أضع قلمي جانبا حين يمر همسك،فحروفك كإجراس الكنائس،تخبرني بحلول وقت
العباده
نبدأ قصتنه الجديده بسم الله الرحمن الرحيم
بداية القصه تتكلم عن ....
أو ليش نوصفهه خلي كل شخص بيهه يوصفلكم جانب من حياته ويروي الأحداث بنفسه
مرحبه .....
انا مهره ساكنه حاليا مع اخواتي الخمسه وابويه
امي توفت قبل ست سنوات
اخواتي
#زهراء ....ارمله تزوجت سنه وبعدين زوجهه توفى
كان رجل كبير بالعمر
.....اهلي كان كل ظنهم انه تخلف منه فد ولد حتى ينوبه جانب من الورث
وكأنه بيعه وشروه مو حياة لازم تعيشهه مثل العالم
كانت حالته الماديه كلش زينه
لكن هو توفى قبل لا يصير عدهه طفل
المهم محصلت من الورث غير شي بسيط لان هو خلفته هوايه
#عذراء مطلقه اهلي زوجوهه وهي بعمر 16 سنه مخلوهه تكمل دراستهه
بقت عايشه بمشاكل ويه زوجهه وعيالهه كانت عايشه وياهم....
مثل......
.....وكأنه خادمه فقط
..... عيالهه بابة عرب مثل ميكلون
مابيهم أحد متعلم وهيج يتعاملون مع نسوانهم
المرأه عدهم ....خلقت للخدمه ....
ولتلبية احتياجات الزوج والأطفال
أو كأنه مكينه ولازم النهار كله تعمل بدون كلل وملل
تعلمت تخبز وتحصد وتحلب الابقار
من غير شغل البيت
والزوج بس عليه ياخذ المحصول والحليب ويروح يبيعه
.... مكان يمر عليهه يوم بدون مشاكل
لذلك متحملت و تطلكت
حقهه حياتهم لاتطاق وهيه ممتعلمه على هيج شي
اني الوسطانيه #مهره بعدين نسولف عني
#سحر بعدهه رابع إعدادي
#سمر خامس إعدادي
هنه شاطرات وابويه يريدهن يكملن دراسه لكن احنه الي أكبر منهن ماالنه واهس
نرجع الي .....مهره .....
كملت سادس بعد معاناة كبيره جدا بعدين دخلت معهد وكان قسم محاسبه ولأنه هم صعب كوه نجحت
بس شنو الفائده ماكو تعيينات لذلك ابويه شافلي شغل بمحل كماليات
اخواتي زهراء وعذراء اتفقن يسون كليجه وكبه ويبيعون شنسوي العيشه صعبه واخواتي محتاجات مصاريف حتى يكملون دراستهن
ابويه يشتغل بمطعم بالمطبخ ومن عنده تعلمنه شويه بالطبخ وبعدين بعد وفاة امي
بدينه احنه نعلم نفسنه
من خلال شغلي بالمحل واروح وارجع وصرت اروج لبضاعة المحل طبعا بموافقة وطلب ابو المحل اسمه #ثائر
هو شاب لكن ارمل زوجته توفت بحادث سياره وكانت حامل خطيه
هو متزوج بعدهه يمكن الحادثه شويه أثرت على نفسيته
طبعا بالمناسبه شكلي نفس شكل البنت الي بالصوره بيضه وعيوني كبار خضر وشعري طويل وأشقر
احنه كلنه طلعنه حلوات على امي الله يرحمهه
ثائر .....شوكت ترجعين للبيت
اليوم تعبان اريد ارجع من وكت حتى اوصلج
مهره ....ياريت والله لان اليوم زوجي يجي يمي
ثائر .....ها فهمت ....اكلج صدك ولو تدخل مني ....حسب مفتهمت من كلامج انه انتي الزوجه الثانيه
وزوجج متزوج وحده قبلج وبعدهه على ذمته ...زين هذيج شلون قبلت
وهيه عدهه اطفال
مهره ... اصلا متدري ولأنه هو شرطي فصارت سهله عليه يوم الي يجي يمي يكلهه عندي خفاره
ثائر .....ههههه والله زين يسوي
حتى يخلص من وجع الرأس
مهره .....هههههههه عيني يحبني وميستغني عني ...
ثائر ......عمي هسه شكايلين الله يسعدكم
أنت تقرأ
نبضة قلب
Romanceأضع قلمي جانبا حين يمر همسك،فحروفك كإجراس الكنائس،تخبرني بحلول وقت العباده. وعندما أكون أنا وفي تلك اللحظة آخر اهتماماتك أعلم عندها ....انك وفي نفس اللحظة قد أصبحت خارج نطاق اهتماماتي بقلمي
