#متمرده

الجزء الاول:
"حلقه1"

محمد:مركزتش زين لين عيوني تسكرو لكن كان وصفها متوسطه الطول ورقيقه بيضه شفت عيونها بس لونهم عسلي قريب اخضر "عرق صوصي" كبار ومرسومات كانت وجها ميبان شي منه مشفت شي الا عيونها ويديها كانت في حرقه بسيطه اثر حنه مرسوم

المحقق:شن قالت
محمد: مقالت شي شبحتلي نظره غريبه وسحبت السلاح وطلقت الرصاصه
المحقق: شن لابسه
محمد: سروال جلد وجاكيت جلد اسود وسبيدرو ابيض هيا مش متحجبه بس لافه شال ع وجها شعرها طوووووويل وكيرلي عسلي
المحقق: تمام ارتاح انت نحاولو نستفيدو من معلوماتك
محمد: اوكي
محمد: خاطري نعرف بنت في عمرها شن سبب انها تقتل وليش طلقت عليا وانا منعرفهاش اوووف ان شاءالله يشدوها خلي نرتاح انا شن دخني فيها🖤🖇

______________________
فريحه: سيمو نوضي بنتي وقت راه
سمر: نايضه
فريحه: خيره وجهك مرهق كأنك مش راقده
سمر: لا رقدت بكري امس ممكن من القرايه
فريحه: باه بسرعه بوك يراجي

نعرفوكم ع سمر"بنت مواليد 2000تقرأ ثانيه كليه طب اسنان مواصفتها رقيقه وووسط بيضه عيونها كبار فمها مرسوم كبير وحلو نقشتها تجنن شعرها ناعم عسلي شخصيتها تقتللللل جوها يهبلللل "تو تو تزيدو تعرفوها 🖤🔥

سمر: اه ياحلوه تعالي واداري  مش قدره تعيش من غيري🎼........... "امم شن نلبس زعما خلي نلبس هده🖤😁

لبست سروال واسع اسود وفيه خط ابيض ومعاه جاكيت احمر وفيها وتحتها بدي ابيض رقبه وكندره عاليه سوده وشنطه احمر واسود شعرها ربطه فوق ميك اب خفيف

وقفت قدام المرايه" محلااااااني"😂مجنونه نهدرز مع روحي
سمر: جاهز انا
فريحه: قمر هيا
قمر: حتي انا واتيه... حيييي كنتدرتي
سمر: نعرفك انا من قال كندرتك عندك اتبات 😂انا لقيتها خلاص ولت ليا
قمر:غير منبيش فيك كنهاده ضربتك توا

نعرفكم ع عيل سمر
امها فريحه مواليد1974وبوها خالد مواليد1970اختها قمر مواليد2003تقرا ثانوي مغرور هلبا معندهاش خوت اولاد💔🙂
خالد:هيا واتين عمكم من بكري صل راه يتسينو فينا
سمر:اي واتين
وطلعو
في السياره الكل لاهي في روحه وسمر نغني
سمر:حليانه والله ياعيني عيون ناس  وبعينك لامعه بتبكي الالماس "وهيا تغني بتشوف الساعه في يدها ركزت ع خبش في يدها
سمر:من وين الخبش زعما اممم اياه اكيد امس في المصحه 🙄

________________
عبدو:واتيه البضاعه
عمران:اي واتيه
عبدو:خلاص تمام كل شي خلي"هوس"تجي في الليل ونبدو
عمران:تم يابرو

_______
عمران: في بنات اليوم
عبدو: اي في 3جايات جوهم سكسي
عمران: احححح🤤خلااص معادش نقدر نصبر
عبدو:الصبر الصبر
عمران:اخخخ عندي طاقه تي وربي الا منقطعهم
عبدو:دير الي يعجبك
___________
سمر:كنت مركز ع الطريق شفت حد مصبي من بعيد كان مبتسم ورافع يده ويدير في علامات بيده كان يخوف قعدت نشبح نشبح وفتناه وهوا واقف🖤
قمر:هي وين سارحه
سمر:لالا شي
قمر:هي انزلي
سمر:نازله
طبعا ماشين احني لي عيت عمى ومعاهم منمشو لي افندق منقعدو غادي يومين ومنسافرو
هاله:سموو حبيبتي استحشتك ياكلبه
سمر:انا اكثر ياروحي
عائشه:غير عدلني عليا ياسموره
سمر:تي كيف عاد مرت عمى اغاليه
سلمنا وهدرزنا
علاقتنا احني وعيت عمى قويه هلبا وكأنا عيله وحده ولاد عمى زي خوتي

منذر:هيا بنات خلهم في الفندق وانا منقلكم ندهوركم
هاله:يااااااس
قمر:واخير تنازت بغرورك وقلت نقلكم
منذر:سكري فمك خير انوضلك

سمر:مشينا انا وهاله وقمر ومنذر ومهند ادهورنا وخشينا للمطعم
سمر:نتسأدنكم للحمام شويا
هاله:خودي راحتك
سمر:يعيني ع الطرف الي يبرق يعيني 🙂🔥😂

مشيت للحمام وانا فخاطري عليك طرف كملت وقعدت نغسل في يديا رفعت راسي للمرايه حاجه جرت من وراي تلفتت ملقيت شي طلعت نجري
مهند:هيا تروحو
منذر:تي خلي ناخدو معانا حاجات للطريق
هاله:ليز وشكلاتات وريدبول
قمر:اي كثر ياشحات خزي قفاص

خدو حاجتهم وركبو ومشو يدهور في الشوراع وضحك وبصاره وجو حلو الا سمر كانت خايفه وروحو بعدها

___________
عبدو:تي عطلت"هوس"نتصل بيها من بكري هده وقتها ساعه 12مفروض تجي

____ساعه 12
عبدو:ايوا هواس وين
هوس:منيش جايه
عبدو:تي كيف واحني متفاهمين

هوس: مفيش نقاش شهر هده منيش فاضيه فوتني
عبدو: اوكي اوكي
________

قمر: نضت ساعه 2منخش للحمام طبعا خدينا حجره انا هاله وسمر
والاولاذ بروهم
واهلي بروحهم وعمي ومرت عمي بروحهم
قمر: كنت نمشي بخطوات هاديه خشيت للحمام وطلعت نيسمع في حركه قعدت نشوف لقيتها سمر

قمر: سمر
سمر: ها
قمر: كان وجهها غريب'خيرك في حاحه؟؟
سمر: مافي شي
قمر: كنت مركزه وشفتها شاده في يدها........

لو لقيت تفاعل نكمل تنزيلها