الضابط واليتيمه (الرائد)

البارت الثاني

الضابط واليتيمه وبرضاتي
البارت الثاني

------------------
هند مرت يومين على جيه عمامي وامي يوم عن يوم تنتكس اكثر مدري شبيها خفت عليها بس محسست اخواتي حملت حمل ثاني بعد امي وخي عايشه سويت غداء واكلنا غسلت المواعين هيام وعنص كتلها روحي كملي دراستج اني اكمل اشكرتني وراحت

امي وكعت فجاه وماعندي احد وياي لبستها عبايه واخذتها لجوارين راحو وياي للمستشفى امي ضغطها صاعد 20 وصايره جلطه عدها بقيت اعيط بالمستشفى وانوح وين ننطي وجهنا بعدها هي ساندتنا بعد ابويه انطوها ابره وشويه اتحسنت وطلعناها اشكرت من جوارينا ودخلتها للبيت كعدتها بفراشها كالت يمه هند تعالي

هند ها يمه رحت عليها طلعت ذهبها وهو قليل سوارين وكلاده ومحبسين كالت هاي بينجن تتقسم اني بجيت وليش طلعتيهن يمه

كالت يمه ايامي معدوده احسها خلي ابري ذمتي وباجر تكعديني بعد ميطلعن اخواتج الصبح للمدرسه انروح اني وياج
هند يمه وين انت مريضه معليج يمه اخذيني مثل مكتلج
هند صار يمه تامرين
رحت فرشت النا ونمنا
الصبح وكالعاده ريكت اخواتي وامي بدلت ورحنا للتقاعد الي عرفته راح ادير التقاعد بااسمي انقهرت منها حيل ليش تريد تعوفنا وين ننطي وجهنا

كملت المعامله وانطونا موعد نروح ورا 3 ايام ناخد البطاقه والبصمه وهاي هي ينتقل الراتب اني ابقى استلمه
رجعت اني وامي وسويت غداء اخذت دواها امي ونظفت البيت اجت هدى وهيام ماما شلونج وراحن لامي كلش نحب امي متعلقين بيها مثل الاطفال الصغار حيل
هند اصب غدا

هدى ايي راح اموت جوع بسرعه
هيام اني هم
همد غسلن بسرعه صبيت
حضرت الغداء وصبينه وكعدنا ناكل وتونه بدينا امي غديتها اول مرجعنا بس اني انتظرت اخواتي واندك الباب حيل

هند ذولي عمامي متاكده بس امي مسمعنالها صوت ركضت ع الباب كلت منو صاح عمي
ابوتحسين افتحي الباب عمج
هند وعمه العماك فتحت الباب ودفعه ع صدري ماحسيت الا بالكاع

هدى صرخت وبعدهن معرفن منو ركضت عرفت امي
هدى هند امي ماتت
هند صرخت بصوت لميت الفرع كله من صرختي الدكتور نبهني ع اقل صدمه لامي تموت
عرفت خافت منهم

التمو الناس واخذو امي غسلوها وراح عمي ابو عامر بس واني مقبلو اخواتي يرحن واني كوه بس انوسلت بيهن يالله وبس اني وياا ومرته ومرته دمعه موكعتلها السايق يكلي بويه تسكتي شويه امج هسه شلعتي كلبها بصريخج راح تموتين والله واني ابجي بزايد دفناها ورجعو حسيت اتيتمت من كل النواحي ماكو امان ماكو حنان الثقه راحت اسرارانا اطشرت تعبت حيل حسيت كبرت الف سنه ع عمري

بالطريق وغفيت واحلمت بمي
هند يمه ديربالج ع خواتج امانتج لايضيعن ولايتبهذلن انت امهن صوني نفسج واخواتج لاتنزلين راسي واني بكبري اوصيج من عماج ناوين شر انطيهم اليردونه وخلصي ع حياتج فزيت وبصرخه يمه لا ترحين المن بقيتيني واخواتي وين يرحن هدى صغيره وين تنطي وجهه

وصلنا البيت فاتحه ماكو متت قهر محد يصرف بس خللفه ع جوارين جايبين جادر صغير كلش وبي 10 كراسي متبرعين صرخت حيل طلعت هدى وهيام وحضنتهن وبقينا نصرخ سوا والنسوان الي بالبيت كلهن يبجن ع بجينا ماخليت احد مابجيته خالتي جايه وتبجي بس كاعده بعيد عناا كمت وشلت اخواتي من الكاع كتلهن اني امجن وابوجن واخوجن امي ماماتت امي هنا واشر ع كلبي
يتبع