ما بين الضياع والامل

البارت الثامن والعشرون

مساء الخير متابعيني الاعزاء اتمنى لكم قراءه ممتعه

البارت الثامن والعشرون

🌸 مابين الضياع والامل 🌸

🌹للكاتبه رونق 🌹

وجان اشوف حسام متقدم علينه

يمه وكف كلبي. تقرب يم طاوله

اجه وكف يمي كال منو هذا الكاعده

وياه وماخذه راحتح اني وكف

كلبي حاجاه كمال كله احجي وياي

مو وياه كاله وانت منو واحجي وياك

كاله انت الي منو حسام كاله زوجه السابق..

كمال كاله واني زوجه الحالي ويله روح

منا لااخرب وجهك اباوعلهم اثنينهم صايرين

اعصاب. خو كمال يمه نار

اعتذر من كمال كاله اسف ماعرف زوجتك

ماكالتلي راح ازوج دوم احجي وياه

بس مانطتني خبر عنك

اني تخبلت شكد حقير. يريد

يشوه سمعتي كدام كمال كله وانت منو حته

تنطيك خبر ضلو يتلاغون حسام عاف المطعم

وطلع اني متت قهر اباوع لكمال اعصاب

اخاف احجي وياه ضليت بس ساكته

وهو. بس يشرب جكاير. كتله خلي

نروح كال وين نولي بعدنه ماكعدنه
.
كتله خلي نغير المكان كال يله

اعتذرنه من ابو المطعم وطلععنه..

كتله خلي نرجع للبيت ماقبل كال نروح

نتعشا كتله ماشتهي. كال شبيج ضايجه

ليش نخلي واحد مثل هذا حقير.

يعكر مزاجنه لاتهتمين حبي. خلي يولي

المهم احنه سوا ومرتاحين لاتضوجين

اني نزلت دموعي كال خرب شبيج ولج

ع شنو تبجين كتله تره جذاب

ماعندي اتصال وياه والله وهذا موبايلي شوفه

كال خرب شبيج واثق منج واذا حجه

ادري بي يريد يغثني شبيه غشيم

مايدري انتي رويحتي ومربيج ع ايدي

كال لايكلبي لاتبجين ومنخلي هذا يعكر

مزاجنه انطاني مي غسلت كام يضحك

كال راح يطلعلي جبار ابو المولده واخترع

راح يروح المكياج ضحكت كال

دضحكي ياعيني. شبيج هيج ضايجه

اخذنه للمطعم وحاول يغير نفسيتي