الجزء الاول
حلقه2
قمر: خيرك في حاجه؟؟
سمر: مافي شي
قمر: كنت مركزه ع يدها وشفتها شاده في يدها منديل وكانت يدها مجروحه شويا وفي دم
سمر: خيرك تشبحي
قمر: نضراتها تخوف اول مره نشوفها هكي... انلااا مفي شي تصبحي ع خير
سمر: 😈
________الصبح
طق طق طق
هاله: اممم من يدق ساعه سبعه الصبح فتحت الباب
مهند: هيا متروحو
هاله: كيف صار
مهند: غير انزلو بسرعه تو نفهمك
هاله: فهمني
مهند: تي الفندق امس صارت فيه جريمه قتل والمجرم قاعد في الفندق وبيسكروه منطلعو باش يحققو
هاله: ش ش شنهووو قتتل😣
هاله: سمممر قمممر نوضو بسرعه
سمر: فتحت عيوني شن في خيرك تعطيني
قمر: ههااا خير
هاله: في مجرم هنا في الفندق وصايره جريمه قتل انا خااايفه
قمر: قفزت من مكاني ككككيف قتل وهنا وقاعد المجرم اووو
سمر: 😣ححى بسرعه خفت انا .... سمر استغربت كيف تصير جاجه هكي في فندق فخم وغالي ومعروف كيف تصير حاجه معرفوش من قتل
قمر: لما دبشنا ونزلنا نجرو لوطه جنب الرسبشن كان الفندق كله منه مسكر الا باب واحد مصبين عليه الشرطه وبيفشو يحققو والي معندي شي يطلعو والي مشبوه بيه يخلوه
سمر: سألونا كم سؤال وفتشونا وطلعنا
عائشه: والله رعشت بعد سمعتها نهاااري احنى راقدين وفي واحد يقتل يننناري باهي الي مكلمش بنيتنا
مندر: تو يشدو
سمر: ركبنا سيارتنا وروحنا واحني في الطريق كان مهند يتصفح في النت لقي القصه نازله والتحقيقات قاعده ضد مجهول
قمر: هيا خلي ننزلو معندناش حظ فيها الطلعه
خالد: اجلوها توا مش وقتها لان الشرطه مرات يطلبونا للتحقيقات او حاجه معادش نقدرو نسافرو
سمر: اووف قبل خاطري فيعا🥺
مهند: منخلي شي فخاطر بنت عمي العسل خلي للجمعه ونمشو زرده ع حسابي للبرسمر: ختسمله ع هنودي العسل خلاص الجمعه نطلعو زرده
خالد: تمام عطي غلم لبوك بس يامهند
مهند: تم
نعرفوكم ع مهند مواليد1994طوويل اسمراني وعضلات شخصيته طيب وحنون هلبا خجول شويا معجب ي سمر بس مقالش مكمل قرايته متخرج هندسه
هاله: شدددت فطلعه يااااي
قمر: امم اب اسمعي تعالي منخططو شن منديرو
مشو هاله وقمر لدار البنات وقعدو يهدرزو بينما ام سمر فتحيه وعائشه ام هاله قعمزو في الصاله يهدرزو والشباب طلعو وخالد بوهم رقد وعمهم طلع قعدت سمر في الجنان مقعمزه
سمر: اممم كساد هلي نتصل بي منال نحكو فيديو
منال: هلا كلبوشتي
سمر: هلا بلغلا شنجوك
منال....
وقعدو يهدرزو وضحك طبعا منال الانتيمه لسمر صاحبتها روح بروح
منال: سموره ههههى وينك
سمر: كنت نكلم في منال سمعت صوت غريب وحاجه خطفت من قدامي... سمر لالا شي سلامات توا نحكو بعدين
منال: غريبه اللبنت
سمر: نضت نجري نشوف مفي حد الجو عادي كان اممم ممكن نتوهم
سمر: ماما
فتحيه: نعم
سمر: منطلع شويا خاطري في حاجات منشريهم قبل المغرب منكسد انا والبنات عليهم
فتحيه: قولبلهم يمشو معاك
سمر: انلااا ماما🥺نبي بروحي منديرلهم مفاجئه
فتحيه: بروحك بتطلعي وقريب المغرب
سمر: بليز مامي نعطلش🥺
فتحيه: امم باه من يقدركم اصلا انتم ها الجيل
عائشه: ايااااه ياوخيتي محد قادرهم
سمر: ياحليلي من العسولاتتت تخافوش نعطلش
طلعت مشيت للمطعم خديت عشي واتي ومشيت محل حلاوات خديت حاجات وخديت حاجه نسهرو عليهم
كنت فايته في الطريق في السياره لفتلي نضري محل جديد تبع هدايه نزلت وخشيت
_________
محمد: كنت نخدم في محلي انا فاتحه نشتغل في الليل وخوي في الصبح
سمر: السلام عليكم
محمد: عليكم السلام
سمر: شفت الراجل الي يخدم رجعتلي داكر قعدت نشوف في حاجه دم احمر صووت رصاص بس انا اول مره نشوف قعدت
محمد: سبحتلها كنت حاس اني شايفها قبل بس وين كيف
سمر: توترت وطلعت نجري ركبت في السياره
محمد: خيرها هده؟؟ 🤷🏻♀️
سمر: قعمزت في السيارع وغمضت عيوني قعدت نشوف في حاجات غريبه دم صوت سلاح وعياط قعدت نفكر شن يلي شفته
_____________
قمر: هاله بالله عليك مديلي خيط الشاحن في دولابي
هاله: تمام فتحت الدولاب
قمر: مش هده دولالي هده تاع سمر
هالع: 😂نحسابه هده منسكر بس لفتلي نظري شعر في الدولاب فتحت وجبدته
قمر: شن هده بسم الله
هاله: وين نعلم انا ترا
قمر: هده باروكه شعر كيرلي بس ليش سمر شاريتها ومعمريش سفتها لابستها
هاله: اممم غريبه ممكن مش ليها
قمر:ترا خلي.............
______________
ترن ترن
منذر: ايوااا
مجهول: اختك سمر
منذر: من معاي
مجهول:.................
أنت تقرأ
#متمرده
Gizem / Gerilim#متمرده رعب حب ورغبه وهوس روايه تتكلم ع عده جوانب اولها ح تحكي قصص حب ورمنسيه+18 وبيكون فيها لمسه خيال من الرعب
