السلام عليكم القصة بدات فسبيطار مولاي عبد الله في سلا بالضبط نهار السبت 4 أبريل 2004 فغرفة الولادات كيتسمع صوت خديجة لتاتولد مع الزكية اللخرى مع الغوات ديالي خرجت لدنيا وكون غير ما خرجتش فرح بيا الواليد مع العلم أن الوليدة ديالي من الفجر أو هي فيها الوجع مولداتني تا العاصر صعيبة من صغري مهم خرجوني أنا و ماما من السبيطار أو جابونا للدار من بعد دارولي السبوع ،داغو القرعة شكون إسميني فلول جات فالواليد قليهوم أنسميها مباركة هههه على سميت جداتها نقزات الواليدة قتليهوم لا ملكوم بغين تشرفوها شويا جا خويا الكبير من بعد أو نهضر عليه قاليه الواليد أشبغيتي تسمي ختك قاليه يسرى صف أو هوما اسميوني يسرى ، كنت أنا الصغيرة ديال الدار كنت المدللة ديال ماما و بابا كنت عزيزة على لافامي بحكم أنا الصغيرة من بعد عامين جا خويا الصغير عبد الصمد أو خدا ليا بلاصتي باقا نعقل كنت تندير غير الكواريت ديما هاربا لماما تانلعب معا لبنات من صغري و أنا عزيز عليا اللعب و فينما تندير شي زبلة تنتخبى عند بابا مهم شيبتهم نورمالمو الواحد فين تتولي عندو عمين ولا تلتسنين تيولي اهضر أنا مهضرتش حيت كنت زيزونة تنهدر غير بالإشارات بحال جدا الله إرحمها مخلاو بابا او ماما تطبيب ممشاوش عندو أو كلشي يتقول ليهوم غاه باقا صغيرة و معا الوقت غتهدر واحد النهار جات عند ماما واحد المرا من العائلة أو قتليها إلا بغيتي بنتك تهدر خصك تشدي واحد الفرخ او يصفر ليها فودنيها ههه ماما تيقاتها او ناضت هي وولاد خالي تتيتبعو داك الفرخ او والو مشدوهش هههه من بعد فين ولات عندي 4سنيت دخلت للروض او ندمجت معا البنات و الدراري لي تيقراو معايا او وليت تا انا تنهدر بطلاقة لدرجة الا مشيت تبديت شي موضوع منسليه حتى نعصبك هههه
