يالا بينا نعرف ايه سبب الفرحه الكبيره أوي بس علشان نعرف لازم نرجع لسنتين قبل الخطوبه كتيير لأماتخفوش اكيد مش هاحكي السنتين انا بس هارجع قبلهم شويه بس علشان نفهم.
كان يوم عادي جدا متجمعين ماما وبابا واخويا واختي عند جدتي لأمي وهي كبيرةالعائله وقولتلكم هاعرفكم عليهم ماما عندها اربع اخوات اتنين بنات واتنين اولاد ودول اهم حاجه في حياتنافرحانين وده الطبيعي جدا وعلي فكره بابا كان متيسر الحال جدآوخسر كل فلوسه وبقانا متوسطين الحال الحمدلله ومرت الايام زي اي بيت في حزن وسعاده وفرح بس ماما كانت علطول بتعرف تخلينا كلنا مبسوطين هي كانت جميله وضحوكه وكل حاجه حلوه وفي يوم عادي الشمس طلعت وصحينا وماما كانت صاحيه طول الليل بس كالعاده قامت وصاحتننا وبابا راح الشغل واختي راحت شغلها واخويا نايم واناقاعده مع ماما علي سريرها بنهزر ونضحك زي كل يوم وفجأه قالتلي انا هانام شويه بس هاتيلي اشرب وشربت كتيير اوي وقالتلي اخرجي وماتقفليش الباب علي غير عادتها وشويه وتعالي صحيني خرجت وشويه وسمعت صوت من عند ماما خوفت وافتكرت ان جاتلها غيبوبة سكر علشان جتلها قبل كده جريت علي اخويا صحيته وجرينا علي ماما لقيناها متغيره جريت اجبلها تشرب ودخلت حاولنا نشربها مارضيتش وفجأة كل جزء فيها اتخدر اخويا خدها في حضنه وقالي بس ماتحوليش ماما ماتت كان صعب اوي مافهمتش جريت وقعدت اصرخ اكيد في حاجه غلط الناس اتجمعت واختي جت وفجأه لقيت الكل منهار والناس حواليها والدكتور بيقول البقاء لله قربت منها وبوست دماغها وقلتلها ارجوكي ماتسبينيش يا أمي خرجت ومش قادره استوعب بابا واختي في انهيار واخويا خادني في حضنه وقالي انا مش قادر اصدق فجأه كل حاجه خلصت اتهدمت في أقل من ساعات كل حاجه حلوه اختفت كأن روحي بتتسحب مني روحنا علي جدتي ماكنتش مصدقه ان بنتها فارقتها ومش هاتشوفها تاني خادتنا في حضنها وانهارت كان صعب اوي خالتو الصغيره مش مستوعبه الكل منهار كلنا مش فاهمين اليوم ده نمت ازاي مش فاكره انا بس فاكره اني نمت نوم طويل وغريب وصحيت علي واقع مرير ماما خلاص اختفت وده امر واقع وابتديت اتعرف عل الدنيا......
