طلعنا لكوليج او جمعونا انا و اخلاص او فاتي فنفس القسم او أية او كوتر فقيسم واحد واخا هكاك بقات العلاقة بيناتنا تنتلقاو ديماا و تنضحكوا
كنت انا و اخلاص متنتفارقوش كنا تنكلسو حدا بعضياتنا هههه كان واحد الاستاد ديال العربية تيغوت علينا او تيبدل لينا البلايس حيت مكناش تنسكتوا عندو هههه
اما واحد الأستاد ديال الماط كنا فين تندخلوا عندوا بحال إلى دخلنا لحبس مكناش تنحملوه حيت فيه القميع او غاتيشير فنوقاط عمري عقلت على راسي جبت عندوا مزيان أعلى نقطة عندوا هي 13 ههه او هداك لي جاب 13 خاصوا ادير العرس حيت حطها ليه ههه واحد النهار كانت الشتا تتصب بجهد ليل كامل او فين مشينا فصباح لقينا المدرسة عامرة كاملة ماء او الأقسام دخل ليهوم الماء صف مشينا وقفنا حدا الادارة تنتسناو داك الاستاد ديال الماط إجي صف غدخل معا الباب ديال المدرسة كلس تيتبونبا علينا و عاجبوا رايوا او معا لما كاين او هو هاز راسو لفوق او هوا ازلق طاح فلما او توصخوا ليه حوايجوا بقا كلشي تيموت عليه بالضحك كاع الأساتدة و التلاميد شبعوا عليه ضحك صف دخل ساس حالتوا فقاعة الأساتدة او جا لعندنا لقيسم معا دخلة ديال باب القيسم بقينا تنضحكو او هو بقا تيخنزر صف او هو اقول لينا خورجو سيرو بحالكوم حنا جاتنا من الجنة والناس خرجنا تنجريو او بقينا تنقولوا وييييي خرجنا من الحبس
صف مشينا لديورنا سالات الدورة الأولى او عطاونا النتائج عمري نسا ديك العطلة حيت سمعوني فيها خل ودنيا داك الماط ولد الحرام هو لي طيحني تجبت ديك النقطة
من بعد بدات الدورة التانية او وليت تا انا باغا نقرا و وليت تندير مراجعة ديال الماط باش علا الأقل نضرب عندو غير النقط كنت جميع المواد تنجيب فيهوم مزيان إلا داك الماط حيت كان قاصح ولد الحرام كان تيقول لينا راه ديرو لي درتو راه مغتجيبوش مزيان اوا كملنا سابعة وتلعنا لتامنة فرقوني على طبقتي او طحت معا كوتر ختي أحسن قيسم قريت فيه تعرفت على أصدقاء جداد محسين ،علي ، نهيلة بزاف.... واحد الأستادة ديال العربية كانت ديما مخرجانا داك العام عمري عقلت على راسي فهمت ولا قريت شي حاجة انا وطبقة
كنت واحد الأستادة ديال العربية ديما مخرجانا كنت ديك الحصة ديالها تنلعبوا فيها غي كارطا او تنقشبوها عمرنا قرينا عندها مسكينا ههه
يتبع...
