أنت قــــــــدري

البارت الرابع

جانت سارة كلش تعبانه اخذت دوش ونامت على طول اما احمد طلع خلص كم شغلة ورجع وظل باله يم سارة صار العشاء وهيه ماكو واحمد كلش جان جوعان صعد لغرفة سارة ودك الباب وماكو جواب بقه يدك ونفس الشي احمد كلش خاف يكون سارة بيها شيء اتصل على تلفونها وماكو رد.. بهالاثناء سارة كعدت من النوم وجانت كلش جوعانه فتحت الباب وصار بوجهها احمد..
سارة: خرعتني
احمد: انتي الي خرعتيني وينج وكعتي گلبي عبالي صار بيج شي..
سارة: لاچنت نايمه كلش تعبت
أحمد: اوك يله انزلي نتعشى..
أحمد طول ماهوه كاعد ياكل ماشال عينه من سارة الي ارتبكت من نظراته...
أحمد: سارة اني راح اطلع اتمشى تجين وياي...
سارة: أكيد اجي اريد اشوف جمال باريس
ومشو سوا وجانو متونسين وفرحانين سارة تعبت وطلبت من احمد ترتاح شوي
أحمد استغل الفرصة وسأل سارة..
سارة حبيتي من قبل؟!!
سارة: يي حبيت شخص بدون مااشوفه
احمد: شلون
سارة: لاتسأل شلون.. حبيته وخلاص
أحمد: وهسه هو وين
سارة: بدموع اتمنى اعرف وين امنيتي اشوفه
آحمد: مسح دموعها آسف والله ماكان قصدي انزل دموعج..
أحمد ارتاح من عرف انو سارة مانسته وبعدها تحبه
سارة: ممكن نرجع للفندق تعبت
أحمد: تآمرين
أحمد وسارة رجعو للفندق سارة چانت مرتاحه كلش يوميه أحمد يطلعها يونسها لحد ما خلص الاسبوع واحمد وقع اوراق الشغل وراح لسارة لغرفته دگ الباب.. ماكو جواب جانت الدنيا 🌃ليل بقه يدك عالباب هم ماكو 😦😦 احمد خاف ماتوقعها تطلع بالليل لآن هيه ماتندل اي شيء هنا...
فتح الباب وتفاجأ بي مفتوح ودخل لغرفة سارة صاح سارة بصوت ناصي؛ سارة سارة وينج...
شويه ويتفاجأ لسارة واكفه كدامه بس بالمنشفه 😱😳...
سارة: بصدمه عزة احمد انت شجابك هنا
احمد: اااااا ميعرف شيكول طبعاً...
صار ساعه ادك بالباب خفت عليج وفتحت الباب ودخلت اني اسف سارة مو قصدي ادخل بدون اذنك..
سارة صارن خدودها حمر من الخجل ودارت وجهها...
أحمد دار وجهها وطلع وقبل لايطلع كال لسارة بعد لاتخلين الباب مفتوح..
سارة تنفست حيل اوووف وبدلت ملابسها وراحت على غرفة احمد دكت الباب..
أحمد فتح الباب... سارة
سارة: أحمد شنو چنت رايد مني اعتقد نسيت تگول
أحمد: هههههه يي والله نسيت ردت اگول باچر نرجع حضري نفسچ...
سارة: اهااا اوك تصبح على خير
أحمد: تصبحين على خير...
رجعو أحمد وسارة وبلشو شغل ومشت حياتهم عادي وكبر حب سارة بقلب أحمد بس چان محتار بين امرين انو يعترف لسارة بحقيقته او يبقى ساكت وحتى لو اعترف شنو راح تكون ردة فعلها لسارة اذا عرفت!؟؟؟...