قسوة حد الموت

الحلقة السابعة

فى صباح يوم جديد ملئ بالأحداث..
الدادة فاطمة/ رهف ي رهف يالا ي حبيبتى قومى

رهف / سيبينى ي دادة نايمة مش عايزة اقوم نفسى افضل نايمة على طول لان الواقع بتاعى ده مخيف اوى قالت ذلك بدموع

الدادة بحزن/ بعد الشر عنك ي قلبى ان شاء اللة ربنا هيحلها من عنده ربك كبير قومى يالا خدى علاجك انتى مش شايفة شكلك بقا عامل ازاى كده تخوفينى عليكى ي نن عينى انتى

رهف وهية تحضن الدادة/ تعرفى ي دادة انتى اللى مخفف عليا كل اللى انا فيه ده ربنا يخليكى ليا وجودك جمبى بيحسسنى ان لسة ماما عايشة

الدادة بحنان/ انتى نن عينى من جوا بحسك بنتى واكتر

تدخل لين فجأة/ اه لا خيانة الدادة ورهف مع بعض ي للهول وتكمل بأسلوب مضحك كده تحضنوا بعض من غيرى طب كنتوا استنوا شوية عشان اشارك فى الإحضان دى

الدادة بضحك على هذه المشاغبة/ هههههه ماشى ي بكاشة كويس انك جيتى يالا اقعدى مع رهف اعبال مجهز الفطار

لين/ طب بسرعة ونبى عشان جوعانة اوى

الدادة بضحك/ هههههه حاضر وتذهب الدادة وتبقى لين مع رهف

لين لتلك الشاردة/ رهف رهف بت أرهف

رهف بنتباه/ ايه فى ايه ي لين

لين بجدية وخوف على صديقتها/ رهف انا عارفة اللى انتى فيكى حاجة ومش راضية تقوليلى مالك انا عارفة انا الازمة مش بتجيلك الا لما تبقى حاجة كبيرة مزعلاكى

رهف بتوتر / حاجة ايه وبتاع ايه بس ي لين مفيش حاجة طبعا انا بس تعبت شوية عشان ضغط الامتحان مش اكتر

لين بشك ونصف عين/ ماشى ي رهف براحتك بس برضه هعرف فيكى ايه

رهف مغيرة الموضوع/ طب بقولك ايه يالا خلينا نفطر مش كنتى جعانة قومى يالا عشان نلحق المحاضرة

لين / يالا يختى
🌸🌸🌸🌸🌸🌸🌸🌸🌸🌸🌸🌸
فى شركة الجارحى....
يدخل مراد بكل هيبة وشموخ الى مكتبه مراد للسكرتيرة / رغد ابعتيلى امير

رغد وهية على وضعها/مراد قصدى ي استاذ مراد اخيرا افتكرت اللى فيه كلبة مشغلاه مع حضرتك

مراد بزهول/ كلبه ليه بتقولى كده ي كلبة رغد قصدى  ي استاذ رغد

رغد بغيظ / طبعا مانا ملييش قيمة فى الشركة دى كل اللى رايح واللى جاى يخبط فيا

مراد بصدمة/ ايه يبنتى كل ده عشان بقولك ناديلى امير مش عايز زفت

امير وهو يدخل / يعنى كمان بتشتمونى وانا غايب في ايه جدعان

رغد بغضب/ اخرس انت انا مش طايقاك

امير/ ليه ان شاء اللة يست السندريلا خطفت الامير بتاعك ولا خطفت الجزمة الازاز