كل سنه وانتو طيبيين ❤❤
اولا اسفه اني ماكنتش نرد عليكم لأن تليفوني كان خارب 😓😭
وبالنسبه للبنات الي واعدتهم بشتاوات هما طلبوها ...... فسامحوني اني مقدرتش انزلهم بالرغم اني تخيلو موتيه 25 بارت وقلت كل يوم بنزل 2 بس للأسف لما خرب التليفون مشي معاه كل شي تعرفو صارلي فعليا انهيار عصبي ليا قريب شهرين نكتب فيهم وناخد من امي ومن جداي ونلقط من النت ونكتب بالشتاوه تخيلو نلقط فيهم بالوحده ف النهاية كلهم بح 11 جزء ععرس البنت و 5تكملت عرس الولد و3ع الخو 3 ع البو وممكن 4ع الام و2ع الصاحبات و3عالجيران و اغنيه الحنه متاع نار الجريده درتها ف 5 اجزاء وشتاوه مريم يا مريم حتى هي درتها ف جزئين ومتاع عالكرنيش مضيع وقته وغيرهم هلبا تعرفو ع قد ما نقوللكم انقهرت اشويه ع وصف الشعووور .....المهم قدر الله مشاء فعل مش كاتبين توا انشالله اول ماناخد هاتف توا نؤجع نكتب ونزل من جديد اني حاليا نستخدم ف هاتف خوي
نرجعو لموضوعنا الاساسي عاشورا❤
عاشورا عاشورتي امليلي دحورتي ....
دحورتي مليانة من ربي سبحانه ....
هذا حوش سيدنا يعطينا ويزيدنا ....
وهذا حوش امنا تطعمنا وتلمنا ....
هذا حوش بو بشير فيه القمح وفيه شعير....
يوم عاشوراء هذه بعض الكلمات التي يصدع بها الاطفال في يوم عاشوراء حيث تتميز هذه المناسبة باللون التراثي الجميل بداية من الاكلات الشعبية من الفول والحمص وهنا لا اقصد الاحتفال او البدع لا والعياد بالله بل نوع من التراث والعادات والتقاليد اللي كبرنا عليها يعني منقعدوش نتبركو او نطبخو الفول والحمص بداعي التقرب به لله والعياذ بالله كما ان في هدا اليوم يقوم الاطفال بالخروج لشوارع واخراج دمية تسمي الشيشباني والمرور بها علي الجيران وقول بعض الكلمات
شيشباني ياباني ...هادا حال الشيباني
هادا حاله وحواله ....ربي يقوي مزاله
شيشباني فوق حصان ...دبر يامولي الدكان
شيشباني فوق جمل ...دبر يامولي المحل
ولي متعطيش الفول راجلها يبداء مهبول
واللي ماتعطيش الحمص يصبح راجلها يتلمس
#ذكرياتنا زمان ❤❤
الاخوة والاخوات اللي يقولو بدعة نحن هنا نحيي ذكريات زمان مالنا علاقة بالفتاوي والحلال بين والحرام بين وبالنسبة ليا عاشوراء لمة العيلة وصلة رحم وذكريات حلوة في طريقها للانقراض للاسف الشديد
