انا و خواتاتي ...و زمان علينا

البارت السادس

نهى:واخا تقدر تحيد شوية راه لصقت معا الحيط
رعد:هههههههههههه اوا شكون بحالك
نهى:يوووك شيحد جاي. ..نزلت تخبيت تحت طبلة و هيا دخل ماماه
أم رعد: اش كادير هنا؟ ؟!
رعد:نزلت نشرب عطشت
ام رعد :اااه عرفتي اولدي ماقديتش نعس
رعد:علاش
أم رعد : فرحانة بختك واش شفتي حالتها كيفاش تحسنات وولات كاضحك و باغا تخرج و فرحانة بصحبتها عرفتي اولدي من ديما ختك باغا ايكونو عندها اصدقاء ولكن كولشي كان كيهرب منها و حتا لي كاتوهمها بلي صاحبتها كاتكون باغا منها لفلوس ...ولكن نهى لا كاتعامل معاها عادي بحالا ماعندهاش توحد و دايراها صاحبتها هاد البنية مشاء الله عليها مأدبة و ضريفة ماكرهتهاش تولي من عائلتنا
رعد:هههههههههههه كيفاش
أم رعد:هههه هادي فهمها نتا ويلا فهمتيها فهمها ليها
رعد:اوا علله هلي تفهم
أم رعد :اوا انا كانعرفك ليبغيتيه كاتوصل ليه ماغاتلقاش بحالها
رعد:اااح عرفت ..... خرجات أم رعد خرجات أم رعد هو ينزل راسو لعند نهى....شافها وجها ولا بحال ماطيشة
رعد:مالكي تزنكتي هههههههههههه حشمتي زعما اوا خرجي خرجي مد ليها اديه عاونها باش تخرج. ..اوا اش بان ليك دابا
نهى: ضرباتو فكرشو. ...حشم شوية راني قد بنتك
رعد فاش سمعها قالت هكاك بقا فيه لحال و حسساتو بلي هو آخر واحد ممكن تبغيه حيت بصح هو عمرو 30عام هيا 18 عام حسساتو بالفرق واخا هيا ماقصداتش هكك تماما هيا غار بضحك قالت ليه هكاك
رعد (تقلبو ملامح الوجه ديالو لجدية):اه عندك الحق سمحي ليا خرج وخلاها حسات بلي بيه واش بقا فيه الحال
نهى:اويلي اش قلت دار فيا واحد شوفة ديال العدو
.
.
.
.
.
#عند_رزان_و_سيمو
سيمو: اشنو ماغانتعشاوش
رزان:ماقاداش عليه
سيمو:لالالا طبيب خرج ليك دوا وخصكي تاكلي هوااا لول عاااد تاخدي دوا إلا بغتي تبراي و نمشي ضغيا فحالي
رزان :اه بغيتك تمشي غانوض نقاد شي حاجة
سيمو: لالالا انا غاندير لعشا
رزان: مابغيتش لبيض
:سيمو هاهاهاها فاني وراني كانعرف نطيب حسسسن منك غار سكتي راكي ماعارفاش شناهيا تازوفريت
رزان : علاش ماعايشش معا داركم
سيمو:غاتعرفي كووولشي معا لوقت
رزان : واسربي باغا نعس
سيمو: واخا بقاي تفششي عليا تماك غار حيت مريضة اما كون زيدتك قدامي نوجدوه بجوج (وغمزها)
رزان ولا وجهها حممممر وجد ليها الكفتة بمطيشة مع مقرونة و طاحت كاتكل ماعاقلة
سيمو:كيجاك طيابي
رزان:برجولة واعر...سيمو تقدر تمشي كليت لعشا و كليت دوا دابا غانعس
سيمو:ماتحاوليييش ماغاديش نخليك بوحدك
رزان:اوووف يالاه سير نعس فصالة
سيمو:هههههههه نتي ليغاتنعسي فيها
رزان:(تعصبات) دابا واش انا لي مريضا ولا نتا
سيمو (عجبو لحال فاش عصبها)لا نتي غاتنعسي حداااااياااا (كايقرب ليها )
رزان(تخلعات):عافاك اسيمو لله يخليك بعد شوية خلينا مزيانين
سيمو:ههههههههههههه كاتخافي
.
.
.
.
#عند_روان_رشيد
روان:شاف انا عيت و جاني جوع
رشيد:مازال ماساليناش باش تعيا و لماكلة غاتوصل دابا شوية
كانسمعو لباب تحل رشيد دوز يدو علا وجهو عرف بلي ديك الفرشيطة هيا ليجات ناض معصب
رشيد:لاش جيتي
لارا:حشومة عليييك توحشتك بغيت نبات معاك ليوم (غمزاتو)
رشيد:اوووف سيري فحالك مابقيتش باغيك
لارا:كيفاش مابقيتيش باغيني واش نسيتي بلي غانتزوجو قريب
رشيد:هاهاهاها واش نتي طايحة على راسك ولا اصحاب ليك انا ليطايح على راسي لا ابنتي إلا بغيت نتزوج ماغانتزوجش وحدة بحالك
لارا (صرفقاتو):مالها بحالي واش نسيتي بلي نتا لي رديتيني هكا
رشيد:كون ماكنتيش مرة كون شخشخت لديل موك وجهك ولكن دوماج. ..قاودي دابا مابقيتش باغي نشوفك تحركي
روان (انا بقيت غار كانشوف بقات فيا صراحة هادو هوما رجال اقضيو فيك غاراضهوم ويلوحوك بحال شي صباط كايكون فالمحل نقي وعاطي لعين وغالي غار كيشريه كيدوز بيه مدة كيتقطع كاتولي ريحتو خايبة كيلوحو وكايمشي اشري واحد آخر. ..مانكدبش بلي تعاطفت معاها فديك للحظة ولكن هيا لي دارتها لراسها مكانش خصها ترخص راسها لمن والا ولكن بلا كدوب دابا هو ولا ديالي 😉😂 ماكاين لينافسني عليه ولكن كيغاندير نخليه اشوف فيا بعدا و اصلا هو اصحاب ليه انا دري هههههههههههه لا ومازال اصحاب ليه راني gay 😂😂😂😂😂😂😂😂😂)
رشيد:مالك تاتفرنس غار بوحدك
روان:لا والو غار تفكرت شيحاجة وصافي ....جاب لعشا تعشينا و كملنا لخدمة وصلات 2 دصباح كانحس بالوجع ولكن عيانة نعست وصلات 6 دصباح و انا باقا كانحس بالوجع وبلي تحت مني شيحاجة
روان:لالالا ياااربي مايكونش داكشي ليفبالي نضت قفزة من بلاصتي لقيت دم نااااارييي تشوهت ليوما يقتلني مافيهاااااش مشيت جبت صابون ولما و زيف مسح لفتوي جاب الله ديال جلد دغيا تمسح ولكن تفووووووو حوايجو لابساهوم اش غاندير لالا غانمشي بيهم وفاش نمشي لدار نصبنهم ونجيبهم ليه خرجت كانجري شديت طاكسي ومشيت لدار
.
.
.
.
.
أصبحنا و أصبح الملك لله
روان دخلت لدار وطلعت لبيت لقيت رزان ناعسة بخيمارها و سي جار ناعس حدا رجليها هههههههههههه باااينة طاح على راسو. ...دخلت بدلت حوايجي وغسلت طفيت تيليفوني حيتاش عرفت بلي غادي اصوني ليا لاهوما نطفيه مشيت نعست فبيت لبنات باش مانحرجش سيمو
.
.
.
#عند_نهى_رعد
نهى:وصلات 7 دصباح و انا مزال مانعستش بت كانفكر فيه وفلهضرا لي قلت ليه وكيفاش تقلق تفووووووو كون غار سكتت حسن ليا
رعد:مادانيش نعاس ليل كامل كانفكر فهضرتها لي فيقاتني من شي أحلام اول مرة نعيشهم واش بصاح كانبان ليها قد باها زعما ماكتفكرش فيا كيما كانفكر فيها ولكن راه مانقدرش نحيدها من بالي مانقدرش صافي صورتها وصوتها و حركتها كولشي هادشي تطبع فقلبي وعقلي بها سرعة ماعرفتش كيفاش نتصرف لأول مرة
نهى:ندى حبيبة فيقي
رنا:مممممم خليني نعس حشومة عليييك
نهى:ندى حبيبة حشومة راه حنا عند ناس نوضي نوجدو راسنا نمشيو لدار ونعسو صافي
رنا:اوووف اوك سمعاتنا إيمان وهيا تفيق
إيمان :صباح الخير
البنات:صباح نووور ...وجدو لبنات راسهم ولبسو حوايجهوم باش انزلو افطرو و يمشيو رعد حتا هو كان نازل باش اخرج شافها كان باين عليها بلي مانعساش ولكن دار بلي ماهاداش فيها ...فاش شافتو دار هكاك حسات بغصة فقلبها ولكن صبرات وحاولات ماتبينش
أم رعد:صافي ابنتي غاتمشيو ماصخيناش بيكم ياك ارعد
رعد: ضيف كايبقا ضيف واخا يكلس عام. ..فاش قال هاد لجملة نهى زاد ضرها قلبها و بقات ساكتة ودعاتهم هيا و رنا
#فسيارة
رنا:نهى بنتي ليا ماشي تالهيه مالك احبيبة
نهى:والو غار لبارح مانعستش
رنا:علااااش
نهى:تفكرت ماما وبابا توحشتهم بزاااف
رنا:حتا انا توحشتهم و ماكرهتهومش اكونو معانا دابا ...وصلو لدار دخلو وهوما ينعسو (رباعة دالخامرات صافي)
.
.
.
.
#عند_رزان_و_سيمو
رزان بدات كاتحل عينيها وكاتحس بشيحد ناعس عند رجليها ناضت وهو بيان ليها سيمو بقات كاتشوفيه مانكدبوش و نقولو ماكايعجبهاش كييعجبها و كايهتم بيها ولكن هو بنسبة ليها باقي X ماعارفاهش شكون هو بضبط
رزان:سيمو فييق
سيمو:ماقادش نتحرك
رزان:بسيف راك ناعس معدب نووووووووووض راه غايجيو البنات نوووض خلاااص
سيمو: ناض تقاد فالكلسة بدا كايحك فعينيه....غانمشي نعس مانعستش مزيان
رزان: هكاك يالاه نوض سير ترتاح
سيمو بقا كيشوف فيها كيتسناها تقول أي حاجة مي بقات كادير فيه شوفة ديال طلقني سير فحالك بقا فيه لحال واحد شوية و قال فخاطرو ناااري واش هادي بنت ولا حجرة مافهمتش ...مشا طلع لصطاح باش انقز لدارو
رزان: سيمو
سيمو:ضار لعندها نعام؟
رزان:شكرا بزاف و سمح ليا حيتاش عدبتك معايا
سيمو : رجع لعندها ودار يديه علا حناكها ...ماتقوليش هكا
رزان:تزنكات وهيا ترجع لور و حاولات تلف لهضرا. .أحم يالاه صباح الخير مازال ماغانقولها حيت باااقي غاترجع تنعس
سيمو:هههههههه كاتهربي واااخا صباح نوور مزيانة دابا؟ ؟
.
.
.
.
#عند_رنا
اجيو نشوف شنو تحت راس هاد شنيولة بضبط ...من بعد ماشافت خليل تزعطاات فيه خصوصا معا دكشي لدار معاها كبر فعينيها حلفات تاتوصليه بأيتها طريقة دخلات كاتقلب عليه فانستا تلاقاتو وهيا دير ليه فولو و نعسات
.
.
.
خليل كان كالس تيشرب القهوة الصباحية ديالو وكيتفكر شريط حياتو كامل هز تيليفون هو ماشي من نوع ليكيرض البال شكون تابعو وشكون ماتابعوش حيتاش الاكونت ديالو فيه بزاف دالمتابعين هاد صباح دخل كايقلب فشكون دار ليه فولو وهو اطلع ليه الكونط ديال رنا دخل ليه عرفها غار البروفايل وبقا كيقلب فتصاورها لقا شي تصاور ديالها فالبحر كاتصور بزاف مع خواتتها وشي وحدين بوحدها رد ليها الفولو وعرف بلي طاحت فشبكة وغايكون مصيرها بحال دوك ليقبل منها دار واحد ضحكة ديال الانتصار و ناض خرج
.
.
.
.
#عند_روان_رشيد
فاق رشيد وخرج باش افيق سمير (سمير هي كنيت روان ولكن هو اصحاب لو سميتها واصحاب لو روان دري) هادا فين مشا؟ ؟؟ مشا دخل لبيت هز لابتوب ديالو كيشوف الكامـيرا لي دير فدار اشنو دارت روان وعلاش مشات ..شاف كولشي وطاح ليه لعجب اشنو دكشي لي مسحات روان من لفوتوي وعلاش مشات بحوايجو بدا كيدخلو الشك وعيط ليها فالتلفون
ولكن ماكاتجاوبش بدا كيخاف عليها وشيحاجة كاتخليه افكر غار فيها. ...حسب معتقداتو هو كيفكر فدري وهادشي مخليه عايش صرااااع داخلي حيت هو ماشي شاذ باش احس هادشي وعمرو ماكان عندو شي إحساس تجاه دراري بالعكس عادي جيهت البنات اه وهو اصلا من ناس ليكيرفضو الشذوذ الجنسي
رشيد:لالا انا مايكمكنش نكون هكا انا ديما عادي تفووووووو دخل لحياتي هاد البرهوش قلبها سفاها على علاها وزايدها طااافي تيليفون وحنا ليوم بليل غاديين نفدو الخطة
.
.
.
وصلات 4 دالعشية سيمو كان باقي ناعس كايسمع شي قرقيب فدار شيحد كايدور فالدرا ناض بشوية خرج من بيتو كيتسلت دخل لكوزينة لقا رزان ليكاتقرقب ...
سيمو:اش كاديري ياهاد المشة
رزان:بسم الله الرحمن الرحيم خلعتيينييي
سيمو (كيقرب):اش كاديري
رزان:جيت باش نجيب ليك تفطر ...وصباح الخير هههههههههههه المهم هافطورك هنا انا غادا
سيمو:اجي هنا فين غادا
رزان:عندي ليوم الخدمة كتيرة عندنا واحد طلبية خارج المطعم خصني نمشي
سيمو:واخا إلا ساليتي قوليها ليا
رزلن:واااخا. ..مشيت لدار لقيت روان باقا ناعسة وحتا لبنات وحنا معطلين خصنا ليوم نمشيو كاملين لمطعم ...فيقت روان غار شعلات تيليفونها بدات كاتنقز
روان:نااااري مشيت فيها 52 ابيل ليووووما يصفطوني لعكاشة
رزان:يااااك لاباس
روان:رشيد صونا ليا 52 مرة وانا ناعسة
رزان :يوووك المسخوطة طيري ياك اليوم غاتنفدو الخطة
روان:لخطة؟ ويلي ويلي ويلي نسييييييت اويلي نسيت ليوم يقتلني بلاتي نصوني ليه ....بديت كانصوني ليه غاااار جاوبني رشيد:والله يحرق طواسل جدك ازامل وافيييييينك الحمااار
روان:هااااني هااااني جاي
رشيد:داااابا تكون عندي الوييييل تحرك قطع
مشيت فيقت لبنات غااااار فاقت رنا تاهية حالات تيليفونها بدات كاتنقز تاهية
رزان:ولله يعفو مالك تانتية
رنا:دااااااار ليا خليل فولووو
رزان:ومنبعد
رنا:يعني مهتم ....بانت ليا نهى بوحدها لي نايضة و ماشي تالهيه
رزان:نهى مالك
نهى:والو غار توحشت ماما وبابا انوض ندوش باش نوجد راسي نمشيو
.
.
.
.
خليل:الو وييي سي مروان صافا
مروان:صافا الحمد لله ونتا
خليل:الحمد لله
مروان:واش غاتحضر لحفلة لي دايرها ***** ؟
خليل :اه باش عرفتي
مروان:حتا انا وصلاتني دعوة وغانمشي
خليل:اوا صافي نتلاقاو تماك ..قطع معاه صونا على شخص آخر
خليل: كولشي غادي مزيان
الشخص:اه انا هاني كانوجد راسي و رجال ديولي باش نمشيو
خليل: اه راه حتا رشيد غايكون تماك اليوم غاندي نضربو ضربة ماقبل الأخيرة ليوم غاتدخل نتا للمجموعة الجديدة يعني خصك تكون راااد البال
شخص:شتك بحالا غاتوريني خدمتي اولدي
خليل:هههههههههههه تفو امتا غار نساليو هاد الخرا بغيت نرجع لحياتي العادية
شخص:حتا انا يالاه ازبي قطع
.
.
.
دق دق دق
رشيد:دخل
روان :ش شاف انا جيت
رشيد :دخل علا سلامتك فين كنتي؟ علاش كانعيط ليك ماكاتجاوبنيش؟
روان:اشاف نضت مع 6 دصباح ومشيت لدار مانعستش مزيان عندك ومشيت نعس فدارنا
رشيد:قرب لعندي
روان (اويلي هادا اشباغي ) علاش
رشيد: قررررب ..مال وجهك صفر بحال هكا واش عندك نزيف؟ ؟؟؟ شنو كنتي كاتمسح صباح؟
روان (صافي مشيت فيها اشغادي نقوليه)اه فيا فقر الدم و ماشكيت عليك فيا البواسير هوما ليدايرين ليا هكاك تيقطرو ليا بدم
رشيد:اااه ودابا واش غاتقدر تمشي ولا لا
روان:لالا اشاف قاد كون هاني
.
.
.
#في_المساء
رزان كانت مشغولة مع تحضير دالحفلة هيا و رنا ونهى كانت رزان كاتعطي الأوامر وكاتراقب واش كولا حاجة فبلاصتها من بعد ما تأكدات بلي كولشي هو هاداك امرات السرباية يبدلو حوايجهوم و يلبسو البدلة الموحدة حيت بداو ناس كيدخلو وبدات الجردة دالفيلا كاتعمر كيدخلو غار شخصيات الكبار
و من بينهم دخل رشيد وروان
رشيد :مستعد؟ ؟؟
روان:اه ....مشا رشيد كيسلم على شي رجال وخلا روان تصرف ...دخل خليل و معاه مرافقة ديالو لي تاهية متدربة على الخطة وكاتسنى إشارة من عند روان باش دخل هيا وياها...وبينما كان الحفل بدا دخل واحد الشخص لي كولشي كان كيتسناه دخل هو ورجالو وكان معروف على أنه عندو شركة ديال الاستيراد والتصدير في المعادن حتا كيتاجر فالمخدرات و من بين أكبر المهربين فالمغرب غار طلعات رزان راسها تشوف شكون هادا علامن كيدويو تصدمات ملي شافت سيمو هو لي داخل عينيها عمرو بدموع ملي عرفات شكون هو مابغاتش تبقى تعرفو مزال ....كيبان ليها وقفو معاه شي رجال الأعمال فالأول مشافهاش ولكن هيا تعمدات تدوز من قداموا فاش شافها دارت بيه دنيا فلحظة مكانش باغيها تعرف هاد الجانب من حياتو لي أصلان هو ماختاروش تفرض عليه حاول اخرجها من راسو ويركز فداكشي لي خصو اركز فيه هاد ليلة مهمة ليه بزاااف
خليل كان واقف هو والمرافقة وكان حاط ايدو على الخصر ديالها و حس بشي ناس عطااات ريحت شياطهم طبعاً عرفتو شكون اه هي رنا لي كاتشوف غار من بعيد وغاتموت بالغيرة رشيد غمز لروان و روان عطات الإشارة للبنت لي مع خليل
و هنا بدأت اللعبة دخلات البنت كلسات 5 دقايق و تبعاتها روان هوما كانو عارفين الفيلا كيفاش دايرة لبنت دارت راسها باغا تقاد حوايجها وماعرفات فين تدخل دخلات البيرو وهو البلاصة فين غايديرو المهمة دارت بحالا طاح ليها شي حاجة فالارض نزلات تحت البيرو كان ملصق فيه واحد اليوس ب كان خصها تاخدو تكوبيه فلابتوب وترجعو بلاصتو وروان خصها تركب واحد لعيبة ايبقاو اسمعوا بيها اشنو كيوقع فالفيلا لي هيا ديال البوس لي تاحد حد ماعارفو دخلت روان ركبات اللعيبة بقات غار ديك البنت هيا كاتسنا اتشارجا كيسمعوا خطوات ديال شي حد
مروان: اش كاديروا هنا؟
البنت:جيت نقاد حوايجي ساعة طاحت ليا الحلقة من ودني وكانقلب عليها انا وهاد سيد جا مسكين اعاوني
مروان اااه واخا انقلب معاكم تانا
روان:هاهية لقيتها
البنت:شكرااااااا شكراااااا بزاااف هاد الحلقات عزاز عليا ديول الألماس عطاهم Graff لعمتي فعيد ملادها وعطاتهم ليا
نروان:وااااو Graff كاع
البنت:اه نخليك بسلامة خرجات روان و المرافقة وقلبهم كيضرب ف100 شوية وكانو غادي اتفضحوا خرجات لعند خليل عطاتو إشارة باش امشيو وفعلا خرجو
و تبعهوم رشيد و روان تاهوما
اما بنسبة لسيمو عقد صفقة مع البوس لي فيها اكتر من طون و نص ديال الكوكاين لي غايدخل للمغرب
.
.
.
رزان؛:يالاه ادراري سالينا و غانمشيو. ..بداو تجمعوا كولشي قادو كولشي فال🚚 ...دراري غدا عندكم روبو باش ترتاحو بلا ماتجيو يالاه بسلامة عليكم ..ركبت طوموبيلتي انا والبنات و زدنا كانت ساعة 1 دصباح كان سيمو كيصوني ليا مابغييتش نجاوبو حتا وقف ليا طوموبيل
سيمو:نزلي ..نزلت
رزان:اش بغيتي؟ سير فحالك راني عيانة والبنات تاهوما عياو سيمو:غاتقولي برنا تصوك طوموبيل و يمشيو و غاتركبي معايا خصنا ندويو
رزان :ماعندي فاش ندوي معاك
سيمو:يا إما غاديري داكشي ليقلت ليك أولا غانجرك قدامهم نخلعهم عليك و عمرهم مازال اشوفوك
رزان :أش بغيتي عندي فين كاع انا كانعرفك بعد مني
سيمو:هضرتي واضحة تحركي
رزان:واخا ولكن تانوصل لبنات
رنا :ياك لاباس والو باس غانوصلكم وغانمشي مع سيمو
نهى:فين غاتمشي
رزان:قالك بغا اهضر معايا ضروري
نهى:غار ردي البال لراسك وصافي
رزان :ماتخافوش عليا ردو البال لراسكم وماتخلعوش عليا ماعندو مايدير ليا
.
.
.
#فطريق
رزان:فين غادي بيا؟ ؟؟؟؟؟
سيمو:دابا تعرفي
رزان:ردني فحالي دااابااااااااااااا
سيمو (ضرب يبدو البولى ديال طوموبيل): مااااتغوتيش و مادويش معايا بهاد طريقة ولا
رزان:اش غادر كااااع اش عندك مادير
سيمو:غاتشوفي لوجه لي عمررررك ماشتييييه
رزان:المخير فخيلك ركب عليه ماكاتخلعنيش كاتسمع ومابقيتش باغا نعرفك دررني لدارنا علاش خرجتيني من لمدينة
سيمو :قطعي حسك ولا غانقلب هاد الخرا يالله ....دازت ساعة وصلنا لواحد الدار كاينة برا المدينة
سيمو :نزلي
رزان:ماتحلمش ...نزل سيمو و هو يجرها وهي كاتغوت
رزان:طلق مني واطلق
سيمو :حل الباب و دخلها. ...سكتي وااا سكتي
رزان:ماغانسكتش ردني فحالي حل الباب
.
.
.
#يتبع