ماشي جاي ع رجليه .... حي حي 👏👏 بعد فراقه ندير عزي 👏👏
ماشي جاي ع الساليطه 👏👏👏👏 عجبتني فتحت سوريته 👏👏👏
ماشي جاي ع المربوعه 👏👏👏👏 مش قادر يفتح موضوعه 👏👏👏
ماشي جاي ع العواله 👏👏👏👏مش قادر يفتح مواله 👏👏👏👏
صاحب خويا لما يجينا 👏👏👏 نبدا نرقص في الكوجينه 👏👏👏
صاحب خويا وين يمر 👏👏👏 نبدا نرقص ف الممر 👏👏👏
صاحب خويا وين يعدي 👏👏👏 نبدا ناخد ف المهدي 👏👏👏
وين تخش الشارع نادي 👏👏👏 نطلعلك حفيانه عادي 👏👏👏
مانبوش دهب وحرير 👏👏👏 نبو جنتل من الاخير 👏👏👏
ولد العم شكارة خيشه 👏👏👏 والبراني معاه العيشه 👏👏👏👏
ولد العم شكارة سكر 👏👏👏👏 والبراني عسل يقطر 👏👏👏
سامحني يا ولد العم 👏👏👏 غلا غيرك يجري فالدم 👏👏👏👏
سامحني ياولد الخال 👏👏👏👏 غلا غيرك قاعد ف البال 👏👏👏
أول يوم ف الدراسه 👏👏👏 قتله نحبك واطا راسه 👏👏👏
قتله نحبك قلي عادي 👏👏👏أول يوم ف الاعدادي 👏👏👏👏
قتله نحبك طاح عليا 👏👏👏 اول يوم ف الكليه 👏👏👏
يا والسيارة وقفت بيه 👏👏👏👏 جاني يجري ع الرجليه 👏👏👏👏
كليت نا وياه عصيده 👏👏👏👏 كان نقص الرب نزيده 👏👏👏
باش نعيشو أحلى عيشه 👏👏👏👏كليت انا وياه دشيشه 👏👏👏
قتله نحبك فنص فيا 👏👏👏👏 داير روحه فالكليه👏👏👏
رابط سرواله بالتل 👏👏👏👏👏داير روحه متاع محل 👏👏👏👏
ياكل ف الخبزة والشاميه 👏👏👏وداير روحه شخصية 👏👏👏
قلي نحبك يادرويشه 👏👏👏حي حدف عليا الشيشه👏👏👏👏
قلي نحبك يا مهبوله 👏👏👏 حي حدف عليا امبوله👏👏👏👏
قلي نحبك يا سنفورة 👏👏👏حي حدف عليا الكورة👏👏👏👏
حي حدف عليا رشاده 👏👏👏👏 قلي نحبك يا شوشادا 👏👏👏👏👏
كاتب اسمي ف كتاباته👏👏👏👏👏 مسحوه الشومات خواته👏👏👏
كاتب اسمي ف كتاباته 👏👏👏👏سحنه ف الشومات خواته 👏👏👏👏
كاتب اسمي ع مفاتيحه👏👏👏👏شافه بوه عطاه طريحه 👏👏👏👏
نحضر ف الرسوم نسيته 👏👏👏👏 يراجي ف الشارع خليته👏👏👏👏
غزالي قاعد ف الكليه👏👏👏👏 يدلع لابس طاقيه👏👏👏👏
غير احكيلي ليش الحوسه 👏👏👏👏كم عندك شفره مدسوسه👏👏👏👏
بالعين السودا عمزاته👏👏👏خلاته يبرم خلاته👏👏👏👏
يلي تصفر نسمع فيييك 👏👏👏👏نرقد الشيباني ونجيك 👏👏😂😂😂
داير روحك في الحاسوووب 😂😂😉👏👏👏تعاكس والشبشب مقلوب😂👏👏👏
سرواله ازرق زرقيني 😂👏👏👏ماخلاش النوم يجيني 👏👏👏👏
حي عليه الشمس كلاته 😂👏👏👏راجا صاحبته ماجاته👏👏👏👏
مازلتي صغيرة ع الحب 👏👏👏الي زيك تشرب ف السان تب 👏👏👏
مانحساب الحب سلاطه👏👏👏👏لابس عربي مع قرواطه 👏👏👏😂😂😂
عجبوني نظرات عيونه 👏👏👏👏👏وين ضحك فجعووني سنونه😂😂👏👏👏👏
جي يخطب قالولي باهي 👏👏👏👏 من الفرحه ملحت الشاهي 😂😂👏👏👏
يامبروووك عليك الحنه 👏👏👏👏والراجل ماصارش منه 👏👏👏👏😂😂😂
انشالله نركب من قدام 👏👏👏👏 ويقولو هادي المدام 👏👏👏👏
انشاالله نركب سيارتهم👏👏👏👏ويقولو هادي كنتهم 👏👏👏👏
كيف الصقر يحوم وراها 👏👏👏👏 صكر راسا لين خداها 👏👏👏👏👏
بإذن الله نكون مراته 👏👏👏👏 ونقهر كل وحده حباته 👏👏👏👏
بإذن الله العين تحقه 👏👏👏سكران وراقي للشقه 😂😂😂👏👏👏👏👏
حي حي حي رووورووووري 👏👏👏👏😂
هيا تفاعلو عاد مش اني نكتب ونتعب وانتم تقرو بس 💃💃💃💃💃💃
