أسد : ها ست حوراء هسه اتحطين عقلج براسج شمس : اني رحت حضنت حوراء الي غوركن اعيونه من البجي خطيه 😳 أسد : وانتي ست شمس احسابج بعدين أريد اشوف اشلون اتردين بوجهي 😠 موسى(أبو إيهاب): أسد عمي ماتسوه السالفه وبعدين بعدهن جهال مايفهمن وغلطن سامحن شمس : أخذت حوراء ورحنا للمطبخ اني وياها كتله يلا سكتي كافي ضلينه انساعد خاله بل غداء اشوي وحطينه اني ما قبلت اتغده بس خاله كالت اذا ماتكلين اني ما أكل رحت أمري الله همام : شمس اعطيني ماي من يمج شمس : أي من عيوني(أسد يباوعلي ويخوزر اني سويت روحي ما شايفته )😑 همام :أي شمس ماكتيلي شنو السر شمس : يا سر همام :الي يخليج اتصيرين حلوه أريد استعملا حتا اصير حلو والبنات يزحفلي شمس : بعدين اكلك وره الأكل همام : لا الله عليج فضولي راح يكتلني زين شاوريني شمس : ادنه همام يمي اني همستلا طك روحك راجدي ميت مره ههه أهوه بعد وطكني على جتفي بل شقه همام : أيا حقيره هم صوجي اسءلج شمس : هههه لعد لا تسأل وأسد راح ايطك من العصاب خايفه بس أحاول اسوي نفسي قويه بقو عمو أبو إيهاب وأسد يسولفون على الشركة وما اعرف شي من السوالف التدوخ ههه كملنه غداء كفينه الماعين ونضفناهن ونضفنه المطبخ اني خدرت جاي وصبيت رحت وزعت للكل وصلت يم أسد أخذ الستكانه وهوه يباوع بعيوني ويخوزر اني متت من الخوف ماصدكت يمتا خلصت ورحت للمطبخ ركض😵 حنين : شمس يا ولج اشبيج وجهج اصفر عبالك شايفه ملك الموت شمس : ها لا كلشي ما بيه رحنا اني والبنات للغرفة انسولف ونضحك ما ادري اشلون مر الوقت وما حسينه صار المغرب الكل راح يصلي اني والبنات وكفنه نحضر عشه اني اكري كباب اعروك اجا يمي همام يسولف وياي ويأكل اني ركعته بل خاشوكه على ايده ولك اني اكري وانتا تأكل همام : بت الوادم حركتي أيدي شمس : يا سوده عليه ما ادري (همام كعد بل كاع وسوى روحى يبجي الوتي )يا همام حركتك تعال اغسل يدك أخذته من ايده للسنك وصرت اغسل بيده همام : أي عفيه من فوك تحرك لا من جوه لا من هاي الصفحه 😈 شمس : عرفت همام كاعد ايجذب 😒أخذت من الماي وشمرت على قميصه همام : ولج هاي ليش ساعة اتحركيني وساعة اتنكعين قميصي ماي شمس : عفته ورحت للتاوة لكيت الكباب محترك ذبيته بل صطل مال زباله ردت احط جديد همام : شمس شمس : ها(درت عليه لكيته مخلي اكراص ماي فوك راسي )لا همام عفيه والله بعد ما اعيدها همام : اذبه عليج 😎 شمس : لا عفيه(كمزنه على صوت أسد ) أسد : همام اترك الشغه وأكبر بعدين لو أني منك ما ارفع وجهي كدام أحد على عملتك السويته(بصياح ) همام : (برود )ليش اني اسويت أسد : (يحجي وهوه يتجه لهمام ) لا كلشي ما سويت انتا اني رحت دعمت الولد مو لو ما اني كان هسا انتا مكتول همام : عود ساعدتني وضليت اتعيرني أسد : همام احترم روحك احسلك شمس : علا الصوت واجو عليه الكل إيهاب :أسد خويه شنو القصه ليش صوتكم هجي عالي أسد : والله خويا أسأل اخوك الي بدون تربية ايعلي صوته على الكبر منه موسى(أبو إيهاب):همام شنو هاذ الحجي اتعلي صوتك على أسد اني هجي ربيتك همام : بابا اني ما مسوي شي واكف احجي ويا شمس اشو هاذ ضل يصيح بحده أهوه اشدخلا
شمس : وما نحس إلا عمو موسى يضرب همام راجدي ✋ موسى(أبو إيهاب) : فوك ما معلي صوتك تغلل أدب همين احسابك بعدين اعتذر من أسد بساع أسد : عمي الله يخليك لا يعتذلي ولا اعتذرله خل يحترم روحه احسلا هاي المره غفرتلا لجل اعيونك والله لو واحد غيره ادفنيه بمكانه يلا عمي اترخص عندي شغلا وبعد انتم البيت بيتكم شمس : أسد طلع من المطبخ وهوه أعصاب أخذ السياره وطلع عمي موسى (أبو إيهاب) كال احنا نترخص ناديه(أم أسد):وين خويا على بختك كاعد ايحضرون العشا اتعشو وروحو والولد بيناتهم اليوم اتزاعلو باجر يتصالحون موسى(أبو إيهاب):لا خويا دايمه هم يالله نرجع محد بل بيت بس إيهاب رجع وره الغدة والحد الان بحده وهما إخوان باجر يتصالحون يلا من رخصتكم يالله شمس : راحو بيت عمو موسى احنا كملنا العشا اوحطينا حتا محد اشته يأكل كالت خاله نادية(أم أسد):شيلو النعمه بنات كاعدين ونصفن بل وجوه حتا ما نشتهي نأكل شمس : حاضر خاله شلنه الأكل وكترنا كملنه رحت اني والبنات للغرفة كاعدين انسولف ما حسينه بل وقت صارت بل 10:30 خاله نامت ضليت بس اني والبنات وأسد بعده ما جاي ****************** أسد : وره ما تعاركت ويا همام طلعت بل سياره المكاني صرتو اتعرفونه كعدت احاجي النهر شنو الي كاعد ايصير وياي وليش سويت هجي اني بحياتي ما تعاركت ويا ولد عمي واليوم اتعاركت ويا همام من غيرتي لئن يتشاقه ويا شمس الغيره وين وصلتني صرت اتعارك علمود ها كافي لازم احط حد الهاذ الشي اني أحب شمس واريده الي لازم افاتح عمي وابوي بل موضوع اني اريده على سنه الله ورسوله بس هيا اتحبني لو لا لازم اعرف قبل ما افاتح عمي وابوي بل موضوع ركبت سيارتي ورجعت للبيت لكيت امي نايمه رحت بوجهي لغرفة البنات لكيتهن كاعدات ايباوعن على التفزيون ويضحكن انتبهلي حوراء وحنين طفرن من مكانهن وكفن بس شمس بقت كاعده تسلس حب وتضحك شمس : جنا اني والبنات ضايجين كلنه خل انباوع فلم كوميدي جبنه حب وكرزات وحلويات وكعدنا نأكل ونباوع وصلنه التلفون بل تفزيون وطلعنه فلم تركي كوميدي اشو اشوي هذني طفرن كتلهن يا اشبيج كعدن عبالك شفتن مالك الموت سمعت صوت حنحنة باوعت شفت أسد واكف يم الباب ومكتف ايديه وره ضهره ويخوزرني اني كمزت وكفت ويا البنات كلت بيني وبين نفسي صدك شأفن ملك الموت وكفنه اني والبنات استعداد كانو احنا الجنود وهوه الضابط 😐 أسد : سمعن هاي المره فوتته بس ومحمد المره الثانيه ادفنجن بل كاع شقه وطياحن حض ماكو ويا ولد عمامجن انتن كبرتن اسوالف المزعطه هاي عوفنه وخاصتن انتي شمس فهمتي لو أعيد شمس : 😓ها لا فهمت حاضر أسد : عفت البنات وطلعت صعدت لغرفتي سبحت ونمت على الجربايه (السرير ) واتصفح بل تلفون شفت الساعه 2:00 وجعت كلت خل أنزل اشوف شي إكلا شمس : وره ما طلع أسد اتلاثتنه سوينه 😧😥😳 كعدنه اشوي ونامن البنات وضليت بس اني على التلفون اراسل صديقاتي من أيام المدرسه صارت الساعه 2:00 عطشت رحت للمطبخ اشرب ماي جان الضوا مطفي شغلته وكمزت هاذ أسد بل مطبخ كمزت كلت (قل أعوذ برب الفلق ) أسد : اشبيج شفتي جني شمس : كلت بيني وبين نفسي لا انتا ملك الموت أسد : كلتي شي شمس : ها لا بس ليش كاعد بل ضلمه أسد : اتعاجزت افتح الضوه انتي شسوين بل مطبخ شمس : عطشت اجيت اشرب ماي (تحجي وهيه تتوجه للثلاجه ) انتا شسوي اهنا أسد : جعت كلت أكل شي شمس : احضرك العشه أسد : يا ريت لو اتعبج شمس هاي شنو شمس : (بستغراب)شنو أسد : اتشربين ماي من الثلاجة والجو بارد شمس : أي اعرف بس ما اعرف اشرب ماي حار ما يرويني أسد : هاذ مو حجي لج بابا تتمرضين تعرفين شنو تتمرضين مشغلين احنا الدفايات بكل البيت وانتي اشربين ماي مثلج شمس : اوك بعد ما اشرب ماي بارد (طلعت الأكل حررت بل مايكرويف وحطيته على الطاولة كدامه وردت اروح ) أسد : وين رايحه اكلي وياي شمس : ها لا ما اشتهي أسد : اوك بس كعدي ما اعرف أكل وحدي شمس : كعدت يمه ادردش ويا صديقتي (روان ) ويه ادزلي نكات وإني اضحك أسد : ويه منو تتراسلين الساعه بل 2:00 وتضحكين ضحكينه وياج شمس : دا اراسل صديقتي اي عادي احجيلك نكته أسد : سمعينه أم النكات
شمس : طفل غبي سأل أبوه كاله بابا ايصير أتزوج بيبي كاله أبو (كل*...ابن الكل*) اشلون تزوج امي كاله الطفل انتا مو ازوجت امي ما حجيت انا (شفت أسد صافن بيه ما يضحك ) شنو ما ضحكتك أسد: ها يعني خلصتي لازم اضحك هسا مو وانتي صالج ساعه اضحكين على هاي النكتة أشكد فطيرة شمس : زين اسمع هاي (عراقيه ادرس ابنه كالتله عددلي أسماء النبياء كال :إبراهيم وموسى وعيسى وبوسه كلتله منو هاذ بوسه كال :ما اعرف بس اني اسمع ابوي ايكل الجارتنه عليج النبي بوسه )هههه أسد : هم ما ضحك بايخه😩 شمس : أي أهوه لو اجيبلك برنامج اضحكك اضحكك ويا ياسر هم ما تضحك (أسد ابتسم ورجع يأكل اني طفيت التلفون وحطيته على الطاولة. ....يتبع 🌹 🌹 🌹 🌹 🌹 🌹 🌹 🌹 هلو حبايب كربي اشلونكم أسفه اخترت عليكم بس والله أخي صار ويا حادث وكنت ملتهيه ويا والله التلفون بكبره ما ماكاضته آخر بارت كتبه وره بيوم أخي صار ويا الحادث اليوم يلا كضيته لكيت الدنيه مطلوبه وتساب انستا اوتباد عنجد أسفه وانشالله يعجبكم البارت تحياتي الكاتبه ZHraa 💥
1333كلمه
أنت تقرأ
بت عم الشيخ 💖
عاطفيةالقصه تحكي عن شيخ يحب بنت عمه ❤ أسد :شمس شنو هاي شنو هل تصرفات ها احجي (بعصبيه وصوت عالي ) شمس : بس شيخ اني ما سويت شي غلط بليز دعمكم الي مبتدأ وأول قصه آلي
