1 :
- ميسون .. ماذابيك غدوة الصباح تشووف ويين تبات
- هه كيفاه ؟ شبيك فرح فاش قاعدة تحكي ؟
- لي سمعتو.. تنجم تبات الليلة اما غدوة لازم تهز دبشك و تمشي تشوف وين تباات .. امي و بابا ماعاش ينجمو يتحملو مسؤليتك اكثر من هكا .. تحب تجي تقعد ضيفة نهار ولا نهارين ميسالش ..اماا ماعاش تنجم تعيش معانا في الدار هذي
لمت شعرها لتالي ديماا تحط فيه قدامها .. ضربت على ساقيها بالشوية و قامت من بجنبها عطاتها بالضهر و قعدت تحكي ..
- 4 سنين لتالي .. كي امي و بابا ماتو الله يرحمهم و داارنا تفكت و اللي نملكوه الكل نهنبووه منا لدرجة اني ما لقيت وين نبات .. جيت انت قتلي ايجا اقعد عندنا في الدار .. قتلك انا نقعد لبريود قصيرة اما نخاف نكثر عليكم .. قتلي ميسون تنجم تقعد قد ما تحب حتى كان لزم تخرج من دارنا كان عروسة .. اونتوكا كنت عارفة لي باش يجي نهاار و تتعبو مني رغم لي نخلص معاكم في كل شي اما موش بمزيتي يلزمني نخدم باش نوفي مزيتكم عليا ..
- سامحني تعرف لي انت اختي لي ما جبتهاليش امي .. اما بابا و امي الله يهديهم ..
- عم مختار و خالتي منوبية مالاول موش عاجبتهم حكاية قعدتي معااكم في نفس الداار .. طيلة 4 سنين كل يوم يحكيو في الكلام عليا وراء الحيوط .. مانيش متغششة مزيتكم عمري ما ننساها و زيد كان لازم نفهم روحي حتى انا كثرت عليكم .. نمشي نلم دبشي
- نعاونك تحب ؟
- لا لا عادي فاليجتين اتاو نلمهم و اتاو نمشي من هوني
- لا اقعد الليلة و غدوة الصباح امشي كان تحب عالاقل لين تلقا ويين تقعد على خاطري
- تعرف لي انت اعز صاحبة عندي و على خاطرك ننجم نعمل كل شي اما ما ننجمش نتروخس اكثر من هكا على خاطر حتى حد
- على كيفك ميسون عالاقل خلي نلم معاك دبشك بازيدلي لحضة مع عشيرة عمري على خاطر صحبة السنين هذي الكل ؟
- باهي ..
----
اكيد تسألو شكوني ميسون و شكون فرح و شنوة صار 4 سنين لتالي و برشا اسألة اخرين .. ميسون كانت عايشة لباس عليها هي و امها و بوها .. بوها كان عندو حمااص عايشين عليه سنين و سنين كان مصدر رزقهم الوحيد و امها كانت خياطة تخدم في الدار ماكينة و حماص كانو عايشين عليها العايلة هذي .. بوها و امها مرة .. ما تعرش شنوة صار .. رقدت في الليل تستنا في بوها و امها باش يروحو من ريستورون وقتها كان عيد زواجهم .. ميسون حبت تعطيهم هدية ماتجي شي من قيمتهم بالنسبة ليها .. هداتلهم الخرجة متع عيد زواجهم .. لريستو متواضع و على حسابها خاتر ميسون مالقاتش كيفاه تكافيهم حق الفلووس لي خلصوها من دم قلبهم على قرايتها يحلمو ديما باش ميسون توصل و تولي طبيبة و وقتها كان عام الباك متاعها تقرا و تخدم في العطل بااش تجمل مصروفها وحدها و ما تزيدش عليهم اكثر .. قبل ما ترقد كلمت بوها و سإلتهم وقتاه باش يروحو قاللها لي هوما شوية ااخر و يرجعو للدار .. رقدت و الصبااح قامت تسخايلهم روحو .. تسخايلهم في بيتهم من الفرحة راقدين محملين بعضهم .. جات باش تدق الباب عليهم حبتش ضحكت ضحكة دافيا كيفها و مشات غسلت وجهها و حضرتلهم فطورهم و كاس حطت فيه وردتين حمر بوها زارع الورد في جنينتهم صحيح صغيرة اما بلهوتهم ال3 بالاخص بوها كانت عبارة على جنة .. دقت البااب و حلتو .. ما لقاتهمش في فرشهم .. حطت الطبق على الطابل دو نوي و خرجت مشت للبيت لي تخدم فيها امها .. ما تلقاهاش غادي .. كلمتهم تاليفوناتهم مسكرة .. لبست جيلي على البيجاما متاعها خااتر وقتها كان حال خريف و الدنيا بدات تبرد .. مشات تشوف في بوها في حانوتو لي كانت قدام الدار تلقاها مسكرة .. قلبها حستو تقبض وقتها ما حستش بروحها كي مشات ديراكت للمركز .. قدمت بلاغ ضياع .. و بحكم راشدين و كاملين مداركهم العقلية الاجراءات في القضية تبدا كان بعد 24 ساعة .. ما نجمتش تقعد مكتفة يديها المدة هذيكا الكل .. رجعت للداار بدلت دبشها ماا مشاتش لليسي و كلمت خذات كونجي من عرفها كانت تخدم سارفوز في ريستو مذخم عاللخر و كانت محبوبة برشا لدرجة انو برشا كلييونات يجيو على خاترها هي بسبب لسانها الطيب و التواضع متاعها و ضحكتها لي عمرها ما تنخاات من وجهها و تفدلييكها .. هي بزينها لي شعرها اكحل و ارطب كي الحرير و اللي يوصل لااخر ضهرها و االي زادا وارثتو من امها ، مسرارة ماهيش بيضة حليب و ماهيش سمرة شكلاطة كانت في الوسط حواجبها عمرها ما مستهم خاتر بطبيعتهم ما يستحقووش يتحفف منهم منضمين قولش عليهم مرسومين باليد ، عينيها في لون العسل و كي تضرب فيهم الشمس لونهم يفتاح اكثر و يزيدو يزينوها اكثر و شوافرها الطوال و الكثاف حتى انها ما تستحقش ماسكارا تستعمل المكياج من مناسبة لمناسبة و و زيد هي لاهي طويلة ولاهي فصيرة و بدنها بدن انثى على بز و معناه ... تنجم تدبر خدمة ما ارقى بالف مرة بالمؤهلات هذي الكل اما هي تحبش اللقمة الباردة هذا لي رباها بووها علييه هو و امها حبت تبدا تكوين مستقبلها من الصفر باش نهاار ااخر ما يطيحش فيها دعااء نااس و صغارها ياكل كل لقمة حلال و قسمها يكون متاعها هي ... ميسون بدلت دبشها لبست لي يجي و خرجت تلوج حبت تكلم صحبتها فرح لي هي ما تفرقش برشا على ميسون يشبهو لبعضهم جيست فرح ابيض و اقصر و شعرها عاطي عالاصفر .. ما نجمتش تكلمها و لا تكلم حتى حد خاتر وقت لي هي جبدت التاليفون باش تكلم كان تلوج في زنقة بعيدة على حومتها و متركنة و زيد مهجورة تخوف .. ما تعرش علاش هزوها ساقيها للبلاصة هذيكا بالذات.. هزت راسها تلقا كف يد فيها الحنة كاينو عبد داايخ و يدوو باينة اما بدنو لا .. طول تفكرت امها لي عمرها ما تخلي يديها الصغاار و اللي بداو يترهلوو جلدتها تترخف خاتر بدات تكبر ماغير حنة .. طيشت تاليفونها و مشاات تجري وقفت عينيها الكبار تحلو صحافي و فمها تحل و عينيها زغللت .. امها و بووها طايحين بجنب بعضهم حوايجهم بالدم و مقطعين كانت اكثر صدمة مزالت مأثرة فيها للحضة هذي .. طااحت على ركاايبها قالت بالشوية بصوت يرعش و ذابل " نوور عينيا ما تطفاوش قبل ما تضوو على نجاحي " قامت تحررك فيهم و تصيح بااش يجي حد يعااونها و هوما شي ما جاوبووش بعد شدها كريز متع بكااء و رمت روحها على صدر بوها و شادة في يد امها .. تحكي و عينيها تدمع وحدها " بابا وعدتكم باش نحججكم كي نوصل للي نحب عليه .. امي وعدتني لي انت باش تخيطلي روبة عرسي .. امان ما تمشوش قبل ما نوفي و توفو لوعودكم ليا .. ما عندي حد .. ما عندي حد بخلافكم " اكااكة و بدات العباد تتلم عليها .. جاو شيقوموها ما حبتش هزو بعدوها عليهم بالسيف و هي تتصكك لين جات الاومبيلونص غطاوهم من راسهم لسااسهم و هي تبكي ..جاااء بعد ما حطووهم في الاونبيلونص هي كانت قاعدة و تخزر لبعييييد و العباد تحكي معاها و ماهيش تيمع في شي تسمع في قلبها لي يبكي بالدم على عايلتها و عينيها يهبطو في الدموع وحدهم و يديها يرعشو .. جااها بوليسي هزها ركبها في الكرهبة و هزوها باش تصحصح شوية و تفيق للبحث .. وقتها صحييح مزالت في حالة صدمة اما تنجم تجاوب عالاسألة .. برشا أسألة .. اهلاها ولا موش اهلها .. وقتاه خرجو مبارح و وين مشاو و علاه مشاو و كان جااو للبلااصة لي لقاوهم فيها من قبل ولا لا و شنوة كانو يعملو في حياتهم و برشا أسألة تجااوب بللي تعرف وقتها .. هزوهم للطب الشرعي .. الجثث عندهم 9 سوايع ملي ماتو حتى لين لقوهم .. معناها بعد ما خرجو مالريستو و تأكد لي ماتو طعنا بالة حادة ... سكروه الدوسي لي تقتلو في براكاج اماا ميسوون من وقتها لتوا ماهييش مصدقة لي هوما تبراكااو اكهو خاتر الباص لي ة اذيكا امها و بوها يوصيو فيها باش ما تمشيلهاش خاترها تخوف و بطبيعتهم عمرهم ما مشاولها و قعدت من لحضة لي ماتو لتواا و هي عندها ثيقة لي موتهم ماهوش براكاج كهو .. صحيح ماتو مقتولين اماا موش في براكاج ..عندها احسااس قوي لي بفعل فاعل فقدت سااس حيااتها ...
