حتى اخر العمر

Part 1

رواية
حتى اخر العمر
حتى اخر العمر كلمة نرددها على اذهاننا .. نعد بها انفسنا او شخصا اخر اننا سنبقى اوفياء له حتى اخر العمر ... اننا سنبقى مخلصين لهذا الحب .. وانا سنبقى حتى اخر العمر نحبه .. الى ان يجف دمنا .. الى ان تتوقف نبضات قلبنا .... في ثلاث كلمات وعد بها عاشقين كثيرين ولكن لم يستطع احد الوفاء بها ... لأن لا شئ يدوم حتى اخر العمر ...
( بعد عناء ! ) :
بعد عناء وصلت اخيرا لهذه المرحلة ... لطالما تمنيت ان ابدأ بها .. عانيت في الدراسة الثانوية للوصول لها ... وها قد وصلت اخيرا ... وقفت امام المراة انظر لنفسي ... كنت بسيطة للغاية .. لا اضع اي مستحضرات تجميل .. شعري رفعته بأهمال ولكنه اضاف لمسة جمال الي ... البنطال الذي ارتديه والحذاء البسيط كان كل شئ في ثيابي يعبر عن شخصيتي ... فتحت علبة المجهورات .. وقعت عيني على تلك القلادة ... التقطتها وارتديتها انا احتاجها في هذا اليوم ...
خرجت من غرفتي واتجهت للمطبخ ... اعددت لي ( كوكو بوبوس ) اكلته حيث امي كانت نائمة ... وخرجت حيث كان السائق ينتظرني ... ابتسمت لأبن جيراننا احمد الذي يعتبر سأئقنا ...
قالت : صباح الخير .
ابتسم : صباح النور يلا اخرتينا هسة الطريق كله ازدحامات .
جلست في الخلف ووضعت السماعات في اذني استمع لفيروز وانا ارى شوارع حبيبتي بغداد ...
توقفت السيارة امام جامعة بغداد ... ترجلت وانا اقول لأحمد : يلا مع السلامة .
نظرت بحماس لمدخل الجامعة ... دخلت حيث كانت الاشكال غريبة !.. الفتيات يضعن الكثييييييير من مساحيق التجميل ... اشكالهن مخيفة !... ولكن بعضهن جميلات بطبيعتهن ... يسرن بثقة وبدون وضع اي شئ فجمالهن ينادي ..
رن هاتفي .. كانت المتصلة صديقتي حنان .. اجبتها : حياتو .
- قلبو وينش !.
- اني طبيت استحيت انتظرج بالشارع .
- اوكي جايتج هياتني شفتج .
رأيتها كانت تسير بفرح نحوي ... ابتسمت وسرت اليها .. احتضنتها بقوة ...
قلت : حنون قلبي مشتااااااااقتلج .
- وربي اني همين ولج اشو مكاشخة !.
- ماحب اصير اوفر .
- يلا مو مشكلة الحلو حلو .
اتجهت معها لكلية البيايولوجي ... استفسرنا عن مكان اول محاضرة لنا ودخلناها ... كانت معنا فتاة اسمها علياء ... كانت لطيفة للغاية .. بفضلها تعرفنا على مجموعتها حيث كانت المجموعة متخلطة من جميع المراحل ....
وهكذا بدأت الايام تصبح اكثر امتاعا بصحبتهم ..
( كره من اول نظرة ! ) :
ذات يوم كنت اجلس مع مجموعتنا ... علياء وحنان .. حسين .. علاء وسمية ...
اتى شاب وبجانبه فتاة ... قال حسين : لك هاي منوووو اجا .
نهض الجميع لتحيته ... كان يمزح معهم .. نظرت له بتدقيق ... كان طويلا جدا .. اسمر ... شعره اسود ... عيناه ... جذاااب كل معنى الكلمة !...
قالت علياء : ماعرفتكم على الاعضاء مال جروبنا الجدد .. حنان وهاي مايا .
ابتسم لنا .. بعدها قالت علياء لنا : اعرفكم على محمد ونورة .
حنان : تشرفنا .
نورة : احنا اكثر .
عندما جلس هو معنا انقلبت وجهة الحوار حيث قبل ان يأتي هو كنت انا من اديرها وامزح ... ولكن عندما اتى هو لا اعلم لماذا بدأ هو بالحديث والمزاح معهم ... بل حتى انه كان يضحك مع حنان وانا لا !!...
بقيت انا صامتة طوال الوقت ... كان هو يمزح كثيرا مع نورة !.. ربما هي حبيبته ..
انصرف الجميع لمحاضراتهم وانا قلت لحنان : احسه مغرور .
- منو ؟.
- محمد مدري شسمه .
- لا بالعكس يعني حتى ان ميعرفني قعد يشاقة وياي .
- مغرور .
- حرام عليج .
- بس الي عبجني انه كيوت ويا حبيبته .
- اي شفتيهم شكد حلوين سوية .
قبل ان اخلد للنوم ... كنت مستلقية على سريري لا اعلم لماذا ولكنه زار تفكيري .... اغمضت عيني عدة مرات وفتحتها حاولت التفكير بشئ اخر ...
ربما تجهاهله لي استفزني !....
في اليوم التالي كانت حنان مرسضة لم تستطع الحضور ... لذا بقيت بمفردي .. رأيته يمر من امامي ... ابتلعت ريقي وانا احاول تجاهله .. ولكنه سار الى القعد الذي اجلس به ..
قال : صباح الخير .
رفعت رأسي ونظرت له : صباح النور .
- صديقتج وينها !.
- أأ..مريضة .
- سلامتها .
جلس بجانبي وقال : ماعدج صديقات غيرها !.
- ليش ؟.
- مو شايفج قاعدة بحدج .
- لا عادي .
- زين رح اقعد وياج .
رفعت حاجبي مستنكرة !!... رفع هو حاجبه وقال بغرور : عندج مانع .
- أأ.. لا .
- لعد شبيج مستغربة !.
- مو انت تضوج مني .
قال بدهشة : اني !.
- اي .. اي انت .
- شسويت !.
- قعدت تسولف ويا الكل وهيجي .
- شسويلج اذا انتي ساكتة !.
- شدراني .
- المهم اني ماضوج منج وهياتني قاعد .
- واني همين ماضوج منك ومنور .
صمتنا فجأة وبعدها ضحكنا معا : هههههههههههههههه.
نظرت لنورة تسير نحونا ... قالت له : حبيبي شوكت خلصت محاضرتك !.
اجابها باتسامة : من شوية .
نظرت الي وقالت : شونج مايا.
- تمام انتي شونج .
- الحمد الله .
نظرت للعقد الذي ارتديه وقالت : انتي مسيحية ؟.
اجبتها : اي .
نورة : ممبين .
محمد : شنو ممبين مو هياتها صاكة قدامج .
ضحكت : ههههههههه .
نظرت هي له بغضب ورحلت !... بقيت اقف انا مذهولة !!...
زفر هو بقوة ولحق بها .. وانا بقيت متصنمة ..
عدت للمنزل وانا اشعر بالذنب ... قد يكونا تشاجرا بسببي !...
في اليوم التالي سردت لحنان ما حدث ... قالت هي : عادي حبي انتي شعليج وبعدين هي شكو زودتها .
- مادري احس بالذنب .
اثناء سيرنا وجدته يجلس هو بمفرده تحت ظل شجرة ... وقفت وقلت لحنان : اقولج اروح اسأله شصار ؟.
- اي روحي عادي .
- بس عيب خاف عباله تدخل .
- لا عادي مو احنا كلنا اصدقاء .
- اي صح زين حروحله .
تنفست بعمق وسرت نحوه ... كان هو يعبث بهاتفه ... وصلت اليه .. رفع رأسه ورأني ... قلت : هلو .
- هلا والله .
جليت امامه على العشب وقلت : اني جيت اعتذر منك .
- على شنو ؟.
- انك تعاركت ويا نورة من وراية .
- لا عادي مصار شي .
- والله سوري حسيت بالذنب .
- ههههه والله ماكو شي بعدين هي كبرت السالفة اني قلت رأيي وهذا واقع انج صاكة .
شعرت بالخجل كثيرا !!.. غيرت الموضوع : أأ.. يلا خاف داشغلك .
- لا قعدي ماعندي شي .
- ممم .. اوكي .
- عرفيني على نفسج اكثر مادام صرنا اصدقاء .
- مممم شنو تريد تعرف ؟.
- كل شي .
- اوكي .. اسمي مايا .
قال بمزاح : صدك اسمج مايا عبالي حمدية .
- ههههههه .. لعد شقول .
- شتحبين ؟.
- احب الاكل .
- ههههههههه اي هسة ع راسي مو احب فلان وعلان .
- لا لا الاكل اهم .
- شكد اخوان خوات عدج !.
- عدي اخت اصغر مني بسنتين .
- الله يخليها الج .
- انت ؟.
- عدي خوات ثنين واخوان ثنين واني اخر العنقود .
- الله يخليهم الك .
- المن تحبين تسمعين اغاني ؟.
- وائل جسار .. وماجد المهندس .. واليسا .
- لتقلدين .
- ماقلد .
- لا لا ادري بيج تقليدين .
- وانت شنو اقلدك .
- اني وين اكو مثلي !.
- منو مقشمر عليك .
- هههههه الجامعة كلها .
- ههههههههههههههه.
بقينا نثرثر الى ان رن هاتفي اجبت احمد : الو .... يلا جايتك .
نهضت وقلت لمحمد : اني حروح .
- ابوج اجاج !.
- لا ابو الخط ... باي .
- الله وياج .
( مابيك تحبني ) :
مابيك تحبني اعذبك وتعذبني ... لو انت تعزني مابي اي علاقة ...
نخسر بعضنا ليش ؟.. خلينا احنا نعيش .. بفهمك بشويش خليها صداقة ..
قلبك اذا طاح .. مايتحمل جراح .. خلينا نرتاح من الحب شوي ..
مانبي نفتح باب .. للحب والاحباب .. خلينا بس اصحاب ترا احلى شي ..
مرت الايام وصداقتنا تزداد ... لا انكر انني اعجبت به منذ اول لقاء ولكنه مجرد اعجاب ...
بل اصحبنا قريبين للغاية ... هو اعز اصدقائي ...
في الصباح وصلت للجامعة .. جلست على المقعد المعتاد الذي اجلس عليه ... امام تلك الشجرة الذي يجلس تحت ظلها .. بعث برسالة على هاتفي وقال : سلامة نظرج .
نظرت له وكتبت : ههههه شبيه نظري .
بعث : دتشوفيني عيني عينج ومتجين تسلمين .
كتبت : تعال انت نعسانة ومابية حيل .
- قومي لتنكتلين .
- عابت جاية .
نهضت وسرت اليه ... قلت : ها عجوزي .
- صباح النور .
- ههههه صباح الخير .
- شهالكفشة من الصبح ؟.
- لتحجي ع كفشتي تخبل .
- منو قشمر عليج وقالج حلوة ؟.
- مرايتي .
- يراد تشترين وحدة جديدة .
- محمد انت صديقي المفروض ترفع معنوياتي مو تقول كفشة قولي شعرج يخبل تخبلين طالعة .
- ههههههه اني داحجي ع كفشتج بس انتي صاكة .
- اي عفية هيج اريدك .
- قومي نروح للكافتيريا جوووعان ممتريك .
اخرجت من حقيبتي ( سندويش ) وقدمته له ... ضحك هو وقال : لج شنو هاي جايبة لفة وياج شنو جاية مدرسة لج كبرتي .
- هههههههههه عابتلك ماحب اكل الكافتيريا احسه بايت .
- هو من ناحية مطيب مطيب بس شنسوي جوعانين .
- دهاك .
- دهاك !.. هههههه قولي تفضل .
- يلا طيبة .
- لفتيش !.
- كباب طاوة .
- الله كون وياه جاي .
فتحت حقيبتي واخرجت ( ترمس ) صغير به شاي ... قدمته وقلت : هياته الجاي.
امسك حقيبتي وقال : مطبخ مو جنطة .
- ههههههه اي هاي المعاجبتك دتوكلك هسة .
- ههههههههه حتذليني .
- لا شدعوة .
قسم الساندويش وناولني قال : يلا تفضلي وياي.
ابتسمت واخذتها منه ... قال : شربي جاي لو تقرفين !.
- منيش اقرف ؟.
- مو شربت منه .
- عادي يمعود قابل جلب شارب منه .
- ههههههههههه جلب !.
اكل وقال : يخبل الكباب عاشت ايد ... منو سواه .
- اني .
- عفية بالشاطرة ست بيت .
- ههههههه اعجبك .
كنت في المنزل اشاهد التلفاز ... رن هاتفي .. نظرت للمتصل .. امسكت هاتفي واتجهت لغرفتي ..
اجبت : الو .
- هلو حبيبتي مايا شونج ؟.
- هلو خالة مشتاقتلج كلش .
- اني همين ياعمري شونج ؟.. شون ريتا ؟.
- زينين كلنا انتوا شونكم وعمو والجهال .
- اريد اشوفج .
- اي ياريت .
- تعاليلنا باجر .
- اوكي .
في اليوم التالي جهزت نفسي ... نظرت الي اختي ريتا وقالت : ترا ادري وين رايحة .
- اي شنو رايحة يم صديقتي شبيج ؟.
- لا رايحة ببيت خالة جوان .
وضعت يدي على فمي وقلت : نصي صوتج خاف ماما تسمعج .
- اخذيني وياج حبابة مشتاقتلها .
- ماقدر صدقيني خاف ماما تشك .
- اوكي بس سلميلي عليها هواي وطكيلها صورة مشتاقة لشوفتها هواية .
احتضنتها وقلت : من عيوني قلبي انتي .
ذهبت لمنزل خالتي ... وقفت امام منزلها .. طرقت الباب .. نادت بصوتها من خلف الباب : منو !.
قلت : اني مايا .
فتحت الباب لي حيث كانت خلفه ... ترتدي الحجاب .. احتضنتها بقوة ...
قبلتني كثيرا وقالت : حياتي كبرانة .
نظرت لها وقلت والدموع تتجمع في عيني : وانتي بعدج حلوة واكثر همين .
اشارت وقالت : تفضلي تفضلي .
دخلنا حيث كانت ابنتها فاطمة تجلس على الارض وتلعب ... التقطت ابنتها وقالت : فطومتي شوفي منو اجة .. جتج بنت خالتي مايا .
حملتها وقبلتها ...
جلست امامها .. قالت : شلونج شلون امج ؟.
- بخير .. شلون عمو علي ؟.
- الحمد الله .
- ريتا جانت تريد تجي تشوفج بس خفت خاف ماما تدري .
- يابعد قلبي شكد مشتاقتلها .
مهلا نسيت ان اخبركم بقصة خالتي ... خالتي جوان عندما انهت الجامعة وعملت موظفة في احدى الدوائر الحكومية احبت زميلها في العمل ولكنه مسلم تقدم لخطبتها عدة مرات ولكن جدي رفض ... ولكنها اصرت وواجهت الجميع من اجله بل انها اصبحت مسلمة من اجله ... وهكذا تبرت العائلة منها ... كانت هي اقرب لنا انا واختي .. بمثابة صديقة او اكثر .. تزوجته منذ خمس سنوات ...
قالت : حملت بيج وهالشي خلاني اخابرج .
- خير شحلمتي ؟.
- حلمتج شايلة قران بايدج اليمنة ... ودتحاولين بأيدج الثانية تنزعين القلادة مال صليب بس متعلقة برقبتج مدتقدرين .
بقيت صامتة مندهشة .. قالت : ان شاء الله خير لتخافين .
ابتسمت لها وقلت : اني لازم اروح تأخرت .
نهضت وقالت : اصبري دأذوقج زردة مال مولد النبي تستاهل حلكج .
- اوكي .
ذهبت هي للمطبخ .. وانا نظرت لقلادتي .. رفعتها لشفتي وقبلتها .. قلت للرب : يا يسوع مدني بالقوة .
( حكم القلب ) :
ناس بيعشقونا كتير .. حبهم النا مش عادي ..
ناس بينسونا وبنصير .. نعشقهم نحنا زيادة ..
هيدا القلب وحكم القلب .. هو بيختار وبيحب ..
قلوب تتهنى بالحب .. وقلوب تبقى محترقة ..
نكذب احيانا لو قلنا اننا نستطيع التحكم بقلوبنا .. نستطيع منعها في الوقوع بحب شخص لا نريده .. قلوبنا هي من تتحكم وتختار الموطن الذي تريده .. فنسير نحن طوعها ..
احيانا نشعر بشئ تجاه شخص .. ولكنه ليس مجرد شخص .. هو اعز اصدقائنا .. نستمر بالمراوغة تحت مسمى الصداقة ... ننتظر كلمة منه تطرب مسامعنا .. ونبقى بالانتظار لحين ان تتحول الصداقة لحب ..
يتصل بي يوميا يسرد لي تفاصيل يومه وانا ايضا ... كنا في الجامعة في مكاننا المعتاد تحت ظل تلك الشجرة ... قال : الاحد عيد ميلاد نورة وهي حتسوي عيد ميلادها هنانة عود ويانا كلنا نحتفل بيها .
كعادتي اديت دور الصديقة وقلت وانا اتجاهل اي شعور بالغيرة منها : اي احسن تحتفل انت وياها .
- اي كلش زين .. بس شنو اجيبلها هداية ؟.
قلت بهيام : جيبلها ورد ... يخبل ورومانسي .
ضحك هو وقال : الورد يذبل اريد شي تحتفظ بيه .
اعتدلت بجلستي وقلت : اولا الورد اكبر تعبير عن الحب وثاني شي مادام منك تبقى مذكرته للعمر كله .. وثالثا هي تاخذ وردة وتحطها ببطن كتاب .
بقي ينظر الي وبعدها انفجر ضاحكا : هههههههههههه بجيل عبد الحليم عايشة .
- اهووووو اني هيجي .
- اني داحجي ع نورة شجيبلها عود بعيد ميلادج ياكفشة اجيبلج ورد تدللين.
- اووكي ... اخذلها اكسسوارات .. شي معين باللبس يعني حجاب شي حتى يعجبها تلبسه انو حبيبها جايبلهياها ... وباقة ورد .
- ذابحج الورد .
- ههههه اي .
- زين حشتريهم وادزلج صورهم .
- اوق .
اعرف ان ما اشعر به هو خطأ وخطأ كبير ولكنه يحدث رغما عني ..
في يوم ميلادها كان هو متأنق للغاية وهي ايضا .. رأيت الجميع يحتفل وهو يمسك بيدها .. كنت اشعر بغيرة شديدة ولكنني ارسم الابتسامة على وجهي ..
قررت ان ابتعد قليلا عنه ... لأنني ان استمريت هكذا سأفقد نفسي واكرهها لأنني افكر بشخص مرتبط ....
مابي اكلمك خايف اكثر احبك .. خليك بعيد ليهمك اخر اخباري ..
خلها جذي احسن لقلبي وقلبك .. عندك حبيبك مالي اي داعي ..
تبي الصراحة انا اكثر احبك .. ودي بقلبك جنبي يحفظ اسراري ..
انا احبك وربي انا احبك .. وعشان احبك كان هذا قراري ..
مهما كذبنا على انفسنا .. مهما حاولنا اقناع انفسنا اننا لا نحب شخص معين .. تصرفاتنا تفضحنا ... مشاهدتنا لصورهم بأدمان ... التركيز بكل صغيرة وكبيرة ... النظر بالمحادثات والرسائل القديمة ... هذه الافعال تكشف لنا اننا غارقين ولسنا متعلقين بهم فقط ... بل وصلنا لمرحلة متقدمة من مراحل العشق ربما الادمان ...
اقنع نفسي انني سأنساه ... ولكني يوميا اتأمل صوره ... اراقب تفاصيل حديثه مع الاخرين ... من بعيد ..
رن هاتفي ... نظرت للمتصل هو ... مسحت دموعي واجبت : أ..الو .
- ام كفشة وينج ... صارلج يومين بايعة ثقل .
- جنت مشغولة .
- بشنو .
- أأ.. جان عدنا ضيوف وهيجي وقرايبنا .
- يلا حسامحج هالمرة .
- .........
- مشتاقلج .
اود ان اخبرك انني اموت شوقا لك ... ان يومي بدونك ليس له طعم .. انني بدون سماع صوتك لا فائدة لسماع اصوات الاخرين ...
بقيت صامتة ... قال : كفشة .. شبيج .
- وياك .
- حلفي .
- ماحلف .
- قولي والكعبة .
ضحكت : ههههههههه .
- هههههههههه فديت ضالحكة اذا بعتي ثقل مرة ثانية اجي بيتكم واضرب طلقات واكسرلكم الجام واخلي ابوج يدفع لابو الجام .
- ههههههههههههههههههههه .
- شدسوين ساعة ب3 الفجر اعترفي .
- استحي اقول .
- لا عادي قولي .
- مو عيب .
- عزا ولج شدسوين !.
- مستحية والله .
- ايباااه طلعتي منهم .. قولي قولي .
- زين يعني انت فهمتني ؟.
- اي اي فهمت .. بس دتتفرجين على يا موقع ؟.
- موقع صديقتي اطتنياه .
- هاي شنو انتوا هم مثلنا تتبادلون المواقع .
- لا اني ماحجي لأحد بس صديقتي .
- زين دحجيلي واني همين محروم ترا .
- دأشوف كونان الجزء الرابع .
- .................
- محمد اشو سكتت .. باوع ادري عيب انو شكبرني واتفرج كارتون بس منا ني صغيرة قطعت كونان وهسة اريد اعرف شحيصير .
- ههههههههههههههههههههههههههههههههههههههههههههههههههه.
- هههههه شبيك تضحك شكو .
- هههههههههههههههه ان بعض الظن اثم .. هههههههههه اويلي ع تفكيري هههههههههههههههههههههههههه .
- ههههههههههه شنو مدافهم شبيج .
- ههههههههه لتفهمين المهم كونان هههههههه .
- اي تريد الموقع ؟.
- هههههههه لا عبالي موقع ثاني .
- هالموقع يخبل كله بيه كارتونات مال جيل الطيبين .
- هههههه ولكم فديت البريئة .
- .........
- اقولج هاي نورة دتتصل خاف عبالها داخونها يلا كفوشتي كملي كارتونج .
- اوكي تصبح على خير .
- وانتي من اهله .
يالحظها لأنك تحبها .. لأنك تناديها بحيبيتي ... لأنك تريد اكمال عمرك معها ...
ويالسوء حظي لأنني احب شخص ليس ملكي .. ومن المحال ان يصبح ذلك ...
( احب غيرك .. انا مجنون ! ) :
كنت في الجامعة .. اجلس بجانبه .. اريته صورة لفستان وقلت : شنو رأيك ؟.
- كلش حلو ... وين تلبسيه ؟.
- عيد ميلاد ابن خالتي .
- عزيميني .
- هههههه شنو ؟.
- دعزيميني اريد اشوفج وانتي طالعة حاتة هيج .
- هههههه وحمط شعري وتروح الكفشة .
- ولج دعزيميني بخيلة .
- وشقول لأهلي بالله ؟.
- زين عود جيبيلي كيكة .
- ههههههههه تدلل .
وفعلا ذهبت للحفلة ولكن قبل ذهابي التقطت صورة لنفسي وارسلتها اليه ...
اتصل بي فورا وصفر : ولج انتييييييييييييي حاتة .
- هههههههههه.
- تخبلين تخبووووووولين .
- دكافي اخي داستحي .
- هههههه تكبلين وياي .
- ههههههههه ماكبل ويا واحد اجكم .
- ههههههه يابة نحسن النسل من عائلتج اذا كلهم صاكين مثلج .
- يعني داخل على طمع .
- ههههههه كشفتيني .
- ههههههههه .. يلا اني حروح .
- ولج جكمة جيبلي كيكة جوووعان .
- ههههههه اوكي ابو كرش .
كنت طوال الحفلة افكر به .. جلس بجانبي ابن خالتي الن .. قال لي : مايا طالعة كلش حلوة .
ابتسمت له وقلت : عيونك الحلوة .
- شون الجامعة ؟.
- زينة .
- ردت امرلج ع الجامعة فد يوم لان ع طريقي .
- أأ.. اي تنور .
اشعر انه معجب بي ... ولكن قلب العاشقة لا يطيق وجود شخص اخر .. شعور بالاشمئزاز عندما افكر ان هناك احد يحبني او اي شئ سواه ...
غنينا له اغنية يوم الميلاد وهنئناه ... بعد ان قطعنا الكعكة قلت لخالتي : خالة اريد اخذ وياية للبيت .
نظرت امي لي بصدمة !!.. قلت : أأ.. مو كلش طيبة .
خالتي قالت لأمي : لتباوعين عليها بالعافية قلبي هسة احطلج .
اخذتها في اليوم التالي للجامعة ... ابتسمت له وقلت : صباح الخير .
اجاب بابتسامة : صباح النور .. هلا والله بالصاكة .
- ههههه تفضل الكيكة .
- عااا صدك تحجين .
- اي طيبة كلش وقلت اجيبلك .
- يمة يمة فدوة للحنينة ... هيج الصداقة فوديتج .
جلست بجانبه وقلت : احم احم .
قال وهو يأكل : قالولج البارحة طالعة تخبلين .
- هههه اي ابن خالتي .
- ها شكله معجب ؟.
- ههههه اي ديتلطلطي .
- هههههه قوليله ممنوع .
- ليش بالله .
- اخذيلج واحد ثقيل مثلي .
- واثق بنفسك .
- الثقة اهم شي .
( فراق ! ) :
انتهت السنة الاولى في الجامعة .. كان اخر يوم في الاختبارات محزن بالنسبة لي ... لأنني سافارقه .. انهيت الاختبار وخرجت .. اجتمعنا جميعنا نثرثر عن مخططاتنا في العطلة الصيفية ...
حان موعد توديعنا لبعض .. وقفت اودع صديقاتي ... اثناء احتضاني لهن رأيته يقف معها ... الالم .. ان ترى من تحب ينظر باعجاب لغيرك ولكنك تصمت بحجة الصداقة ... ان ترى من تحب يحب غيرك وانت تقف بجانبه وتسانده لأنك صديقه ... بين الحب والصداقة خيط رفيع .. كثير منا يتجاوزوه .. ولكن اغلبنا يفضل الصمت وعدم البوح به ...
كثير منا يتألم بصداقة شخص يحبه ولكن الالم افضل من البعد عنه ...
كان هو يقف يمسح دموع عيناها التي انهمرت لفراقه ... عينياي ايضا هطلت حزنا على فراقك ولكنني وجدت سببا لبكائي وهو فراقي لصديقاتي ...
اراقب تفاصيل حديثهما ... يرفع يدها ويقبلها ... كم يدها محظوظة لانها لامست شفتاه ..
انتهيت من توديعهم واتجهت لبوابة الخروج وانا لم اتحدث معه ... سمعت صوته يناديني : مايا .. مايا .
التفت اليه وقلت : هلا !.
- وين رايحة ام كفشة متودعيني !.
- ممم ماحب الوداع لان ماعدي شي اقوله .
- ههههه اني همين .. لج اريد احضنج .
- عيب .
- هههههه نورة تجي تكتلني .
- هههههه واني هم انكتل من وراك .
مد يده وقال: اصلا ماكو داعي لان يومية تلاقيني بوجهج ع الفون .
صافحته .. واخيرا لامست يده يدي .. قلت : ههههه اكيد .
ابتسمت ورحلت !!.. وكم ستشتاق عيني لرؤيته ...
ذهبت لرؤية خالتي جوان كنت احتاجها .. احتاج صديقتي المقربة وخالتي ..
انهيت كوب الشاي الذي امامي .. نظرت هي الي وقالت : بعيونج حجي .
- مـ .. مادري مين ابدي .
- مين متحبين المهم تريحين نفسج بالحجي .
- اني احب واحد .. وياية بالجامعة .. بس .
قالت بفضول هي : بس !.
- بس هو يعتبرني صديقة .. لأن عنده حبيبة .
- مسيحي مو ؟.
قلت بارتباك : مــ .. مسلم .
فتحت عينها بصدمة !.. بقينا صامتتين انا وهي لفترة .. بعدها قالت : احسج حاطة مشكلة حبيبته قدامج اكثر من مشكلة دينه !.
- اني لان احبه بس اريده يحبني وبس ماريد شي ثاني .
- مايا اولا هو يحب وحدة ثانية يعني مو من حقج تحبيه ادري الحب مو بارادتج بس ابتعدي ... ولتنسين انج مسيحية وهو مسلم لو تريدين العائلة تتبرة منج مثل متبروا مني !.
- اني بعدني ممفكرة بهالموضوع .
- قبل متبدين اي علاقة شوفي شنو نهايتها .
- يعني انتي ندمانة لأنج طاوعتي قلبج وتزوجتي واحد مسلم ؟.
- بالعكس الله جان كاتبه الي جان كاتبلي الخير بيه واكبر خير هو دخولي الاسلام ... اني قاومت الكل علمود بس ربي عوضني خير ... انتي شوفي نسفج عدج قابلية تواجهين العالم علمود حبه !.. بس قبل متقررين لازم هو يحبج مو تتعبين بحب شخص وتسوين كلشي علموده وهو ميحبج ... الله الي يجمع القلوب ويفرقها .
- يعني شسوي !.
- لتسوين عوفي كلشي للزمن .
ربما هذه افضل نصيحة يمكن لشخص ان يقدمها .. ترك كل شئ للزمن فالزمن كفيل بحل كل شئ ...
( احاول ) :
احاول قدر الامكان ان لا اتحدث معك .. حبك نار الاقتراب منها فقط يحرقني فماذا لو لمستها !..
انت كالماء وانا النار .. لا يجب ان نتواجد في مكان واحد .. كلانا من عالمان مختلفان ... ولكن حبك انت يأخذني لعالم اخر ..
كأن القدر يعاقبني بحب شخص ليس لي مكان في قلبه ... يعاقبني القدر بحب شخص ليس من حقي ان احبه ... يعاقبني القدر عندما اتألم بمفردي من اجل شخص لا يحبني ...