ساره .. طلعت رحت لاسد وعيوني مدمعه هو حس بيه وابتسم وعيونه دمعت من الفرح وحظني واني كمت ابجي بحركه اطلع ضيم كلبي وبعدين وخرت منه وابتسمت كلش ارتاحيت بس بقيت خايفه من شيء شنو راح تكون ردة فعل الناس وجنت فرحانه واكيد راح يعتذرون مني رحت للكليه وكالعاده كلام الناس نفسه مو بنيه مو بنيه كمت احلف كدامهم انو اني بنيه بس محد صدكني جبت التحاليل واسد واكف يمي كاموا كلهم يتشمتون بيه ويكولون وصلت وياهة تزور اوراق وتكول اني بنيه هنا اني ايست من الدنيا وبقوا يستحقروني الناس درت وجهي ورحت مصدومه بدي ابجي ليش ياربي شسويت بدنيتي بس لان طالبت بحقي وردت احب واتزوج واعيش حياتي مثل باقي البنات لان ردت الكه شريك حياتي واستقر واكون عائله ليش طلعت رعد لدربي ليش
رجعت يمهم كتلهم يعني وين تردون توصلون هاي تحاليل تثبت شرفي
شخص .. زين جيبيلنه الدكتورة السوتلج التحاليل علمود نصدكج
كلها ايدت كلام هذا الشخص طبعا ساره متكدر تجيب الدكتورة لان الدكتورة بالبداية مقبلت تسويلهة التحاليل وبعد تواسيل ساره يلا قبلت وحلفتهة متجيب اسمها
ساره .. سكتت ونزلت راسي بهدوء استسلمت لواقعي السيء كلهة بقت تأشر عليه شي تشمر غراض عليه شي تشمر بطاله شي تشمر وصاخه واشكال يشمرون عليه ويكولون خاينه ويشمرون عليه واجوا الطالبات يتشمتن بيه ويحجن عليه ويدفعني لحد ما وحده رادت تضربني واني لحد الان منزله راسي ومأيسه من الدنيا بعد منو اليه ياربي رادت تضربني وحده منهن وشفت واحد كدامي ودرفعت راسي صاير كلش قريب مني بس داير وجهة هذا اسد اجه علمودي معناهة هذا سندي هذا اسدي هذا هو الي راح يحميني ساره اسد جان يحميج من البداية وجان يساندج هسة يلا عرفتي
اسد .. ديري بالج تلمسيهة هاي اشرف منج ومن امثالج
البنت .. يي واضح كلش شريفه
اسد .. هاي عود بنيه شكو تراددين امشي ولي لان بنيه ماكدر امد ايدي عليج ولا المسج امشي روحي احسلج (بعصبيه وبعياط )
ساره .. كلهم راحوا اندار عليه اسد وبعيونه ندم كتله اسد والله ممزورة التقارير وملكدرت اكللهم ع اسم الدكتورة لان
اسد .. ساره اعرف كلشي ماكدرت تكليلهم ع اسم الدكتورة اكيد هية كلتلج هالشي محد يريد يتورط بهيج سوالف صح
ساره .. هزين راسي بمعنى اي وردت ابجي
اسد .. مشكلتج انو دموعج رخيصه بالنسبه الج ولج اموت واشوف بنيه دموعها غاليه ياربي راويني بنيه دموعها غاليه ومتبجي الى اذا صدك مابقالها شي او ا او اي امل بس انتي عندج امل
ساره .. اي امل هذا هو اصلا محد بقالي
اسد .. اني يمج ساره
ساره .. اسد انت هم ييجي يوم وتشوف حياتك وتعوفني
اسد .. باعي ساره اوعدج وعد انو قبل ما اثبت شرفج مستحيل اعيش حياتي واتزوج واخذ راحتي لا اول شي اثبت شرفج وبعدين لاحك ع ذنيج السوالف
أنت تقرأ
مابين الصدق والكذب
Romanceشوفوها القصه تتحدث عن فتاة تود ان ترتبط مع اي شاب وتقع في حب شاب لكنها تود الارتباط بسرعه اما علاقتها بذاك الشاب كانت سطحيه لا تعرفه ولا يعرفها فقط نظرات فتنساه وتقع في حب صديقه وتتزوجه وتتوالى الاحداث المشوقه والجميله بين هؤلاء الثلاثه
