مساء الورد 🌹
الشيخ رافد 🌹
البارت الثالث 🌹
اريد ارتاح
لو ليله
ياهو اليخسر احچايه
ويگلي شبيك وحچيله
ياهو اليشتهي عيوني
وافرع ضيمي وبچيله
بهت بيه ضوه العشرين
العمر يركض بكل حيله
قاسم : شنو شتحجي انت
ابو قاسم : اسمعني بويه اني حجيت ويه الشيخ ياخذها علمود ناخذ البيت لان نالين ما تقبل تزوجك واذا قبلت اتعيش اويانه البيت راح يبقى بأسمها
قاسم : بس بويه اني رايدها
ابو قاسم : انت رايدها علمود تكسر خشمها مو محبه بيها
قاسم : يي صح رايد اكسر هالخشم الي دومها اتشوفني ابعين ازغيره
ابو قاسم : انت ابني وتصرفاتك غلط شتريد البنيه اتحبك وانت سكير واشكم مره حاولت تعتدي عليها غير احنه ساكتين علمود البيت
قاسم : خلص بويه الي اتشوفه سوي
ابو قاسم : اني من حجيت ويه الشيخ رافد كلتله انت اعقد عليها بس ابشرط تتنازل عن البيت هو وافق
قاسم : واذا عقد عليها وما اتنازلت انكون خسرانين
ابو قاسم : لا بويه كلتله انطاني كلمه
نالين : انصدمت صدمت عمري من سمعت الشيخ رافد يعقد عليه مااتوقعت هالشي من عمي ولا اعرف الشيخ رافد ليش وافق عالموضوع الكل سمع بهل خبر واني ضايعه ابتفكيري سرحانه افكر اشراح ايصير ابحياتي شوي وحاجتني سمر كالت اجه رافد رفعت راسي باوعت عليه كلي خوف وقلق
رافد : ابو قاسم كلي اعقد على نالين اتعصبت كلش ماكو عم ايذب بنت اخو هيج ذبه علمود الفلوس وافقت وكلت اعقد عليها واخليها تتنازل الك عالبيت صح هالقرار قررته بدون مااخبر نالين بس لمصلحتهه خل تتنازل عن البيت ولا اتعيش حياتها برعب وخوف طول عمرها خبرت الكل وطلعت من المضيف اتفقنه باجر نعقد ودزيت واحد من جماعتي يمشي ابمعامله البيت علمود تتنازل دخلت للبيت رحت على غرفه امي لكيت نالين امدنكه راسها وصافنه من سمر حجت رفعت راسها وباوعت عليه مااعرف شكلولهه وامنين ابدي طلبت من سمر ورغد يطلعن علمود احجي اوياهه طلعن هي رجعت ليوره خايفه حقها ماالومهه على ردة فعلهه ابيوم وليله تنكلب حياتها وترتبط بشخص ماتعرفه
نالين : دخل رافد وطلب من سمر ورغد يطلعن اجه يمي اتقرب خفت كلش وسحبت روحي ليوره
رافد : شوفي يابنت الناس انتي سمعتي بالقرار واني اعقد عليج علمود تتخلصين من قاسم الي امعيشجج رعب بس ابشرط الي شرطه عمج
نالين : عمي طلب منك تعقد عليه والشرط اعرفه اتنازل عن البيت بس يا شيخ ممنون من تصرفك بس اني مااكدر اخليك ترتبط بيه انت الك حياتك واني مااريد اكون خراب لبيتك
