الحلقة 2 :
تلم في دبشها هي و صاحبتها .. فرح ماكانتش تحبها تمشي مالداار اماا عايلتها هوما لي يحكمو مووش هي .. هزت فاليجاتها و خرجت مالداار وقتها قريب ال10 متع الليل فرح تبكي بااش تزيد تقعد عالاقل للصباح اما ميسون راسها كااسح .. تكركر فييهم و ماهيش عارفة ويين تمشي .. هزوها ساقيها لحومتها القدييمة وقفت قداام دارهم .. هي ماعاش داار هي و الحنوت تهدوو و و تبنا في بلايصهم هوما و الباقي متع الاراضي لي بجنبهم وتيل كبير وقفت تخزر و حكت بالشوية " والله لي شواني لما نشوييه و نفكلو لي وراه واللي قدامو " .. بعد اربعين يوم من موت امها و بوها .. كانت قاعدة حزيينة في الداار و دايرين بيها جيرانهم دخلو عليها زوز رجال لابسين كوستيمات و زوز في يدهم كراطب .. دخلو قعدو .. و حكااو :
- شوف مدموازال .. لازم تفرغلنا الداار في يدك جمعة و تخرج منها
- كيفااه ؟شكونك انت باش تخرجني من دااري هي لبقاتلي من ريحتهم هي و الحانوت
- مدموازال بوك صحح بااش الدار و الحاانوت يبييعهم للشريكة متاعنا باعهملنا قبل الاكسيدون ب شهر و عطيينااه وقت اكثر ماللازم باش ينقل و يحول و كمل بعد ما توفااو راعينا الضرووف و زدنا عطينااك الوقت الكاافي و مزال باش نعطيوك وقت باش تفرغلنا الداار و الحانوت ..
- يا ولدي فاش تحكي .. الداار هذي مستحييل بابا يبيعها بانييها بالحجرة بلحجرة و تربيت فيها عمري الكل مستحيل يجيني متحيل كييفك لابسسلي شليقتين كحل و يكركر في كرتابة يخرجني من دااري ورحمت بابا و امي شرع و سنة ماني خارجة من داري كاان ايذا متت
- مدموازال ضاهر فيك قارية و تفهم .. شوف انت متأثرة بمووت امك و بوك اماا ما تصعبش علينا لا نتلزو نستعملو القوة معاك في يدك جمعة و تفاضيلنا المحلين الشانطي موقف على خاتر نحنا نراعيو في الضروف
- مستحيل على جثتي نصدق لي بابا صححلكم على حاجة ولا بااع الدار لي عدا شطر عمرو يشيد فيها
جبد ورااق من محفضتو
- هذوما نسخ مالاوراق لي صححهم بوك هو و امك و قللي تصحااحتهم ولا لا
خذاتها لقاتها تصحاحة امها و بوها
- متحيلين .. كلكم متحيليييين
-مهم مدموازال ربي يصبرك و ما تنساش في يدك جمعة بداية من اليووم
خرجو و خلووها شدت راسها بين ايدييها و قعدت تتمتم " يا ربي باش نبقا في الشارع يا ربي " فرح كانت معاها و وفتها عرضت علييها .. تلزت باعت اثااث دارها و سلعة الحانوت و فلوسهم صرفت بيهم على روحها و على عايلة فرح طييلت 4 سنيين لي قعدتهم عندهم .. من وقتها للحضة هذي و هي تحب تعرف علاه امها و بوها عمرهم ما جبدولها على حكااية البيعة .. هي توا تقرا في الفااك و تخدم عندها تفتووفة فلووس يكريولها داار ل5 شهوور .. دخلت للوتيل كان مذخم .. اصونسارات و درووج و و مطعم و بيسين من تالي
- عالسلامة مدموازال ِِنعانوك في حاجة ؟
- اي نحب نعمل ريزرفاسيون على بيت لعبد وااحد من الليلة لاخر الجمعة .. فما ؟
- اي بالطبيعة مدموازال
كملت الاجراءات الازمة و طلعت للبيت صحيح الكراء غالي شوي اما ما عندها حتى حل ..
حطت دبشها في القلص و رمت روحها عالفرش غمت على راسها بالمخدة و رقدت ...
----
- ههه تتمنيك انت توا لا شنوة بالضبط
- يا ولدي نحكي بالرسمي ..
- انا مستحيل نرجعلو السيد هذاكاا و ماهوش بابا و ما نحبش نتذكر لي عندي بو كيفو
- يا ولدي بووك مريض مرييض
- هيي ربي معاه شنعملو انا
- يا بيرم لهالدرجة قلبك كسااح عليه ؟ لازم ترجع و تمشي تطل عليه حتى شوية
- ههه بعد السنيين هذي الكل توحشني ولا كي عرف روحو ماعاش ينجم ياقف على رزقو .. ههه تي شو عاد ااك الرزق شطرو حرام بعثلك باش نرجع للبلاد اذيكا
- شوف حاجتين باش نرجعو مع بعضنا و تمشي تبوس راس بوك و تطلب منو السماح و باش نحسب روحي ما سمعت شي مللي قلتو على عم توفيق و قصيت تساكر غدوة في الليل باش نرجعو و رد بالك تناقشني
- هههه ااخر كلام عندك وائل ؟
- اي ..
- هه باهي و اتاو نشوفو شنوة ااخرتها التمثيلية لي طلعلي بيها السيد الوالد
- مااهوش يمثل الراجل كبر بالرسمي مرييض
- هي بااهي باهي برك تفاهمنا .. هي نخرجو نسهرو في بلاصة بحكم ااخر ليلة نعديها في المانيا نحب نعمل جو قبل ما نرجع و يتنفخ راسي بسيناريوات سي توفيق
- اي هااك اول مرة تقول حاجة تصلح في حياتك
بيرم و وائل صحاب متربيين مع بعضهم كيما الاخوة .. بيرم عندو اكثرمن 10 سنين ما شافش بوه و قلبو برد عليه بعد ما عرف لي بوه سبب الجلطة لي صارت لامو يعني بوه سبب موت امو لي كان متعللق بيها عاللخر و حكاية موتها ما نجمش ينساها .. عينيه كيما عينين امو كحل في سواد الليل عينيه صغار و ديما يقحرو و خزرتو ياسر ماضية و رجولية .. حواجبو ديما مقرونيني و ما يعجبوش العجب .. عمرو ما عاش قصة حب صحييح البنات لي دايرين بيه اكثر من شعر الراس اما حتى وحدة ما نجمت تدخل لقلبو .. ولد 26 سنة .. صغير و اغلب وقتو معديه في الصال دي سبوور .. عايش مترفه في المانيا بفيلتو و كرهبتوو و بشريكتو .. عاونو فيها خالو الله يرحمو قبل ما يتوفى .. بالمختصر المفيد كون مستقبلو و فلوسو وحدو بعيد على فلوس و جاه و ضل بووه
...
الصباح قامت بكري .. حضرت روحها و مشات للفااك لقات فرح تستنا فييها قداام الفااك في يدها فليجة شافتها ترمات في حضنها
- قلبي قعد عندك ليلة كااملةما جانيش النووم و انا مخي قعد عندك
- وه بالشوية فرح غفصتني يا فرخة هه لبااس عليا ماا تخاافش هاني نذيت شومبر في الوتيل .. لي بناوه في بلاصة دارنا
- باهي قللي .. عندك بلاصة لضيفة اخرى ؟
- تقلليش خرجت من دااركم ؟
- اي خرجت من دارنا و باش نعيش معااك و مدامك خرجت منها حتى انا باش نخرج
- بالطبعة عندي بلاصة لصحبتي الغالية هههه
حملو بعضهم يضحكو و فرحانيين ببعضهم ما عندهم حد بخلاف بعضهم الزوز ندااد عمرهم 22 سنة و زيد مولودين في نفس الشهر
- يا طفلة زعمة مزال فما وقت نهز فاليجتي للوتيل ما يجيش ندخل بيها هكا للفااك
- ههه مزال مزاال هسا فييسع نمشيو هياا
رجعو للوتيل طلعت فاليجتها للبيت اصلا الفرش كان بو بلاصتين
- وزيد باش نبااتو فرد فرش شااخت عناا يا عشيرتي هههه هيا هيا نرجعو للفااك قبل ما يبدا الكوور هيا
- ساعة قللي .. امك و بوك كيفاه خلاوك تخرج مان الداار؟
- تي حكاااية طوييلة المختصر المفيد تعاركنا و هزيت فاليجتي و كيتي و شارجوري و خرجت و خليتهالهم واسعة و عريضة ههه
-نحبك والله .. هذا الكل عملتو على خاطري
- كان ما ناخوش موقف على خاطرك على خاطر شكون بااش ناخو موقف و مستحيل نرجع للدار كان وقت لي يخطرلي انا
- هههه هيا نمشيو للفاك توا ؟
- هه عاااد شبييه
رجعو للفااك دخلو يقرااو عدوه نهاار كاامل مع بعصهم كي كملو مشااو يخدمو في الريستو
- بسست فرح قللك غدوة في الليل شخصية كبيرة اسمو رفيق ولا توفيق و لقبو نسيت قللك مريزرفي الريستو باش يضيف زوز اخرين
- بالرسمي و شكون هالزوز ؟
- سمعت لي واحد ولدو و لاخر صاحبو قللك زينهم لا كان و لاصار ههه
- سكون قللك انت يا طفلة
- جهان و رحااب يحكيو في الكوجنة سمعتهم لي هذي واخذة رونديفو عند الحجاامة فمااش ما يطيحووهم ههههه
- يا وخياااني مارخسهم ااش يموتو كان عالاولاد و التصوحيب و الحكايات الفارغة
- هههه و زيد مقرر سي عصاام شيختاار من السارفورات زوز بنات و زوز اولاد باش يتلهاو بيهم
- و سكون قاللهم لي هو شيختارهم هوما ؟
- قاال شنوة لي هوما ازين زوز بنات يخدمو في الريستو هههه
- و حق ربي كان وحدة تغسل وجهها لماا سي عصام يسكر الريستو ههه تصور كان يختارنا نحنا ؟
- اكااكة يمكن ياسر يقتلونا باش يشدو بلاصتنا هههه
- تو بعد سي عصلام يجمعنا كي العادة و يختار و اتاو نشوفو و هاو وجهي كاان ختارهم هوما ماو كيفاه يقولوها لي يحسب وحدو..
- يفضلو هههه
- هيا نرجعو لخدمتنا هيا نشاله يختاروهم و اكهو ههه
- ههه نشااله ...
----
- بيرم فاليجاتك حاضرين؟
- اي اي
- هيا مالا نقصدو ربي
- هياا
مشاو للمطاار ِ. طلعو في الطيارة و وصلو فجر للبلاد .. كان المطار متبدل برشا و .. حتى هوما 10 سنين ضربهم على فرد جنب ماغير ما يروح .. يلقااو كرهبة و شيفور يستنا فيهم
- هه وائل نقدملك المشهد لول مالمسرحية متع سي توفيق .. كرهبة و شيفور ههه فريموون وااو
- بيرم اكهو عاد فك .. و كيما وصيتك باش تبدا صفحة جدييدة و ماغير ما تعمل حتى فاازة تبين لي انت بارد معااه
- ههه تهنا حاافضو درسي .. اتاو نمثل كييفو عليه هو و مرتو و بنتو .. ههه على ذكر بنتو حقا..
- بيرم الطفلة اختك و المرا مرت بوك
- ما عنديش بو انا باش يبدا عندي مرت بابا و الطفلة اذيكا رد بالك تقللي اختي .. عندييش اخت ترمي في روحها على صحاابي .. نسيت كي روحت انت عامنول شعملت داخلة لبيتك و ترمي في روحها عليك
- تي عامنول الحكااية نسيت حتى لي حكيتهالك ..
- ههه عنديش خوات رخاس انا مللخر و لا مرت بوو طماعة و لا بو من اصلو حطها قاعدة في مخك و اللي باش نعملو الكل على خاترك انت و صحبتنا لا اكثر و لا اقل
- بااهي برك هيا اركب و ماغير ما تبدا تحكي و تهز و تصبت قداام الشوفور
- ماو قلنا حافض درسي عاد
حطو الفاليجات في المال و ركبو و مساو للفيلة .. يلقااو الخدامة و بوه و مرتو خديجة و بنتو سنااء يستناو فيهم البرا
- ههه المشهد الثاني متع المسرحية هذي وائل تفررج تفررج ههههه اماان باش نموت بالضحك
ضربو بركبتو بحكم الشوفور مزال ما وقفش الكرهبة و يسمع فيهم ..
هبطو بوه يضحكلو و مرت بوه تتسوومم و بنتو تخزر لوائل و تذبلو في عينيه بطبيعتها باش تهبل علييه
هبطو من الكرهبة و مشاولهم .. بيرم مد يدو لبووه و بوه جبدو لبحذاه و حملو و قعد يبووس فيه و بيرم يقلب في عينيه و كاره حتى وقفتو بجنبو حملو و باسو فووق من قلبو
- ولدي عزيزي .. توحشتك .. هاك وليت راجل
- حتى انا توحشتك بابا توحشتك
- كاان ماا نبعثلك باش تجيني
- الله غالب خدمتي غادي نجمش نوقفها
- هاك وقفتها توا
- جيست كونجي باش نرتح عصابي
- مرحبا بيك في دارك
- ههههه دارك انت و مرتك و بنتك قصدك بابا
- بيرم .. مازلت ما نسيتش
- نفدلك نفدلك ههه .. عالسلامة مدام خديجة
-اهلا ببيرم .. موش قتلك ماعاش تعيطلي مداام هه
- اممم باهي مدام
سلم على سناء باسها بوستين ماغير حتى ما يخزر لمنضرها لي كان يقطر بالمكيااج .. واائل سلم على بوه و مرتو و كي جااء بااش يسلم على بنتهم هي عمال باش تترما و تبووسو يخي مد يدو و كبسها و بعد راسو هي تزلعت و حشمت
- هيا تدخلو لولاد
- حاضر عم توفيق .. شقال بيرم
- امم باهي باهي
دخل لصاالة ِ. كانت متبدلة على ااخر مرة .. الاثاث تبدل و كواترو امو لكبير لي كان في الصالة تنحى و في بلاصتو حط تصويرتو هو و مرتو و بنتو .. قعد في الصالة و يخزر كاان للتصويرة و بوه يحكي معاه
- بيرم ناوي تحل فرع من شريكتك هوني؟ خاتر فما لوكال محطوط للبيع متع شريكة و فلست .. بيرم .. ولدي بيرم
- تصويرة امي وين ؟
- اا .. بيرم سإلتك جاوبني
- قتلك تصويرة امي لي كانت غادي وين
- في البيت .. في البيت متع امك القديمة حطيتها غا..
ماخلاهش يكمل كلامو .. قاام طلع للدرووج و دخل للبيت العفش الكلو مغطي بالملاحف .. قعد يلوج على الكواترو لين لقااه .. بعد عليه الملحفة و قعد يخزرلو ..
- امي ..
عينيه زغللو و ضحك على جنب تربع قدام التصويرة و قعد يحكي وحدو
- امي .. سامحني خاتر مشيت و خليتهم ينحييو تصويرتك مالصالة و حطو تصويرة مناضرهم هوما اما .. ما نجمتش نعييش معاه الراجل اذاكا بعد ما قتلك و خذا عليك وحدة طماعة .. توحشتك يا امي .. هه تتفكر امي كي انا صورتك التصويرة هذي ههه .. و قتلي نشاله نفرح بيك و نعلق تصويرتك انت و مرتك تتفكر .. اماا مشيت قبل ما تفرح بيا اكا علاه .. ماانيش باش نفرح و انت موش معايا و باش نكمل حياتي وحدي كيما خليتني ..
هبط بحذاهم مسح دمعة هبطت من عينيه و قعد بجنبهم هوما ساكتين .. سنااء باش تاكل اائل بعينيها قاعدة مقاابلو و هو بحكم قدر في بوها ما هزش عينيه فيها مللي وصلو للداار
- احم .. خالتي ناجية ويني
- ولدي .. خالتك ناجية كبرت و ماعاش تنجم الخدمة متع الداار .. اما قايمين بيها في دارها تعرف معزتها عندي شنوة و ملي ماتت المرحوومة قالت لي هي تنجمش تعيش هوني و امك ماعاش موجودة
- اممم .. و مزالت في دارها ولا نقلت
- مزالت ولدي ..
- باهي مالا .. وائل دارنا حااضرة مااو ؟
- اي اي سيبون
- باهي مالا .. بابا بعد باش نبعث جمااعة يهزو دبش امي من اكا البيت خاتر كاان يزيدو نهار ااخر هوني باش ياكلهم السوس ..
- ولدي ماكش قاعد معانا هوني انت و وائل
- لا لا .. واائل عندو داار الخلاعة متع عايلتو شنقعدو فيها و تفاهمنا لي مستحيل نقعد هوني اكثر من سوايع معدودين ..
- باهي ولدي .. خوذ راحتك المهم ما تنسااش لي اللليلة شنتعشاو الكل مع بعضنا في ريستورون حتى من عمك و عمتك جاايين ..
- باهي باهي .. نمشي نرتااح و بعد اتاو نتلاقاو في ريستو .. هيا نمشيو وائل ؟
- ولدي تنجمو تاخذو كرهبة تستحقووها بعد
- عيشك عم توفيق
وائل خذا مفتااح كرهبة و سناء تكلمت تتسكبن
- خووياا الغاالي ننجم نمشي معااكم نونسكم متوحشتك والله
بيرم قحرلها و خزرلها خزرت إشمئزاز
- شد شد بلاصتك و ارزن .. ( عطاها بالضهر ) هه قاتلو خويا قاتلو، صباتي بقدرو اكثر منها يا زح ما نصدقش انا و هذذي بونا واحد ههه سمعتها فاش تحكي يا وائل
- يزي بيرم .. صغيرة تاخوش عليها و نقص حسك لا تسمعك
- هياا برك قدااش عامل قيمة لناس عندهمش قيمة يا صاحبي .. خرجو من الداار و هوما شيعووهم للبااب .. ركبو في كرهبتهم و وائل يسووق
- هيي ويين نمشييو توا
- ههه يمشيش يجد عليك باش نروحو ديرااكت للداار .. ههه برا برا ندزو دورة و نشوفو شنوة متبدل في هالبلاد
- هه هيي عاد شبيه مشاات معااك
----
في الريستورون .. لمهم الخداامة الكل
- كيما تعرفو لي الليلة الريستو ريزرفي لسي توفيق .. مالازم تكوون حتى غلطة كل شي لازمو يلمع لمعاان .. كل شي منضم كان لزم بالمسطرة .. نعمل عليكم فرح و ميسون و راشد و جهاد .. انتووما لي تهنييوني اكثر وحدين خااتر محبوبين من طرف الكليونات لي يجييو .. بالاخص ميسوون .. نحبك انت لي تتلها بالطااولة تمد و تحط و تحللهم دبابز الشامبانيا كان طلبوهم .. و زيد عندك 5 سنين تخدم هوني و مستانسة بالسهريات البريفي لي كيما هكا
ميسون: تهنى سي عصام ..
- فرح انت باش تعااون ميسون و تاقف بجنبها سهرية كااملة الزوز تعوضو بعضكم مشات وحدة تجي وحدة مفهوم
فرح: حاضر سي عصام
- اما الاولاد انتووما اغلب خدمتك في الكوجينة .. باش تعاونو الشااف في تنضيم الاصحنة في السهرية و توا بااش تنضمو ديكور الطواول و البنات باش ينضموهم
راشد و جهاد : حاضر سي عصاام
- و الباقي تنجمو تروحو على رواحكم
ميسون تخزر لفرح مرة و لرحاب و جهان مرة لي وجههم صفاار مالغزوول تزلعو زلعة كلبة حتى هوما
- هه ميسون .. موش قتلك لي يجسب وحدو يفضللو
- ههه شو شو كي يقحرولنا تلفت وراك ماغير ما تشلق قريب يتجلطو مسااكن
- كيفاه باش نتلفت ماغير ما نتلفت موش قتلك الفازة هذي ماعاش تقولهالي تغزلني والله تجلطني اصل
- ههه تعرف لي غايضني في الحكااية شنوة
- شنوة
- الفلووس لي صرفووهم في الحجاامة مشااو فسااد قولش عايهم فلووس حراام اللطف و هوما كي عرايس القصب من صبااح ربي ههه
- هههههه قتلتني بالصحك يعطك سخطة
- هيا هيا قريب المغرب و نحنا مازال ما حضرنا شي
- ميسون .. يا طفلة .. يخي مزيانيين بالرسمي الاولاد لي باش يصيفهم سي شسمو هذا ؟
- فرح اخطااني باللهي وين نعرف علييهم انا ويين تره قللي
- باهي برك ماغير ما تفووح فيا سقتلك انت يااخي .. ماعاش نستحسنو في هالبلاد و يقولولك شبيها نسبة العنوسة مرتفعة في هالبلااد
- ههه يعطك داااء صحكتني و ماعيني في ضحك والله