتو .. قاتلي واش درتوها لبارح تتوحمي اليوم !! سارفيس رابيد يا جدك .. .. قتلها إليميني جد الرفيس و ماتحوسيش تفهمي .. منعرف كيفاه هداها ربي قاتلي أوك مانجيبوهش .. زادو شوية و وصلو دخلو.. قهواو الغاشي .. من بعد عيطت للصيبة تاع اختي قتلها ديرلنا الغنى تاع ايمن سرحاني و الغنية اللي يقول فيها سايس سايس ماذابيك عاوديها بليزيوغ فوا .. خاطر عجوزتي راهي داخلتها دخلة ماريكان .. ماتدري بلاك تتريڨل شوي .... أيا جازت قهيوة تهبل و روحو دارنا خلاوني وحدي رحت بدلت قشي لبست جبة تاع دار الله الله .. قلت نحط راسي نرقد شوي .. نا غير حطيتو و عجوزتي دخلت عجبك ماطبطبت ماوالو .. الحاجة سايسي شوي واش ماأثرش فيك ايمن سرحاني من صباح و هو سايس سايس والله بح مسكين ... المهم دخلت قاتلي ابنتي نوضي روحي للكوزينة ديريلنا غرايف ( البغرير ) .. ياخاااااااه الحاجة تحكي من نيتك !! بغيتي الغرايف أون باغصون !؟ .. قتلها أ خالتي والله كاين لي بلا بزاف ..كاين بلا فريت بلا فريت اوملات كاين لي ڨراتا ثاني خيري و اختاري ... قاتلي لالا حنا عادتنا لعروسة تبداها بالغرايف😐😊
أنت تقرأ
ليلة الدخلة 🔞🔞🔞❤💞😍
Humorطيط🚨 طيط. 🚨 وسسسع وسسسسسسسع 🚜🚜🚜🚜🚜🔞🔞🔞 جـبببببببــت ليكـــم كرونيـــك روعـــــة ضحك و🔞😍😍😍😋( منقول ماشي نا لكتبتوو ) بعنوان: #ليلة_زفافي 🔞🔞🔞🔞⛔ اتلمووووووووووووووو قاع قااع قاع تنساوش تتفااعلووو 😋😋
