الجزء التانى لخادمتى ولكن !

حلقه فرفشه زياده

مشهد تخيلى لحياه حور وطارق بعد ما خلفو السته من خادمتى ولكن    مش جزء تالت ..  مش جزء تالت دى كنت كاتبها من بعد ما خلصت الجزء التانى ومش ناويه اكمل فيها حاجه فا بدال ما امسحها اقروها  
*********
مر ست اعوام  كمان على عيله كلها نشاط وحيوايه وحب وجنون .. بتجمع كل حاجه وعكسها دايما فى تغير .. كل حاجه بتجمعهم مع بعض فرحهم مع بعض حزنهم مع بعض والاهم ما بيبطلوش يحبو بعض خدو عهد مفيش حد يقدر يفرق بينهم لا كلام فارغ ولا غيره ولا ضغوط حياه حتى .. بيشتغلو بضمير وبيراعبو ربنا فى شغلهم وفى نفس الوقت مش بينسو نفسهم الحياه عندهم خد وهات مش بمنطق الانانيه لا بمنطق زى ما بدى لشغلى والا حواليا لازم اخد جزء يفرحنى ويفصلنى عن دا كله واشحن طاقتى عشان اواصل من جديد ...
وانا بكلمكم بصوت هااامس ياله تعالو معايا نشوف اجن اتنين واجمل حب ياله .. ياله ورايا .. هششش من غير صوت ها نراقب ونسمع ونتخيل وبس 😂😂
***************
طارق فى اوضة النوم الصبح قايم مأريف ومش شايف قدامه دخل الحمام وخرج  بيفتح درج  الغيارات فاضى ... الشربات فاضى
وبصوت عالى فزع حور من نومه : يوووواه دى مابقتش عيشه انا كل يوم ها ادوخ على كل حاجه بعد كدا ها البس هدومى زى المجنانين
حور قايمه بتقل وبتفتح عيونها : مالك يا طقطوقتى على الصبح كل يوم زعابيب  زعابيب
طارق قرب عليها وبيرفع ايده وينزلها : وكل يوم مفيش غيرات ولا شربات فين فنلاتى فين انطقى فين ال
حور شهقت جااامد وبرقت : عيب يا طقطق
طارق بيشهق وبيحط ايده على صدره : وحياه أمك ومش عيب عميلك السودا فيا انتى وولادك وبيرفع راسه لفوق ها اتجنن يارب وخرج من الاوضه بالفوطه الملفوفه على وسطه راح اوضة البنتين التوأم الا عمرهم 6 سنين بالظبط رفع الغطا من عليهم لاقهم لابسين الفنلات بتاعته وشربات كتير فى رجليهم وبقيه الفنلات وغياراته مرميه فى الاوضه عندهم شالهم وهما نايمين من ضهرهم الاتنين وراح لحور الا لسا ما قامتش من على السرير
حور بصدمه : بنوايتى حبايبى انت عامل فيهم كدا ليه
طارق : عشان البس يااوزعه.. نيمهم جمب حور على السرير وبيقلع واحده شراب من رجل والتانيه نفس الفرده من الرجل التانيه وبيبلس وخلص لبس ولسا البنات نايمه حور قربت عليه وحضنته من ضهره وحطت راسها على ضهره
حور بصوت هامس : اوعى تتأخر انت بقيت بتوحشنا
طارق لفها لوشه وقعد على كرسى التسريحه وقعدها على رجله  وضمها جااامد : وحشتينى ياحور
حور بصت له ومبسمه وعيونها بتلمع : انت أكتر
طارق : انا خلاص اتركنت على الرف ناسينى خالص واهتمامك كله للاولاد وبس حتى حاجتى كل يوم المها من عندهم المجرمين
حور : 😂😂😂 بيحبوك قوووى يا طارق ونفسهم تفضل جمبهم شويه بتوحشهم زى ما انت واحش أمهم .. ها تصدقنى
طارق بينطر ايده فى الهوا وبيضحك : هو فى حد بيصدقك قولى يا اوزعه  قولى بيبرق من غير كدب
حور : 😂😂 والله انا بكدب .. يعنى لو قولتلك كل يوم ارتب حاجتك دى يبقى بكدب
طارق بيهز راسه بتاكيد : ايوا بتكدبى ياحور .. بنطلونى الرياضى الكحلى مين كان لابسه وهو نايم  متجوز أم اللمبى انا .. وباربى فى ولاده لا  وخناقه وليله على ما  خدته تانى
حور بتضحك وبتشاور على نفسها : انا 
طارق : يعنى العيال طالعين مجانين ومدمنين سرقة هدوم ابوهم بسبب أمهم واللمبى الا عايش جواها
حور بتأكيد ولفت ايدهاحوالين رقبته وبتبص فى عيونه : ايوا بنحبك كلنا نعمل ايه بقى ابقى اللمبى أبقى أمه  كل واحد بيعبر عن حبه بطريقته الخاصه
طارق بيضمها أكتر : مفيش طريقه لطيفه شويه وبهمس بين شافيفها بس انا بحبكم أكتر بكتير من اى حد ولسا ها يندمجو مع بعض البنوتين قامو وبيغمضو عنيهم وبيضحكو ..  وحور وطارق بصلهم وضحكو على ضحكهم أكتر .. قام وساب حور والبنات جريت عليه وحضنوه جااامد 
رغدا : بابى هاتخرج معانا انهارده
طارق : مش انهارده بس وعد نخرج اخر الاسبوع
رهف بتذمر : ليه يا بابى كل مره تقول كدا ومش بنخرج حتى بتبات فى الشغل
طارق : غصب عنى بس ها احاول اخد اجازه عشان حبايبى حراميه الهدوم يمكن تبعدو عن هدومى
رغدا ورهف : 😂😂 مامى الا بتقول انا كل ما يوحشنى بابى بالبس هدومه  وانام
طارق بيبص لحور ومبتسم : طيب البسو غيار واحد وسبولى الباقى ومسك الشريات الا فى رجلهم وكميه الفنلات الا لابسنها وبيشدهم منها مش كل دا ... انتو بتحبونى قوى كدا  وباسهم وحضنهم ورش البرفن بتاعه وبيهزر معاهم ويجرى وراهم وبيرش عليهم ...
رغدا : بابى مامى عمللك مفاجأه وحامل
طارق برق وتنح وشهق ولف لحور الا بترجع على الحيطه الا وراها
حور : طقطق اوعى تتهور .. اصل
طارق : اصل ايه وفصل ايه يخربيت الارنب الا عايش فى حياتك .. دى حجره زوجيه والا حجرة ارانب
حور : وربنا انت
طارق بصوت عالى وبيشاور على نفسه : ايوا جبيها فيا يا اوزعه  احنا مش عايزين فيلا نقعد فيها احنا عايزين القصر الجمهورى ونوزع الاوض على الارانب الا بتجبيهم
حور : 😂😂😂
طارق : انتى ليكى نفس تضحكى ... حامل فى كام عيل المره دى
حور : وربنا ما حامل .. انا كنت بهزر
طارق بيخبط ايده الاتنين على بعض : مفيش هزار فى الكلام دا وشالها ومخلى راسها لتحت ورجليها لفوق وبيهز فيها جااامد
حور : اعاااا انت بتنفضنى
طارق : ايوا احطياتى انتى مش مضمونه وعدل حور ونزلها واول ما اتعدلت كانت ها تقع مسكها ومسكت راسها انا دوخت ..  على صوته يعنى حامل وبتستهبلى
حور : 😂😂😂  وضربته فى صدره بطل بقى و صدقنى انت عنيف كدا ليه  بقولك ايه
طارق بيبص لها بنص عين وبيتخن صوته : ايه
حور : ينفع انا وانت نسافر اى مكان انا تعبت من كتر الشغل تاخد اجازه للاولاد واجازه ليا
طارق : اصل الداخليه دى بيت العيله بتاعنا وقاعد على قدى  اوعى يا حور وبيزقها وبيكلم البنات ياله فى حضن مامى وكملو نوم و دخل اوضه ولاده الولاد الاربعه .. وباس كل واحد وهو فى سريره نايم .. ونزل لقى شريف وهدى فى انتظاره عشان يفطرو معاه
شريف : اخيرا شرفت الفطار تلج
طارق حضنه وباسه : صباح الخير يا حبيبى .. ووطى على ايده باسها وحضن هدى وباسها وباس ايديها .. وقعد يفطر معاهم
هدى : حور ما نزلتش ليه
طارق وهو بياكل : خدت رهف ورغدا فى حضنها وكملت نوم .. ها تروحو الشركه والا ايه نظامكم
شريف : طبعا ها نروح انت عارف احنا بندرب شباب جديد وبنفتح فارعين جداد ومفيش وقت للقاعده
طارق بيضحك وبصوت عالى : الله يسهلووو .. كوشتو على البلد يا شرشر انت ومروان وباش وعمو الرايق
شريف بيضحك هو وهدى : ولسا .. مراتك بردو عامله شغل حلو قوى فى شركه جدك بهاء الله يرحمه
طارق : انت ها تقولى لازم دى مراتى يا باشا .. وقام ياله اشوف وشكم على خير لا إله إلا الله
شريف وهدى : محمد رسول الله