الظابط واليتيمة

بارت1

البارت الاول

عائلة حيدر

الاب...متوفي
الام...مديحه العمر 58
الاخت...مها العمر34متزوجه
الاخت...عائشه العمر 27متزوجه
الاخت...سميه العمر 17سنه ممزوجه تدرس صف خامس
الاخ...اياد العمر 20سنه طالب كليه اختصاص تمريض عام
الاخ..حسن العمر 30سنه متزوج دكتور جامعه
واني حيدر عمري39سنه اشتغل ظابط في ال...بطبعي حاد وقاسي كلش ومغرور اعترف بهل شي هذا طبعي وكلمتي تمشي على الكل واني بالبيت الكل بالكل مشاءالله طبعا احنه هواي بالبيت اخويه عنده 5جهال وعمي جلال ويانه هوا وزوجته وبنته الصغيره ديمه عمرها 18سنه وعمي الثاني اسمه جواد هوا وزوجته وابنه احمد عمره 29متزوج وعنده طفلين واخته سوسن عمرها 15سنه بيتنه كلش جبير طابقين الفوك ل عمامي والجوه النه والمه لمه وحده محد يكعد وحده كلنه سوه اما عمي توفيق طالع بيت وحده هوا وبنته ومرته متوفيه بس يمه من لسان بنته وكحه وعنوديه لدرجه تمل لسانها بس الله يكدرلها على الوكاحه طبعا عمرها 19سنه مواصفاتي حنطاوي طولي 189 معضل لون عيوني سود....

عائله ودق

الاب..توفيق العمر 59 متقاعد
الام...متوفيه
الاخت...لا يوجد
الاخ..لا يوجد
اني ودق عمري 19سنه ادرس كليه مرحلى اولى امي متوفيه لما جان عمري 10سنين ماتت بمرض خطير كلش ولما ماتت امي بابا كلش تاثر حته شكد توسلو بي حته يتزوج علمودي بس مقبل يكول ماتزوج على هناء بس هيه تبقى بكلبي بس اني وبابا بالبيت وحدنه ميقبل يطلع يم عمامي بس همه هواي مشاءالله عاد اني اكملهم بوكاحتي والله مو وكحه بس همه لزموها علي غير لزمه هاي مال وكحه وشكد اكره بنت عمي سوسن عدوتي هاي كل المشاكل تجي من وراها جنها بومه اما بنت عمي جلال ديمه امووت عليها مثل اختي احسبها لان لا تحل ولا تربط (يعني فقيرة كلشي متدبر)راح احجيلكم عن حبي الي تعرفت عليه اول مدخلت الكليه اسمه عماد عمره 20سنه يمه يجنن احسه قطعه من روحي ابويه الثاني متتوقعون شكد احبه ماكو اي بنيه هيج تحب حبيبها شكد اختبرته بس الحمدالله ماخاني لان جنت واثقه منه...دكافي لغوه واحجيلنه مواصفاتج

اي والله نسيت 😂😂
مواصفاتي بيضه عيوني واسعات كلش ولونهن رمادي  رموشي كثيفه شفايفي عاديات لونهن وردي وشعري طويل كلش لونه اشقر ومربربه وطولي 165

هسه تمام

اي حبي تكدرين تكملين

ماشي

كعدت على صوت المنبه مال موبايلي غسلت وجهي ونزلت ركض حضرت ريوك الي وبابا خليت الجاي على الطباخ يتهدر

ابو ودق...صباح الخير

ودق...بسته من خده وكتله صباح الحب

ابو ودق...اشوفج مستعجله

ودق...اي والله اليوم عدنه امتحان اول محاضره

ابو ودق...اريدج تشدين حيلج بنيتي