ثانويه الموت..
الكتابه انجلل..
بارت.. 7..
ساعه 6 الفجر..
كاعدين محد نايمه..
ايه.. بنات مليت من مريم اريد وحده وياي نروح للمول ونرجع
ماحسينه بشي غير بس نعال فوك راح ايه
مريم.. بعتيني يا جلبه
ايه.. انتي شبيج اليوم مستجلبه
مريم... انه
قاطعتهن سبا وهي تصرخ..
سبأ.. كافيييي زعاطيط خوما زعاطيط دشوفن وكت ضحك وعرك
ايمان..بنات زهراء قيس الويانه راح تنتقل
سبأ.. وشعلينه احنه
ايمان..تكول شايفه بنيه شعرهه نازل ومادري يعني خرعتني صراحه
سبأ... اووو مابقت وحده ما شافت هاي لبنيه الي شعرها اسود اريد اشوفه هاي منو خل اشوفها مخرعه المدرسه هسه تطلع وحده من بنات الأول
ايمان.. شبيج صدك جذب
جاي نحجي ودخلت ملاك..
ملاك.. بناااااااااات الحارس مقتوول
ايمان.. شنوو
ملاك...والله لاكينه مذبوح وانطو عطله يشوفون شنو صاير
ايه.. لااا بعد انطيمن منوم
مريم.. شلون مات
ملاك.. مادري كتلج مادري
ايمان.. بنات انه نازله اشوف
.. المتكلم..ايمان
ايمان نزلت طبعا البنات كلهن بغرفهن
والمدرسه ضلمه..
احنه غرفتنه بالطابق الرابع
نزلت وصلت لطابق الثاني..
حسيت اكو فد حركه وراي
انداريت...ماشفت احد
يوووه هسه انه شنزلني
نزلت لطابق الأول.. شنو هاي محد
فتحت باب الحانوت.. انفتح بهدوء
طبيت شفت ام الحانوت دايره وجهه وجاي تشتغل
ايمان.. هلو خاله
ما جاوبت
ايمان.. خاله صدك الحارس مات
انداريت عليه..
وتفاجئت بمنضرها.. وجهه الكله دم.. وسنونهه السود وعيونهه الحمر
صرخت.. ياااااااه لحكوووووووونييييي
......
..المتلكم..ملاك
بنات وين ايمان تأخرت
ايه.. تلكين ضفرهه انكسر وضلت تبجي هههههههه
ملاك..امشن ننزل ندور عليه
ايه ومريم.. احنه جاين وياج
رحنه انه وايه ومريم..
شفنه باب الحانوت مفتوح
رحنه طبينه وجان نشوف ايمان خاركه بدمهه..
.. ماسمع شي غير صراخ البنات وعلى الصراخ هذه اجه استاذ فاروق وست ميس
ميس.. هااي شنو يا ربي دخيلك
شصاير
محد يحجي الكل مصدوم..
.. بعد 15 يوم
اليوم يوم 15..طبعا طول الوقت جنه معطلين وما نطلع ومحد اله خلك
ايه.. بنات تعرفن اليوم شنو
سبأ.. شنو
ايه.. اليوم عيد الحب اللله تخيلن توصلني هدية مكتوب احبج ايه مثلا بيهه طقم الماس لو طقم ذهب
