#ﺍﺑﻲ__ﻭﺍﻟﻐﺰﻻﻥ
ﻟﻠﻜﺎﺗﺒﺔ Reem
#ﺍﻟﺒﺎﺭﺕ_ﺍﻻﺭﺑﻌﻮﻥ
( ﺑﺎﺭﺕ ﻃﻮﻳﻞ ﻟﻌﻴﻮﻧﻜﻢ )
ﻣﻦ ﺳﺌﻠﻮﻧﻲ ﺻﺢ ﮔﺎﻟﻮﺍ ﺍﻧﻄﻮﻙ ﺟﺮﻭﺡ ؟؟
ﻻ ﮔﻠﺖ ﻟﻠﺸﻤﺎﺗﺔ ﺍﻧﻄﻮﻧﻲ ﻋﻴﺪﻳﻪ
ﺷﺎﻳﻒ ﻣﻦ ﺗﺠﻴﻚ ﺍﻟﻄﻌﻨﺔ ﻣﻦ ﺃﺣﺒﺎﺏ
ﻫﻴﭻ ﺟﺮﻭﺣﻚ ﺗﺤﺲ ﺑﻴﻬﺎ ﺭﻭﺣﻴﻪ
ﺗﺼﻮﺭ ﺗﺒﺘﺪﻱ ﺗﺸﺘﺎﮒ ﻟﻠﭽﺘﺎﻝ
ﺍﺫﺍ ﭼﻒ ﺍﻟﺘﻄﻌﻨﻚ ﺑﻴﻬﺎ ﺣﻨﻴﻪ
ﺳﻠﻴﻞ : ﻓﺪﻭﻩ ﺍﻣﺸﻲ ﺍﺗﺮﺟﺎﻙ ﻭﺑﺎﻭﻋﺖ ﺑﻌﻴﻨﻪ ﺍﺗﻮﺳﻞ ﺑﻴﻬﻢ ﻭﺍﺷﻬﻚ ﺻﻔﻦ ﺑﻮﺟﻬﻲ ﻭﻣﺴﺢ ﻋﻴﻨﻲ ﺑﻴﺪﻩ ﺟﺎﻥ ﻳﻜﻮﻝ
ﺳﺠﺎﺩ : ﺟﻴﺒﻲ ﻏﺮﺍﺿﺞ ﻭﺍﻣﺸﻲ ﻟﺒﻴﺘﺞ
ﻧﻬﺮ : ﺍﺧﺬﻫﺎ ﻭﺭﻭﺡ ﻓﺪﻭﻩ
ﺳﻠﻴﻞ : ﺩﺧﻠﺖ ﺭﻛﺾ ﻟﻠﻐﺮﻓﻪ ﻟﻜﻴﺖ ﺍﻟﺒﻨﺎﺕ ﻛﺎﻋﺪﺍﺕ ﻭﺑﻌﻴﻮﻧﻬﻦ ﺍﻟﻒ ﺳﺆﺍﻝ ﻭﺣﻴﺮﻩ ﺧﺎﺻﻪ ﺭﻳﻢ ﺍﻟﻤﺼﺪﻭﻣﻪ ﺭﻛﻀﺖ ﺭﺷﺎ ﻋﻠﻴﻪ
ﺭﺷﺎ .. ﺭﺍﺡ ﺗﺮﻭﺣﻴﻦ
ﺳﻠﻴﻞ : ﻣﻮ ﺳﻤﻌﺘﻲ ﺷﻜﺎﻟﺖ
ﺭﺷﺎ .. ﻣﻮ ﻛﺘﻠﺞ ﻟﺘﻌﻮﻓﻴﻨﺎ
ﺳﻠﻴﻞ : ﻣﻮﺑﻴﺪﻱ ﻭﺍﻟﻠﻪ ﺷﻔﺘﻲ ﺷﺼﺎﺭ ﻭﺍﻧﻲ ﻣﻌﺎﻳﻔﺘﻜﻢ ﺍﺟﻲ ﻭﺍﻟﻠﻪ ﺍﺫﺍ ﺍﺑﻘﻰ ﺭﺍﺡ ﺗﺎﺧﺬﻛﻢ ﻭﺗﺄﺫﻳﻜﻢ
ﺭﺷﺎ .. ﺍﻧﻲ ﺭﺍﺡ ﺍﻃﻠﻊ ﻋﻠﻴﻬﺎ
ﺳﻠﻴﻞ : ﺟﺎﻥ ﺍﺟﺮﻫﺎ ﻭﻳﻦ ﺭﺍﻳﺤﻪ ﻟﻄﻠﻌﻴﻦ ﺍﺑﺪ ﺍﻛﻌﺪﻱ ﻭﺳﻜﺘﻲ ﻟﺘﺰﻳﺪﻳﻦ ﺍﻟﻄﻴﻦ ﺑﻠﻪ ﻫﺴﻪ ﺗﺘﺨﺒﻞ ﺑﻠﺰﺍﻳﺪ
ﺭﺷﺎ .. ﻟﻌﺪ ﻧﺨﻠﻴﺞ ﺗﻌﻮﻓﻴﻨﺎ ﻫﻲ ﻭﻳﻦ ﻋﺎﺭﻓﺘﻨﺎ ﻛﻞ ﻛﻢ ﺷﻬﺮ ﺗﺠﻲ ﺗﺴﻮﻳﻠﻬﺎ ﻣﺼﻴﺒﻪ ﻭﺗﺮﻭﺡ
ﻭﺍﻟﻠﻪ ﺣﺘﻰ ﻛﺮﻫﺖ ﺍﻟﻴﻮﻡ ﺍﻟﻲ ﺗﺰﻭﺭﻧﺎ ﺑﻴﻪ
ﺳﻠﻴﻞ : ﻓﺪﻭﻩ ﺍﺳﻜﺘﻲ ﻭﺧﻠﻲ ﺍﺭﻭﺡ ﻭﺑﻌﺪﻳﻦ ﻧﺸﻮﻑ ﺷﻠﻮﻥ ﻭﺍﻧﻲ ﻗﺮﻳﺒﻪ ﻣﻮ ﺑﻌﻴﺪﻩ
ﺭﻳﻢ : ﺷﻨﻮ ﺍﺗﺰﻭﺟﺘﻲ ﻋﻤﻮ ﺷﻮﻥ ﻳﺼﻴﺮ
ﺳﻠﻴﻞ : ﺗﻘﺮﺑﺖ ﻣﻦ ﺭﻳﻢ ﺍﻟﻲ ﺍﺣﺴﻬﺎ ﺿﺎﻳﻌﻪ ﻭﻣﺘﻌﺮﻑ ﺗﻔﻜﺮ
ﺭﻳﻤﻮ ﺣﺒﻴﺒﻲ ﺭﺷﺎ ﺭﺍﺡ ﺗﻔﻬﻤﺞ ﺍﻋﺮﻑ ﻳﺠﻮﺯ ﺑﻌﺪﺝ ﺻﻐﻴﺮﻩ ﻭﻣﺮﺍﺡ ﺗﻔﻬﻤﻴﻦ ﺑﺲ ﺍﻋﺮﻓﺞ ﺫﻛﻴﻪ ﻭﺭﺍﺡ ﺗﺴﺘﻮﻋﺒﻴﻦ ﺍﻟﻲ ﻛﻌﺪ ﻳﺼﻴﺮ
ﺭﻳﻢ : ﻟﺘﺮﻭﺣﻴﻦ ﻭﺗﻌﻮﻓﻴﻨﺎ ﺷﻮﻥ ﺍﻛﺪﺭ ﺑﺪﻭﻧﺞ ﺑﻠﺒﻴﺖ ﺷﻮﻥ ﺍﻛﻌﺪ ﺍﺻﺒﺢ ﻣﺎﺍﺟﻲ ﺍﺑﻮﺳﺞ ﻭﺍﺷﺎﻗﻪ ﻭﻳﺎﺝ ﻭﺍﺿﻮﺟﺞ ﻭﺑﻌﺪﻳﻦ ﺍﺟﻲ ﺍﺭﺍﺿﻴﺞ ﺳﻠﻴﻞ ﻟﺘﺮﺣﻴﻦ
ﺳﻠﻴﻞ : ﺳﻨﻴﻦ ﺍﺗﻮﺳﻞ ﺑﻴﺞ ﻛﻮﻟﻲ ﺳﻠﻴﻞ ﺗﻜﻮﻟﻴﻦ ﻣﺎ ﺛﻠﻞ ﺍﺣﻠﻰ ﻭﺍﺳﻬﻞ ﻭﻫﺴﻪ ﻧﻄﻘﺘﻲ
ﺭﻳﻢ : ﺍﺑﻘﻲ ﻭﺑﻌﺪ ﻣﺎﺍﻛﻮﻝ ﺛﻠﻞ ﺍﺑﺪ ﺑﺲ ﺍﺑﻘﻲ
ﺳﻠﻴﻞ : ﺣﻀﻨﺘﻬﺎ ﺣﻴﻞ ﻭﺳﺤﺒﺖ ﺭﺷﺎ ﻫﻢ ﻟﺤﻀﻨﻲ ﻭﺍﺑﺎﻭﻉ ﻏﺰﻭﻟﻪ ﻭﺍﻛﻔﻪ ﻋﻠﻰ ﺻﻔﺤﻪ ﻭﺩﻣﻌﻪ ﺑﻌﻴﻮﻧﻬﺎ ﺍﺷﺮﺕ ﺍﻟﻬﺎ ﺑﻴﺪﻱ ﺗﻌﺎﻟﻲ ﻏﺰﻭﻟﺘﻲ ﺍﺟﺖ ﺗﺮﻛﺾ ﻭﻫﻢ ﺣﻀﻨﺘﻬﺎ ﻭﺑﺴﺖ ﻛﻞ ﻭﺣﺪﻩ ﻣﻨﻬﻦ
ﺳﻠﻴﻞ : ﺭﺍﺟﻌﻪ ﻟﺘﺨﺎﻓﻮﻥ ﺩﻳﺮﻭ ﺑﺎﻟﻜﻢ ﻋﻠﻰ ﻧﻔﺴﻜﻢ ﻭﻋﻠﻰ ﻋﻤﻪ ﻭﻟﺘﻀﻮﺟﻮﻫﺎ ﻭﺧﺎﺻﻪ ﺍﻧﺘﻲ ﺭﻳﻢ ﺻﻴﺮﻱ ﻋﺎﻗﻠﻪ ﻭﺍﺳﻤﻌﻲ ﺍﻟﻜﻼﻡ
ﺭﺷﺎ .. ﻳﻠﻪ ﻟﺘﺘﺄﺧﺮﻳﻦ ﺍﻣﺸﻲ ﻧﺴﺎﻋﺪﺝ
ﺳﻠﻴﻞ : ﺍﺧﺬ ﻛﻢ ﺷﻐﻠﻪ ﻭﺍﺫﺍ ﻃﻮﻝ ﺍﻟﻮﺿﻊ ﺍﺟﻲ ﺍﺧﺬﻫﻢ ﻛﻠﻬﻢ
ﺣﻄﻴﺖ ﻛﻢ ﻗﻄﻌﻪ ﻣﻼﺑﺲ ﻭﺍﻟﺸﻐﻼﺕ ﺍﻟﻀﺮﻭﺭﻳﻪ ﻭﻃﻠﻌﺖ
ﻟﻜﻴﺖ ﺳﺠﺎﺩ ﻭﺍﻛﻒ ﺑﻠﻜﺮﺍﺝ ﻳﺪﺧﻦ ﻭﺻﺎﻳﺮ ﺑﺎﺭﻭﺩ ﻭﻣﺎﻣﺎ ﻛﺎﻋﺪﻩ ﺣﺎﻃﻪ ﺭﺟﻞ ﻋﻠﻰ ﺭﺟﻞ ﻭﺗﻬﺰ ﺑﻴﻬﻢ ﻣﻦ ﺍﻟﺘﻮﺗﺮ ﺍﻣﺎ ﻋﻤﻪ ﻧﻬﺮ ﺩﻣﻮﻋﻬﺎ ﻋﺸﺮﻩ ﻋﺸﺮﻩ ﺣﻀﻨﺘﻬﺎ ﺟﺎﻥ ﺗﺸﺎﻭﺭﻧﻲ
ﻧﻬﺮ : ﻣﺎﻣﺎ ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ
ﺳﻠﻴﻞ : ﻟﺘﺨﺎﻓﻴﻦ
ﺳﻨﺪﺱ : ﻓﻀﻨﻬﺎ
ﺳﻠﻴﻞ : ﺑﺎﻭﻋﺖ ﻋﻠﻴﻬﺎ ﻭﺑﺼﻮﺕ ﻛﻠﻪ ﺍﻟﻢ ﻭﺍﺣﺲ ﺍﺭﻳﺪ ﺍﻋﻴﻂ ﻣﻦ ﺍﻟﻘﻬﺮ ﺑﺲ ﻟﺰﻣﺖ ﻧﻔﺴﻲ ﻭﻛﺘﻠﻬﺎ
ﺣﺮﺍﻣﺎﺕ ﺍﻧﺘﻲ ﺍﻣﻲ
ﺳﻨﺪﺱ : ﺍﻣﺸﻲ ﺍﻃﻠﻌﻲ ﺑﺮﻩ ﻭﺍﺫﺍ ﺍﺟﻴﺘﻲ ﻫﻨﺎ ﺍﻛﺴﺮﻫﺎ ﻟﺮﺟﻠﻚ ﻣﺎﻃﻮﻝ ﻛﺴﺮﺗﻲ ﻛﻼﻣﻲ ﻭﻟﻮﻳﺘﻲ ﺍﻳﺪﻱ ﻭﺿﻴﻌﺘﻲ ﺗﻌﺒﻲ ﺍﻧﺘﻲ ﻣﻮ ﺑﻨﺘﻲ...بيج قصص عراقيه حقيقيه من واقعنا.روعه الطائي
ﺳﻠﻴﻞ : ﺍﺑﺘﺴﻤﺖ ﺑﺄﺳﺘﻬﺰﺍﺀ ﻭﻛﺘﻠﻬﺎ ﻭﻣﻨﻮ ﻛﺎﻝ ﺍﻧﻲ ﺑﻨﺘﺞ ﺍﻧﻲ ﻧﻬﺮ
ﺳﻨﺪﺱ : ﺍﻣﺸﻲ ﻻ ﺍﻛﻄﻌﺞ ﻫﺴﻪ
ﺳﻤﻌﺖ ﺳﺠﺎﺩ ﻋﻴﻄﺖ ﺳﻨﺪﺱ ﺷﻤﺮ ﺍﻟﺠﻜﺎﺭﻩ ﻭﻃﺐ ﻭﺑﺎﻭﻉ ﻋﻠﻴﻪ ﻭﻛﺎﻝ ﻳﻠﻪ
ﺳﻠﻴﻞ : ﺍﺣﺲ ﺭﻭﺣﻲ ﺗﺮﻳﺪ ﺗﻄﻠﻊ ﺷﻮﻥ ﺍﻋﻮﻑ ﺧﻮﺍﺗﻲ ﻭﻋﻤﺘﻲ ﺑﻘﻴﺖ ﻭﺍﻛﻔﻪ ﻭﺩﻣﻮﻋﻲ ﺗﻨﺰﻝ ﺟﺎﻥ ﻳﺠﺮﻧﻲ ﻣﻦ ﺍﻳﺪﻱ
ﺳﺠﺎﺩ : ﺍﻣﺸﻲ ﻭﺍﺷﺮ ﺑﺄﻳﺪﻩ ﺑﻮﺟﻬﻪ ﻣﺎﻣﺎ ﻭﻛﺎﻝ ﺍﻟﻬﺎ
ﺗﺴﻮﻩ ﻋﻤﺮﺝ ﻣﻜﺪﺭﺗﻲ ﺗﺴﻮﻳﻦ ﺍﻟﺮﺩﺗﻲ ﻭﻣﺮﺍﺡ ﺍﺧﻠﻴﺞ ﺑﻴﻮﻡ ﺗﺴﻮﻳﻦ ﻭﻋﻨﺎﺩ ﺑﻴﺞ
ﻳﻠﻪ ﻭﺳﺤﺒﻨﻲ ﻭﻃﻠﻌﻨﺎ ﻭﻋﻔﻨﺎ ﻣﺎﻣﺎ ﺗﻐﻠﻂ ﻭﺗﺴﺐ ﺑﻌﻠﻮ ﺣﺴﻬﺎ
ﻃﻠﻌﻨﺎ ﻣﻦ ﺍﻟﺒﻴﺖ ﻭﻧﺘﻤﺸﻰ ﺑﻠﺸﺎﺭﻉ ﺟﺎﻥ ﻳﻨﺪﺍﺭ ﻋﻠﻴﻪ ﻭﻛﺎﻝ ﺍﻣﺴﺤﻲ ﻋﻴﻮﻧﺞ ﻣﻨﺎ ﺍﻟﻨﺎﺱ ﻟﻴﻨﺘﺒﻬﻮﻥ
ﺍﺧﺬﺕ ﻃﺮﻑ ﺍﻟﺸﺎﻝ ﺍﻟﺤﺎﻃﺘﻪ ﻋﻠﻰ ﺭﺍﺳﻲ ﻭﻣﺴﺤﺖ ﻋﻴﻮﻧﻲ ﺑﺲ ﮔﻠﺒﻲ ﻳﺒﺠﻲ ﻭﺍﻟﻠﻪ ﺑﺪﻭﻥ ﺗﻮﻗﻒ ﻭﺭﻡ ﻣﻦ ﺍﻟﻘﻬﺮ
ﺍﺧﺬ ﺍﻟﻌﻼﻛﻪ ﺍﻟﺒﻴﺪﻱ ﻭﺷﺎﻟﻬﺎ ﻭﺑﻘﻴﺖ ﺍﻣﺸﻲ ﺑﺼﻔﻪ ﻭﻣﺪﻧﺠﻪ
ﻋﺒﺮﻧﺎ ﺍﻟﺸﺎﺭﻉ ﺷﻘﺘﻪ ﻗﺮﻳﺒﻪ ﺑﻌﺪ ﺷﺎﺭﻋﻴﻦ ﻋﻨﺎ ﻋﻠﻰ ﺍﻟﺸﺎﺭﻉ ﺍﻟﻌﺎﻡ
ﻭﺻﻠﻨﺎ ﻟﻠﻌﻤﺎﺭﻩ ﻭﺻﻌﺪ ﻭﺍﻧﻲ ﻭﺭﺍﻩ
ﺩﺧﻠﺖ ﻟﻠﺸﻘﻪ
ﺳﺠﺎﺩ : ﺗﻌﺎﻟﻲ ﺷﺒﻴﺞ ﻭﺍﻛﻔﻪ ﺑﻠﺒﺎﺏ
ﺳﻠﻴﻞ : ﺗﻘﺮﺑﺖ ﻭﻛﻌﺪﺕ ﻋﻠﻰ ﺍﻟﻘﻨﻔﻪ ﺟﺎﻥ ﻣﺴﻮﻱ ﺗﻐﻴﺮ ﺑﻴﻬﺎ ﻣﻐﻴﺮ ﺍﻟﺘﺨﻢ ﻭﺍﻟﻤﻴﺰ ﻣﺎﻝ ﺍﻟﺘﻠﻔﺰﻳﻮﻥ ﻭﺣﺎﻁ ﻣﻴﺰ ﺻﻐﻴﺮ ﻛﺪﺍﻡ ﺍﻟﺘﺨﻢ ﺍﻟﺸﻘﻪ ﻧﻈﻴﻔﻪ ﻣﺮﺗﺒﻪ ﺻﺢ ﺍﻛﻮ ﻛﻢ ﺷﻐﻠﻪ ﻣﺤﻄﻮﻃﻪ ﺑﺸﻜﻞ ﻫﻮﺳﻪ ﺑﺲ ﻧﻈﻴﻔﻪ ﻭﺍﻟﻜﺎﻉ ﺗﻠﻤﻊ
ﺑﻘﻴﺖ ﻣﺮﺗﺒﻜﻪ ﻭﻣﺎﺍﻋﺮﻑ ﺷﺮﺍﺡ ﻳﺼﻴﺮ ﻭﺷﻨﻮ ﺣﺎﻟﻲ ﻭﺍﻟﻰ ﻣﺘﻰ ﺍﺑﻘﻰ ﻫﻨﺎ
ﺳﻤﻌﺖ ﺻﻮﺕ ﺑﺎﺏ ﺍﺗﻮﻗﻊ ﻓﺘﺢ ﺑﺎﺏ ﺍﻟﺒﺎﻟﻜﻮﻥ ﻣﺎﻝ ﻏﺮﻓﻪ ﺍﻟﻨﻮﻡ ﻳﺠﻮﺯ ﻳﺪﺧﻦ
ﺑﻘﻴﺖ ﻋﻠﻰ ﻛﻌﺪﺗﻲ ﺑﻠﺮﺑﻊ ﺍﻟﺴﺎﻋﻪ ﻭﺍﻓﺮﻙ ﺑﻴﺪﻱ ﻣﻦ ﺍﻟﺘﻮﺗﺮ
ﺷﻮﻳﻪ ﻭﺷﻔﺘﻪ ﻃﻠﻊ ﻣﻦ ﺍﻟﻐﺮﻓﻪ ﻭﺍﺟﻪ ﻛﻌﺪ ﺑﺼﻔﻲ ﺍﻧﻲ ﻣﺸﺎﻋﺮﻱ ﺧﻮﻑ ﻭﻗﻠﻖ ﻭﺍﺭﻳﺪ ﺍﺑﺠﻲ ﻣﻦ ﺍﻟﺼﺎﺭ ﻛﻠﻪ ﺑﺲ ﺍﺧﺎﻑ ﻳﻌﻴﻂ ﻟﻬﺬﺍ ﺣﺎﺻﺮﻩ ﺍﻟﻘﻬﺮﻩ ﺑﮕﻠﺒﻲ
ﺟﺮﻩ ﻧﻔﺲ ﻭﺑﺪﺍ ﻳﺤﺠﻲ ﺑﻬﺪﻭﺀ
ﺳﺠﺎﺩ : ﺍﺩﺭﻱ ﺑﻴﺞ ﺧﺎﻳﻔﻪ ﻭﻣﻘﻬﻮﺭﻩ ﺑﺲ ﻣﺎﺑﻴﺪﻧﺎ ﺷﻰ ﻫﺴﻪ ﺷﻔﺘﻲ ﺍﻣﺞ ﺷﻮﻥ ﻫﻮﺳﺖ ﻭﺗﻤﻨﻴﺘﺞ ﺍﻧﺘﻲ ﻭﻧﻬﺮ ﺗﺼﻴﺮﻥ ﺍﻗﻮﻯ ﻭﺗﻜﺴﺮﻭﻥ ﻛﻼﻣﻬﺎ ﻭﺗﺠﻲ ﺣﺘﻰ ﻧﻬﺮ ﻭﻳﺎﻳﻪ ﺍﻋﺮﻑ ﺑﻴﻬﺎ ﻣﺘﺘﺤﻤﻞ ﺧﻮﺍﺗﺞ ﺛﺎﻧﻲ ﻳﻮﻡ ﺗﺮﺟﻌﻬﻦ ﺑﺲ ﺍﺍﺥ ﻛﻠﻪ ﻣﻦ ﻭﺭﻩ ﻧﻬﺮ ﻣﺴﻤﻌﺖ ﻛﻼﻡ
ﺳﻠﻴﻞ : ﺍﺣﺠﻲ ﻭﻣﺨﻨﻮﻛﻪ ﻛﻮﻩ ﻳﻄﻠﻊ ﺍﻟﺤﺠﻲ ﻣﻨﻲ
ﻋﻤﻪ ﺗﺨﺎﻑ ﻋﻠﻰ ﺍﻟﺒﻨﺎﺕ ﻣﻦ ﺧﻠﻴﻞ ﻭﺍﺑﻨﻪ ﺗﻜﻮﻝ ﺷﻮﻥ ﺍﺧﻠﻴﻬﻦ ﺑﻴﺖ ﺭﺟﺎﻝ ﻏﺮﻳﺐ ﻭﺷﻔﺖ ﺣﺠﻴﻬﺎ ﺻّـْْ (☑) ـْْﺢّ ﻣﻨﻌﺮﻑ ﺫﻭﻟﻪ ﺷﻨﻮ ﺧﻠﻲ ﻋﻤﻪ ﺑﻠﺒﻴﺖ ﻋﻠﻰ ﺭﺍﺱ ﺧﻮﺍﺗﻲ ﺃﻣﻦ ﺑﺲ ﺍﻧﻲ ﻫﺴﻪ ﺑﺎﻟﻲ ﻳﻤﻚ
ﺳﺠﺎﺩ : ﻳﻤﻲ
ﺳﻠﻴﻞ : ﺍﻱ ﻳﻌﻨﻲ ﺭﺍﺡ ﺗﺘﻘﻴﺪ ﺑﻮﺟﻮﺩﻱ
ﺳﺠﺎﺩ : ﻭﻟﻴﺶ ﺍﺗﻘﻴﺪ ﺍﻧﻲ ﺍﺻﻼً ﺍﻛﺜﺮ ﺍﻻﻭﻗﺎﺕ ﺑﺮﻩ ﻭﺍﺫﺍ ﻋﻠﻰ ﺍﻟﻨﻮﻣﻪ ﺍﻧﺘﻲ ﺗﻨﺎﻣﻴﻦ ﺑﻠﻐﺮﻓﻪ ﻭﺍﻧﻲ ﻫﻨﺎ ﺑﻠﻬﻮﻝ
ﺳﻠﻴﻞ : ﻻ ﻋﻔﻴﻪ ﺍﻧﻲ ﺍﻧﺎﻡ ﻫﻨﺎ ﻣﺎﺍﺭﻳﺪ ﺍﺧﺮﺏ ﻭﺿﻌﻚ ﻭﻣﻜﺎﻧﻚ
ﺳﺠﺎﺩ : ﺍﺳﻜﺘﻲ ﻭﻟﺘﻨﺎﻗﺸﻴﻦ
ﺳﻠﻴﻞ : ﻋﻤﻮ ﻋﻔﻴﻪ ﻋﻮﻓﻨﻲ ﺑﺮﺍﺣﺘﻲ ﺍﻧﺎﻡ ﻫﻨﺎ
ﺳﺠﺎﺩ : ﺍﺳﻤﻌﻴﻨﻲ ﺳﻠﻴﻞ ﺍﻧﻲ ﻣﺎﺍﻋﺮﻑ ﺷﻜﺪ ﺍﻧﺘﻲ ﺑﺎﻗﻴﻪ ﻫﻨﺎ ﻭﺷﻮﻥ ﺭﺍﺡ ﻳﺼﻴﺮ ﺍﻟﺘﻌﺎﻣﻞ ﺑﻴﻨﺎ ﺑﺲ ﺍﺭﻳﺪ ﻛﻢ ﻧﻘﻄﻪ ﺗﺤﻄﻴﻬﺎ ﺑﺎﻟﺞ
ﺍﻭﻝ ﺷﻰ ﺍﻟﻜﻠﻤﺔ ﺍﻻﻛﻮﻟﻬﺎ ﻣﺘﻨﺎﻗﺸﻴﻨﻲ ﺑﻴﻬﺎ ﻳﻌﻨﻲ ﻧﻮﻡ ﺗﻨﺎﻣﻴﻦ ﺑﻠﻐﺮﻓﻪ ﻭﺍﻧﺘﻬﻰ ﻭﻏﺮﺍﺿﺞ ﺣﻄﻴﻬﻦ ﻫﻨﺎﻙ ﺛﺎﻧﻲ ﺷﻰ ﺷﺎﻳﻔﻪ ﺑﺎﺏ ﺍﻟﺸﻘﻪ
ﺳﻠﻴﻞ : ﺍﻱ ﺷﺒﻴﻪ
ﺳﺠﺎﺩ : ﺭﺍﺡ ﺍﻗﻔﻠﻪ ﻋﻠﻴﺞ ﻣﻦ ﺍﻃﻠﻊ ﻻﻥ ﺍﺧﺎﻑ ﻳﺼﻴﺮ ﺷﻰ
ﺳﻠﻴﻞ : ﺷﻴﺼﻴﺮ ﻳﻌﻨﻲ
ﺳﺠﺎﺩ : ﻣﺎﺍﺭﻳﺪ ﺍﻃﻠﻌﻴﻦ ﺍﻧﺘﻲ ﻭﺣﺪﺝ ﻭﺍﺧﺎﻑ ﻋﻠﻴﺞ ﻻﻥ ﻭﻛﺖ ﻫﻮﺍﻳﻪ ﺍﻃﻠﻊ ﻭﺍﻟﻌﻤﺎﺭﻩ ﺍﻛﺜﺮﻫﺎ ﻋﺰﺍﺑﻴﻪ ﺧﻠﻲ ﺍﺷﻮﻑ ﺍﻟﻮﺿﻊ ﺍﺫﺍ ﻃﻮﻝ ﺍﻏﻴﺮ ﺍﻟﺸﻘﻪ
ﺳﻠﻴﻞ : ﻣﺎﺷﻲ
ﺳﺠﺎﺩ : ﻭﺍﻱ ﺷﻰ ﺗﺮﺩﻱ ﻛﻮﻟﻲ ﻟﺘﺴﺘﺤﻴﻦ ﻭﺍﺧﺬﻱ ﺭﺍﺣﺘﺞ ﺑﻜﻮﻟﺸﻲ ﺍﻟﺸﻘﻪ ﺷﻘﺘﺞ
ﺳﻠﻴﻞ : ﺷﻜﺮﺍً
ﺳﺠﺎﺩ : ﺗﻌﺮﻓﻴﻦ ﻣﺎﺍﺣﺐ ﻫﺎﻱ ﺍﻟﻜﻠﻤﺔ
ﺳﻠﻴﻞ : ﺩﻧﺠﺖ ﻭﻛﺘﻠﻪ ﻫﺴﻪ ﺷﺴﻮﻱ
ﺳﺠﺎﺩ : ﺷﺴﻮﻳﻦ ﺳﻮﻱ ﺍﻧﻲ ﻃﺎﻟﻊ
ﺳﻠﻴﻞ : ﻭﻳﻦ ﺍﺧﺎﻑ ﻭﺣﺪﻱ
ﺳﺠﺎﺩ : ﻻﺯﻡ ﺗﺘﻌﻠﻤﻴﻦ ﺍﻧﻲ ﻭﺭﺍﻳﻪ ﺷﻐﻞ ﻭﺍﻟﺘﺰﺍﻣﺎﺕ ﻻﺯﻡ ﺗﺘﻌﻠﻤﻴﻦ ﻋﻠﻰ ﺍﻟﻤﻜﺎﻥ ﻟﺤﺪ ﻣﺘﻔﺾ ﻫﺎﻱ ﺍﻟﺸﻐﻠﻪ
ﺳﻠﻴﻞ : ﺍﻥ ﺷﺎﺀ ﺍﻟﻠﻪ
ﺳﺠﺎﺩ : ﻳﻤﺞ ﻛﻮﻟﺸﻲ ﺑﻠﺜﻼﺟﻪ ﻭﺍﻧﻲ ﻣﻦ ﺍﺭﺟﻊ ﺍﺟﻴﺐ ﻋﺸﻪ ﻭﻳﺎﻳﻪ
ﺳﻠﻴﻞ : ﺍﺳﻮﻱ ﺍﻧﻲ
ﺳﺠﺎﺩ : ﻻ ﻣﻴﺤﺘﺎﺝ ﺍﺭﺗﺎﺣﻲ
ﺳﻠﻴﻞ : ﻋﺎﻓﻨﻲ ﻭﻃﻠﻊ ﻭﺳﻤﻌﺖ ﻗﻔﻞ ﺍﻟﺒﺎﺏ
ﻓﺘﺤﺖ ﻋﻴﻮﻧﻲ ﻭﺣﺪﻱ ﺑﻠﺸﻘﻪ ﺣﻄﻴﺖ ﺍﻳﺪﻱ ﻋﻠﻰ ﻭﺟﻬﻲ ﻭﺑﺠﻴﺖ ﺍﺗﺬﻛﺮ ﻣﻨﻈﺮ ﺧﻮﺍﺗﻲ ﻭﺩﻣﻮﻉ ﻋﻤﻪ ﻭﻗﻬﺮﻫﺎ
ﺑﻘﻴﺖ ﻫﻮﺍﻳﻪ ﺍﺑﺠﻲ ﻟﺤﺪ ﻣﺤﺴﻴﺖ ﻋﻴﻮﻧﻲ ﻭﺭﻣﻦ ﻛﻤﺖ ﻣﻦ ﻣﻜﺎﻧﻲ ﻏﺴﻠﺖ ﺑﺎﻭﻋﺖ ﻣﺎﻃﻮﻝ ﺳﺠﺎﺩ ﻣﺎﻛﻮ ﻃﻠﻌﺖ ﺍﺧﺬﺕ ﻏﺮﺍﺿﻲ ﻭﺳﺒﺤﺖ ﻭﻛﻌﺪﺕ ﻣﺸﻄﺖ ﺷﻌﺮﻱ ﻭﻇﻔﺮﺗﻪ
ﺯﻳﻦ ﻫﺴﻪ ﺷﺴﻮﻱ ﻭﺍﻟﻠﻪ ﺿﻮﺟﺔ ﻛﻤﺖ ﺍﻓﺘﺮ ﺑﻠﺸﻘﻪ ﻓﺘﺤﺖ ﺑﺎﺏ ﻏﺮﻓﺘﻪ ﺩﺧﻠﺖ ﺍﻓﺘﺮ ﻭﻳﻪ ﻛﻞ ﺧﻄﻮﻩ ﮔﻠﺒﻲ ﻳﺪﻙ ﺩﻛﺎﺕ ﻧﺎﻋﻤﻪ ﻭﻫﺎﺩﺋﻪ ﻣﺪﻳﺖ ﺍﻳﺪﻱ ﻋﻠﻰ ﺍﻟﻤﺸﻂ ﻣﺎﻟﺘﻪ ﺍﺗﻠﻤﺴﻪ ﻭﻋﻠﻰ ﻋﻄﺮﻩ ﺳﺤﺒﺘﻪ ﻭﻗﺮﺑﺘﻪ ﻣﻦ ﺧﺸﻤﻲ ﻭﺟﺮﻳﺖ ﻧﻔﺲ ﻣﻨﻪ ﺍﺣﺲ ﺩﺧﻞ ﺭﻭﺣﻲ ﻏﻤﻀﺖ ﻭﺍﺗﺨﻴﻞ ﺣﻀﻨﻪ ﺍﺍﺍﺍﺍﺍﺍﻩ ﻳﺎﺳﺠﺎﺩ ﻟﻮ ﺗﻌﺮﻑ ﺍﺑﺴﻂ ﺷﻰ ﺑﻴﻚ ﺍﺣﺒﻪ
ﺭﺟﻌﺖ ﺍﻟﻌﻄﺮ ﻭﺑﺪﻳﺖ ﺍﻓﺘﺮ ﺑﻠﻐﺮﻓﻪ ﻓﺘﺤﺖ ﻛﻨﺘﻮﺭﻩ ﺑﺎﻭﻋﺖ ﻭﺍﻟﻠﻪ ﻣﺮﺗﺐ ﺍﺣﺴﻦ ﻣﻦ ﻛﻨﺘﻮﺭﻱ ﺻﺎﻳﺮ ﺑﻠﺪﻓﺮﺍﺕ ﻋﺪﺍ ﻣﺮﺍﺕ ﺍﻟﻜﻪ ﻫﺪﻭﻡ ﺭﻳﻢ ﻭﺭﺷﺎﻋﻨﺪﻱ ﺗﻠﻤﺴﺖ ﻗﻤﺼﺎﻧﻪ ﻭﺗﻴﺸﻴﺮﺗﺎﺕ ﻭﺍﺑﺘﺴﻢ ﻣﻤﺼﺪﻛﻪ ﺍﻟﻤﺴﻬﻢ ﺳﺪﻳﺖ ﺑﺎﺏ ﺍﻟﻜﻨﺘﻮﺭ ﻭﺑﺎﻭﻋﺖ ﻋﻠﻰ ﻓﺮﺍﺷﻪ ﺟﺎﻧﺖ ﺟﺮﺑﺎﻳﻪ ﺧﺸﺒﻴﻪ ﺍﻡ ﻧﻔﺮﻳﻦ ﺑﺲ ﻣﻮ ﺟﺒﻴﺮﻩ ﺗﻘﺮﺑﺖ ﻣﻨﻬﺎ ﻭﺗﻤﺪﺩﺕ ﺣﻄﻴﺖ ﻭﺟﻬﻲ ﻋﻠﻰ ﺍﻟﻤﺨﺪﻩ ﻣﺎﻟﺘﻪ ﻭﻏﻤﻀﺖ ﻭﺷﻤﻴﺘﻬﺎ ﺑﻬﺪﻭﺀ ﺍﺗﺨﻴﻞ ﺷﻠﻮﻥ ﻧﺎﻳﻢ ﻭﺍﻧﻔﺎﺳﻪ ﻭﺭﻳﺤﺘﻪ ﺍﻟﻲ ﺑﻠﻔﺮﺍﺵ ﺍﺧﺬﺗﻨﻲ ﻟﻐﻴﺮ ﻋﺎﻟﻢ ﺣﺴﻴﺖ ﺑﻘﺮﺑﻪ ﻣﻨﻲ ﻭﺗﺨﻴﻠﺖ ﻣﻦ ﺟﺎﻥ ﻳﺸﻴﻠﻨﻲ ﻣﻦ ﻛﺜﺮ ﻣﻤﺮﺗﺎﺣﻪ ﻭﻣﻤﺼﺪﻛﻪ ﻧﺎﻳﻤﻪ ﺑﻔﺮﺍﺷﻪ ﺑﺪﺕ ﺗﻬﺪﺍ ﻧﻔﺴﻲ ﻭﻏﻔﻴﺖ ﻧﻤﺖ ﻧﻮﻣﻪ ﺻﺎﺭ ﺳﻨﻴﻦ ﻣﻨﺎﻳﻤﻪ ﺑﻬﻴﺞ ﺑﻌﻤﻖ ﻧﻤﺖ ﺳﺎﻋﺎﺕ ﻃﻮﻳﻠﻪ
ﻓﺘﺤﺖ ﻋﻴﻨﻲ ﻃﻔﺮﺕ ﺍﺗﺬﻛﺮﺕ ﺍﻧﻲ ﺑﻠﺸﻘﻪ ﻭﺣﺪﻱ ﻭﺍﻟﻐﺮﻓﻪ ﻇﻠﻤﻪ ﻃﻠﻌﺖ ﺍﺭﻛﺾ ﻣﺮﻋﻮﺑﻪ ﺟﺎﻥ ﻳﺼﻴﺮ ﺑﻮﺟﻬﻲ
ﺳﺠﺎﺩ : ﺷﺒﻴﺞ ﺳﻠﻴﻞ
ﺳﻠﻴﻞ : ﺟﺮﻳﺖ ﻧﻔﺲ ﺧﻔﺖ ﻻﻥ ﻇﻠﻤﻪ ﺳﺎﻋﻪ ﺑﻴﺶ ﻫﺴﻪ
ﺳﺠﺎﺩ : ﺑﻠﻮﺣﺪﻩ ﺑﻠﻴﻞ
ﺳﻠﻴﻞ : ﺷﻨﻮ ﺣﻴﻴﻴﻞ ﺷﻜﺪ ﻧﻤﺖ
ﺳﺠﺎﺩ : ﺭﺟﻌﺖ ﻭﻟﻜﻴﺘﺞ ﻧﺎﻳﻤﻪ ﻋﻔﺘﺞ ﺗﺮﺗﺎﺣﻴﻦ ﺣﺘﻰ ﻋﻠﻰ ﺍﻻﻛﻞ ﻣﻜﻌﺪﺗﺞ ﻛﻠﺖ ﺷﻮﻛﺖ ﻣﺘﻜﻌﺪﻳﻦ ﺗﺎﻛﻠﻴﻦ
ﺳﻠﻴﻞ : ﺑﺲ ﻟﻮ ﻣﻜﻌﺪﻧﻲ
ﺳﺠﺎﺩ : ﻻ ﺟﻨﺘﻲ ﻧﺎﻳﻤﻪ ﺑﻌﻤﻖ ﻭﺭﺍﻳﺤﻪ ﺑﺴﺎﺑﻊ ﻧﻮﻣﻪ
ﺳﻠﻴﻞ : ﺑﻜﻠﺒﻲ ﺍﻛﻮﻝ ﻳﻌﻨﻲ ﺩﺧﻞ ﺷﺎﻓﻨﻲ ﻣﻌﻨﺎﻫﺎ
ﺳﺠﺎﺩ : ﺍﻻﻛﻞ ﺑﻠﻔﻮﻥ ﻣﺎﻝ ﺍﻟﻄﺒﺎﺥ ﺍﺫﺍ ﺗﺮﺩﻳﻦ ﺣﻤﻲ ﻭﺍﻛﻠﻲ ﻟﺘﺒﻘﻴﻦ ﺟﻮﻋﺎﻧﻪ
ﺳﻠﻴﻞ : ﻭﺍﻧﺖ
ﺳﺠﺎﺩ : ﺍﻛﻠﺖ ﻭﺭﺍﺡ ﺍﻧﺎﻡ
ﺳﻠﻴﻞ : ﻣﺎﺷﻲ ﻃﺒﻴﺖ ﻟﻠﻤﻄﺒﺦ ﺑﺎﻭﻋﺖ ﻧﻈﻴﻒ ﻭﻣﺮﺗﺐ ﻋﺪﺍ ﻛﻮﺏ ﻣﺎﻝ ﺟﺎﻱ ﻣﺤﻄﻮﻁ ﻋﻠﻰ ﺻﻔﺤﻪ ﻓﺘﺤﺖ ﺍﻟﻔﺮﻥ ﻭﺑﺎﻭﻋﺖ ﻟﻔﻪ ﻫﻤﺒﺮﻛﺮ ﺟﺒﻴﺮﻩ ﻃﻠﻌﺘﻬﺎ ﺩﺍﻓﻴﻪ ﻣﻮ ﻣﺎﻝ ﺍﺣﻤﻴﻬﺎ
ﻛﻌﺪﺕ ﺍﻛﻞ ﺑﻠﻤﻄﺒﺦ ﻣﺎﺍﺭﻳﺪ ﺍﻃﻠﻊ ﻭﺍﺿﻮﺟﻪ ﺍﺧﺎﻑ ﻧﺎﻡ ﻛﻤﻠﺖ ﺍﻛﻞ ﻭﻏﺴﻠﺖ ﺑﻠﺴﻨﻚ
ﻭﻃﻠﻌﺖ ﻋﻠﻰ ﻛﻴﻔﻲ ﻟﻜﻴﺘﻪ ﻧﺎﻳﻢ ﻋﻠﻰ ﺍﻟﻘﻨﻔﻪ ﻭﺣﺎﻁ ﻣﺨﺪﻩ ﺟﻮﻩ ﺭﺍﺳﻪ ﻳﺪﺧﻦ ﻭﺻﺎﻓﻦ ﻋﻠﻰ ﺍﻟﺴﻜﻒ ﻭﻧﺎﻳﻢ ﺑﻠﺒﺠﺎﻣﻪ ﻭﺍﻟﻔﺎﻧﻴﻼ ﺍﻟﺴﻮﺩﺍ
ﺳﻠﻴﻞ : ﺗﺼﺒﺢ ﻋﻠﻰ ﺧﻴﺮ ﻋﻤﻮ
ﺳﺠﺎ ﻭﺍﻧﺘﻲ ﻣﻦ ﺍﻫﻞ ﺍﻟﺨﻴﺮ
ﺍﺧﺬﺕ ﻋﻼﻛﺘﻲ ﺟﺎﻧﺖ ﺑﻠﻜﺎﻉ ﻭﺩﺧﻠﺘﻬﺎ ﻟﻠﻐﺮﻓﻪ ﻭﺍﺧﺬﺕ ﻣﻨﻬﺎ ﻓﺮﺷﻪ ﺍﻻﺳﻨﺎﻥ ﻓﺮﺷﺖ ﻭﺭﺟﻌﺖ ﺩﺧﻠﺖ ﻟﻠﻐﺮﻓﻪ ﻭﺗﻤﺪﺩﺕ ﺑﺠﺮﺑﺎﻳﺘﻪ ﺍﺍﺍﺥ ﻳﺎﻟﻴﻞ ﺍﻧﻲ ﺑﻼ ﺷﻰ ﻣﺎﺍﻧﺎﻣﻚ ﻣﻮ ﻋﺎﺩ ﻫﺴﻪ ﻭﻓﻮﻛﺎﻫﺎ ﺍﻧﻲ ﻭﻳﺎﻩ ﺑﻤﻜﺎﻥ ﻭﺣﺪﻧﺎ ﻓﺪﻭﻩ ﻳﺎﮔﻠﺒﻲ ﺍﺭﺣﻤﻨﻲ ﻟﻴﺶ ﻫﻴﺞ ﺗﻨﺒﺾ ﺑﻘﻮﻩ
ﺑﻘﻴﺖ ﺍﺗﮕﻠﺐ ﺍﺭﻳﺪ ﺍﻧﺎﻡ ﻣﺎﻛﻮ
ﻛﻤﺖ ﻣﻦ ﺍﻟﻔﺮﺍﺵ ﻭﻓﺘﺤﺖ ﺑﺎﺏ ﺍﻟﻐﺮﻓﻪ ﻛﻠﺖ ﺑﻠﻜﺖ ﻛﺎﻋﺪ ﻃﻠﻌﺖ ﺑﺎﻭﻋﺖ ﺳﺎﻋﻪ ٣ ﻭﻧﺺ ﺍﻟﺼﺒﺢ
ﺗﻘﺮﺑﺖ ﺑﻬﺪﻭﺀ ﻟﻜﻴﺘﻪ ﻏﺎﻓﻲ ﻛﻌﺪﺕ ﻋﻠﻰ ﺍﻟﻄﺒﻠﻪ ﺍﻟﻲ ﻛﺒﺎﻝ ﺍﻟﻘﻨﻔﻪ ﺍﻟﻨﺎﻳﻢ ﻋﻠﻴﻬﺎ ﻭﺍﺑﺎﻭﻉ ﻋﻠﻴﻪ ﻭﺍﺣﺠﻲ ﺑﮕﻠﺒﻲ
ﺷﻮﻥ ﺍﺗﻌﺎﻣﻞ ﻭﻳﺎﻙ ﺷﻮﻥ ﺭﺍﺡ ﺍﻛﺪﺭ ﺍﻋﻴﺶ ﻭﻳﺎﻙ ﺑﻴﺖ ﻭﺍﺣﺪ ﺑﺪﻭﻥ ﻣﺎﺍﻏﻠﻂ ﻭﺍﻓﻀﺢ ﻣﺸﺎﻋﺮﻱ ﺍﺫﺍ ﺍﻧﺖ ﺗﺠﻲ ﺳﺎﻋﻪ ﺍﻧﺘﻬﻲ ﻭﺗﺒﻘﻰ ﻋﻴﻮﻧﻲ ﺗﻔﺘﺮ ﻭﺭﺍﻙ ﺷﻠﻮﻥ ﺍﺫﺍ ﻋﺎﻳﺸﻴﻦ ﺳﻮﻩ
ﺗﻘﺮﺑﺖ ﺍﻛﺜﺮ ﻗﺮﺑﺖ ﻭﺟﻬﻲ ﻟﻮﺟﻬﻪ ﺣﺴﻴﺖ ﺍﻧﻔﺎﺳﻪ ﺍﻃﺦ ﺑﻮﺟﻬﻲ ﻏﻤﻀﺖ ﻭﺣﺴﻴﺘﻬﻢ ﺍﺍﺍﺍﻩ ﻳﺎﺍﻧﻔﺎﺳﻚ ﻟﻴﺶ ﻫﻴﺞ ﺍﺣﺒﻚ ﻟﻴﺶ ﺍﺣﺲ ﻛﻮﻟﺸﻲ ﺑﻴﻪ ﻳﺮﺟﻒ ﻋﻠﻴﻚ
ﺛﻮﺍﻧﻲ ﻭﺗﺤﺮﻙ ﻭﺍﻧﻜﻠﺖ ﻋﻠﻰ ﺍﻟﺠﻬﻪ ﺍﻟﺜﺎﻧﻴﻪ ﻭﻛﻔﺖ ﻣﻦ ﺍﻟﺨﻮﻑ ﻭﺭﻛﺾ ﻟﻠﻐﺮﻓﻪ
ﺩﺧﻠﺖ ﻭﺳﺪﻳﺖ ﺍﻟﺒﺎﺏ ﻭﺍﺗﻨﻔﺲ ﺳﺮﻳﻊ ﻣﻦ ﺍﻟﺨﻮﻑ ﺑﻠﻪ ﻟﻮ ﻓﺎﺗﺢ ﻋﻴﻮﻧﻪ ﺷﻜﻮﻝ ﺍﻟﻪ ﻻﺯﻡ ﻣﺎﺍﺳﻮﻳﻬﺎ ﺑﻌﺪ
ﺭﺟﻌﺖ ﻟﻔﺮﺍﺷﻪ ﻭﺣﻀﻨﺖ ﺍﻟﻤﺨﺪﻩ ﻭﻏﻤﻀﺖ ﻭﻟﻬﺴﻪ ﺍﻧﻔﺎﺳﻪ ﺍﻟﺪﺍﻓﻴﻪ ﺍﺣﺴﻬﺎ ﻭﻏﻔﻴﺖ
ﻛﻌﺪﺕ ﻋﻠﻰ ﺻﻮﺕ ﺭﻛﻌﺖ ﺍﻟﺒﺎﺏ ﻭﻗﻔﻠﻬﺎ
ﻛﻤﺖ ﺭﻛﺾ ﻋﺮﻓﺖ ﻃﻠﻊ ﺑﺎﻭﻋﺖ ﺣﺎﻁ ﻋﻠﻰ ﺍﻟﻄﺒﻠﻪ ﺟﺒﻦ ﻋﺮﺏ ﻭﺻﻤﻮﻥ ﺭﻓﻌﺖ ﺭﺍﺳﻲ ﺷﻔﺘﻬﺎ ﺳﺎﻋﻪ ٩ ﺍﻟﺼﺒﺢ ﺣﺘﻰ ﻣﺘﺮﻳﻚ ﻭﻳﺎﻳﻪ
ﺩﺧﻠﺖ ﻟﻠﻤﻄﺒﺦ ﺍﻟﺠﺎﻱ ﺣﺎﺭ ﻣﺒﻴﻦ ﻣﺘﺮﻳﻚ ﻻ ﻭﻓﻮﻛﺎﻫﺎ ﻏﺎﺳﻞ ﺍﻟﻜﻼﺹ ﻣﺎﻟﺘﻪ
ﺭﺣﺖ ﻟﻠﺤﻤﺎﻡ ﻏﺴﻠﺖ ﻭﺭﺟﻌﺖ ﻟﻠﻤﻄﺒﺦ ﺗﺮﻳﻜﺖ ﻭﺭﺗﺒﺖ ﻛﻮﻟﺸﻲ ﻭﺭﺍﻳﻪ ﻣﺎﺍﺭﻳﺪ ﺍﺳﻮﻱ ﻫﻮﺳﻪ
ﺑﺎﻭﻋﺖ ﻋﻠﻰ ﺍﻟﺸﻘﻪ ﻧﻈﻴﻔﻪ ﻣﻤﺤﺘﺎﺟﻪ ﺗﻨﻈﻴﻒ ﺑﺲ ﻣﻴﺨﺎﻟﻒ ﺍﻧﻄﻔﻬﺎ ﻭﻳﻦ ﺍﺭﻭﺡ ﺍﺧﻠﺼﻬﺎ ﺷﻐﻞ ﻭﺟﺎﻥ ﺗﻨﺪﻙ ﺍﻟﺒﺎﺏ ﻭﺍﻧﻲ ﻧﺸﻒ ﺩﻣﻲ ﻣﻦ ﺍﻟﺨﻮﻑ ﺣﺘﻰ ﻣﻜﻠﺖ ﻣﻨﻮ ﻭﺷﻮﻳﻪ ﻭﺍﺳﻤﻊ ﺻﻮﺕ ﻋﻤﻪ ﻧﻬﺮ ﺭﻛﻀﺖ ﻟﻠﺒﺎﺏ ﻣﺎﻣﺎ
ﻧﻬﺮ : ﺣﺒﻴﺒﺘﻲ ﺍﻓﺘﺤﻲ ﺍﻟﺒﺎﺏ ﻫﺎﻱ ﺍﻧﻲ
ﺳﻠﻴﻞ : ﻋﻤﻮ ﻗﺎﻓﻞ ﺍﻟﺒﺎﺏ ﻣﻦ ﺑﺮﻩ
ﻧﻬﺮ : ﺷﻨﻮ ﻟﻴﺶ ﻗﺎﻓﻠﻬﺎ
ﺳﻠﻴﻞ : ﻣﺎﺍﻋﺮﻑ
ﻧﻬﺮ : ﺷﻮﻳﻪ ﻭﺍﺟﻲ
ﺭﺣﺖ ﻣﻔﻮﺭﻩ ﻋﻠﻰ ﺳﺠﺎﺩ ﻟﻠﻤﺤﻞ ﺷﻨﻮ ﻳﻘﻔﻞ ﺍﻟﺒﺎﺏ ﻋﻠﻴﻬﺎ
ﻭﺻﻠﺖ ﻗﺮﻳﺐ ﺍﻟﻤﺤﻞ ﻻﻥ ﻫﻮﺳﻪ ﻭﺭﻳﺎﺟﻴﻞ ﺍﺷﺮﺕ ﻟﻌﻤﺮﺍﻥ ﺷﺎﻓﻨﻲ ﻭﺻﺎﺡ ﻟﺴﺠﺎﺩ ﺍﺟﻪ
ﺳﺠﺎﺩ : ﻫﺎﺍ ﻧﻬﺮ ﺧﻴﺮ ﺻﺎﺭ ﺷﻰ
ﻧﻬﺮ : ﺑﻠﻪ ﺷﻜﻠﺖ ﻟﺮﻭﺣﻚ ﻣﻦ ﻗﻔﻠﺖ ﺍﻟﺒﺎﺏ ﻋﻠﻴﻬﺎ
ﺳﺠﺎﺩ : ﻟﻴﺶ ﺭﺣﺘﻲ ﻟﻠﺸﻘﻪ
ﻧﻬﺮ : ﻏﻴﺮ ﺍﺷﻮﻓﻬﺎ ﻣﻜﺘﻠﻲ ﻟﻴﺶ ﻗﺎﻓﻞ ﺍﻟﺒﺎﺏ ﻋﻠﻴﻬﺎ ﺑﻠﻪ ﺻﺎﺭ ﻗﺪﺭ ﻭﺍﻧﺖ ﻣﺎﻛﻮ ﺷﻠﻮﻥ ﺑﻠﻪ ﺗﻤﻮﺕ ﻭﺍﻧﺖ ﻣﺘﺪﺭﻱ
ﺳﺠﺎﺩ : ﻗﺎﺑﻞ ﺷﺼﺎﺭ ﻻﻥ ﺍﻟﻌﻤﺎﺭﻩ ﺍﻛﺜﺮﻫﺎ ﻋﺰﺍﺑﻴﻪ ﻭﺷﺒﺎﺏ ﺻﺎﻋﺪﻩ ﻧﺎﺯﻟﻪ ﻗﻔﻠﺖ ﺍﻟﺒﺎﺏ
ﻧﻬﺮ : ﺗﻜﺪﺭ ﺗﻄﻠﺐ ﻣﻨﻬﺎ ﻫﻲ ﺗﻘﻔﻠﻪ ﻣﻦ ﺟﻮﻩ ﻭﻣﺘﻔﺘﺤﻪ ﻷﺣﺪ ﻣﻮ ﺗﻘﻔﻠﻪ ﺍﻧﺖ
ﺳﺠﺎﺩ : ﻣﺎﻛﻮ ﻓﺮﻕ
ﻧﻬﺮ : ﻻ ﺍﻛﻮ ﺳﺠﺎﺩ ﻟﺘﻨﺴﻰ ﻫﺎﻱ ﺳﻠﻴﻞ ﺍﻧﺖ ﺭﺑﻴﺘﻬﺎ ﻋﻠﻰ ﺍﻳﺪﻙ ﻳﻌﻨﻲ ﻣﺴﺘﺤﻴﻞ ﺗﺴﻮﻩ ﺷﻰ ﻣﻮﺯﻳﻦ ﻭﻻ ﺗﻜﺴﺮﻟﻚ ﻛﻠﻤﺔ
ﺳﺠﺎﺩ : ﻫﺎﻱ ﺍﻟﻬﻮﺳﻪ ﻛﻠﻬﺎ ﻻﻥ ﻗﻔﻠﺖ ﻋﻠﻴﻬﺎ ﺍﻟﺒﺎﺏ
ﻧﻬﺮ : ﻻ ﺑﺲ ﺍﺫﻛﺮﻙ ﺍﺫﺍ ﻧﺴﻴﺖ
ﺳﺠﺎﺩ : ﻫﺎﺝ ﻣﻔﺘﺎﺡ ﺍﻟﺸﻘﻪ ﻭﺷﻮﻳﻪ ﻭﺍﺟﻲ ﻭﺭﺍﺝ
ﻧﻬﺮ : ﺟﻴﺐ ﺍﺧﺬﺗﻪ ﻭﺻﻌﺪﺕ ﻭﻓﺘﺤﺖ ﺍﻟﺒﺎﺏ ﺟﻨﺖ ﻣﺸﺘﺎﻗﻪ ﺍﻟﻬﺎ ﺍﺭﻳﺪ ﺍﺧﺬﻫﺎ ﺍﻟﻌﻤﺮ ﻛﻠﻪ ﺑﺤﻀﻨﻲ
ﺳﻠﻴﻞ : ﻓﺘﺤﺖ ﺍﻟﺒﺎﺏ ﻭﺷﻔﺖ ﻋﻤﻪ ﺑﻮﺟﻬﻲ ﺭﻛﻀﺖ ﺑﺤﻀﻨﻬﺎ ﻭﺍﺑﻮﺱ ﺑﻴﻬﺎ ﺣﻴﻞ ﺍﺷﺘﺎﻗﻴﺖ ﺍﻟﻬﺎ ﻣﻮ ﻋﺒﺎﻟﻚ ﺍﻟﺒﺎﺭﺣﻪ ﻋﻔﺘﻬﺎ ﻋﺒﺎﻟﻚ ﻋﻤﺮ
ﻧﻬﺮ : ﺷﻮﻧﺞ ﻣﺎﻣﺎﺗﻲ
ﺳﻠﻴﻞ : ﺍﻟْﺤٍﻤَﺪٍ ﻟﻠـّﮧ ﺗﻌﺎﻟﻲ ﺍﻛﻌﺪﻱ
ﻧﻬﺮ : ﺍﺣﺠﻴﻠﻲ ﺷﻮﻧﻪ ﻭﺿﻌﺞ
ﺳﻠﻴﻞ : ﻣﺎﻛﻮ ﺷﻰ ﻭﺍﻧﺘﻢ ﻭﺍﻟﺒﻨﺎﺕ ﻟﻴﺶ ﻣﺠﺒﺘﻴﻬﻢ ﻭﻳﺎﺝ
ﻧﻬﺮ : ﺧﻠﻲ ﻫﻠﻜﻢ ﻳﻮﻡ ﺍﺧﺎﻑ ﺍﻣﺞ ﺗﺴﻮﻱ ﻣﻠﻌﻮﺑﻪ
ﺳﻠﻴﻞ : ﺍﺑﺎﻭﻉ ﻋﻤﻪ ﻣﻤﺮﺗﺎﺣﻪ ﻛﺘﻠﻬﺎ ﺑﻴﺞ ﺷﻰ ﻣﺎﻣﺎ
ﻧﻬﺮ : ﻭﺍﻟﻠﻪ ﻳﺎﻳﻤﻪ ﺍﻛﻮ ﺳﺆﺍﻝ ﻭﻣﺎﻛﻞ ﮔﻠﺒﻲ ﻭﺍﻟﻠﻴﻞ ﻣﻨﺎﻳﻤﺘﻪ
ﺳﻠﻴﻞ : ﺷﻨﻮ
ﻧﻬﺮ : ﺳﺠﺎﺩ
ﺳﻠﻴﻞ : ﺷﺒﻴﻪ
ﻧﻬﺮ : ﺗﻘﺮﺏ ﻣﻨﺞ ﺍﻭ ﺻﺎﺭ ﺷﻰ
ﺳﻠﻴﻞ : ﻻ ﻣﺎﻣﺎ ﺷﻮﻥ ﺗﻔﻜﺮﻳﻦ ﻫﻴﺞ
ﻧﻬﺮ : ﻭﻟﺞ ﺷﻠﻮﻥ ﻣﺎﺍﻓﻜﺮ ﻭﺍﻧﻲ ﺍﻟﻠﻴﻞ ﻣﺎﻏﻤﻀﺖ ﻋﻴﻮﻧﻲ ﺧﻔﺖ ﺗﺼﻴﺮﻳﻦ ﻣﺮﺗﻪ ﺻﺪﻙ
ﺳﻠﻴﻞ : ﺩﻧﺠﺖ ﻭﻛﺘﻠﻬﺎ ﻟﺘﺨﺎﻓﻴﻦ ﻣﺎﻛﻮ ﺷﻰ ﻭﺍﻧﻲ ﻧﻤﺖ ﺑﻠﻐﺮﻓﻪ ﻭﻫﻮ ﺑﻠﻬﻮﻝ ﻭﻳﻌﺎﻣﻠﻨﻲ ﻭﻻ ﻛﺄﻧﻲ ﻣﻮﺟﻮﺩﻩ ﻭﺍﻟﻮﺿﻊ ﻛﻮﻟﺶ ﻃﺒﻴﻌﻲ ﻭﺍﻗﻞ ﻣﻦ ﺍﻟﻄﺒﻴﻌﻲ
ﻧﻬﺮ : ﺑﻨﺘﻲ ﺣﺎﻓﻈﻲ ﻋﻠﻰ ﻧﻔﺴﺞ
ﺳﻠﻴﻞ : ﺷﺒﻴﺞ ﻣﺎﻣﺎ ﻓﺪﻭﻩ ﻟﻴﺶ ﻫﻴﺞ ﺗﺤﺠﻴﻦ ﻭﻳﺎﻳﻪ
ﻧﻬﺮ : ﻭﺍﻟﻠﻪ ﻣﻦ ﺧﻮﻓﻲ ﻋﻠﻴﺞ ﻛﺘﻠﺞ ﮔﺒﻞ ﻭﺍﻋﻴﺪﻫﺎ ﻋﻠﻴﺞ ﺳﺠﺎﺩ ﺫﻫﺐ ﻭﻣﺎﻛﻮ ﻣﻨﻪ ﺑﺲ ﻣﻴﺼﻠﺢ ﺯﻭﺝ ﺍﻟﺞ ﺍﺏ ﺍﺥ ﻋﻢ ﺍﻱ ﻏﻴﺮﻫﺎ ﻻ ﺣﺎﻓﻈﻲ ﻋﻠﻰ ﻧﻔﺴﺞ ﻟﻠﻲ ﻳﺴﺘﺎﻫﻠﺞ ﻭﻳﺨﻠﻴﺞ ﺳﻌﻴﺪﻩ ﻣﻮ ﺍﻟﻲ ﻳﺘﻌﺒﺞ
ﺳﻠﻴﻞ : ﻟﻴﺶ ﻫﻴﺞ ﺗﺤﺠﻴﻦ ﻭﺍﻟﻠﻪ ﺍﻣﻮﺕ ﻗﻬﺮ
ﻧﻬﺮ : ﻳﺠﻲ ﻳﻮﻡ ﻭﺗﻜﻮﻟﻴﻦ ﺻﺪﻙ ﻛﺎﻟﺖ ﻋﻤﺘﻲ ﺑﺲ ﺍﺳﻤﻌﻲ ﻛﻼﻣﻲ ﻟﺘﻠﺒﺴﻴﻦ ﺑﺮﺍﺣﺘﺞ ﻛﻌﺪﺗﺞ ﻧﻮﻣﺘﺞ ﺑﺄﺣﺴﺎﺏ ﻟﺘﻨﺴﻴﻦ ﺍﻛﻮ ﺷﺎﺏ ﻭﻳﺎﺝ ﺑﻠﺸﻘﻪ ﻭﺧﺎﺻﻪ ﺍﻧﺘﻲ ﻣﺮﺗﻪ ﻭﺣﻼﻟﻪ ﻳﻌﻨﻲ ﻳﻜﺪﺭ ﻳﺘﻘﺮﺏ ﻭﻛﺖ ﻣﻴﺮﻳﺪ ﻟﺘﺼﻴﺮﻳﻦ ﻣﺠﺮﺩ ﻟﺤﻈﻪ ﺑﺤﻴﺎﺗﻪ ﻳﺤﺼﻠﻬﺎ ﻭﻳﺸﻤﺮﻫﺎ ﻭﻟﻮ ﺍﻋﺮﻑ ﺳﺠﺎﺩ ﻣﻴﺴﻮﻳﻬﺎ ﻭﻣﺎﻛﻮ ﻣﺜﻞ ﻧﻈﺎﻓﺘﻪ ﺑﺲ ﻫﻢ ﻣﻴﻤﻨﻊ ﺍﻟﺤﺬﺭ
ﺳﻠﻴﻞ : ﻛﺎﻓﻲ ﻣﺎﻣﺎ ﻣﺎﻟﻪ ﺩﺍﻋﻲ ﻛﻼﻣﺞ ﻋﻤﻮ ﻣﻮ ﻣﺎﻝ ﻫﻴﺞ ﺳﻮﺍﻟﻒ
ﻧﻬﺮ : ﺍﻟﻤﺼﻴﺒﻪ ﺧﺎﻳﻔﻪ ﻣﻨﺞ ﻣﻮ ﻣﻨﻪ
ﺳﻠﻴﻞ : ﻫﺎﺍﺍﺍ ﺷﻮﻥ ﻳﻌﻨﻲ
ﻧﻬﺮ : ﺍﺧﺎﻑ ﺗﻀﻌﻔﻴﻦ ﻭﺗﺤﺎﻭﻟﻴﻦ ﺗﺘﻘﺮﺑﻴﻦ ﻣﻨﻪ
ﺳﻠﻴﻞ : ﻣﻮ ﻟﻬﺎﻱ ﺍﻟﺪﺭﺟﻪ ﻣﺎﻣﺎ ﻋﻔﻴﻪ ﺑﺪﻳﺖ ﺍﺿﻮﺝ
ﻧﻬﺮ : ﺍﻟﻠﻪ ﻳﺴﺘﺮ ﻫﺎﺝ
ﺳﻠﻴﻞ : ﺷﻨﻮ ﻫﺎﻱ
ﻧﻬﺮ : ﺳﻮﻳﺘﻠﻜﻢ ﻓﺎﺻﻮﻟﻴﺎ ﺑﺲ ﻃﺒﻜﻲ ﺍﻟﺘﻤﻦ ﺍﺩﺭﻱ ﺑﻴﺞ ﺗﻌﺮﻓﻴﻦ ﺗﺴﻮﻳﻦ ﻏﺪﺍ ﺍﻟﻜﻢ
ﺳﻠﻴﻞ : ﻟﻴﺶ ﻳﺎﻣﺎﻣﺎ ﻣﺘﻌﺒﻪ ﻧﻔﺴﺞ ﻣﻦ ﺍﻟﺼﺒﺢ ﻭﻛﺎﻋﺪﻩ ﻭﺗﻌﺒﺎﻧﻪ
ﻧﻬﺮ : ﻫﻮ ﺍﻧﻲ ﻧﻤﺖ ﺍﺻﻼً ﺣﺘﻰ ﺍﻛﻌﺪ ﻛﻠﺖ ﺍﻟﻬﻲ ﺭﻭﺣﻲ ﻭﺍﻃﺒﺦ ﺍﻟﻐﺪﺍ ﺍﺣﺴﻦ ﻣﺎﺍﺗﺨﺒﻞ ﻣﻦ ﺍﻟﺘﻔﻜﻴﺮ
ﻭﻳﻮﻣﻴﻪ ﺑﻌﺪ ﺍﺟﻴﺒﻠﺞ ﺍﻟﻐﺪﺍ
ﺳﻠﻴﻞ : ﻟﻴﺶ ﺍﻧﻲ ﺍﻃﺒﺦ
ﻧﻬﺮ : ﺍﻋﺮﻑ ﺑﻴﺞ ﺗﻌﺮﻓﻴﻦ ﺑﺲ ﻣﻮ ﻫﻮﺍﻳﻪ ﺍﻧﻲ ﻫﻢ ﺍﻋﻠﻤﺞ ﻭﺍﻗﻮﻳﺞ ﺑﻠﻄﺒﺦ
ﺳﻠﻴﻞ : ﻟﺸﻮﻛﺖ ﺍﺑﻘﻰ ﻫﻨﺎ
ﻧﻬﺮ : ﻭﺍﻟﻠﻪ ﻣﺎﺍﺩﺭﻱ ﺍﻣﺞ ﻗﺒﻞ ﻣﺘﻄﻠﻊ ﻛﺎﻟﺖ ﺑﺲ ﺗﻮﺻﻞ ﻫﻨﺎ ﺭﺍﺡ ﺍﻋﺮﻑ ﻭﺍﻧﻔﺬ ﻛﻼﻣﻲ ﺧﻠﻲ ﻫﺎﻱ ﺍﻟﻤﺪﻩ ﺗﻬﺪﺍ ﺍﻟﺨﺒﻠﻪ ﻛﻮﻥ ﻣﺼﻴﺒﻪ ﺗﺎﺧﺬﻫﺎ ﻭﺗﺨﻠﺼﻨﻪ ﺍﺍﺍﺥ ﺷﻜﺪ ﺭﺟﻔﺘﻨﺎ ﻭﺃﺫﺗﻨﺎ
ﺍﻟﻠﻪ ﻻﻳﻨﻄﻴﻬﺎ
ﺳﻠﻴﻞ : ﻋﻔﻴﻪ ﻣﺎﻣﺎ ﺩﻳﺮﻱ ﺑﺎﻟﺞ ﻋﻠﻰ ﺭﺷﺎ ﺍﺧﺎﻑ ﺗﺴﻮﻱ ﺷﻰ ﻭﺗﺎﺧﺬﻫﺎ ﻣﻜﺎﻧﻲ
ﻧﻬﺮ : ﺷﺤﺪﻫﺎ ﻭﺍﻟﻠﻪ ﺍﻃﻴﺢ ﺣﻈﻬﺎ
ﺳﻠﻴﻞ : ﺍﻟﻤﻬﻢ ﻫﺴﻪ ﻧﺒﻌﺪ ﻣﺎﻣﺎ ﻋﻨﻬﺎ
ﻧﻬﺮ : ﺍﻟﻠﻪ ﻛﺮﻳﻢ ﺍﺭﻭﺡ ﻟﻠﺒﻴﺖ ﺧﻮﺍﺗﺞ ﻋﻔﺘﻬﻦ ﻧﺎﻳﻤﺎﺕ
ﺳﻠﻴﻞ : ﺑﻮﺳﻴﻠﻴﺎﻫﻦ
ﻧﻬﺮ : ﻳﻮﺻﻞ ﻫﺎﺝ ﻣﺎﻣﺎ ﺍﻟﻤﻔﺘﺎﺡ ﻭﺗﻌﺎﻟﻲ ﺍﻗﻔﻠﻲ ﻭﺭﺍﻳﻪ
ﺳﻠﻴﻞ : ﺍﻗﻔﻠﻲ ﻭﺭﺟﻌﻲ ﺍﻟﻤﻔﺘﺎﺡ ﻟﻌﻤﻮ
ﻧﻬﺮ : ﺳﻤﻌﻲ ﺍﻳﺎﺝ ﺗﻘﺒﻠﻴﻦ ﻳﻘﻔﻞ ﻋﻠﻴﺞ ﺍﻟﺒﺎﺏ ﻭﻳﺮﻭﺡ ﺷﻨﻮ ﺣﻴﻮﺍﻧﻪ ﻭﻳﺤﺒﺴﻬﺎ ﻟﻮ ﻣﻴﺄﻣﻦ ﺑﻴﺞ
ﺳﻠﻴﻞ : ﺷﻜﻮ ﺑﻴﻬﺎ ﻣﺎﻣﺎ ﻏﻴﺮ ﻳﺨﺎﻑ ﻋﻠﻴﻪ
ﻧﻬﺮ : ﻳﺨﺎﻑ ﻭﺣﺪ ﻭﻫﻴﺞ ﺗﺼﺮﻑ ﻭﺣﺪ ﺻﺎﺭ ﻋﻠﻴﺞ ﺷﻰ ﺷﻮﻥ ﺍﻃﻠﻌﻴﻦ
ﺳﻠﻴﻞ : ﻗﺼﺪﺝ ﺍﺣﺘﺮﻙ ﺷﻨﻮ ﺍﻟﻐﺮﻳﺐ ﮔﺒﻞ ﻣﻮ ﺍﺣﺘﺮﻛﺖ
ﻧﻬﺮ : ﻳﺎﺳﺘﺎﺭ ﻭﻟﺞ ﻣﺎﻣﺎ ﺍﺳﻤﻌﻲ ﻛﻼﻣﻲ ﻭﻟﺘﻔﺴﺮﻳﻦ ﺍﻟﻜﻼﻡ ﻏﻴﺮ
ﺳﻠﻴﻞ : ﺷﺴﻮﻱ ﻻﺯﻡ ﺍﺳﻤﻊ ﻛﻼﻣﻪ ﻣﺎﺍﺭﻳﺪ ﻣﺸﺎﻛﻞ
ﻧﻬﺮ : ﻣﻴﺨﺎﻟﻒ ﻫﻢ ﻛﻮﻟﻴﻠﻪ ﻟﺘﻘﻔﻞ ﺍﻟﺒﺎﺏ
ﺍﻧﺪﻛﺖ ﺍﻟﺒﺎﺏ ﻭﻛﻠﺖ ﻣﻨﻮ
ﺳﺠﺎﺩ : ﺍﻧﻲ ﺍﻓﺘﺤﻲ
ﻓﺘﺤﺖ ﺍﻟﺒﺎﺏ ﻭﺩﺧﻞ
ﻫﺎﺍ ﺧﺎﺗﻮﻧﻪ ﺷﺒﻴﺞ ﺟﺎﻳﻪ ﻣﻦ ﺍﻟﺼﻠﺢ ﻫﺪﺍﺩﻩ
ﻧﻬﺮ : ﻭﺍﻟﻠﻪ ﻣﻮ ﻫﺪﺍﺩﻩ ﺑﺲ ﺍﺧﺎﻑ ﻣﻦ ﺍﻻﻗﺪﺍﺭ
ﺳﺠﺎﺩ : ﻣﺎﺷﻲ ﺍﺑﻘﻲ ﺍﻟﻤﻔﺘﺎﺡ ﺑﺲ ﺍﺑﺪ ﻣﺘﻔﺘﺢ ﺍﻟﺒﺎﺏ ﻏﻴﺮ ﺍﻟﻲ ﻭﺍﻟﺞ ﺳﻤﻌﺘﻴﻨﻲ
ﺳﻠﻴﻞ : ﺍﻱ
ﻧﻬﺮ : ﺍﺭﻭﺡ ﺍﻧﻲ
ﺳﺠﺎﺩ : ﺭﻳﺤﻪ ﻓﺎﺻﻮﻟﻴﺎ
ﻧﻬﺮ : ﻭﺍﻟﻠﻪ ﺧﺸﻢ ﺷﻮﻥ ﺍﺷﺘﻤﻴﺖ
ﺳﺠﺎﺩ : ﻏﻴﺮ ﺍﻟﺸﻘﻪ ﻛﻠﻬﺎ ﺭﻳﺤﻪ
ﺳﻠﻴﻞ : ﺍﺻﺒﻠﻚ
ﺳﺠﺎﺩ : ﻻ ﻣﺠﻮﻋﺎﻥ ﻗﺒﻞ ﺷﻮﻳﻪ ﺗﺮﻳﻜﺖ
ﻧﻬﺮ : ﺍﺭﻭﺡ ﻣﺜﻞ ﻣﺎ ﻭﺻﻴﺘﺞ ﻣﺎﻣﺎ
ﺳﺠﺎﺩ : ﺷﻮﺻﻴﺘﻲ ﻳﺎﺳﺘﺎﺭ ﻣﻨﺞ ﺍﻳﺎﺝ ﺗﺴﻤﻌﻴﻦ ﻛﻼﻣﻬﺎ
ﺳﻠﻴﻞ : ﺍﺑﺘﺴﻤﺖ ﻭﻛﺘﻠﻪ ﻻ ﻣﺎﺍﺳﻤﻊ
ﻧﻬﺮ : ﻫﺎﺍ ﻭﻟﺞ
ﺳﻠﻴﻞ : ﻫﻬﻬﻬﻪ ﺍﺷﺎﻗﻪ ﻭﺑﺴﺘﻬﺎ ﻭﻋﺎﻓﺘﻨﻲ ﻭﺭﺍﺣﺖ ﺗﻤﻨﻴﺖ ﺍﺷﻮﻑ ﺧﻮﺍﺗﻲ ﻣﻴﺘﻪ ﻋﻠﻴﻬﻦ ﺑﺲ ﻫﻤﻪ ﻛﺎﻟﻮ ﻣﻮ ﻫﺴﻪ
ﻭﺭﺍﻫﺎ ﺑﻴﻮﻡ ﻛﻌﺪﺕ ﻟﻜﻴﺘﻪ ﻋﺎﻳﻒ ﻧﺴﺨﻪ ﻣﻦ ﺍﻟﻤﻔﺘﺎﺡ ﻭﻗﺎﻓﻠﻬﺎ ﻣﻦ ﺑﺮﻩ ﻋﻠﻜﺘﻪ ﺑﺴﻤﺎﺭ ﻭﻋﻔﺘﻪ
ﻣﺮ ﺷﻬﺮ ﻭﺍﻧﻲ ﻳﻢ ﺳﺠﺎﺩ ﺣﻴﺎﺗﻨﺎ ﺍﺑﺮﺩ ﻣﻦ ﺍﻟﺜﻠﺞ ﻳﻤﻜﻦ ﻗﺒﻞ ﻳﺴﻮﻟﻒ ﻭﻳﺎﻳﻪ ﻳﻜﻌﺪ ﻳﺘﻌﺎﺭﻙ ﺍﻱ ﺷﻰ ﻳﺼﺪﺭ ﻣﻨﻪ ﻫﺴﻪ ﺍﺑﺪ ﻳﺠﻲ ﻭﻛﺖ ﺍﻻﻛﻞ ﻳﺎﻛﻞ ﻭﻳﺮﻭﺡ ﻭﻣﺮﺍﺕ ﻳﺎﻛﻞ ﺑﻠﻤﺤﻞ ﻭﻳﺮﺟﻊ ﺑﻠﻴﻞ ﻳﺴﺒﺢ ﻭﻳﻨﺎﻡ ﻳﻤﻜﻦ ﺍﺫﺍ ﻳﺮﻳﺪ ﻳﺤﺠﻲ ﻭﻳﺎﻳﻪ ﻳﺴﺄﻟﻨﻲ ﺗﺮﺩﻳﻦ ﺷﻰ ﺣﺘﻰ ﻣﻦ ﻧﺎﻛﻞ ﺳﻮﻩ ﺑﺪﻭﻥ ﺣﺠﻲ ﻭﺍﻟﻠﻪ ﻟﺤﻈﺎﺕ ﺍﺣﺲ ﺣﺘﻰ ﺍﻟﻨﻔﺲ ﻣﻤﻨﻮﻉ
ﺑﻴﻮﻡ ﺑﺪﻳﺖ ﺍﺧﺘﻨﻚ ﻻﻥ ﻻ ﻃﺒﻪ ﻭﻻ ﻃﻠﻌﻪ ﻭﻋﻤﻪ ﺗﺠﻲ ﺩﻗﺎﻳﻖ ﻭﺗﺮﻭﺡ ﻭﺍﺷﺘﺎﻗﻴﺖ ﻟﺨﻮﺍﺗﻲ ﻭﻛﻞ ﻣﺎﺍﻛﻮﻝ ﺍﻟﻪ ﺍﺭﻳﺪ ﺍﺭﻭﺡ ﺍﺷﻮﻓﻬﻦ ﻳﻜﻮﻝ ﻣﻮ ﻫﺴﻪ ﻭﻣﺎﻛﻮ ﺣﺘﻰ ﺷﻐﻞ ﺍﺷﺘﻐﻠﻪ ﺣﺘﻰ ﻣﻼﺑﺴﻪ ﻫﻮ ﻳﻐﺴﻠﻬﻢ ﻣﻴﻘﺒﻞ ﺍﺳﻮﻱ ﺷﻰ ﻭﻃﻔﺖ ﺍﻟﻜﻬﺮﺑﺎﺀ ﻭﻫﻲ ﺷﻘﻪ ﻭﺻﻐﻴﺮﻩ ﻭﺑﺸﻬﺮ ﺍﻟﺜﺎﻣﻦ ﻧﻬﺎﻳﺘﻪ ﺁﺏ ﻭﻣﻮﺕ ﺣﺮ
ﺣﻄﻴﺖ ﺍﻟﺮﺑﻄﻪ ﻋﻠﻰ ﺭﺍﺳﻲ ﻭﻻﺑﺴﻪ ﺩﺷﺪﺍﺷﻪ ﻣﺴﺘﻮﺭﻩ ﻭﻓﺘﺤﺖ ﺍﻟﺒﺎﻟﻜﻮﻥ ﻭﺍﻛﻮ ﻛﺮﺳﻲ ﺣﺪﻳﺪ ﺟﺮﻳﺘﻪ ﻭﻛﻌﺪﺕ ﻣﻐﺮﺏ ﻭﺍﻛﻮ ﻧﺴﻤﻪ ﻫﻮﺍ ﺻﺢ ﺣﺎﺭﻩ ﺑﺲ ﺍﺣﺴﻦ ﻣﻦ ﺟﻮ ﺍﻟﺸﻘﻪ ﺻﻔﻨﺖ ﻋﻠﻰ ﺍﻟﺸﺎﺭﻉ ﻭﺍﻟﺴﻴﺎﺭﺍﺕ ﻻﻥ ﺷﺎﺭﻉ ﻋﺎﻡ ﺍﺑﺎﻭﻉ ﻋﻠﻰ ﺍﻟﻨﺎﺱ ﺭﺍﻳﺤﻪ ﺟﺎﻳﻪ ﻭﺍﻟﻨﺎﺱ ﻭﺍﻟﻌﻮﺍﺋﻞ ﻭﺍﻟﻲ ﻳﺘﻤﺸﻰ ﻭﺍﻟﻲ ﻳﺘﺴﻮﻙ ﻫﻮﺳﻪ ﻭﺍﻟﻤﻨﻈﺮ ﺣﻠﻮ ﺑﻘﻴﺖ ﺑﺤﺪﻭﺩ ﺳﺎﻋﻪ ﺻﺎﻓﻨﻪ ﺣﺎﻃﻪ ﺍﻳﺪﻱ ﻋﻠﻰ ﺍﻟﺴﺘﺎﺭﻩ ﻣﺎﻝ ﺍﻟﺒﺎﻟﻜﻮﻥ ﻭﺻﺎﻓﻨﻪ
ﺷﻮﻳﻪ ﺍﻧﺘﺒﻬﺖ ﻣﻮ ﺍﻟﺒﺎﻟﻜﻮﻥ ﺍﻟﻲ ﺑﺼﻔﻲ ﺍﻟﺜﺎﻧﻴﻪ ﺑﻴﻬﺎ ﻭﻟﺪ ﺷﺎﺏ ﻳﺮﻭﺡ ﻭﻳﺠﻲ ﺍﻧﻲ ﺷﻔﺘﻪ ﻃﺒﻴﺖ ﺍﺭﻛﺾ
ﻳﻌﻨﻲ ﻏﻴﺮ ﻏﺜﻴﺚ ﻣﻴﺸﻮﻓﻨﻲ ﻛﺎﻋﺪﻩ ﺍﻻﻳﺒﻘﻰ
ﻃﺒﻴﺖ ﻭﺳﺪﻳﺖ ﺍﻟﺒﺎﺏ ﻭﺍﻟﺒﺮﺩﻩ ﻭﻧﺰﻋﺖ ﺍﻟﺮﺑﻄﻪ ﻭﻃﺒﻴﺖ ﺳﺒﺤﺖ ﻣﺎﻛﻮ ﻏﻴﺮﻫﺎ ﺣﺘﻰ ﻳﺮﻭﺡ ﺍﻟﺤﺮ
ﺑﻴﻦ ﻣﺴﺒﺤﺖ ﻭﻣﺸﻄﺖ ﺷﻌﺮﻱ ﺍﺟﺖ ﺍﻟﻮﻃﻨﻴﻪ ﻛﻴﻔﺖ ﻛﻮﻟﺶ ﻭﺧﺎﺻﻪ ﺟﺎﻥ ﺍﻛﻮ ﺍﻭﺭﻛﻨﺪﻳﺸﻦ ( ﺗﺒﺮﻳﺪ ) ﺑﻠﺸﻘﻪ ﻭﻫﻲ ﺻﻐﻴﺮﻩ ﻣﻦ ﻳﺸﺘﻐﻞ ﺗﺒﺮﺩ
ﻓﺘﺤﺖ ﺍﻟﺜﻼﺟﻪ ﺍﻛﻮ ﻟﺤﻢ ﻣﺜﺮﻭﻡ ﻛﻠﺖ ﺍﺳﻮﻱ ﻋﺸﻪ ﻣﺨﻠﻤﻪ ﺳﻠﻜﺖ ﺍﻟﻠﺤﻢ ﻭﺣﻤﺴﺘﻪ ﻭﻛﻤﻠﺘﻬﺎ ﻣﻦ ﺑﺼﻞ ﻭﻃﻤﺎﻃﻪ ﺑﺲ ﺍﻃﻚ ﺑﻴﻀﻪ ﻭﺗﻜﻤﻞ ﻃﻔﻴﺘﻬﺎ ﺑﻴﻦ ﻣﻴﺠﻲ ﺍﻛﻤﻠﻬﺎ ﺣﺘﻰ ﻧﺎﻛﻠﻬﺎ ﺣﺎﺭﻩ
ﻛﻌﺪﺕ ﺍﺗﻔﺮﺝ ﻋﻠﻰ ﺗﻴﻔﻲ ﺍﻟﺸﺒﺎﺏ ﻣﺴﻠﺴﻞ ﻣﺼﺮﻱ ﻭﺻﺎﻓﻨﻪ ﻋﻠﻴﻪ ﺑﺎﻭﻋﺖ ﺳﺎﻋﻪ ٩ ﺍﻧﻔﺘﺢ ﺍﻟﺒﺎﺏ ﻭﻃﺐ ﺍﺑﺘﺴﻤﺖ ﻻﻥ ﺍﺟﻪ ﺑﺲ ﺍﺑﺎﻭﻉ ﻭﺍﺷﻮﻓﻪ ﻋﻴﻮﻧﻪ ﺑﺮﺍﺳﻪ ﺭﻛﻊ ﺍﻟﺒﺎﺏ ﺍﻧﻲ ﻛﻠﺖ ﺻﺎﺭﺕ ﻣﺼﻴﺒﻪ ﻛﻤﺖ ﻣﻦ ﻣﻜﺎﻧﻲ
ﻭﺑﺪﻭﻥ ﺍﻱ ﻛﻼﻡ ﻟﺰﻡ ﺍﻳﺪﻱ ﺣﻴﻞ ﻭﻋﺘﻬﺎ ﻭﻳﻌﻴﻂ ﻭﺻﺎﻳﺮ ﻧﺎﺭ
ﺳﺠﺎﺩ : ﺷﻄﻠﻌﺞ ﻟﻠﺒﺎﻟﻜﻮﻧﻪ ﺷﻮﻥ ﺍﻃﻠﻌﻴﻦ
ﺳﻠﻴﻞ : ﻭﺍﻟﻠﻪ ﻣﻦ ﺍﻟﺤﺮ ﻃﻔﺖ ﺍﻟﻜﻬﺮﺑﺎﺀ ﻭﻛﺘﻠﻨﻲ ﺍﻟﺤﺮ
ﺳﺠﺎﺩ : ﺍﻧﻲ ﻣﻮ ﻣﺎﻧﻌﺞ ﻣﻦ ﺍﻟﻄﻠﻌﻪ
ﺳﻠﻴﻞ : ﻗﺎﺑﻞ ﻭﻳﻦ ﺭﺣﺖ ﻣﻄﻠﻌﺖ ﺑﺮﻩ ﺍﻟﺸﻘﻪ ﻭﺍﻟﻠﻪ ﻣﺴﻮﻳﺖ ﺷﻰ ﺑﺲ ﻛﻌﺪﺕ ﺍﺗﻔﺮﺝ ﻋﻠﻰ ﺍﻟﻨﺎﺱ
ﺳﺠﺎﺩ : ﻟﻮ ﺗﻤﻮﺗﻴﻦ ﻣﻄﻠﻌﻴﻦ ﻣﺎﻃﻮﻝ ﻛﺎﻳﻠﺞ ﻣﻄﻠﻌﻴﻦ ﺭﺍﺳﺞ ﻣﺘﻤﺪﻱ ﻣﻦ ﺍﻟﺸﺒﺎﻙ ﺍﻟﻔﻤﺮﻩ ﻛﺘﻠﺞ ﺍﻟﻌﻤﺎﺭﻩ ﺑﻴﻬﺎ ﻋﺰﺍﺑﻴﻪ ﻟﻴﺶ ﻣﺴﻤﻌﻴﻦ ﺍﻟﻜﻼﻡ
ﺳﻠﻴﻞ : ﺩﻣﻌﺖ ﻋﻴﻨﻲ ﻭﺍﻧﻘﻬﺮﺕ ﻭﻛﺘﻠﻪ ﺗﺮﻩ ﻭﺍﻟﻠﻪ ﺳﺎﻣﻌﻪ ﻛﻼﻣﻚ
ﺳﺠﺎﺩ : ﻭﺑﻴﺶ ﻃﻠﻌﺘﻲ ﺑﻬﺎﻱ ﺑﺠﺎﻣﺘﺞ
ﺳﻠﻴﻞ : ﻻ ﻭﺍﻟﻠﻪ ﺑﻠﺪﺷﺪﺍﺷﻪ ﻭﺣﺘﻰ ﺣﻄﻴﺖ ﺭﺑﻄﻪ ﻋﻠﻰ ﺭﺍﺳﻲ
ﺳﺠﺎﺩ : ﺣﺘﻰ ﻟﻮ ﻣﺠﺎﻥ ﻻﺯﻡ ﺍﻃﻠﻌﻴﻴﻴﻦ ﻭﻳﻌﻴﻂ ﺑﺄﻋﺼﺎﺏ
ﺳﻠﻴﻞ : ﻭﺍﻟﻠﻪ ﻣﺘﻮﻗﻌﺖ ﻫﻴﺞ ﻣﺘﻘﺒﻞ ﻟﻮ ﺍﺩﺭﻱ ﻣﺎﺍﻃﻠﻊ
ﺳﺠﺎﺩ : ﺍﺫﺍ ﻭﺻﻠﺘﻲ ﻟﻠﺒﺎﻟﻜﻮﻥ ﺑﻌﺪ ﺍﻛﺴﺮﻫﺎ ﺭﺟﻠﺞ ﺳﻤﻌﺘﻲ
ﺳﻠﻴﻞ : ﺍﺷﺮﺕ ﺑﺮﺍﺳﻲ ﺍﻱ
ﺑﺲ ﺍﻧﻲ ﻫﻢ ﺗﻌﺒﺖ
ﺳﺠﺎﺩ : ﺷﻤﺴﻮﻳﻠﺞ ﻭﺗﻌﺒﺘﻲ ﻭﻋﺎﻑ ﺍﻳﺪﻱ
ﺳﻠﻴﻞ : ﻫﻲ ﻫﺎﻱ ﻣﻤﺴﻮﻳﻠﻲ ﻛﺎﻋﺪﻩ ﻣﺜﻞ ﺍﻟﻤﺴﺠﻮﻥ ﻭﺣﺪﻱ ﺑﻴﻦ ﺍﺭﺑﻊ ﺣﻴﺎﻃﻴﻦ ﺣﺴﺮﻩ ﻋﻠﻴﻪ ﺍﻟﻄﻠﻌﻪ ﻭﺍﻟﺤﺠﻲ ﻧﺴﻴﺘﻪ ﻣﻦ ﻛﺜﺮ ﻣﻜﺎﻋﺪﻩ ﻭﺣﺪﻱ
ﺳﺠﺎﺩ : ﻫﺴﻪ ﺍﻟﻲ ﻳﺴﻤﻌﺞ ﻳﻜﻮﻝ ﺟﻨﺘﻲ ﻳﻮﻣﻴﻪ ﺍﻃﻠﻌﻴﻦ
ﺳﻠﻴﻞ : ﻣﺎﺍﻃﻠﻊ ﺑﺲ ﺧﻮﺍﺗﻲ ﻳﻤﻲ ﺍﺿﺤﻚ ﻭﺍﺷﺎﻗﻰ ﻭﻳﺎﻫﻦ ﻭﺍﻟﻌﺼﺮ ﻛﻠﻬﺎ ﻧﻜﻀﻲ ﺑﻠﻄﺮﻣﻪ ﻧﺎﻛﻞ ﻭﻧﺴﻮﻟﻒ ﺍﻭ ﺑﻠﺴﻄﺢ ﻧﺸﺘﻢ ﻫﻮﺍ ﻭﻧﻮﻧﺲ ﺭﻭﺣﻨﺎ ﻭﺍﻧﻲ ﺟﻢ ﻣﺮﻩ ﻛﺘﻠﻚ ﻭﺩﻳﻨﻲ ﻭﺍﻟﻠﻪ ﻣﺸﺘﺎﻗﻪ ﺍﻟﻬﻦ ﻭﮔﻠﺒﻲ ﻃﺎﻙ ﻋﻠﻴﻬﻦ ﻭﺍﻧﺖ ﻣﺘﻘﺒﻞ
ﺳﺠﺎﺩ : ﻳﻌﻨﻲ ﺍﺫﺍ ﻣﺎﺍﻃﻠﻌﺞ ﻻﺯﻡ ﺍﻃﻠﻌﻴﻦ ﻭﺣﺪﺝ
ﺳﻠﻴﻞ : ﻛﻌﺪﺕ ﻋﻠﻰ ﺍﻟﻘﻨﻔﻪ ﻭﻛﻤﺖ ﺍﺑﺠﻲ ﻫﺴﻪ ﺍﻧﻲ ﻭﻳﻦ ﻃﺎﻟﻌﻪ ﻭﺑﻌﺪ ﻣﺎﺍﻃﻠﻊ
ﺟﺎﻥ ﻳﻜﻮﻡ ﻳﻌﻴﻂ
ﺍﻧﻲ ﻣﻮ ﻛﺘﻠﺞ ﻻﺯﻋﻠﻰ ﻛﻮﻟﺸﻲ ﺗﺒﺠﻴﻦ ﻭﺗﺪﺭﻳﻦ ﻣﻦ ﻭﺭﻩ ﺳﻮﺍﻳﺘﺞ ﺍﻧﻲ ﺷﺴﻮﻳﺖ
ﺳﻠﻴﻞ : ﺭﻓﻌﺖ ﺭﺍﺳﻲ ﻭﺑﺎﻭﻋﺖ ﻋﻠﻴﻪ ﺷﺴﻮﻳﺖ
ﺳﺠﺎﺩ : ﺍﺟﺎﻧﻲ
ﺍﻟﻮﻟﺪ ﺍﻟﻲ ﺑﻠﺸﻘﻪ ﺍﻟﺒﺼﻔﻲ ﻭﺳﺄﻟﻨﻲ ﻣﻨﻮ ﻳﻤﻲ ﻋﺒﺎﻟﻪ ﺻﺎﺣﺒﺘﻲ ﻭﺟﺎﻳﺒﻬﺎ ﻭﺑﺴﺒﺒﺞ ﻛﺘﻠﻪ ﻫﺎﻱ ﻣﺮﺗﻲ
ﺳﻠﻴﻞ : ﺑﺎﻭﻋﺖ ﻋﻠﻴﻪ ﻭﻛﺘﻠﻪ ﻭﻫﺬﺍ ﺍﻟﺼﺪﻙ ﺍﻧﺖ ﻣﻜﺬﺑﺖ
ﺳﺠﺎﺩ : ﻣﻤﺠﺒﻮﺭ ﺍﻛﻮﻝ ﻭﺛﺎﻧﻲ ﺷﻰ ﺍﻧﺘﻲ ﻣﻮ ﻣﺮﺗﻲ
ﺳﻠﻴﻞ : ﺍﺣﺲ ﺿﻐﻂ ﻋﻠﻰ ﮔﻠﺒﻲ ﺻﺎﺭ ﻣﻨﺎ ﺍﺣﺒﻪ ﻭﻣﻨﺎ ﺗﻌﺒﺎﻧﻪ ﻣﻦ ﺍﻟﺨﻨﻜﻪ ﺍﻟﻲ ﺑﻴﻬﺎ ﻭﻣﻨﺎ ﻫﻮ ﻻﺑﺴﻨﻲ ﻟﻤﺪﻩ ﺷﻬﺮ ﻛﺎﻣﻞ ﺍﻧﻬﺎﺭﻳﺖ ﺍﺭﻳﺪ ﺍﺣﺠﻲ ﻛﺎﻓﻲ ﺍﻛﺪﺭ ﺍﺳﻤﻴﻬﺎ ﻟﺤﻈﻪ ﺟﻨﻮﻥ ﻋﺎﺷﻘﻪ
ﻛﺘﻠﻪ :
ﻻ ﻣﺮﺗﻚ ﻭﺑﻌﻘﺪ ﺭﺳﻤﻲ
ﺳﺠﺎﺩ : ﺗﺪﺭﻳﻦ ﻛﻮﻟﺶ ﺯﻳﻦ ﻟﻴﺶ ﺗﺰﻭﺟﺘﺞ ﺑﺴﺒﺐ ﺍﻟﻈﺮﻭﻑ ﻭﺣﺘﻰ ﺍﺣﺎﻓﻆ ﻋﻠﻴﺞ ﺍﻧﺘﻲ ﻣﺜﻞ ﺍﺧﺘﻲ ﻭﺗﺒﻘﻴﻦ ﻫﻴﺞ ﺍﺧﺘﻲ ﻭﺑﺲ
ﺳﻠﻴﻞ : ﻫﻮ ﻛﺎﻝ ﻫﻴﺞ ﻟﻮ ﺑﺎﻧﺰﻳﻦ ﺫﺏ ﻋﻠﻰ ﺍﻟﻨﺎﺭ ﺍﻟﻲ ﺑﮕﻠﺒﻲ ﻭﻛﻤﺖ ﺍﻋﻴﻂ ﺑﻮﺟﻬﻪ
ﺍﻧﻲ ﻣﻮ ﺍﺧﺘﻚ ﺍﻓﻬﻤﻬﺎ ﺍﻧﻲ ﻣﻮ ﻫﺒﻪ ﺍﻧﻲ ﺳﻠﻴﻞ ﺳﻠﻴﻴﻴﻴﻴﻴﻞ
ﺍﻧﺖ ﺍﺳﻤﻚ ﺳﺠﺎﺩ ﺟﻼﻝ ﻭﺍﻧﻲ ﺳﻠﻴﻞ ﻃﻪ ﻣﻨﻴﻦ ﺑﻌﺪ ﺍﺧﺘﻚ
ﺳﺠﺎﺩ : ﺗﺨﺒﻠﺘﻲ ﻧﺼﻲ ﺻﻮﺗﺞ ﻻ ﺍﻓﺮﻙ ﺣﻠﻜﺞ
ﺳﻠﻴﻞ : ﺗﺮﻳﺪ ﻳﻠﻪ ﺍﻓﺮﻛﻪ ﺍﻛﺘﻠﻨﻲ ﻛﻄﻌﻨﻲ ﺣﺘﻰ ﺗﺮﺗﺎﺡ ﻻ ﻋﺒﺎﻟﻚ ﺭﺍﺡ ﺍﺗﺄﺫﻩ ﻳﺎﻣﺎ ﻭﻳﺎﻣﺎ ﺍﺟﺖ ﻣﺼﺎﻳﺐ ﻋﻠﻰ ﺭﺍﺳﻲ ﻣﺘﻌﻠﻤﻪ ﻭﺍﺫﺍ ﻋﻠﻰ ﺍﻻﺫﻳﻪ ﻣﺎﻛﻮ ﺍﻛﺜﺮ ﺍﺫﻳﻪ ﻣﻦ ﺍﻟﻲ ﻛﺎﻋﺪ ﺍﺣﺴﻪ ﻭﺍﻧﻲ ﻭﻳﺎﻙ ﺑﻤﻜﺎﻥ ﻭﺍﺣﺪ
ﺳﺠﺎﺩ : ﺷﻨﻮ ﻗﺼﺪﺝ
ﺳﻠﻴﻞ : ﺧﻠﻲ ﺍﻛﻮﻟﻚ ﺷﻨﻮ ﻫﻨﺎ ﻭﺍﺿﺮﺏ ﻋﻠﻰ ﮔﻠﺒﻲ ﻗﻮﻱ ﻭﺍﺣﺠﻲ ﺑﺤﺮﻛﻪ ﮔﻠﺐ ﻭﺩﻣﻮﻋﻲ ﺗﻨﺰﻝ ﺗﻌﺮﻑ ﺷﻨﻮ ﻣﻌﻨﻰ ﺗﺤﺐ ﻭﺍﺣﺪ ﻭﺗﻌﻴﺶ ﻭﻳﺎﻩ ﺑﻨﻔﺲ ﺍﻟﻤﻜﺎﻥ ﻭﻣﻤﻨﻮﻉ ﻋﻠﻴﻚ ﺗﺘﻘﺮﺏ ﻣﻨﻪ ﺗﻌﺮﻑ ﺷﻨﻮ ﺍﺣﺴﺎﺳﻲ ﻭﺍﻧﻲ ﺍﺷﻮﻑ ﺍﻻﻧﺴﺎﻥ ﺍﻻﺣﺒﻪ ﻋﺎﻳﺸﻪ ﻭﻳﺎﻩ ﻟﻤﺪﻩ ﺍﻛﺜﺮ ﻣﻦ ﺷﻬﺮ ﻭﻛﻼﻣﻲ ﻭﻳﺎﻩ ﻣﻴﺘﺠﺎﻭﺯ ﺍﻟﺜﻮﺍﻧﻲ ﺷﻠﻮﻧﺞ ﺷﻤﺤﺘﺎﺟﻪ ﻭﺑﺲ ﺣﺘﻰ ﺑﻮﺟﻬﻲ ﻣﻴﺒﺎﻭﻉ ﻭﻳﺘﺠﻨﺐ ﻳﻜﻌﺪ ﻳﻤﻲ ﺑﻤﻜﺎﻥ ﻭﻳﺘﻬﺮﺏ ﺳﺎﻋﺎﺕ ﻓﻲ ﺳﺒﻴﻞ ﻣﻴﺸﻮﻓﻨﻲ ﺗﻌﺮﻑ ﺷﻨﻮ ﻣﻌﻨﻰ ﺍﺷﺘﺎﻕ ﻣﻦ ﺗﻄﻠﻊ ﻭﺗﺒﻘﻰ ﺭﻭﺣﻲ ﺗﻠﻮﺏ ﻋﻠﻴﻚ ﻣﻦ ﺗﺮﺟﻊ ﻭﺍﺣﺴﺐ ﺩﻗﻴﻘﻪ ﺩﻗﻴﻘﻪ ﻋﻠﻰ ﺍﻟﺴﺎﻋﻪ ﺻﺎﻓﻨﻪ ﻭﻣﻦ ﺍﺳﻤﻊ ﺻﻮﺕ ﺍﻟﻤﻔﺎﺗﻴﺢ ﺗﻔﺘﺢ ﺍﻟﺒﺎﺏ ﺷﻴﺼﻴﺮ ﺑﻴﻪ ﻭﺍﻟﻠﻪ ﺍﺣﺲ ﮔﻠﺒﻲ ﻣﻦ ﺿﻠﻮﻋﻲ ﻳﻄﻠﻊ ﺗﻌﺮﻑ ﺍﻧﻲ ﺍﺣﺒﻚ ﺑﻘﻰ ﻳﺒﺎﻭﻉ ﺑﺼﺪﻣﻪ ﺑﻮﺟﻬﻲ ﻭﻳﺒﻠﻊ ﺭﻳﮕﻪ ﺑﺼﻌﻮﺑﻪ ﺑﺲ ﻋﻴﻮﻧﻪ ﺗﻨﻂ ﺷﺮﺍﺭ ﻣﻨﻬﺎ ﻭﺍﻧﻲ ﻭﻻ ﻣﻬﺘﻤﻪ ﺑﺲ ﺍﺣﺠﻲ ﻭﺍﺑﺠﻲ
ﺳﺠﺎﺩ : ﺗﺨﺒﻠﺘﻲ ﺷﻨﻮ ﻫﺬﺍ ﺍﻟﺤﺠﻲ ﺷﻨﻮ ﺗﺤﺒﻴﻨﻲ
ﺳﻠﻴﻞ : ﺍﻱ ﺍﺣﺒﻚ ﻭﺣﺘﻰ ﻟﺘﻜﻮﻝ ﺗﺤﺒﻴﻨﻲ ﻣﺜﻞ ﺍﺧﻮﺝ ﻭﺍﺑﻮﻙ ﻭﻋﻤﺞ ﻭﻫﺎﻱ ﺍﻟﺸﻐﻼﺕ ﻻ ﺍﻧﻲ ﺍﺣﺒﻚ ﻭﺭﻭﺣﻲ ﺑﻴﻚ ﻭﺍﺣﺒﻚ ﺣﺐ ﺍﻟﺒﻨﻴﻪ ﻟﺤﺒﻴﺒﻬﺎ
ﻛﻌﺪ ﻋﻠﻰ ﺍﻟﻘﻨﻔﻪ ﻭﺳﺤﺐ ﺟﻜﺎﺭﻩ ﻭﺷﻐﻠﻬﺎ ﺑﺲ ﺍﺑﺎﻭﻉ ﻋﻠﻰ ﺍﻳﺪﻩ ﺗﺮﺟﻒ ﺑﻘﻰ ﻳﺴﺤﺐ ﻧﻔﺲ ﻭﺭﻩ ﻧﻔﺲ ﻭﻳﺒﺎﻭﻉ ﻟﻠﻜﺎﻉ ﻣﺪﻧﺞ ﺑﺪﻭﻥ ﺍﻱ ﮔٌٰــﻠﻤﺔ ﻭﺭﺟﻠﻪ ﺗﻬﺘﺰ ﻣﺘﻮﺗﺮ
ﻧﺰﻟﺖ ﺑﻤﺴﺘﻮﻯ ﻛﻌﺪﺗﻪ ﻭﻟﺰﻣﺖ ﺭﺟﻠﻪ ﻭﺍﺑﺎﻭﻉ ﻋﻠﻴﻪ ﻭﻛﺘﻠﻪ ﺑﺼﻮﺕ ﻛﻠﻪ ﺍﻟﻢ ﻭﺣﺐ ﺍﻧﻲ ﺍﺣﺒﻚ ﺳﺠﺎﺩ ﺣﻴﻞ ﺍﺣﺒﻚ ﺑﺎﻭﻉ ﻋﻠﻴﻪ ﻭﺳﺤﺐ ﻧﻔﺲ ﻗﻮﻱ ﻭﻧﻔﺨﻪ ﻭﻛﺎﻝ ﺍﻧﺘﻲ ﻃﻔﻠﻪ ﻭﻣﺘﻌﺮﻓﻴﻦ ﻣﺼﻠﺤﺘﺞ ﻭﻫﺎﻱ ﻣﺮﺍﻫﻘﻪ ﻻ ﺗﺤﺒﻴﻨﻲ ﻭﻻ ﺑﻄﻴﺦ ﻣﺠﺮﺩ ﺷﻐﻼﺕ ﻣﺎﻝ ﻣﺮﺍﻫﻘﻴﻦ ﻭﺑﺲ ﺗﻜﺒﺮﻳﻦ ﺗﻨﺴﻴﻬﺎ
ﺳﻠﻴﻞ : ﺍﻋﺮﻑ ﺭﺍﺡ ﺗﺒﻘﻰ ﺗﺤﺎﻭﻝ ﺗﻘﻨﻌﻨﻲ ﺍﻧﻲ ﻏﻠﻄﺎﻧﻪ ﻭﻃﻔﻠﻪ ﻭﻣﻦ ﻫﺎﻱ ﺍﻟﺴﻮﺍﻟﻒ ﺑﺲ ﻟﻮ ﺗﺤﺠﻲ ﺍﻟﻌﻤﺮ ﻛﻠﻪ ﻣﺎﺍﻗﺘﻨﻊ ﻻﻥ ﺍﻧﻲ ﻣﻮ ﻣﻦ ﻳﻮﻡ ﺍﻭ ﻳﻮﻣﻴﻦ ﺣﺒﻴﺘﻚ ﺻﺎﺭ ﺳﻨﻪ ﺍﺣﺒﻚ ﺳﻨﻪ ﻟﻴﻞ ﻭﻧﻬﺎﺭ ﺻﻴﻒ ﻭﺷﺘﺎ ﻭﻛﻞ ﻭﻗﺖ ﻭﻛﻞ ﻟﺤﻈﻪ ﺍﻓﻜﺮ ﺑﻴﻚ
ﺳﺠﺎﺩ : ﺑﺎﺑﺎ ﺍﺳﻜﺘﻲ ﺍﻧﺘﻲ ﻣﻜﻌﺪ ﺗﻌﺮﻓﻴﻦ ﺷﺘﺤﺠﻴﻦ ﻳﺎﺣﺐ ﻫﺬﺍ ﻻﻥ ﺷﻔﺘﻴﻨﻲ ﺍﻫﺘﻢ ﺑﻴﺞ ﻭﺍﺧﺎﻑ ﻋﻠﻴﺞ ﺣﺴﻴﺘﻲ ﺑﺤﺐ ﻭﺍﻧﻲ ﻫﻢ ﺍﺣﺒﺞ ﺑﺲ ﻛﺄﺧﺘﻲ ﺍﻧﺘﻲ ﺗﻌﺮﻓﻴﻦ ﻓﺮﻕ ﺍﻟﻌﻤﺮ ﺷﻜﺪ
ﺳﻠﻴﻞ : ﺍﻋﺮﻑ ﻭﻣﻴﻬﻤﻨﻲ ﻭﺍﺻﻼً ﻣﻮ ﻫﻮﺍﻳﻪ
ﺳﺠﺎﺩ : ﺳﻠﻴﻞ ﺍﻓﺘﻬﻤﻲ ﻫﺬﺍ ﺍﻟﻲ ﺗﺤﺴﻲ ﻧﻜﺪﺭ ﺍﺳﻤﻪ ﺍﻋﺠﺎﺏ ﻣﺮﺍﻫﻘﻪ ﻃﻔﻮﻟﻪ ﻏﺒﺎﺀ ﺍﻱ ﺷﻰ ﺍﻟﻤﻬﻢ ﻣﻮ ﺣﺐ
ﺳﻠﻴﻞ : ﻭﻛﻔﺖ ﻋﻠﻰ ﺣﻴﻠﻲ ﻭﻛﺘﻠﻪ ﻣﻮ ﻣﻦ ﺣﻘﻚ ﺗﻘﻴﻢ ﺍﻟﻤﺸﺎﻋﺮ ﺍﻟﻲ ﺑﺪﺍﺧﻠﻲ ﺍﻧﻲ ﺍﻻﺣﺴﻪ ﺍﺟﻴﺖ ﻭﻛﺘﻠﻪ ﺍﻟﻚ ﺟﺎﻥ ﻳﺴﺤﺐ ﺍﻳﺪﻱ ﻭﻛﻌﺪﻧﻲ ﻛﺪﺍﻣﻪ ﻭﺷﻤﺮ ﺍﻟﺠﻜﺎﺭﻩ ﺑﻠﻨﻔﺎﺿﻪ ﻭﻛﺎﻝ ﺑﻬﺪﻭﺀ
ﺳﺠﺎﺩ : ﺳﻠﻴﻞ ﺑﺎﺑﺎ ﺍﻧﺘﻲ ﺑﻌﺪﺝ ﻣﻔﺎﻫﻤﻪ ﺍﻟﺤﻴﺎﻩ ﻭﺑﻌﺪﻩ ﻋﻘﻠﺞ ﺻﻐﻴﺮ ﻣﻮ ﻣﻌﻨﺎﻫﺎ ﺍﻧﻲ ﺩﻭﻡ ﻭﻳﺎﺝ ﻭﺍﺩﺍﻓﻊ ﻋﻨﺞ ﻭﺍﺳﺎﻋﺪﺝ ﻻﺯﻡ ﺗﺤﺒﻴﻨﻲ ﻭﻟﺘﻨﺴﻴﻦ ﻗﺒﻞ ﻛﻢ ﺳﺎﻋﻪ ﺟﻨﺘﻲ ﺗﺼﻴﺤﻴﻦ ﻋﻤﻮ
ﺳﻠﻴﻞ : ﺑﺲ ﺍﻧﻲ ﻣﻦ ﺳﻨﻪ ﮔﻠﺒﻲ ﻳﻜﻮﻟﻚ ﺳﺠﺎﺩ
ﻧﻔﺦ ﺑﻨﻔﺎﺫ ﺻﺒﺮ ﻭﻛﺎﻝ
ﺳﺠﺎﺩ : ﺍﻟﻠﻪ ﻣﻄﻮﻟﺞ ﻳﺎﺭﻭﺡ ﺷﻮﻥ ﺍﻗﻨﻌﺞ ﺍﻧﻲ ﻣﺎﺍﺭﻳﺪ ﺍﺟﺮﺣﺞ ﻭﺍﻗﻬﺮﺝ
ﺳﻠﻴﻞ : ﺍﻋﺮﻑ ﻣﺘﺤﺒﻨﻲ
ﺳﺠﺎﺩ : ﻻ ﺍﺣﺒﺞ ﺑﺲ ﺍﺧﺘﻲ ﺑﻨﺘﻲ ﺍﻱ ﺷﻰ ﻏﻴﺮ ﺍﻟﻲ ﺑﺎﻟﺞ
ﺳﻠﻴﻞ : ﻭﺍﻧﻲ ﻣﻄﺎﻟﺒﻪ ﺷﻰ ﻣﻨﻚ ﺑﺲ ﺭﺩﺗﻚ ﺗﻌﺮﻑ ﻣﺸﺎﻋﺮﻱ
ﺳﺠﺎﺩ : ﻭﻻﺯﻡ ﻫﺎﻱ ﺍﻟﻤﺸﺎﻋﺮ ﺗﻨﺘﻬﻲ
ﺳﻠﻴﻞ : ﻣﻮ ﺑﻜﻴﻔﻚ ﮔﻠﺒﻲ ﻭﺍﻧﻲ ﺣﺮﻩ ﺑﻴﻪ ﺟﺎﻥ ﻳﻮﻛﻒ ﻭﺭﺟﻊ ﻳﻌﻴﻂ ﻭﻛﻒ ﻭﻳﺄﺷﺮ ﺑﻴﺪﻩ
ﺳﺠﺎﺩ : ﺷﻨﻮ ﻣﻮ ﺑﻜﻴﻔﻚ ﻭﻟﺞ ﻣﻨﻴﻦ ﺟﺎﻳﺒﻪ ﻫﺎﻱ ﺍﻟﺠﺮﺋﻪ ﺍﻧﺘﻲ ﺍﻟﻔﻘﻴﺮﻩ ﺍﻟﻲ ﺗﺒﺠﻴﻦ ﻣﻦ ﻛﻠﻤﺔ ﺷﻨﻮ ﻫﺎﻱ ﺍﻟﺠﺴﺎﺭﻩ ﻭﻓﻮﻛﺎﻫﺎ ﻣﺘﺴﺘﺤﻴﻦ ﻭﺗﺤﺠﻴﻦ ﺑﻮﺟﻬﻲ ﻭﻻ ﺫﺭﻩ ﻣﺴﺘﺤﻪ ﺩﻭﻡ ﺍﻋﺮﻓﺞ ﺗﺨﺠﻠﻴﻦ ﻣﻦ ﺧﻴﺎﻟﺞ ﺷﺠﺎﺝ ﻫﺴﻪ ﺗﺨﺒﻠﺘﻲ
ﺳﻠﻴﻞ : ﻭﻛﻔﺖ ﻭﺻﺮﺕ ﺑﻮﺟﻬﻲ ﻭﻟﺰﻣﺖ ﻗﻤﻴﺼﻪ ﻣﻦ ﺻﺪﺭﻩ ﺍﻱ ﺗﺨﺒﻠﺖ ﻭﺍﺣﺒﻚ ﻭﺍﺭﻳﺪﻙ ﺟﺎﻥ ﻳﻀﺮﺑﻨﻲ ﺭﺍﺷﺪﻱ ﺑﻜﻞ ﻗﻮﻩ ﻭﻋﺎﻁ ﺍﻧﺠﺒﻲ ﻃﺎﻳﺤﻪ ﺍﻟﺤﻆ ﻭﺍﻳﺎﺝ ﺍﺳﻤﻌﺞ ﺗﺤﺠﻴﻦ ﻫﻴﺞ ﺷﻰ ﺑﻌﺪ
ﻭﺧﺮﺕ ﺍﻳﺪﻱ ﻭﺩﻓﻌﺘﻪ ﻭﺭﻛﻀﺖ ﻟﻠﻐﺮﻓﻪ ﻫﻨﺎ ﺷﻮﻥ ﺍﻟﻮﺍﺣﺪ ﻭﺻﺤﺎﻧﻲ
ﺷﻤﺮﺕ ﻧﻔﺴﻲ ﻋﻠﻰ ﺍﻟﺠﺮﺑﺎﻳﻪ ﻭﻃﻜﻴﺖ ﺑﺠﻲ ﻣﺎﺍﻋﺮﻑ ﺍﺑﺠﻲ ﻻﻥ ﻏﻠﻄﺖ ﻣﻦ ﺍﻋﺘﺮﻓﺖ ﺑﻤﺸﺎﻋﺮﻱ ﺟﺎﻥ ﺍﻟﻤﻔﺮﻭﺽ ﻣﺎﺍﺗﺼﺮﻑ ﻫﻴﺞ ﻟﻮ ﺍﺑﺠﻲ ﻻﻥ ﺿﺮﺑﻨﻲ ﻭﺍﺳﺘﻬﺎﻥ ﺑﺄﺣﺴﺎﺳﻲ
ﺑﻘﻴﺖ ﺍﺷﻬﻚ ﺑﻘﻬﺮ ﺻﻌﺐ ﻳﺎﺭﺑﻲ ﺍﻟﺤﺐ ﻣﻦ ﻃﺮﻑ ﻭﺍﺣﺪ ﺻﻌﺐ ﻳﺄﺫﻱ ﻭﻳﻜﻄﻊ ﺍﻟﮕﻠﺐ
ﺑﻘﻴﺖ ﻋﻠﻰ ﻧﻮﻣﺘﻲ ﻳﻤﻜﻦ ٣ ﺳﺎﻋﺎﺕ ﺍﺑﺠﻲ ﻭﻧﻤﺖ ﻣﻦ ﺍﻟﺘﻌﺐ ﺣﺘﻰ ﺍﻛﻞ ﻣﺄﻛﻠﺖ ﻭﻣﺎﺍﺩﺭﻱ ﻫﻮ ﺍﻛﻞ ﺍﻭ ﻻ
ﻓﺘﺤﺖ ﻋﻴﻨﻲ ﺻﺒﺢ ﺑﺲ ﻣﺎﺍﻋﺮﻑ ﺑﻴﺶ ﺍﻟﺴﺎﻋﻪ ﻻﺯﻡ ﺍﺣﻂ ﺳﺎﻋﻪ ﺑﻠﻐﺮﻓﻪ ﺣﺘﻰ ﺍﻋﺮﻑ ﻣﻦ ﺍﻛﻌﺪ ﻭﺍﻧﺎﻡ ﻛﻤﺖ ﺑﺲ ﻣﺘﺮﺩﺩﻩ ﺍﻃﻠﻊ ﻣﻘﻬﻮﺭﻩ ﻗﻬﺮﻩ ﺍﺣﺲ ﺍﻟﻲ ﻳﻜﻮﻟﻲ ﺷﻮﻧﺞ ﺍﺑﺠﻲ.بيج قصص عراقيه حقيقيه من واقعنا.روعه الطائي
ﻓﺘﺤﺖ ﺍﻟﺒﺎﺏ ﻭﻃﻠﻌﺖ ﻋﻠﻰ ﻛﻴﻒ ﻣﻠﻜﻴﺖ ﺍﺣﺪ ﺑﺎﻭﻋﺖ ﺳﺎﻋﻪ ١١ ﺍﻟﺼﺒﺢ ﻭﻟﻜﻴﺖ ﺻﻤﻮﻥ ﻣﺤﻄﻮﻁ ﻋﺮﻓﺖ ﻣﺘﺮﻳﻚ ﻭﻃﺎﻟﻊ
ﺣﺘﻰ ﺍﻛﻞ ﻣﺎﺍﻛﺪﺭ ﺍﻛﻞ ﻭﻧﻔﺴﻲ ﺗﻠﻌﺐ ﻭﺣﻴﻞ ﻣﻘﻬﻮﺭﻩ ﻭﻣﻦ ﻛﺜﺮ ﻣﺎﺍﻧﻬﻀﻤﺖ ﻭﺍﻧﻘﻬﺮﺕ ﺍﺣﺴﻬﺎ ﻧﺰﻟﺖ ﺑﻤﻌﺪﺗﻲ ﻭﺗﻮﺟﻌﻨﻲ ﺣﻴﻞ
ﻃﺒﻴﺖ ﻟﻠﻤﻄﺒﺦ ﻟﻜﻴﺖ ﻋﺸﺎ ﺍﻟﺒﺎﺭﺣﻪ ﺑﻠﺜﻼﺟﻪ ﻧﻔﺴﻪ ﻣﻤﺎﺩ ﺍﻳﺪﻩ
ﺣﺘﻰ ﻫﻮ ﻣﻤﺎﻛﻞ ﺭﺣﺖ ﻏﺴﻠﺖ ﺍﺑﺎﻭﻉ ﺑﻠﻤﺮﺍﻳﻪ ﻋﻴﻮﻧﻲ ﻭﺍﺭﻣﻪ ﻭﺟﻬﻲ ﺑﻴﻪ ﺧﻄﻮﻁ ﺣﻤﺮﻩ ﻣﺎﻝ ﺿﺮﺑﺘﻪ ﻟﺰﻣﺘﻬﺎ ﺑﻘﻬﺮ ﻭﺣﺎﻭﻟﺖ ﺍﺑﺮﺩﻫﺎ ﺣﻄﻴﺖ ﺷﻮﻳﻪ ﺛﻠﺞ ﺑﻠﻜﺖ ﻳﺮﻭﺡ ﺍﻟﺤﻤﺎﺭ ﻭﺭﺍﻫﺎ
ﺣﻤﻴﺖ ﺍﻟﺠﺎﻱ ﻭﺣﻄﻴﺖ ﺣﻠﻴﺐ ﻭﺷﺮﺑﺖ ﻛﻮﻩ ﺷﺮﺑﺖ ﺷﻮﻳﻪ ﻭﻋﻔﺘﻪ
ﺗﺬﻛﺮﺕ ﺍﻟﺼﺎﺭ ﻛﻠﻪ ﻭﺭﺟﻌﺖ ﺭﺍﺳﻲ ﺍﺍﺍﺍﺍﺍﻩ ﺷﮕﺪ ﻣﺘﺄﺫﺍﻳﻪ ﻣﻨﻮ ﻳﺤﺲ ﺑﻴﻪ ﻣﻨﻮ ﺭﺍﺡ ﻳﻔﻬﻤﻨﻲ
ﺷﻮﻳﻪ ﻭﺍﻧﺪﻛﺖ ﺍﻟﺒﺎﺏ
ﺗﻘﺮﺑﺖ ﻭﺻﺤﺖ ﻣﻨﻮ
ﻧﻬﺮ : ﺍﻓﺘﺤﻲ ﻣﺎﻣﺎ ﺍﻧﻲ
ﺳﻠﻴﻞ : ﻓﺘﺤﺖ ﺍﻟﺒﺎﺏ ﻭﺟﺎﻥ ﺍﺷﻤﺮ ﻧﻔﺴﻲ ﺑﺤﻀﻨﻬﺎ ﻭﺍﺷﻬﻚ ﺟﻨﺖ ﺣﻴﻞ ﻣﺤﺘﺎﺟﻪ ﺣﻀﻨﻬﺎ
ﻧﻬﺮ : ﺍﺳﻢ ﺍﻟﻠﻪ ﺷﺒﻴﺞ ﺍﻣﻲ
ﺷﻮ ﺗﻌﺎﻟﻲ ﻭﺳﺪﻳﺖ ﺍﻟﺒﺎﺏ ﻭﺍﺧﺬﺕ ﺳﻠﻴﻞ ﻭﻛﻌﺪﻧﺎ
ﺷﻨﻮ ﻫﺬﺍ ﺣﺎﻟﺞ ﺷﺒﻴﺞ
ﺳﻠﻴﻞ : ﻭﺑﺪﻳﺖ ﺍﺳﻮﻟﻒ ﻛﻮﻟﺸﻲ ﺍﻟﻬﺎ
ﻭﻫﻲ ﺑﺲ ﺻﺎﻓﻨﻪ
ﻧﻬﺮ : ﻫﺬﺍ ﺍﻟﺨﻔﺖ ﻣﻨﻪ ﻭﺣﺬﺭﺗﺞ ﻭﻣﺎ ﺳﻤﻌﺘﻲ ﻛﻼﻣﻲ
ﺳﻠﻴﻞ : ﻣﺎﻣﺎ ﺍﺧﺬﻳﻨﻲ ﻭﻳﺎﺝ ﻋﻔﻴﻪ ﻣﺎ ﺍﺭﻳﺪ ﺍﺑﻘﻰ ﻫﻨﺎ
ﻧﻬﺮ : ﻟﻮ ﺑﻴﺪﻱ ﺍﺻﻼً ﻣﺠﺎﻥ ﺧﻠﻴﺘﺞ ﺗﺒﺎﺗﻴﻦ ﻳﻮﻡ ﻭﺍﺣﺪ ﺑﺲ ﺍﻣﺞ ﻛﻞ ﻛﻢ ﻳﻮﻡ ﺗﻤﺮ ﺗﺸﻮﻑ ﺷﻜﻮ ﻭﺗﻄﻠﻊ
ﺳﻠﻴﻞ : ﻫﻴﺞ ﺍﻟﺮﻓﻴﻘﻪ ﺳﻨﺪﺱ ﻣﺘﻔﺮﻏﻪ ﺍﻟﻨﺎ ﻭﻳﻦ ﺟﺎﻧﺖ ﺫﻳﺞ ﺍﻟﺴﻨﻴﻦ ﻣﻮ ﺗﺠﻲ ﺍﻳﺎﻡ ﺑﺎﻻﺷﻬﺮ ﻣﻨﺸﻮﻓﻬﺎ ﻭﺩﻭﻡ ﺗﻜﻮﻝ ﻣﺸﻐﻮﻟﻪ ﻭﺷﻐﻞ ﻭﻣﺎﻋﻨﺪﻱ ﻭﻛﺖ ﻟﻮ ﻫﺴﻪ ﺗﻔﺮﻏﺖ ﺍﻟﻨﺎ ﻻﻥ ﺷﻐﻠﻪ ﺑﻴﻬﺎ ﺃﺫﻳﻪ
ﻧﻬﺮ : ﺷﻨﺴﻮﻱ ﻳﺎﺍﻣﻲ ﻫﺬﺍ ﺣﻈﻨﺎ ﻣﻦ ﺍﻟﺪﻧﻴﺎ ﻟﻮ ﺟﺎﻥ ﺍﻻﻣﺮ ﺑﻴﺪﻱ ﻭﺍﻟﻠﻪ ﺍﺧﻠﻴﻬﺎ ﺗﺤﻠﻢ ﺗﺸﻮﻓﻜﻢ ﺑﺲ ﻛﺪﺍﻣﺞ ﺍﺻﻼً ﻣﻦ ﺗﺠﻲ ﺣﻠﻜﻲ ﻣﺎﺍﻓﻜﻪ ﺷﺘﺤﺠﻲ ﻭﺷﺘﻜﻮﻝ ﺍﺳﻜﺖ ﻭﻣﺎ ﺍﺗﻨﺎﻗﺶ ﻭﻳﺎﻫﺎ ﺍﺧﺎﻑ ﺗﻄﺮﺩﻧﻲ ﻭﺗﺎﺧﺬ ﺍﻟﺒﻨﺎﺕ ﺍﻧﻲ ﻣﺎﺍﻫﺘﻢ ﺍﺟﻲ ﻫﻨﺎ ﺑﺲ ﻣﺎﺍﻛﺪﺭ ﻳﻮﻡ ﺃﻣﻦ ﻋﻠﻰ ﺧﻮﺍﺗﺞ ﻳﻤﻬﺎ
ﺳﻠﻴﻞ : ﺍﺩﺭﻱ ﻟﻮ ﻣﺎ ﻫﻴﺞ ﻭﻻﺯﻣﺘﻨﺎ ﻣﻦ ﺍﻳﺪﻧﺎ ﺍﻟﺘﻮﺟﻌﻨﺎ ﻣﺴﺘﺤﻴﻞ ﺍﻋﻮﻓﺞ ﻭﺍﻋﻮﻑ ﺧﻮﺍﺗﻲ ﺑﺲ ﻫﻲ ﻻﻋﺒﺘﻬﺎ ﺻﺢ
ﻧﻬﺮ : ﻋﻮﻓﺞ ﻣﻦ ﻫﺬﺍ ﺍﻟﻜﻼﻡ ﺍﻟﻲ ﻫﺴﻪ ﻣﺪﻭﺧﻨﻲ ﺷﻮﻥ ﻛﺪﺭﺗﻲ ﺗﺤﺠﻴﻦ ﻫﻴﺞ ﻭﻳﻪ ﺳﺠﺎﺩ
ﺳﻠﻴﻞ : ﻣﺎﺍﺩﺭﻱ ﺩﻧﺠﺖ ﻣﻘﻬﻮﺭﻩ ﺟﺎﻥ ﺗﺮﻓﻊ ﺭﺍﺳﻲ ﺑﻴﺪﻫﺎ
ﻧﻬﺮ : ﺷﺒﻴﺞ ﺣﺒﻴﺒﺘﻲ
ﺳﻠﻴﻞ : ﮔﻠﺒﻲ ﻳﻮﺟﻌﻨﻲ ﻣﻘﻬﻮﺭﻩ ﻟﺪﺭﺟﻪ ﺣﺘﻰ ﺍﻟﻬﻮﺍ ﺍﻟﻲ ﺍﺗﻨﻔﺴﻪ ﻳﺠﺮﺡ ﺑﺼﺪﺭﻱ ﻣﺎﺍﻋﺮﻑ ﺭﺍﺡ ﺗﻔﻬﻤﻴﻨﻲ ﻟﻮ ﻻ
ﻧﻬﺮ : ﺗﺪﺭﻳﻦ ﺍﻧﻲ ﺍﻛﺜﺮ ﻭﺣﺪﻩ ﺑﻠﺪﻧﻴﺎ ﻓﺎﻫﻤﺘﺞ ﻻﻥ ﺟﺮﺑﺖ ﺍﻟﺤﺐ ﻭﺍﺫﻳﺘﻪ ﺻﺢ ﺍﻟﻘﺼﻪ ﻭﺍﻟﻮﺿﻊ ﻳﺨﺘﻠﻒ ﺑﺲ ﻋﻦ ﺗﺠﺮﺑﻪ ﻭﺑﻌﺪ ﻫﺎﻱ ﺍﻟﺴﻨﻴﻦ ﺍﻛﻮﻟﺞ ﻣﺤﺪ ﻳﺴﺘﺎﻫﻞ ﺗﺄﺫﻳﻦ ﮔﻠﺒﺞ ﻋﻠﻤﻮﺩﻩ ﺗﻀﺤﻴﻦ ﻭﺗﺤﺒﻴﻦ ﻭﺍﺗﻌﺒﻴﻦ ﻭﺗﺎﻟﻲ ﺗﺠﺎﺯﻳﻦ ﺑﺨﺬﻻﻥ ﺍﻧﻲ ﺧﺎﻳﻔﻪ ﻻ ﺗﻨﻜﺴﺮﻳﻦ ﻛﺴﺮﻩ ﺍﻛﺒﺮ ﻣﻦ ﻫﺎﻱ
ﺳﻠﻴﻞ : ﺷﻨﻮ ﺍﻻﻛﺒﺮ ﻭﻫﻮ ﻣﺤﺎﺱ ﺑﻴﻪ ﺷﻴﺼﻴﺮ ﺑﻌﺪ ﺍﻛﺜﺮ ﻭﺍﻧﻲ ﺍﻛﻮﻟﻪ ﺍﺣﺒﻚ ﻭﺍﺭﻳﺪﻙ ﻳﻀﺮﺑﻨﻲ
ﻧﻬﺮ : ﺍﻧﻲ ﻣﺎﺍﻗﺒﻞ ﻳﻤﺪ ﺍﻳﺪﻩ ﻋﻠﻴﺞ ﺑﺲ ﺍﻧﺘﻲ ﻫﻢ ﻏﻠﻄﺎﻧﻪ ﻣﻴﺼﻴﺮ ﺗﻨﺴﻴﻦ ﻭﺿﻌﺞ ﻭﺗﻨﺴﻴﻦ ﺍﻧﺘﻲ ﺑﻨﻴﻪ ﻭﻻﺯﻡ ﺗﺼﻴﺮﻳﻦ ﺛﻜﻴﻠﻪ ﻭﻫﺎﺩﺋﻪ ﻭﺍﻛﺜﺮ ﻣﺴﺘﺤﻪ ﻣﻮ ﺗﻨﺴﻴﻦ ﺗﺮﺑﻴﺘﺞ ﻭﺍﺧﻼﻗﺞ ﻭﺗﻨﺰﻟﻴﻦ ﻧﻔﺴﺞ ﻟﻬﺎﻱ ﺍﻟﺪﺭﺟﻪ ﺗﺤﺒﻴﻦ ﻋﻠﻰ ﻋﻴﻨﻲ ﻭﺭﺍﺳﻲ ﺑﺲ ﻣﻮ ﻣﺎﻝ ﺗﺮﺣﻴﻦ ﺍﻧﺘﻲ ﺗﻌﺘﺮﻓﻴﻦ ﺍﻟﻪ ﺷﺒﻘﻰ ﺑﻌﺪ ﻋﺒﺎﻟﺞ ﻳﺤﺒﺞ ﻣﻦ ﺗﺘﺼﺮﻓﻴﻦ ﻫﻴﺞ ﺑﻠﻌﻜﺲ ﺍﻧﺘﻲ ﻧﺰﻟﺘﻲ ﻣﻦ ﻧﻈﺮﻩ
ﻟﺘﻨﺴﻴﻦ ﻧﻔﺴﺞ ﺳﻠﻴﻞ ﺗﺼﺮﻓﺞ ﺍﻟﺒﺎﺭﺣﻪ ﺍﻛﺒﺮ ﻋﻴﺐ ﻭﻏﻠﻂ ﺍﻧﻲ ﻣﺎﺍﺭﻳﺪ ﺍﺯﻳﺪ ﺗﻌﺒﺞ ﻭﻗﻬﺮﺗﺞ ﺑﺲ ﻫﺬﺍ ﺍﻟﻮﺍﻗﻊ ﺍﻟﺒﻨﻴﻪ ﺷﻜﺪ ﻣﺘﺼﻴﺮ ﺛﻜﻴﻠﻪ ﻭﺭﺯﻧﻪ ﻭﻣﺆﺩﺑﻪ ﻭﺗﺴﺘﺤﻲ ﻛﻞ ﻣﺎ ﺍﻟﺮﺟﺎﻝ ﻳﻨﻌﺠﺐ ﺑﻴﻬﺎ ﺍﻧﺘﻲ ﻫﺬﺍ ﻣﻮ ﻃﺒﻌﺞ ﺻﺪﻣﺘﻴﻨﻲ ﻣﻦ ﻛﻠﺘﻲ ﻫﻴﺞ ﺳﻮﻳﺖ ﻳﻤﻜﻦ ﺍﺗﻮﻗﻌﻬﺎ ﻣﻦ ﺍﻱ ﺍﺣﺪ ﺑﺲ ﻣﻨﺞ ﻻ
ﺳﻠﻴﻞ : ﺍﻋﺮﻑ ﻏﻠﻄﺖ ﻭﺟﺎﻧﺖ ﻟﺤﻈﻪ ﺻﻌﺒﻪ ﻭﻛﺴﺮﺕ ﻧﻔﺴﻲ ﻛﺪﺍﻣﻪ ﺑﺲ ﻣﻮ ﺑﻴﺪﻱ ﻣﻦ ﺍﻟﺨﻨﻜﻪ ﻭﺍﻟﻀﻐﻂ ﺍﻟﻲ ﺍﻧﻲ ﺑﻴﻪ ﺣﺠﻴﺖ
ﻧﻬﺮ : ﺍﺭﺟﻌﻲ ﺳﻠﻴﻞ ﺍﻟﻬﺎﺩﺋﻪ ﺍﻟﻄﻴﺒﻪ ﺍﻟﻲ ﺍﺩﻧﺞ ﻣﻦ ﺍﻟﻤﺴﺘﺤﻪ ﻫﺬﺍ ﻣﻮ ﺛﻮﺑﺞ ﺣﺒﻴﺒﺘﻲ ﺍﻟﺠﺮﺋﻪ ﻭﺍﻟﺨﻔﻴﻪ ﻣﻮ ﺍﺧﻼﻗﺞ
ﺳﻠﻴﻞ : ﺷﺴﻮﻱ ﻫﺴﻪ ﻣﺎ ﺍﻛﺪﺭ ﺣﺘﻰ ﺍﺑﺎﻭﻉ ﺑﻮﺟﻬﻪ
ﻧﻬﺮ : ﺍﻧﻲ ﻣﺎﺍﻛﺪﺭ ﺍﺩﺧﻞ ﺑﻠﻤﻮﺿﻮﻉ ﻻﻥ ﺭﺍﺡ ﺗﻜﺒﺮ ﻭﺗﺼﻴﺮ ﻣﺤﻠﻮﻩ ﺑﺤﻘﺞ ﺍﻛﺜﺮ ﻫﺴﻪ ﺍﺭﺟﻌﻲ ﺗﻌﺎﻣﻠﻲ ﻃﺒﻴﻌﻲ ﻭﻳﺎﻩ
ﺳﻠﻴﻞ : ﺷﻠﻮﻥ ﻣﺎﺍﻛﺪﺭ
ﻧﻬﺮ : ﻻ ﺗﻜﺪﺭﻳﻦ ﺣﺎﻭﻟﻲ
ﺳﻠﻴﻞ : ﺍﻟﻠﻪ ﻛﺮﻳﻢ ﺑﺎﺳﺘﻨﻲ ﻋﻤﻪ ﻭﻃﻠﻌﺖ ﺑﺎﻭﻋﺖ ﺍﻟﻌﻼﻛﻪ ﺍﻟﻲ ﺗﺠﻴﺒﻬﺎ ﻳﻮﻣﻴﻪ ﻓﺘﺤﺖ ﺍﻟﺠﺪﺭ ﻟﻜﻴﺖ ﺗﺒﺴﻲ ﺑﻘﻪ ﺑﺲ ﺍﺳﻮﻱ ﺗﻤﻦ
ﺣﻄﻴﺘﻪ ﻋﻠﻰ ﺍﻟﻄﺒﺎﺥ ﻭﺑﺪﻳﺖ ﺍﻧﻈﻒ ﺫﺑﻴﺖ ﺣﻴﻠﻲ ﻛﻠﻪ ﺑﻠﺘﻨﻈﻴﻒ ﻣﺎ ﺍﺭﻳﺪ ﺍﻓﻜﺮ ﻣﺎﺍﺭﻳﺪ ﺍﺗﺨﻴﻞ ﺷﺼﺎﺭ ﺍﻟﺒﺎﺭﺣﻪ ﺷﻐﻠﺖ ﺭﺍﺩﻳﻮ ﺍﻟﻬﻲ ﺑﻴﻪ ﻧﻔﺴﻲ ﻭﻳﻪ ﺍﻟﺸﻐﻞ
ﻧﻈﻔﺖ ﺍﻟﺸﻘﻪ ﻛﻠﻬﺎ ﻃﻠﻌﺘﻬﺎ ﺗﻠﻤﻊ ﺣﺘﻰ ﺍﻟﻐﺮﺍﺽ ﺍﻟﻨﻈﻴﻔﻪ ﺭﺟﻌﺖ ﻟﻤﻌﺘﻬﺎ ﻏﺴﻠﺖ ﻣﻼﺑﺴﻲ ﻭﺷﺮﻳﺘﻬﻢ ﺑﻠﺤﻤﺎﻡ ﺣﺘﻰ ﻳﺬﺑﻮﻥ ﺍﻟﻤﻲ ﻣﺎﻟﺘﻬﻢ ﻭﺭﺍﻫﺎ ﺍﺷﺮﻫﻢ ﻋﻠﻰ ﺍﻟﻤﺸﺮ ﺍﻟﻲ ﻫﻮ ﺣﺎﻃﻪ ﺑﺪﺍﺧﻞ ﺍﻟﺸﻘﻪ ﻃﺒﻜﺖ ﺍﻟﺘﻤﻦ ﻭﻋﻔﺘﻪ ﻳﺘﻬﺪﺭ ﻭﻳﻜﻤﻞ ﻋﻠﻰ ﻧﺎﺭ ﻧﺎﺻﻴﻪ ﻭﺩﺧﻠﺖ ﺳﺒﺤﺖ ﻭﻣﻦ ﻃﻠﻌﺖ ﺿﻔﺮﺕ ﺷﻌﺮﻱ ﻭﻛﻌﺪﺕ ﺑﺎﻭﻋﺖ ﺳﺎﻋﻪ ٣ ﺍﻟﻈﻬﺮﺯﻭﻣﺎﺍﺟﻪ ﻫﻮ ﺟﺎﻥ ﺳﺎﻋﻪ ٢ ﻳﺠﻲ ﻣﻌﻨﺎﻫﺎ ﻣﺮﺍﺡ ﻳﺘﻐﺪﻯ ﺍﻧﻲ ﻫﻢ ﺿﺠﺖ ﺍﻛﺜﺮ ﻣﺎ ﺍﻧﻲ ﺿﺎﻳﺠﻪ ﻭﻣﺎ ﺍﻛﻠﺖ ﺑﻘﻴﺖ ﺍﻟﻴﻮﻡ ﻛﻠﻪ ﺑﺲ ﺍﺗﻔﺮﺝ ﻋﻠﻰ ﺍﻟﺘﻠﻔﺰﻳﻮﻥ ﻟﺤﺪ ﺍﻟﻠﻴﻞ ﻛﻮﻟﺸﻲ ﻣﺎﺍﺳﻮﻱ ﻭﻣﻦ ﺗﻄﻔﻰ ﺍﻟﻜﻬﺮﺑﺎﺀ ﺍﺑﻘﻰ ﺍﻫﻔﻲ ﺑﻠﻤﻬﻔﻪ ﻭﻣﺎﺍﻓﺘﺢ ﺷﺒﺎﻙ
ﻣﺎ ﺍﺭﻳﺪ ﻣﺸﻜﻠﻪ ﺟﺪﻳﺪﻩ
ﺑﺎﻭﻋﺖ ﺳﺎﻋﻪ ١٠ ﺍﻧﻔﺘﺤﺖ ﺍﻟﺒﺎﺏ ﻛﻌﺪﺕ ﻋﺪﻝ ﺑﺎﻭﻉ ﻋﻠﻴﻪ ﻭﻛﺎﻝ ﺍﻟﺴﻼﻡ ﻋﻠﻴﻜﻢ
ﻭﻋﻠﻴﻜﻢ ﺍﻟﺴﻼﻡ ﺷﻤﺮ ﺍﻟﻤﻔﺘﺎﺡ ﻭﺩﺧﻞ ﻟﻠﻐﺮﻓﻪ ﻭﺍﺧﺬ ﻣﻼﺑﺲ ﻭﺩﺧﻞ ﻳﺴﺒﺢ ﻭﺍﻧﻲ ﻛﺎﻋﺪﻩ ﻃﻠﻊ ﻳﻨﺸﻒ ﺑﺸﻌﺮﻩ ﻛﺘﻠﻪ
ﺳﻠﻴﻞ : ﺗﺘﻌﺸﻰ
ﺳﺠﺎﺩ : ﺗﻌﺸﻴﺖ
ﺳﻠﻴﻞ : ﺯﻳﻦ ﻛﻤﺖ ﻭﻛﺘﻠﻪ ﺗﺼﺒﺢ ﻋﻠﻰ ﺧﻴﺮ
ﺳﺠﺎﺩ : ﻭﺍﻧﺖ ﺗﻌﺸﻴﺘﻲ
ﺳﻠﻴﻞ : ﺍﻱ ﻭﻣﺸﻴﺖ ﺍﺩﺧﻞ ﻟﻠﻐﺮﻓﻪ ﺳﻤﻌﺘﻪ ﻳﻜﻮﻝ
ﺳﺠﺎﺩ : ﻭﺍﻧﺘﻲ ﻣﻦ ﺍﻫﻞ ﺍﻟﺨﻴﺮ
ﺩﺧﻠﺖ ﻭﺳﺪﻳﺖ ﺍﻟﺒﺎﺏ ﻭﺗﻤﺪﺩﺕ ﻭﺍﻟﺪﻣﻌﻪ ﺑﻌﻴﻨﻲ ﻭﺩﻭﺧﻪ ﻻﺯﻣﺘﻨﻲ ﻻﻥ ﻣﻦ ﻏﺪﺍ ﺍﻟﺒﺎﺭﺣﻪ
ﺷﻮﻳﻪ ﻭﺍﻧﺪﻛﺖ ﺍﻟﺒﺎﺏ
ﻛﻌﺪﺕ ﻋﺪﻝ ﻭﻛﺘﻠﻪ ﺗﻔﻀﻞ
ﻓﺘﺢ ﺍﻟﺒﺎﺏ ﻭﺩﺧﻞ ﻛﺎﻝ
ﺳﺠﺎﺩ : ﻟﻴﺶ ﻣﻤﺎﻛﻠﻪ
ﺳﻠﻴﻞ : ﺍﻛﻠﺖ
ﺳﺠﺎﺩ : ﻋﺸﺎ ﺍﻟﺒﺎﺭﺣﻪ ﻋﻠﻰ ﺣﻄﺘﻪ ﻭﺍﻟﺼﻤﻮﻥ ﻧﻔﺴﻪ ﻭﺍﻟﻐﺪﺍ ﻣﻼﺯﻣﺘﻪ ﺍﺻﻼً ﺷﻮﻥ ﺑﻌﺪ ﺍﻛﻠﺘﻲ ﻟﻴﺶ ﺍﻟﻜﺬﺏ
ﺳﻠﻴﻞ : ﻣﺠﻮﻋﺎﻧﻪ
ﺳﺠﺎﺩ : ﻣﻦ ﻏﺪﺍ ﺍﻟﺒﺎﺭﺣﻪ ﻭﻣﺠﻮﻋﺎﻧﻪ
ﺳﻠﻴﻞ : ﺍﻱ ﻣﺠﻮﻋﺎﻧﻪ ﻟﻮ ﻫﺎﻱ ﻫﻢ ﺟﺒﺮ ﻻﺯﻡ ﺍﻛﻞ
ﺳﺠﺎﺩ : ﺍﺣﺠﻲ ﻋﺪﻝ ﻛﻤﺘﻲ ﺣﺘﻰ ﻣﺘﺤﺘﺮﻣﻴﻦ ﻟﺘﺸﻮﻓﻴﻦ ﺳﺎﻛﺖ ﻋﻠﻰ ﺳﺎﻟﻔﻪ ﺍﻟﺒﺎﺭﺣﻪ
ﺳﻠﻴﻞ : ﺿﺮﺏ ﻭﺿﺮﺑﺘﻨﻲ ﺭﺯﺍﻟﻪ ﻭﺭﺯﻟﺘﻨﻲ ﺑﻌﺪ ﺷﺘﺮﻳﺪ ﺗﺴﻮﻱ ﻭﻋﻔﻴﻪ ﻣﺎﺍﺭﻳﺪ ﺍﻱ ﻣﺸﻜﻠﻪ ﻫﺴﻪ ﻭﺍﻟﻠﻪ ﻣﻮ ﺣﻤﻞ ﻣﺸﻜﻠﻪ ﺍﺭﻳﺪ ﺍﻧﺎﻡ
ﺳﺠﺎﺩ : ﻧﺎﻣﻲ
ﻃﻠﻊ ﻭﺭﻛﻊ ﺍﻟﺒﺎﺏ ﺑﻴﻮﻣﻬﺎ ﻣﻨﻤﺖ ﺍﺻﻼً ﻟﻠﺼﺒﺢ ﻳﻠﻪ ﻏﻔﻴﺖ
ﻣﺮﺕ ٤ ﺍﻳﺎﻡ ﻫﺬﺍ ﺣﺎﻟﻨﺎ ﻭﺍﺣﺪ ﻣﻴﺤﺠﻲ ﻭﻳﻪ ﺍﻟﺜﺎﻧﻲ ﻋﻠﻰ ﻛﺪ ﺍﻟﺴﻼﻡ ﺍﻛﻠﻲ ﻛﻮﻟﺶ ﻗﻠﻴﻞ ﺣﺴﻴﺖ ﺑﺘﻌﺐ ﻭﻛﻤﺖ ﻫﻮﺍﻳﻪ ﺍﺩﻭﺥ ﻭﻛﻞ ﺷﻮﻳﻪ ﺍﺭﻳﺪ ﺍﻭﻛﻊ ﻭﺑﻴﻮﻡ ﺍﺷﺘﻐﻞ ﺑﺲ ﺍﻟﻬﻲ ﻧﻔﺴﻲ ﺟﻨﺖ ﺍﻣﺴﺢ ﺍﻟﻐﺮﻓﻪ ﻭﻓﺎﺗﺤﻪ ﺍﻟﺸﺒﺎﻙ ﺷﻮﻳﻪ ﺗﺘﻬﻮﻯ ﺍﻟﻐﺮﻓﻪ ﺍﻧﻲ ﺑﻄﺒﻌﻲ ﺍﻣﺴﺢ ﺍﻟﻜﺎﻉ ﺑﻴﺪﻱ ﻭﺻﻠﻪ ﻭﺍﺳﺘﻠﻢ ﺍﻟﺸﻘﻪ ﻛﻠﻬﺎ ﻣﺴﺢ ﺑﻴﺪﻱ ﺟﻨﺖ ﺍﻣﺴﺢ ﺟﻮﻩ ﺍﻟﺸﺒﺎﻙ
ﺭﻓﻌﺖ ﺭﺍﺳﻲ ﻭﻣﺤﺴﻴﺖ ﺑﻌﺪ ﺑﺸﻰ ﻟﺤﺪ ﻣﺎﻓﺘﺤﺖ ﻋﻴﻨﻲ ﻭﺍﻟﻜﻪ ﻧﻔﺴﻲ ﺑﺤﻀﻨﻪ ﻭﻳﻀﺮﺏ ﺑﻮﺟﻬﻲ ﺑﻴﺪﻩ
ﺳﺠﺎﺩ : ﺗﺴﻤﻌﻴﻨﻲ ﺳﻠﻴﻞ
ﺳﻠﻴﻞ : ﺍﺷﺮﺕ ﺑﺮﺍﺳﻲ ﺍﻱ ﻭﻣﻜﺪﺭﺕ ﺍﻓﺘﺢ ﻋﻴﻨﻲ ﺣﻴﻞ ﺣﺴﻴﺘﻪ ﺷﺎﻟﻨﻲ ﻭﺣﻄﻨﻲ ﻋﻠﻰ ﺍﻟﺠﺮﺑﺎﻳﻪ ﻭﻳﺪﻭﺭ ﺑﻐﺮﺍﺿﻲ ﻋﻠﻰ ﻋﺒﺎﻳﻪ ﻣﺠﻨﺖ ﺟﺎﻳﺒﻪ ﻭﻳﺎﻳﻪ
ﺳﺠﺎﺩ : ﻭﻳﻦ ﻋﺒﺎﺗﺞ
ﺳﻠﻴﻞ : ﺣﺠﻴﺖ ﻛﻮﻩ ﻣﺠﺎﻳﺒﺘﻬﺎ
ﺳﺠﺎﺩ : ﻻﺯﻡ ﺍﺧﺬﺝ ﻟﻠﻤﺴﺘﺸﻔﻰ
ﺳﻠﻴﻞ : ﻻ
ﺳﺠﺎﺩ : ﺩﻣﺞ ﻣﻐﺮﻙ ﺍﻟﺪﻧﻴﺎ
ﺳﻠﻴﻞ : ﺍﺣﺲ ﺑﺄﻟﻢ ﺑﺮﺍﺳﻲ ﻣﻮ ﻃﺒﻴﻌﻲ ﻓﺘﺤﺖ ﻛﻮﻩ ﻋﻴﻨﻲ ﺍﺭﻳﺪ ﺍﺳﺘﻮﻋﺐ ﺍﻟﻲ ﻳﺼﻴﺮ ﺑﺎﻭﻋﺖ ﻋﻠﻴﻪ ﺷﻔﺘﻪ ﻣﺨﺒﻮﺹ ﻭﻳﺮﺟﻒ
ﺳﺠﺎﺩ : ﻫﺎﺝ ﺣﻄﻲ ﻫﺬﺍ ﺍﻟﺸﺎﻝ ﻋﻠﻰ ﺟﺘﻔﺞ ﻭﺍﻣﺸﻲ ﻟﻠﻤﺴﺘﺸﻔﻰ
ﺳﻠﻴﻞ : ﻣﺎﺍﺭﻭﺡ ﻣﺎﺑﻴﻪ ﺷﻰ ﻟﺰﻡ ﺭﺍﺳﻲ ﻭﻋﺎﻁ ﺷﻮﻥ ﻣﺎﺑﻴﺞ ﻭﺷﻮﻓﻨﻲ ﺍﻳﺪﻩ ﺍﺷﻮﻥ ﻣﺘﺮﻭﺳﻪ ﺩﻡ
ﺳﺠﺎﺩ : ﺗﻜﺪﺭﻳﻦ ﺗﻜﻮﻣﻴﻦ ﻟﻮﺍﺷﻴﻠﺞ
ﺳﻠﻴﻞ : ﻻ ﺍﻛﺪﺭ ﺍﻛﻮﻡ ﺟﺎﻥ ﻳﻤﺪ ﺍﻳﺪﻩ ﻟﺰﻣﺘﻬﺎ ﻭﻛﻮﻩ ﺍﺗﺤﺮﻙ ﺍﻧﻲ ﺍﻟﺪﻭﺧﻪ ﻣﻮﺗﺘﻨﻲ ﻭﺧﻄﻮﻩ ﺧﻄﻮﻩ ﻭﺻﻠﺖ ﻟﻠﺪﺭﺝ ﻭﺭﺩﺕ ﺍﻭﻛﻊ ﺷﺎﻟﻨﻲ ﻭﻧﺰﻟﻨﻲ ﺻﺎﺭ ﻭﻟﺪ ﻛﺒﺎﻟﻨﺎ
ﺧﻴﺮﻙ ﺳﺠﺎﺩ
ﺳﺠﺎﺩ : ﺯﻭﺟﺘﻲ ﻣﻀﺮﻭﺑﻪ ﺑﺮﺍﺳﻬﺎ ﻭﺷﺒﻪ ﻓﺎﻗﺪﻩ
ﺳﻠﻴﻞ : ﺍﻧﻲ ﻣﻐﻤﻀﻪ ﻭﺟﻬﻲ ﺑﺼﺪﺭﻩ ﺑﺲ ﻣﻦ ﺳﻤﻌﺖ ﻛﺎﻝ ﺯﻭﺟﺘﻲ ﺍﺣﺲ ﮔﻠﺒﻲ ﻧﺒﺾ ﺑﻘﻮﻩ
ﺭﺩﺕ ﺍﺑﻘﻰ ﻫﻴﺞ ﺍﺗﺤﻤﻞ ﺍﻻﻟﻢ ﻭﺍﻟﺪﻭﺧﻪ ﺑﺲ ﻟﻴﺒﻌﺪﻧﻲ ﻣﻦ ﺣﻀﻨﻪ
ﺍﻟﻮﻟﺪ ﻣﺒﻴﻦ ﻋﻨﺪﻩ ﺳﻴﺎﺭﻩ ﻻﻥ ﺭﻛﺾ ﻧﺰﻟﻨﻲ ﻣﻦ ﺣﻀﻨﻪ ﻭﺩﺧﻠﻨﻲ ﻟﻠﺴﻴﺎﺭﻩ ﻭﻛﻌﺪﺕ ﻭﺍﻋﻴﻪ ﺑﺲ ﺑﺼﻌﻮﺑﻪ ﺍﻓﺘﺢ ﻋﻴﻨﻲ
ﻧﺰﻟﻨﺎ ﺍﺗﻤﺸﻰ ﻭﺩﺧﻠﻨﺎ ﻟﻠﻤﺴﺘﺸﻔﻰ ﺍﻟﻄﺒﻴﺐ ﻛﺎﻝ
ﻳﻤﻌﻮﺩ ﺳﻬﻠﻪ ﻋﻠﻰ ﻛﻴﻔﻚ ﺧﺒﺼﺖ ﺍﻟﻤﺴﺘﺸﻔﻰ ﺍﻧﻲ ﻛﻠﺖ ﻣﻀﺮﻭﺑﻪ ﻃﻠﻘﻪ
ﺳﺠﺎﺩ : ﺩﻛﺘﻮﺭ ﺭﺟﻌﺖ ﻟﻜﻴﺘﻬﺎ ﻏﺮﻛﺎﻧﻪ ﺑﺪﻣﻬﺎ ﺷﻮﻥ ﻣﺎﺍﻏﺒﺺ ﺍﻟﺪﻧﻴﺎ
ﻫﻲ ﺑﺸﻨﻮ ﻣﻀﺮﻭﺑﻪ
ﺳﺠﺎﺩ : ﻣﺎﺍﺩﺭﻱ ﺑﺲ ﻣﺒﻴﻦ ﺑﺤﺎﻓﻪ ﺍﻟﺸﺒﺎﻙ ﻻﻥ ﺟﻮﺍﻩ ﻟﻜﻴﺘﻬﺎ ﻣﺘﻤﺪﺩﻩ
ﺍﻟﻀﺮﺑﻪ ﻣﻮ ﻣﺎﻝ ﺧﻴﺎﻁ ﻻﻥ ﻋﺒﺎﺭﻩ ﻋﻦ ﺯﺭﻑ ﺑﺮﺍﺳﻬﺎ ﺑﺲ ﻋﻤﻴﻖ ﻫﻮ ﺳﺒﺐ ﺍﻟﻨﺰﻑ ﻛﻠﻪ
ﺍﺗﺴﻤﻌﻴﻨﻲ ﺑﻨﺘﻲ
ﺳﻠﻴﻞ : ﺍﺷﺮﺕ ﺑﺮﺍﺳﻲ ﺍﻱ
ﺍﻟﺪﻛﺘﻮﺭ : ﺟﻴﺪ ﺑﻠﻪ ﺍﻓﺘﺤﻲ ﻋﻴﻮﻧﺞ
ﻭﺑﺪﻳﺖ ﺍﻓﺘﺢ ﻋﻴﻮﻧﻲ ﻭﺍﺣﺮﻛﻬﺎ ﻣﺜﻞ ﻣﻴﻜﻮﻟﻲ ﺍﺧﺮ ﺷﻰ ﻃﻠﺐ ﺗﺤﻠﻴﻞ ﻣﻦ ﻛﺘﻠﻪ ﺟﻨﺖ ﺩﺍﻳﺨﻪ
ﻋﻘﻤﻮﻟﻲ ﺍﻟﺠﺮﺡ ﻭﺷﺪﻭﻩ ﺩﺍﻳﺮ ﻣﺪﺍﻳﺮ ﻭﺟﻬﻲ ﺣﺘﻰ ﻳﻨﻀﻐﻂ ﻋﻠﻴﻪ ﻭﻳﺘﻮﻗﻒ ﺍﻟﻨﺰﻑ ﻭﻃﻠﻊ ﺍﻟﺘﺤﻠﻴﻞ ﻓﻘﺮ ﺩﻡ
ﺍﻧﻄﻰ ﻟﺴﺠﺎﺩ ﻣﺠﻤﻮﻋﻪ ﺍﺩﻭﻳﻪ ﻭﺗﻮﺻﻴﻪ ﺑﺎﻻﻛﻞ ﺍﻟﺰﻳﻦ ﺍﻧﻲ ﻣﻤﺮﻛﺰﻩ ﻭﻳﺎﻩ ﻻﻥ ﺍﺭﻳﺪ ﺑﺲ ﺍﺭﺟﻊ ﺍﺣﺲ ﺑﻨﻌﺲ
ﻃﻠﻌﻨﺎ ﻣﻦ ﺍﻟﻤﺴﺘﺸﻔﻰ ﻭﺭﺟﻌﻨﺎ ﻭﺍﺳﻤﻊ ﺳﺠﺎﺩ
ﻳﺘﺸﻜﺮ ﻣﻦ ﺍﻟﻮﻟﺪ ﺻﻌﺪﺕ ﻛﻮﻩ ﻭﺩﺧﻠﻨﻲ ﺑﻠﻔﺮﺍﺵ
ﺳﺠﺎﺩ : ﺷﻮﻱ ﻭﺍﺟﻴﺞ ﺭﺍﺡ ﻭﺭﺟﻊ ﻭﺭﻩ ﻧﺺ ﺳﺎﻋﻪ ﺟﺎﻳﺐ ﻭﻳﺎﻩ ﻣﻌﻼﻙ ﺷﻮﻱ ﻭﺯﻻﻃﻪ ﻭﻛﺮﻓﺲ ﻭﺍﺟﻪ ﻛﻌﺪ ﻳﻤﻲ ﻋﻠﻰ ﺍﻟﺠﺮﺑﺎﻳﻪ ﻭﺑﺼﻴﻨﻴﻪ ﺻﻐﻴﺮﻩ ﺣﻄﻬﻢ ﻛﺪﺍﻣﻲ
ﺳﺠﺎﺩ : ﻳﻠﻪ ﺍﻛﻠﻲ
ﺳﻠﻴﻞ : ﻣﺠﻮﻋﺎﻧﻪ
ﺳﺠﺎﺩ : ﺍﺭﻳﺪ ﺍﻓﺘﻬﻢ ﺍﻟﻲ ﺩﺗﺴﻮﻱ ﺷﻨﻮ ﻣﻌﻨﺎﻩ
ﺳﻠﻴﻞ : ﺷﻤﺴﻮﻳﻪ
ﺳﺠﺎﺩ : ﻟﻴﺶ ﺗﺄﺫﻳﻦ ﻧﻔﺴﺞ
ﺳﻠﻴﻞ : ﻣﻤﺄﺫﻳﻪ
ﺳﺠﺎﺩ : ﻣﻦ ﻣﺘﺎﻛﻠﻴﻦ ﺗﺄﺫﻳﻦ ﻧﻔﺴﺞ ﻭﻣﻦ ﺗﺸﺘﻐﻠﻴﻦ ﻭﺍﻧﺘﻲ ﺩﺍﻳﺨﻪ ﻫﻢ ﺗﺄﺫﻳﻦ ﻧﻔﺴﺞ ﻭﻟﺞ ﺍﺣﺲ ﻛﺎﺷﻲ ﺍﻟﺸﻘﻪ ﺭﺍﺡ ﻳﻨﺸﻠﻊ ﻣﻦ ﺍﻟﻤﺴﺢ
ﺳﻠﻴﻞ : ﻣﻤﺘﻘﺼﺪﻩ ﺃﺫﻱ ﻧﻔﺴﻲ ﻭﺛﺎﻧﻲ ﺷﻰ ﻭﻳﻦ ﺍﺭﻭﺡ ﺍﻟﺘﻬﻲ ﺑﻠﺸﻐﻞ
ﺳﺠﺎﺩ : ﻳﻠﻪ ﺍﻛﻠﻲ ﺑﺪﺍﻋﺖ ﻃﻪ
ﺳﻠﻴﻞ : ﻛﻌﺪﺕ ﺍﻛﻞ ﻭﻛﻮﻩ ﺍﺑﻠﻊ ﺍﻟﻠﻜﻤﻪ ﻭﻫﻮ ﺭﺍﺡ ﻭﺟﺎﺏ ﻭﺻﻠﻪ ﻭﻣﺴﺢ ﺍﻟﺪﻡ ﻣﻦ ﺍﻟﻜﺎﻉ ﺭﺩﺕ ﺍﻣﺴﺤﻪ ﻣﻘﺒﻞ ﻛﻤﻠﺖ ﻭﺭﺟﻊ ﺷﺎﻝ ﺍﻻﻛﻞ ﻣﻦ ﻛﺪﺍﻣﻲ ﻭﺍﺧﺬﺕ ﺍﻟﻌﻼﺝ ﺍﻟﻲ ﺍﻧﻄﺎﻧﻲ ﺍﻟﻄﺒﻴﺐ ﻭﺗﻤﺪﺩﺕ
ﺳﺠﺎﺩ : ﻣﺤﺘﺎﺟﻪ ﺷﻰ
ﺳﻠﻴﻞ : ﺳﻼﻣﺘﻚ
ﺳﺠﺎﺩ : ﺗﺼﺒﺤﻴﻦ ﻋﻠﻰ ﺧﻴﺮ
ﺳﻠﻴﻞ : ﻭﺍﻧﺖ ﻣﻦ ﺍﻫﻠﻪ ﻭﺟﺎﻥ ﻳﻜﻮﻝ ﺑﻬﺪﻭﺀ
ﻟﺘﺨﻮﻓﻴﻨﻲ ﺑﻌﺪ ﻋﻠﻴﺞ
ﺳﻠﻴﻞ : ﺍﺷﺮﺕ ﺑﺮﺍﺳﻲ ﺍﻱ ﻭﻋﺎﻓﻨﻲ ﻭﻃﻠﻊ ﻛﻤﺖ ﻛﻞ ﻛﻠﻤﺔ ﻳﻜﻮﻟﻬﺎ ﺍﻓﺴﺮﻫﺎ ﺍﻟﻒ ﺗﻔﺴﻴﺮ ﺣﺘﻰ ﻟﻮ ﻣﻮ ﺑﻘﺼﺪ ﺍﺣﺴﺐ ﺍﻟﻬﺎ ﺣﺴﺎﺏ ﻧﻤﺖ ﻣﻦ ﺍﺛﺮ ﺍﻟﻤﺴﻜﻨﺎﺕ ﻛﻌﺪﺕ ﻋﻠﻰ ﺍﺻﻮﺍﺕ ﻣﺸﺘﺎﻗﺘﻠﻬﻢ ﺑﻜﺪ ﺍﻟﺪﻧﻴﺎ ﻭﺑﻮﺳﺎﺕ ﺑﺨﺪﻱ ﻓﺘﺤﺖ ﻋﻴﻨﻲ
ﻭﺍﻟﻜﻪ ﺭﺷﺎ ﻭﺭﻳﻢ ﻭﻏﺰﻝ ﺣﻀﻨﺘﻬﻢ ﻣﻤﺼﺪﻛﻪ ﻛﺪﺍﻣﻲ
ﺭﺷﺎ .. ﻫﺎﺍﺍ ﺛﻠﻞ ﻳﻜﻮﻟﻮﻥ ﻣﺘﻌﺎﺭﻛﻪ ﻭﻓﺎﺷﺨﻪ ٥
ﺳﻠﻴﻞ : ﺷﻮﻥ ﺍﺟﻴﺘﻮ
ﺭﻳﻢ : ﻋﻤﻮ ﺳﺠﺎﺩ ﺟﺎﺑﻨﺎ ﺍﺷﺘﺎﻗﻴﺘﻠﺞ ﺛﻠﻞ ﻭﺍﻟﻠﻪ ﻣﺮﺍﺕ ﺍﺑﺠﻲ ﻻﻥ ﻣﺎﺍﺷﻮﻓﺞ
ﺣﻀﻨﺘﻬﻢ ﺣﻴﻞ ﻭﺭﺩﺕ ﺍﺑﺠﻲ ﻣﻦ ﻛﺜﺮ ﻣﻤﺸﺘﺎﻗﻪ ﺍﻟﻬﻢ
ﻏﺰﻝ : ﺷﻮﻛﺖ ﺗﺮﺟﻌﻴﻦ
ﺳﻠﻴﻞ : ﺍﻥ ﺷﺎﺀ ﺍﻟﻠﻪ ﺍﺭﺟﻊ ﻭﻟﺞ ﺣﻠﻴﺎﻧﻪ ﻭﻛﺒﺮﺍﻧﻪ
ﻏﺰﻝ : ﻣﺎﻣﺎ ﺍﺭﺟﻌﻲ ﻭﻳﺎﻧﻪ
ﺳﻠﻴﻞ : ﻏﻴﺮ ﻣﺮﻩ ﺍﺭﺟﻊ
ﺭﺷﺎ .. ﻳﻠﻪ ﺍﺭﻭﺡ ﺍﺳﻮﻳﻠﻜﻢ ﺭﻳﻮﻙ
ﺳﻠﻴﻞ : ﻟﻴﺶ ﺳﺎﻋﻪ ﺑﻴﺶ ﻫﺴﻪ
ﺭﺷﺎ .. ﻋﺸﺮﻩ ﺍﻻ ﺭﺑﻊ ﺍﺫﺍ ﻋﻤﻮ ﺟﺎﺑﻨﺎ ﺳﺤﻞ ﻣﻦ ﺍﻟﻔﺮﺍﺵ ﺣﺘﻰ ﻧﺼﺒﺢ ﻋﻠﻴﻚ ﻭﻧﺎﻛﻞ ﺳﻮﻩ
ﺳﻠﻴﻞ : ﻭﻋﻤﻪ ﻭﻳﻨﻬﺎ
ﺭﺷﺎ .. ﺑﻘﺖ ﺧﻔﺮ ﺑﻠﺒﻴﺖ ﺍﺧﺎﻑ ﻣﺎﻣﺎ ﺳﻨﺪﺱ ﺗﺠﻲ ﺍﺫﺍ ﻫﻲ ﻫﺎﻱ ﺍﻟﻔﺘﺮﻩ ﺻﺎﻳﺮﻩ ﻣﻘﻴﻤﻪ ﻋﺪﻧﺎ ﻛﻞ ﺷﻮﻱ ﻭﻛﺎﻣﺰﻩ ﻛﺎﻟﺖ ﺗﺒﻘﻰ ﺍﺧﺎﻑ ﺗﺠﻲ ﺗﻐﻄﻲ ﻋﻠﻴﻨﺎ ﻭﺗﻜﻮﻟﻬﺎ ﻧﺎﻳﻤﺎﺕ
ﻭﻣﻦ ﻧﺮﺟﻊ ﺗﺠﻴﺞ
ﺳﻠﻴﻞ : ﺧﻮﻣﺎ ﺗﻀﺎﻳﻘﻜﻢ
ﺭﺷﺎ .. ﺧﻠﻲ ﻧﺘﺮﻳﻚ ﻭﺍﺳﻮﻟﻔﻠﺞ ﺷﺴﻮﻳﺖ
ﺭﺍﺣﺖ ﺗﺴﻮﻱ ﺭﻳﻮﻙ ﻭﺣﻀﺮﺕ ﻛﻮﻟﺸﻲ ﺳﺠﺎﺩ ﺟﺎﻳﺐ ﺑﻴﺾ ﻭﻛﻴﻤﺮ ﻋﺮﺏ ﻭﺻﻤﻮﻥ ﺣﺎﺭ ﻋﺎﻳﻔﻪ ﺑﻠﻤﻄﺒﺦ ﻭﻋﺎﻓﻨﺎ ﻭﺣﺪﻧﺎ ﺟﻨﺖ ﻛﺎﻋﺪﻩ ﺑﻴﻦ ﺧﻮﺍﺗﻲ ﻣﺜﻞ ﺍﻟﻜﺎﻋﺪﻩ ﺑﻠﺠﻨﻪ ﺣﻴﻞ ﻣﺸﺘﺎﻗﻪ ﺍﻟﻬﻦ ﻭﺟﻴﺘﻬﻦ ﺑﻮﻛﺘﻬﺎ
ﺍﺧﺬﺗﻨﻲ ﺭﺷﺎ ﻭﻏﺴﻠﺖ ﻭﺟﻬﻲ ﻭﺭﮔﺒﺘﻲ ﻭﺷﻌﺮﻱ ﺍﻃﺮﺍﻓﻪ ﻻﻥ ﺑﻴﻪ ﺩﻡ ﺑﺲ ﺣﺎﻭﻟﺖ ﻣﺘﻮﺻﻞ ﺍﻟﻤﻲ ﻟﻠﺠﺮﺡ ﻭﻏﺴﻠﺖ ﺟﺴﻤﻲ ﻛﻠﻪ ﻭﺑﺪﻟﺖ ﻣﻼﺑﺴﻲ ﻛﻠﻬﻦ ﺑﺪﻭﻥ ﻣﺎﺍﺩﻧﺞ ﺍﻭ ﺍﺳﻮﻱ ﻣﺠﻬﻮﺩ ﺣﺘﻰ ﻻ ﺍﺩﻭﺥ ﺣﺒﻴﺒﺘﻲ ﻛﺒﺮﺍﻧﻪ ﻭﺻﺎﻳﺮﻩ ﺷﺎﻃﺮﻩ
ﻭﺿﻔﺮﺕ ﺷﻌﺮﻱ ﻋﻠﻰ ﻛﻴﻔﻬﺎ ﻭﻛﻌﺪﻧﺎ ﻧﺘﺮﻳﻚ ﻭﺑﺪﺕ ﺗﺴﻮﻟﻒ ﺍﻟﺼﺎﺭ
ﺭﺷﺎ .. ﺟﻨﺖ ﻛﺎﻋﺪﻩ ﺍﺷﺘﻐﻞ ﻭﻣﺎﻣﺎ ﻭﻋﻤﻪ ﻛﺎﻋﺪﺍﺕ ﻭﺗﻌﺮﻓﻴﻦ ﺍﻣﺞ ﺗﺤﻴﺮ ﺷﺬﺏ ﺣﺠﻲ ﺷﻮ ﻫﺎﻱ ﺳﻜﺘﺖ ﻭﺟﺎﻥ ﺗﻜﻮﻝ ﻟﻌﻤﻪ
ﺳﻨﺪﺱ : ﺭﺷﺎ ﻛﺒﺮﺍﻧﻪ ﻫﻢ ﺻﺎﻳﺮﻩ ﻣﺮﻩ
ﻧﻬﺮ : ﺟﻮﺯﻱ ﻣﻨﻬﺎ ﻣﻜﺎﻓﻲ ﺫﻳﺞ ﻫﺠﺠﺘﻴﻬﺎ
ﺳﻨﺪﺱ : ﻣﺎﻟﺞ ﺩﺧﻞ ﺍﻧﺘﻲ ﻭﻟﺘﻨﺴﻴﻦ ﺍﻧﻲ ﻫﻨﺎ ﻭﺍﺻﻠﻪ ﻣﻨﺞ ﻭﺗﺄﺷﺮ ﻋﻠﻰ ﺧﺸﻤﻬﺎ ﺑﺲ ﺍﺿﻮﺝ ﺍﻃﺮﺩﺝ..بيج قصص عراقيه حقيقيه من واقعنا.روعه الطائي
ﻧﻬﺮ : ﺍﻧﺘﻲ ﻣﻦ ﻳﺎﻣﻠﻪ ﻟﺨﺎﻃﺮ ﺭﺑﺞ ﻛﻞ ﻣﺘﺠﻴﻦ ﺗﻌﻴﻄﻴﻦ ﻭﺗﺴﻮﻳﻠﺞ ﻣﺸﻜﻠﻪ ﻭﺗﺮﺣﻴﻦ ﻭﺗﺮﺩﻳﻦ ﺑﻨﺎﺗﺞ ﻳﺤﺒﻨﺞ ﻫﻨﻪ ﺍﺻﻼً ﺷﺎﻓﻦ ﻣﻨﺞ ﺑﺲ ﺍﻟﻤﺼﺎﻳﺐ ﻭﺍﺧﺮ ﺷﻰ ﺑﻌﺪﺗﻲ ﺍﺧﺘﻬﻦ ﻋﻨﻬﻦ
ﺳﻨﺪﺱ : ﺑﻠﻪ ﺍﺳﻜﺘﻲ ﻭﻟﺘﺨﺮﻃﻴﻦ ﺑﺮﺍﺳﻲ ﻭﻋﻮﻓﻴﻨﻲ ﻭﻳﻪ ﺭﺷﺎ
ﻧﻬﺮ : ﻣﺎﺍﻋﻮﻓﺞ ﺍﺣﺠﻲ ﻛﺪﺍﻣﻲ
ﺳﻨﺪﺱ : ﻭﻟﺞ ﻧﻬﺮ ﻟﺘﺤﻄﻴﻦ ﺭﺍﺳﺞ ﺑﺮﺍﺳﻲ
ﻧﻬﺮ : ﻣﻦ ﺍﻧﻬﺠﻢ ﺭﺍﺳﺞ ﻛﻮﻥ
ﺳﻨﺪﺱ : ﺑﻠﻪ ﻣﺘﻮﻟﻴﻦ ﺗﻌﺎﻟﻲ ﻣﺎﻣﺎ ﺭﺷﺎ
ﺍﺟﻴﺖ ﻭﻛﻌﺪﺕ ﺑﺼﻔﻬﺎ
ﻛﺎﻣﺖ ﺗﻠﻌﺐ ﺑﺸﻌﺮﻱ
ﻣﺎﻣﺎ ﺷﻠﻮﻧﺞ ﺑﻠﻤﺪﺭﺳﻪ
ﺭﺷﺎ .. ﺑﻌﺪ ﻭﻛﺖ ﻏﻴﺮ ﻋﻄﻠﻪ ﻫﺴﻪ
ﺳﻨﺪﺱ : ﺭﺣﺘﻲ ﺭﺍﺑﻊ ﻭﺻﺮﺗﻲ ﻣﺮﻩ
ﺭﺷﺎ .. ﺍﻱ ﺍﺩﺭﻱ ﻭﺑﻌﺪﻳﻦ
ﺳﻨﺪﺱ : ﺷﻨﻮ ﻗﺼﺪﺝ
ﺭﺷﺎ .. ﻣﺎﻣﺎ ﺷﺘﺮﺩﻳﻦ ﻣﻨﻲ ﻋﻔﻴﻪ ﺑﺪﻭﻥ ﻫﺎﻱ ﺍﻟﺤﻨﻴﻪ ﺍﻟﺰﺍﻳﺪﻩ
ﺳﻨﺪﺱ : ﺍﻋﺮﻑ ﺑﻴﺞ ﻋﻘﻠﺞ ﺟﺒﻴﺮ ﻭﺫﻛﻴﻪ ﻭﺍﻛﻴﺪ ﺭﺍﺡ ﺗﻔﺘﻬﻤﻴﻦ ﻛﻼﻣﻲ
ﻧﻬﺮ : ﻋﻮﻓﻴﻬﺎ ﺳﻨﺪﺱ ﻛﻮﻣﻲ ﻣﺎﻣﺎ ﺭﺷﺎ
ﺭﺷﺎ .. ﻻ ﻋﻤﻪ ﺧﻠﻲ ﺍﻓﻬﻢ ﻣﺎﻣﺎ ﺷﺘﺮﻳﺪ ﻣﻨﻲ
ﺳﻨﺪﺱ : ﻧﻬﺮ ﺍﺫﺍ ﺣﺠﻴﺘﻲ ﺣﺠﺎﻳﻪ ﺛﺎﻧﻴﻪ ﺍﻟﻌﺐ ﺑﻴﺞ ﻃﻮﺑﻪ ﺍﺳﻜﺘﻲ
ﺭﺷﺎ .. ﺍﺳﻤﻊ ﻛﻤﻠﻲ
ﺳﻨﺪﺱ : ﺑﻨﺘﻲ ﺍﺑﻦ ﻋﻤﺞ ﺧﻠﻴﻞ ﻭﻟﺪ ﺷﺎﺏ ﻭﺣﻠﻮ ﻭﺍﻣﻜﺎﻧﻴﺘﻪ ﺯﻳﻨﻪ ﺣﺘﻰ ﺳﻴﺎﺭﻩ ﻋﻨﺪﻩ ﻭﺧﻴﺮ ﻣﻦ ﺍﻟﻠﻪ ﻓﻠﻮﺱ ﻭﺍﻣﻼﻙ ﻭﻳﺮﻳﺪ ﺑﻨﻴﻪ ﺣًﻠﻮﻩ ﻭﺻﻐﻴﺮﻩ ﺷﻮﻥ ﺍﻧﺘﻲ ﻳﻌﻨﻲ ﻗﺴﻤﻪ ﺫﻫﺐ ﻣﺴﺘﺤﻴﻞ ﺗﻠﻜﻴﻦ ﻣﺜﻠﻬﺎ ﻭﻓﻮﻙ ﻛﻞ ﻫﺬﺍ ﺍﺫﺍ ﺗﺰﻭﺟﺘﻮ ﻳﺠﻮﺯ ﺗﻌﻴﺸﻴﻦ ﻳﻤﻲ ﺑﻠﺒﻴﺖ ﺍﻟﺠﺒﻴﺮ ﻭﺍﻃﻠﻌﻴﻦ ﻣﻦ ﻗﻔﺺ ﺍﻟﺪﺟﺎﺝ ﺍﻟﻌﺎﻳﺸﻪ ﺑﻴﻪ ﺻﻴﺮﻱ ﺳﺒﺎﻋﻴﻪ ﻣﻮ ﻣﺜﻞ ﺍﺧﺘﺞ ﺍﻟﻔﮕﺮ ﺭﺍﺣﺖ ﺫﺑﺖ ﻧﻔﺴﻬﺎ ﺑﺘﻬﻠﻜﻪ ﺣﺘﻰ ﻣﺘﺘﺰﻭﺟﻪ ﻟﺘﻀﻴﻌﻮﻥ ﺗﻌﺒﻲ ﻭﺗﺨﻄﻴﻄﻲ ﻛﻞ ﻫﺎﻱ ﺍﻻﺷﻬﺮ ﻭﺍﻟﻠﻪ ﻧﺼﻴﺮ ﺑﻠﺴﻤﺎ ﺍﺫﺍ ﺗﺰﻭﺟﺘﻲ ﺍﺑﻦ ﺧﻠﻴﻞ
ﺭﺷﺎ .. ﻣﺎﺍﺭﻳﺪ
ﺳﻨﺪﺱ : ﻟﺞ ﺍﻣﻲ ﻭﺍﻟﻠﻪ ﺗﺘﻨﺪﻣﻴﻦ ﺑﻌﻤﺮﺝ ﺗﺰﻭﺟﺖ ﺑﺲ ﻣﻌﺮﻓﺖ ﺍﺧﺘﺎﺭ ﻭﻫﺎﻱ ﺗﺎﻟﻴﻬﺎ ﻛﺘﻠﻨﻲ ﺍﻟﻘﻬﺮ ﺍﻟﻔﮕﺮ ﻭﻗﻠﻪ ﺍﻟﺤﺎﻝ ﻭﺿﻴﻌﺖ ﺷﺒﺎﺑﻲ ﻋﻠﻰ ﺍﻟﻔﺎﺭﻍ ﺍﺭﻳﺪﺝ ﺗﻌﻴﺸﻴﻦ ﺍﺣﺴﻦ ﻋﻴﺸﻪ ﻭﺣﺘﻰ ﺧﻮﺍﺗﺞ ﺗﻜﺪﺭﻳﻦ ﺗﺴﺎﻋﺪﻳﻬﻦ
ﻧﻬﺮ : ﻣﻮ ﻋﻠﻰ ﺍﺳﺎﺱ ﻃﻪ ﺍﺧﺬﺝ ﺑﺖ ﻭﺯﻳﺮ ﻭﻋﺸﺘﻲ ﺑﻠﻔﻜﺮ ﻭﺍﻟﻠﻪ ﺗﺤﺠﻴﻦ ﺍﻻﺧﺮﺱ
ﺳﻨﺪﺱ : ﻣﺎﻟﺞ ﻋﻼﻗﻪ ﺑﻌﻤﺘﺞ ﺍﻟﺮﻋﻨﻪ ﺭﻛﺰﻱ ﻭﻳﺎﻳﻪ ﺍﻧﺘﻲ ﺍﺫﻛﻰ ﻣﻦ ﺍﺧﺘﺞ ﻭﻃﺎﻟﻌﻪ ﻋﻠﻴﻪ ﺍﺩﺭﻱ ﺑﻴﺞ ﻭﻟﺞ ﺣﻄﻲ ﺍﻳﺪﺝ ﺑﻴﺪﻱ ﻭﺍﻋﻴﺸﺞ ﻣﻠﻜﻪ ﻭﻋﻮﻓﻲ ﻫﺬﺍ ﺍﻟﻀﻴﻢ ﻛﻠﻪ ﻭﺍﻗﺒﻠﻲ ﻭﻣﻦ ﺑﺎﺟﺮ ﺍﺳﻮﻳﻠﺞ ﺍﺣﻠﻰ ﻋﺮﺱ ﻭﺍﻟﻠﻪ ﺗﻜﻮﻣﻴﻦ ﺗﻤﺸﻴﻦ ﻭﺗﺼﻴﺤﻴﻦ ﻋﺎﺷﺖ ﺍﻳﺪﺝ ﻣﺎﻣﺎ ﻋﻠﻰ ﻫﺎﻱ ﺍﻟﻘﺴﻤﻪ ﺍﻟﺰﻳﻨﻪ
ﺭﺷﺎ .. ﺑﺲ ﺍﻟﻮﻟﺪ ﻣﺎ ﺍﻋﺮﻓﻪ
ﺳﻨﺪﺱ : ﻭﺭﻩ ﺍﻟﺰﻭﺍﺝ ﺗﻌﺮﻓﻲ ﺍﻫﻢ ﺷﻰ ﺗﻘﺒﻠﻴﻦ ﺑﻠﺰﻭﺍﺝ ﻟﺞ ﺍﻣﻲ ﺍﻛﻠﻬﺎ ﺧﻴﺮ ﻣﻦ ﺍﻟﻠﻪ ﻭﺍﻟﻒ ﺑﻨﻴﻪ ﺗﺘﻤﻨﺎﻩ ﻭﻣﻌﻮﺩﺕ ﺍﺧﻠﻲ ﻭﺣﺪﻩ ﻣﻨﺠﻦ ﺍﻟﻪ ﺫﻳﺞ ﺍﻟﺜﻮﻟﻪ ﻣﺸﺖ ﻭﺭﻩ ﺫﺍﻙ ﺍﻟﺘﺎﻓﻬﻪ ﺍﻟﻨﺎﻓﺦ ﺭﻭﺣﻪ ﻋﻠﻰ ﺍﻟﻔﻜﺮ ﺑﻘﻴﺘﻲ ﺍﻧﺘﻲ ﻻﺯﻡ ﺗﺴﻤﻌﻴﻦ ﻛﻼﻣﻲ ﻭﺗﺸﻴﻠﻴﻦ ﺳﻮﺍﻟﻒ ﺍﻟﻨﺎﺱ ﺍﻟﺘﻌﺒﺎﻧﻪ ﺍﻟﻤﺘﻮﻛﻞ ﺧﺒﺰ ﺳﻮﺍﻟﻒ ﻋﻤﺘﺞ
ﺭﺷﺎ .. ﺷﻮﻓﻲ ﻣﺎﻣﺎ ﺯﻭﺍﺝ ﺍﻧﻲ ﻣﺎﺍﺗﺰﻭﺝ ﻫﺎﻱ ﻣﻦ ﺍﻻﺧﻴﺮ
ﺳﻨﺪﺱ : ﺍﻧﺘﻦ ﻟﻴﺶ ﺗﻌﺎﻧﺪﻧﻲ ﻭﺗﺨﻠﻨﻲ ﺍﺳﻮﻱ ﺷﻰ ﻣﺎﺍﺣﺒﻪ
ﺭﺷﺎ : ﺍﺳﻤﻌﻴﻨﻲ ﺯﻳﻦ ﺍﺧﺎﻑ ﻋﺒﺎﻟﺞ ﺗﺴﻮﻳﻦ ﻣﺜﻞ ﻣﺴﻮﻳﺘﻲ ﺑﺴﻠﻴﻞ ﺍﻧﻲ ﻫﺎﻱ ﺍﻟﺸﻐﻼﺕ ﻣﺘﺄﺛﺮ ﺑﻴﻪ ﺍﻧﻲ ﻣﻮ ﺳﻠﻴﻞ ﺍﻟﻔﻘﻴﺮﻩ ﻭﻻ ﻋﻤﻪ ﺍﻟﻲ ﺗﺨﺎﻑ ﺗﻄﺮﺩﻳﻬﺎ ﻭﻣﺘﺤﻤﻠﻪ ﻛﻮﻟﺸﻲ ﺍﻧﻲ ﻣﻴﻬﻤﻨﻲ ﺑﺸﺮ ﺣﺘﻰ ﺧﻮﺍﺗﻲ ﺣﺘﻰ ﻋﻤﺘﻲ ﻣﺤﺪ ﻳﻬﻤﻨﻲ ﺍﺑﻴﻊ ﺍﻟﻜﻞ ﻳﻌﻨﻲ ﺗﺤﺒﺴﻴﻦ ﻋﻤﻮ ﺍﻭ ﻋﻤﻪ ﺍﻃﺮﺩﻳﻬﺎ ﺍﻭ ﺗﺄﺫﻳﻬﺎ ﺧﻮﺍﺗﻲ ﺗﺒﻌﺪﻳﻬﻦ ﻋﻨﻲ ﻛﻠﻬﻢ ﻣﻴﻬﻤﻮﻧﻲ ﻭﻻ ﻳﻬﺰﻭﻥ ﺷﻌﺮﻩ ﻣﻨﻲ ﻟﻮ ﻳﻤﻮﺗﻮﻥ ﻛﺪﺍﻣﻲ ﻣﺎﺍﻫﺘﻢ ﺍﻧﻲ ﺍﻫﻢ ﺷﻰ ﻋﻨﺪﻱ ﻧﻔﺴﻲ ﻭﺍﺫﺍ ﻃﺮﺩﺗﻴﻨﻲ ﺍﺭﻭﺡ ﻳﻢ ﺳﻠﻴﻞ ﻳﻌﻨﻲ ﻟﺘﺤﺎﻭﻟﻴﻦ ﻭﻳﺎﻳﻪ ﻣﺜﻞ ﺳﻠﻴﻞ ﺯﻭﺍﺝ ﻣﺎﺍﺗﺰﻭﺝ
ﺳﻨﺪﺱ : ﺍﻳﺎ ﮔﻠﺒﻪ ﻫﻴﺞ ﺻﺎﺭﺕ
ﺭﺷﺎ .. ﻭﺍﻛﺜﺮ ﻭﺍﺫﺍ ﺗﺮﺩﻳﻦ ﻫﺴﻪ ﺍﻟﻢ ﻣﻼﺑﺴﻲ ﻭﺍﻟﺤﻚ ﺳﻠﻴﻞ ﻭﺍﺧﺎﻑ ﺗﺤﺎﻭﻟﻴﻦ ﺗﺰﻭﺟﻴﻨﻲ ﻏﺼﺐ ﺗﻔﻜﺮﻳﻦ ﺑﻄﺮﻳﻘﻪ ﺛﺎﻧﻴﻪ ﻟﺘﻌﺒﻴﻦ ﻧﻔﺴﺞ ﻋﻨﺪﻱ ﻗﺎﺑﻠﻴﻪ ﺣﺘﻰ ﺍﻧﻬﺰﻡ ﻭﺍﺻﺨﻢ ﻭﺟﻬﺞ ﻟﻮ ﺍﻛﻮ ﻷﺑﻦ ﺭﺟﻠﺞ ﻣﺰﻭﺟﻴﻨﻲ ﻋﻠﻤﻮﺩ ﻓﻠﻮﺳﻚ ﻭﺍﻣﻲ ﻏﺼﺒﺘﻨﻲ
ﺳﻨﺪﺱ : ﻫﺎﻱ ﺗﺮﺑﻴﺘﺞ ﻧﻬﺮ ﻭﺍﻟﻨﻌﻢ ﻣﻨﻬﺎ
ﺭﺷﺎ .. ﻫﺴﺘﻮﺝ ﻛﻠﺘﻲ ﻃﺎﻟﻌﻪ ﻋﻠﻴﻪ ﻻﺯﻡ ﻣﺘﺴﺘﻐﺮﺑﻴﻦ
ﺳﻨﺪﺱ : ﻭﺍﻟﻠﻪ ﺣﺮﺍﻣﺎﺕ ﺣﺒﻠﺖ ﺑﻴﺠﻦ ﻭﺗﻌﺒﺖ ﻭﺧﻠﻔﺘﺠﻦ ﺑﺲ ﻟﻼﺫﻳﻪ ﻭﺧﻠﺼﺖ ﺣﻴﺎﺗﻲ ﺑﻠﻔﻜﺮ ﻣﻦ ﻭﺭﺍﺟﻦ ﺍﻣﺪﻩ ﻫﻴﺞ ﺧﻠﻔﻪ ﻃﺎﻳﺢ ﺣﻈﻬﺎ ﻃﺒﺠﻦ ﻣﺮﺽ ﺧﻴﺴﻦ ﻫﻨﺎ ﺑﻬﺎﻱ ﺍﻟﻌﻴﺸﻪ ﺍﻟﺰﻓﺮﻩ
ﺟﺎﻥ ﺗﻐﻤﻨﻲ ﻭﺗﻄﻠﻊ
ﺍﻧﺪﺍﺭﻳﺖ ﻋﻠﻰ ﻋﻤﻪ ﻟﻜﻴﺖ ﺩﻣﻌﺘﻬﺎ ﺑﻄﺮﻑ ﻋﻴﻨﻬﺎ ﻭﻣﺼﺪﻭﻣﻪ ﻣﻦ ﻛﻼﻣﻲ ﻭﺟﻬﻪ ﺍﺻﻔﺮ
ﺗﻘﺮﺑﺖ ﻣﻨﻬﺎ ﻭﻧﺰﻟﺖ ﺑﺴﺖ ﺍﻳﺪﻫﺎ ﻭﻛﺘﻠﻬﺎ ﺍﻓﺪﻳﺞ ﺑﺮﻭﺣﻲ ﻭﺍﺻﻴﺮ ﺟﻮﻩ ﺗﺮﺍﺏ ﺭﺟﻠﺞ ﺍﻧﺘﻲ ﻭﺧﻮﺍﺗﻲ ﺍﻧﺘﻢ ﻛﻞ ﺣﻴﺎﺗﻲ ﺑﺲ ﺟﻨﺖ ﻣﺘﻮﻗﻌﻪ ﺗﻔﺘﺮ ﻋﻠﻴﻪ ﺧﺎﺻﻪ ﻣﻦ ﺻﺎﺭﺕ ﺷﻐﻠﻪ ﺳﻠﻴﻞ ﻭﻫﺎﻱ ﺍﻻﻳﺎﻡ ﻛﻠﻬﺎ ﺍﻓﻜﺮ ﺷﻜﻮﻝ ﺍﻟﻬﺎ ﺍﺫﺍ ﻓﺘﺤﺖ ﺍﻟﻤﻮﺿﻮﻉ ﻭﻳﺎﻳﻪ ﻭﺣﺘﻰ ﺗﻤﺮﻧﺖ ﺑﻠﺴﺎﻋﺎﺕ ﻋﻠﻰ ﺍﻟﻤﺮﺍﻳﻪ ﺣﺘﻰ ﺍﺑﻴﻦ ﻗﻮﻳﻪ ﻛﺪﺍﻣﻬﺎ ﻭﻣﺎﺍﺧﺮﺑﻂ ﺑﻠﻜﻼﻡ ﺍﻭ ﺍﻣﺘﻤﺖ ﺍﻧﺘﻢ ﻛﻞ ﺣﻴﺎﺗﻲ ﻋﻤﻪ ﻭﺳﻠﻴﻞ ﺍﻣﻲ ﻭﺭﻳﻢ ﻭﻏﺰﻝ ﻋﻴﻮﻧﻲ ﺑﺪﻭﻧﻜﻢ ﺍﻣﻮﺕ ﻭﺍﺫﺍ ﻟﻤﺴﻜﻢ ﺍﻟﻬﻮﺍ ﻭﺍﺫﺍﻛﻢ ﺍﺗﺨﺒﻞ ﻣﻮ ﻋﺎﺩ ﺗﺄﺫﻳﻜﻢ ﺑﺲ ﻣﺎﻋﻨﺪﻱ ﻏﻴﺮ ﺣﻞ ﺣﺘﻰ ﺍﻓﻠﺖ ﻣﻦ ﺍﺫﻳﺘﻬﺎ ﺑﻠﻪ ﺳﻠﻴﻞ ﺗﺰﻭﺟﺖ ﻋﻤﻮ ﺍﻧﻲ ﺷﻮﻥ ﺍﻓﻠﺖ ﻫﻢ ﺍﺗﺰﻭﺟﻪ ﺷﻄﻠﻌﺖ ﻫﺎﻱ ﻣﺎﺧﺬﻧﺎ ﻣﻘﺎﻭﻟﻪ
ﻧﻬﺮ : ﺍﺑﺘﺴﻤﺖ ﻭﺭﺩﺕ ﺍﺑﺠﻲ ﻭﺣﻀﻨﺘﻬﺎ ﺣﻴﻞ
ﻭﻟﺞ ﻣﻴﺼﻴﺮ ﻳﺠﻤﻊ ﺑﻴﻦ ﺍﻟﺨﻮﺍﺕ ﻳﻌﻨﻲ ﻣﻴﺼﻴﺮ ﻳﺘﺰﻭﺝ ﺍﺧﺘﻴﻦ
ﺭﺷﺎ .. ﻫﺎﺍﺝ ﻓﻮﻛﺎﻫﺎ ﻳﻠﻪ ﺍﺗﺰﻭﺝ ﺳﻌﺪﻭﻥ ﺍﻟﻤﺨﺒﻞ
ﻧﻬﺮ : ﻫﻬﻬﻬﻬﻪ ﻛﺒﺮﺗﻲ ﻳﺎﺑﺖ ﻃﻪ ﻭﺻﺮﺗﻲ ﻗﻮﻳﻪ ﻭﺗﻮﻛﻔﻴﻦ ﻭﺗﺎﺧﺬﻳﻦ ﺣﻘﺞ
ﺭﺷﺎ .. ﺷﻌﺒﺎﻟﺞ ﻋﻤﻪ ﺍﻋﺠﺒﺞ ﺑﻬﻴﺞ ﺳﻮﺍﻟﻒ
ﻧﻬﺮ : ﺍﻧﺘﻲ ﻧﺴﺨﻪ ﻣﻦ ﺳﻨﺪﺱ ﺑﻘﻮﺗﻬﺎ ﻭﻟﺴﺎﻧﻬﺎ ﺑﺲ ﺩﺍﺧﻠﺞ ﻭﮔﻠﺒﺞ ﻭﺭﻭﺣﺞ ﻃﻪ ﻭﻛﺎﻋﺪ ﻛﺪﺍﻣﻲ ﺍﻟْﺤٍﻤَﺪٍ ﻟﻠـّﮧ ﻣﺎﻃﻠﻌﺖ ﻭﻻ ﻭﺣﺪﻩ ﻋﻠﻰ ﺍﻣﺠﻦ ﺑﺎﻻﺧﻼﻕ
ﺭﺷﺎ .. ﻣﺎﻣﺎ ﺻﻨﻌﺖ ﺑﻠﻌﺮﺍﻕ ﻗﻄﻌﻪ ﻭﺣﺪﻩ ﻭﻋﺰﻟﻮ ﺍﻟﻤﻌﻤﻞ
ﻧﻬﺮ : ﻫﻬﻬﻬﻬﻬﻬﻪ ﺗﻌﺎﻟﻲ ﺑﺤﻀﻨﻲ
ﺭﺷﺎ .. ﻟﺘﺰﻋﻠﻴﻦ ﻣﻨﻲ ﻓﺪﻭﻩ
ﻧﻬﺮ : ﻣﺎﻛﻮ ﺍﻣﻲ ﺗﺰﻋﻞ ﻣﻦ ﺑﻨﺎﺗﻬﺎ
ﺭﺷﺎ .. ﻳﻠﻪ ﻳﺎﺍﺣﻠﻰ ﻋﻤﻪ ﺑﻠﺪﻧﻴﺎ ﻧﺮﻭﺡ ﻧﻜﻤﻞ ﺍﻟﻐﺪﺍ ﺍﻟﻠﻪ ﻋﻠﻴﺞ ﺍﺭﻳﺪ ﺗﻤﻦ ﺍﺣﻤﺮ ﺟﻮﻋﺎﻧﻪ ﺍﻧﻔﺘﺤﺖ ﻧﻔﺴﻴﺘﻲ ﻋﻠﻰ ﺍﻻﻛﻞ ﺧﻠﺼﺖ ﻣﻦ ﺍﻟﺮﻓﻴﻘﻪ ﺳﻨﺪﺱ ﻟﻮ ﺑﻴﺪﻱ ﻫﺴﻪ ﺍﺷﺪ ﻭﺻﻠﻪ ﻭﺍﺭﻛﺺ
ﻧﻬﺮ : ﺍﺣﻠﻰ ﺗﻤﻦ ﺍﺳﻮﻳﻠﺞ ﻭﺗﻌﺎﻟﻲ ﺍﻋﻠﻤﺞ ﺷﻮﻥ ﻳﺼﻴﺮ
ﺳﻠﻴﻞ : ﻭﺍﻟﻠﻪ ﺫﻛﻴﻪ ﺷﻮﻥ ﺍﺟﺖ ﺑﺎﻟﺞ
ﺭﺷﺎ .. ﻭﺍﻟﻠﻪ ﺍﻳﺎﻡ ﺍﻓﻜﺮ ﺣﺘﻰ ﻧﻮﻡ ﻣﺎﺍﻧﺎﻡ ﻭﻫﻠﻤﺮﻩ ﺍﻧﺘﻲ ﻣﺎﻛﻮ ﻳﻤﻲ ﺍﺟﺖ ﺳﺎﻋﺎﺕ ﺍﺭﻳﺪ ﺍﺟﻴﺞ ﺭﻛﺾ ﻣﻦ ﻛﺜﺮ ﻣﻤﺸﺘﺎﻗﻪ ﺍﻟﺞ ﻭﺧﻔﺖ ﻟﺘﺴﻮﻱ ﺑﻴﻪ ﻣﺜﻠﺞ ﻭﻛﻌﺪﺕ ﺍﺧﻄﻂ ﻭﺍﺣﻔﻆ ﺍﻟﻜﻼﻡ
ﺳﻠﻴﻞ : ﻭﺍﻟﻠﻪ ﺍﻧﻲ ﺩﻣﻌﺖ ﺍﻟﻠﻪ ﻳﺴﺎﻋﺪ ﻋﻤﻪ ﺷﻮﻥ ﺗﺤﻤﻠﺖ ﺗﺴﻤﻌﻪ
ﺭﺷﺎ .. ﻣﺎﻋﻨﺪﻱ ﻏﻴﺮ ﺣﻞ
ﺳﻠﻴﻞ : ﻭﺍﻟﻠﻪ ﻭﺑﻄﻠﻪ ﻭﻟﺞ ﺍﻧﻲ ﺻﺪﻙ ﺍﻣﺞ
ﺭﺷﺎ .. ﻭﺍﻏﻠﻰ ﻭﺍﻟﻠﻪ ﻭﺣﻀﻨﺘﻬﺎ ﺣﻴﻞ
ﺭﻳﻢ : ﺍﻧﻲ ﻫﻢ ﺍﺭﻳﺪ ﺣﻀﻦ ﻣﻮ ﺑﺲ ﺭﺷﺎ
ﺳﻠﻴﻞ : ﻫﻬﻬﻬﻪ ﺗﻌﺎﻟﻲ ﻭﺣﻀﻨﺖ ﺣﺘﻰ ﻏﺰﻝ ﺍﻟﺼﺎﻓﻨﻪ ﺑﻮﺟﻬﻨﺎ
ﻣﺮﺕ ٣ ﺳﺎﻋﺎﺕ ﻭﺧﻠﺼﻨﺎﻫﺎ ﺿﺤﻚ ﻭﺷﻘﻰ ﺟﻨﺖ ﻃﺎﻳﺮﻩ ﺑﻴﻬﻦ ﺣﺘﻰ ﺍﻟﻢ ﺭﺍﺳﻲ ﻧﺎﺳﻴﺘﻪ ﻭﺍﻛﻠﺖ ﻛﻮﻣﻪ ﻭﻳﺎﻫﻦ
ﻭﺭﺍﻫﺎ ﺍﺟﺖ ﻋﻤﻪ ﻭﺣﻴﺎﺗﻲ ﺍﻧﺘﻬﺖ ﻣﻦ ﺷﺎﻓﺘﻨﻲ ﺗﺒﻮﺱ ﺑﻜﻞ ﺭﺍﺳﻲ ﻭﻣﺒﻘﺖ ﻏﻴﺮ ﺩﻗﺎﻳﻖ ﺍﺧﺬﺕ ﺍﻟﺒﻨﺎﺕ ﻭﺭﺍﺣﺖ ﺑﺲ ﻣﻦ ﺍﺧﺬﺗﻬﻦ ﺗﻜﻮﻝ ﺍﺧﺬﺕ ﺭﻭﺣﻲ ﺣﻴﻞ ﺍﻧﻘﻬﺮﺕ ﺑﺲ ﻣﺎﺑﻴﺪﻧﺎ ﺷﻰ
ﺍﻟﻤﻬﻢ ﺷﻔﺘﻬﻦ ﺍﺧﺬﺕ ﻋﻼﺟﻲ ﻭﺗﻤﺪﺩﺕ ﺍﻧﻲ ﺍﺣﺐ ﻧﻮﻣﻪ ﺍﻟﻈﻬﺮ ﻧﻤﺖ ﻛﻌﺪﺕ ﻋﻠﻰ ﺩﻛﻪ ﺍﻟﺒﺎﺏ ﻋﺮﻓﺖ ﺳﺠﺎﺩ
ﺳﺠﺎﺩ : ﻳﻠﻪ ﻛﻮﻣﻲ ﺭﺍﺡ ﻳﺼﻴﺮ ﺍﻟﻤﻐﺮﺏ
ﺳﻠﻴﻞ : ﺳﺎﻋﻪ ﺑﻴﺶ
ﺳﺠﺎﺩ : ﺑﻠﺴﺒﻌﻪ
ﺑﺎﻭﻋﺖ ﺑﻴﺪﻩ ﻛﻼﺹ ﺑﺮﺗﻘﺎﻝ ﻭﺟﺎﻥ ﻳﻘﺪﻣﻪ ﻫﺎﺝ ﺍﺷﺮﺑﻲ
ﺳﻠﻴﻞ : ﻟﻴﺶ ﺗﻌﺒﺖ ﻧﻔﺴﻚ
ﺳﺠﺎﺩ : ﻣﺎﻛﻮ ﺗﻌﺐ ﺍﺷﺮﺑﻲ ﻻﺯﻡ ﻓﻘﺮ ﺍﻟﺪﻡ ﻳﺮﻭﺡ ﻭﻧﻘﺺ ﻓﻴﺘﺎﻣﻴﻨﺎﺕ ﻫﻢ ﻋﻨﺪﺝ ﺳﻜﺮﺍﺏ ﻃﻠﻌﺘﻲ
ﺳﻠﻴﻞ : ﻫﻬﻬﻬﻪ ﻻ ﻣﺎﺑﻴﻪ ﺷﻰ
ﻛﺎﻋﺪ ﻋﻠﻰ ﺍﻟﺠﺮﺑﺎﻳﻪ ﺑﺼﻔﻲ ﻛﺘﻠﻪ ﺷﻜﺮﺍً ﻻﻥ ﺟﺒﺖ ﺍﻟﺒﻨﺎﺕ
ﺳﺠﺎﺩ : ﻣﻮ ﻛﺘﻠﺞ ﻣﺎﺍﺣﺒﻬﺎ ﻛﻠﻤﺔ ﺷﻜﺮﺍً
ﺳﻠﻴﻞ : ﺑﺎﻭﻋﺖ ﺑﻮﺟﻬﻪ ﻭﻛﺘﻠﻪ ﺍﻧﻲ ﻣﺎﺍﻛﺪﺭ ﺑﻌﺪ ﺍﺻﻴﺤﻠﻚ ﻋﻤﻮ
ﺳﺠﺎﺩ : ﻟﻴﺶ
ﺳﻠﻴﻞ : ﺩﻧﺠﺖ ﻭﻛﺘﻠﻚ ﻣﺎﺍﻛﺪﺭ ﻭﺧﻠﺺ
ﺳﺠﺎﺩ : ﺻﻴﺤﻲ ﺑﻠﻲ ﺗﺮﺩﻱ ﺑﺲ ﺗﻨﺴﻴﻦ ﺫﺍﻙ ﺍﻟﻴﻮﻡ ﻛﻠﻪ ﻭﺍﻟﻲ ﻛﻠﺘﻲ ﻛﻠﻪ ﺗﺸﻴﻠﻲ ﻣﻦ ﻋﻘﻠﺞ
ﺳﻠﻴﻞ : ﻟﺘﺨﺎﻑ ﺷﻠﺘﻪ ﻛﻠﻪ ﻭﺍﻧﺖ ﻫﺴﻪ ﻋﻢ ﻭﺻﺪﻳﻖ ﻭﺍﺧﻮﻳﻪ ﺍﻟﺠﺒﻴﺮ ﻭﺑﺲ
ﺳﺠﺎﺩ : ﻋﻔﻴﻪ ﻫﻴﺞ ﺍﺭﻳﺪﺝ
ﻣﺤﺘﺎﺟﻪ ﺷﻰ ﺭﺍﺡ ﺍﺭﺟﻊ ﻟﺸﻐﻠﻲ
ﺳﻠﻴﻞ : ﻻ ﺷﻜﺮﺍً
ﻭﻃﻠﻊ ﻭﺍﺣﺠﻲ ﺑﺪﺍﺧﻠﻲ ﺗﺒﻘﻰ ﺣﺒﻴﺒﻲ ﺗﺒﻘﻰ ﺍﻭﻝ ﻭﺍﺣﺪ ﻧﺒﺾ ﮔﻠﺒﻲ ﺍﻟﻪ ﺑﺲ ﺑﻌﺪ ﻣﺎ ﺍﺭﺧﺺ ﻧﻔﺴﻲ ﻛﺎﻓﻲ ﺍﻟﺼﺎﺭ ﺫﺍﻙ ﺍﻟﻴﻮﻡ
ﺛﺎﻧﻲ ﻳﻮﻡ ﺟﻤﻌﻪ ﻭﻛﺎﻋﺪ ﻟﻜﻴﺘﻪ ﻳﺪﻙ ﺑﻠﺒﺎﻟﻜﻮﻥ
ﺳﻠﻴﻞ : ﺷﺴﻮﻱ
ﺳﺠﺎﺩ : ﺭﺍﺡ ﺍﺳﻴﺞ ﺍﻟﺒﺎﻟﻜﻮﻧﻪ ﺑﺴﻴﻢ ﺣﺘﻰ ﻣﻴﺒﻴﻦ ﻭﻫﻢ ﺗﻜﺪﺭﻳﻦ ﺗﻜﻌﺪﻳﻦ ﺑﺮﺍﺣﺘﺞ ﻭﺭﺍﺡ ﺍﺟﻴﺒﻠﻚ ﺯﺭﻉ ﻫﻨﺎ
ﺳﻠﻴﻞ : ﻳﻌﻨﻲ ﺗﺪﺧﻞ ﺷﻤﺲ
ﺳﺠﺎﺩ : ﻣﻮ ﺳﻴﻢ ﻧﺎﻋﻢ ﻻ ﺯﻳﻦ ﻭﻳﻌﺒﺮ ﻫﻮﺍ ﻭﺷﻤﺲ ﻭﺗﻜﺪﺭﻳﻦ ﺗﺸﻮﻓﻴﻦ ﺑﺮﻩ ﺑﺲ ﺍﻟﻤﻬﻢ ﺍﻟﻲ ﻗﺮﻳﺐ ﻋﻠﻴﻨﺎ ﻣﻴﺸﻮﻓﺞ ﺯﻳﻦ
ﺳﻠﻴﻞ : ﻳﺎﺭﻳﺖ ﺍﺣﺐ ﺍﻛﻌﺪ ﺑﻴﻬﺎ
ﺳﺠﺎﺩ : ﺗﻜﺪﺭﻳﻦ ﺗﺴﻮﻳﻦ ﺟﺎﻱ ﺣﺘﻰ ﺍﻛﻤﻞ ﻟﻮ ﺑﻌﺪﺝ ﺩﺍﻳﺨﻪ
ﺳﻠﻴﻞ : ﻻ ﺍﻟْﺤٍﻤَﺪٍ ﻟﻠـّﮧ ﺻﺮﺕ ﺯﻳﻨﻪ ﻭﺭﺣﺖ ﺳﻮﻳﺖ ﺍﻟﺠﺎﻱ ﻭﻛﻌﺪﺕ ﻳﻤﻪ ﻣﻦ ﻳﺸﺘﻐﻞ ﻭﺑﻴﻮﻣﻬﺎ ﻛﻤﻞ ﺍﻟﺒﺎﻟﻜﻮﻥ ﻭﻏﺴﻠﻨﺎﻫﺎ ﻛﻮﻟﺶ ﻛﻴﻔﺖ ﺑﻴﻬﺎ
ﻭﺭﺍﺡ ﺟﺎﺏ ﺳﻨﺎﺩﻳﻦ ﺯﺭﻉ ﺍﺷﻜﺎﻝ ﻭﻛﺎﻝ ﺑﻌﺪ ﺫﻧﻲ ﻣﺴﺆﻭﻟﻴﺘﺞ ﺍﺗﻠﻬﻲ ﺑﻴﻬﻦ
ﺧﻼﻝ ﺍﺳﺒﻮﻉ ﺳﻮﻳﺘﻬﺎ ﺟﻨﻪ ﻛﺮﺍﺳﻲ ﺍﺛﻨﻴﻦ ﻭﻃﺒﻠﻪ ﺻﻐﻴﺮﻩ ﻭﺩﺍﻳﺮ ﻣﺪﺍﻳﺮ ﺯﺭﻉ ﻭﻫﻲ ﺟﺒﻴﺮﻩ ﻳﻌﻨﻲ ﺍﻟﻜﻌﺪﻩ ﺑﻴﻬﺎ ﺗﺴﻮﻩ ﺍﻟﺸﻘﻪ ﻛﻠﻬﺎ
ﺻﺎﺭﺕ ﺳﻠﻮﺗﻲ ﻭﺣﺘﻰ ﻫﻮ ﻣﺮﺍﺕ ﻳﺤﺐ ﻳﻜﻌﺪ ﺑﻴﻬﺎ ﻭﻳﺪﺧﻦ ﺑﺲ ﻣﻦ ﻫﻮ ﺑﻴﻬﺎ ﺍﺗﻘﺼﺪ ﻣﺎﺍﻛﻌﺪ ﻳﻤﻪ ﻳﻌﻨﻲ ﺍﻧﮕﻠﺒﺖ ﺍﻻﺩﻭﺍﺭ ﺍﻧﻲ ﻛﻤﺖ ﺍﺗﺠﻨﺐ ﻧﻜﻌﺪ ﺳﻮﻩ ﻣﺪﻩ ﻃﻮﻳﻠﻪ
ﻓﻜﻴﺖ ﺍﻟﺸﺎﺵ ﻭﺻﺎﺭ ﺭﺍﺳﻲ ﺯﻳﻦ
ﺍﺟﺖ ﺍﻟﻤﺪﺍﺭﺱ ﻭﺍﺟﺖ ﻋﻤﻪ ﺟﺎﻳﺒﺘﻠﻲ ﺍﺷﻜﺎﻝ ﻏﺮﺍﺽ ﻃﻠﻊ ﻫﻮ ﻣﻨﻄﻴﻬﺎ ﻓﻠﻮﺱ ﺗﺘﺴﻮﻙ ﻣﺎﻝ ﺍﻟﺴﻨﻪ ﺍﻟﺠﺪﻳﺪﻩ ﻭﻫﻢ ﻃﻠﺒﺖ ﻏﺮﺍﺽ ﻭﺷﻐﻼﺕ ﺑﺬﺍﻙ ﺍﻟﺒﻴﺖ ﺗﺠﻴﺒﻬﻢ ﺍﻟﻴﻪ
ﺧﻮﺍﺗﻲ ﺍﺟﻮﻧﻲ ﻣﺮﻩ ﺛﺎﻧﻴﻪ ﻫﻢ ﻛﻢ ﺳﺎﻋﻪ ﻭﺭﺍﺣﻦ
ﺑﺪﻳﺖ ﺍﺗﺄﻗﻠﻢ ﻋﻠﻰ ﺣﻴﺎﺗﻲ ﺑﻠﺸﻘﻪ
ﻫﻠﺴﻨﻪ ﺍﻧﻲ ﺧﺎﻣﺲ ﺍﻋﺪﺍﺩﻱ ﺟﺎﻥ ﺍﻟﻤﻔﺮﻭﺽ ﺳﺎﺩﺱ ﺑﺲ ﻣﻊ ﺍﻻﺳﻒ ﺗﺮﻛﺖ ﺑﺲ ﻳﻠﻪ ﻛﻮﻟﺸﻲ ﻗﺴﻤﻪ
ﺣﻴﺎﺗﻲ ﻭﻳﺎﻩ ﻫﺎﺩﺋﻪ ﺍﺣﺎﻭﻝ ﺍﺗﺠﻨﺒﻪ ﺷﻜﺪ ﻣﺎﺍﻛﺪﺭ ﻭﺑﻌﺪ ٣ ﺍﻳﺎﻡ ﺍﻟﻤﺪﺭﺳﻪ
ﺟﻨﺖ ﻛﺎﻋﺪﻩ ﺑﻌﺪ ﺍﻟﻠﻴﻞ ﺍﻛﻴﺪ ﻣﺎﺍﻧﺎﻣﻪ ﺗﻤﺪﺩﺕ ﻭﻏﻤﻀﺖ ﻋﻴﻮﻧﻲ ﺭﺩﺕ ﺑﺲ ﺍﻏﻔﻰ ﺭﺍﺡ ﺗﺼﻴﺮ ﺳﺎﻋﻪ ٤ ﺍﻟﺼﺒﺢ ﻭﻣﻨﺎﻳﻤﻪ ﺣﺴﻴﺖ ﺍﻟﺒﺎﺏ ﺍﻧﻔﺘﺢ ﺑﻬﺪﻭﺀ..بيج قصص عراقيه حقيقيه من واقعنا.روعه الطائي
ﺑﻘﻴﺖ ﻣﻐﻤﻀﻪ ﻋﻴﻮﻧﻲ ﻭﻧﺎﻳﻤﻪ ﻋﻠﻰ ﺍﻳﺪﻱ ﺍﻟﻴﻤﻨﻰ ﺍﺣﺲ ﺑﺤﺮﻛﺎﺕ ﺭﺟﻠﻪ ﻳﻤﺸﻲ ﺑﻬﺪﻭﺀ ﻭﻳﺘﻘﺮﺏ ﺷﻮﻱ ﺷﻮﻱ ﻟﺤﺪ ﻣﻮﺻﻞ ﻳﻤﻲ ﻭ ﻛﻌﺪ ﺑﻤﻮﺍﺯﺍﺕ ﻧﻮﻣﺘﻲ ﻭﻗﺮﺏ ﻭﺟﻬﻪ ﻭﺟﺎﻥ ﺍﺣﺲ ﺑﺄﻧﻔﺎﺳﻪ ﺍﻟﺪﺍﻓﻴﻪ ﺗﻼﻣﺲ ﻭﺟﻬﻲ ﺍﺍﺍﺍﺍﻩ ﻧﻔﺲ ﺍﻟﻲ ﺳﻮﻳﺘﻪ ﻗﺒﻞ ﻣﺪﻩ ﺑﺲ ﻫﻠﻤﺮﻩ ﺍﺣﺲ ﺩﻣﻲ ﻭﻛﻒ ﺍﺣﺲ ﺟﺴﻤﻲ ﻭﻛﻞ ﻣﺴﺎﻣﻪ ﺑﻴﻪ ﺗﻜﺰﺑﺮ ﻻﻥ ﻫﻮ ﻗﺮﺏ ﻭﺟﻬﻪ ﻣﻦ ﻭﺟﻬﻲ ﺭﺩﺕ ﺍﻓﺘﺢ ﻋﻴﻮﻧﻲ ﺑﺲ ﺧﻔﺖ ﻳﻄﻠﻊ ﺣﻠﻢ ﻟﻮ ﻳﻄﻔﺮ ﻭﻳﻄﻠﻊ ﻋﺬﺭ ﻳﻜﺴﺮ ﻫﺎﻱ ﺍﻟﻤﺸﺎﻋﺮ ﺍﻟﻲ ﺍﺣﺴﻬﺎ ﺑﺪﺕ ﺗﺘﻘﺮﺏ ﺍﻻﻧﻔﺎﺱ ﺍﻛﺜﺮ ﺣﺴﻴﺖ ﺭﺍﺡ ﻳﻼﻣﺲ ﻭﺟﻬﻲ ﺍﺳﻤﻊ ﺻﻮﺕ ﺍﻧﻔﺎﺳﻪ ﻭﺷﻮﻥ ﻳﺠﺮ ﺍﻟﻨﻔﺲ ﺑﻬﺪﻭﺀ ﺛﻮﺍﻧﻲ ﺑﺲ ﺣﺴﻴﺘﻪ ﺗﻌﺎﺩﻝ ﺍﻟﻌﻤﺮ ﻛﻠﻪ
ﺟﺎﻥ ﻳﻮﺧﺮ ﺭﺩﺕ ﺍﻛﻮﻟﻪ ﻟﺘﺮﻭﺡ ﻋﻔﻴﻪ ﻓﺘﺤﺖ ﻋﻴﻨﻲ ﻋﻠﻰ ﻛﻴﻒ ﻟﻜﻴﺘﻪ ﻓﺘﺢ ﺍﻟﺒﺎﺏ ﻭﻃﻠﻊ
ﺍﻟﺴﻮﺍﻩ ﺩﻣﺮﻧﻲ ﺭﻏﻢ ﻣﻠﻤﺴﻨﻲ ﺑﺲ ﺣﺴﻴﺘﻪ ﻟﻴﺶ ﻫﻴﺞ ﺳﻮﻩ ﺍﺫﺍ ﺍﻧﻲ ﺍﺧﺖ ﺍﻟﻪ ﻟﻴﺶ ﺍﺟﻪ ﻭﺩﺧﻞ ﻏﺮﻓﺘﻲ ﻭﻫﻮ ﺍﺻﻼً ﻣﻴﺪﺧﻞ ﺍﻟﻪ ﻳﺪﻙ ﺍﻟﺒﺎﺏ ﻭﻟﻴﺶ ﺑﻨﺺ ﺍﻟﻠﻴﻞ ﻭﻫﺬﺍ ﺍﻟﺴﻮﺍﻩ ﺷﻨﻮ ﻣﻌﻨﺎﻩ ﺍﺧﺎﻑ ﺭﺩﺕ ﺍﺭﺟﻊ ﺍﺗﺰﻥ ﺧﺮﺏ ﻛﻞ ﺍﻟﻤﻮﺍﺯﻳﻦ ﻭﺭﺟﻊ ﺍﻋﺼﺎﺭ ﮔﻠﺒﻲ
ﻳﺘﺒﻊ ...
ﺻـﺒﺎﺡ ﺍﻟـ 🥀 ـﻮﺭﺩ ﻭﺍﻟﻬﻨﺎ ﺑﺴﺒﺐ ﺍﻧﻘﻄﺎﻉ ﺍﻟﻨﺖ ﻭﻻﻥ ﺍﻟﺒﺎﺭﺕ ﺟﺎﻫﺰ ﻧﺸﺮﺗﻪ ﻫﺴﻪ ﻭﺍﺫﺍ ﺍﻛﻮ ﻧﺖ ﺑﻠﻴﻞ ﻳﻨﺰﻝ ﺑﺎﺭﺕ ﺛﺎﻧﻲ ﻻﻥ ﺭﺍﺡ ﺍﺑﺪﺃ ﺑﻜﺘﺎﺑﺘﻪ ﻭﺍﺫﺍ ﻣﺎﻛﻮ ﻧﺖ ﺷﻮﻛﺖ ﻣﻴﺠﻲ ﺍﻧﺰﻟﻪ
ﺭِّﺑًـــ ̨♡ ـــٍْﻲٌٓ ﻳﺤﻔﻈﻜﻢ
ﺗﺤﻴﺎﺗﻲ ﻟًﻠًـّــ 💎 ــﺠٌٓﻤٍَُٓﻴِّﻊَْٓ
