.
سافرت ويه اخواتي وازواجهن للبصره هناك رحنه يم ناس اقاربنه
طبعا همه عاداتهم شويه مقاربه لاهل الخليج حتى لبس نسوانهم مو كلهن يلبسن العبايه السوده
المهم من وصلنه يم بيت العريس الاهل كلش رحبوا بينه وكان عدهم دار مضيف
هذا يبقى مجهز على طول لاستقبال الضيوف الي يجوهم
رحنه استراحينه هناك
اخواتي ماصدكن .....
ولا كأنه جايين من طريق طويل يادوب ذبوا الجنط منا وانطلقوا يم أخوات العريس ودك وركص هههههه
والجهال هم انتشروا بالبستانه واني وازواج اخواتي ويه باقي الزلم بعد ماتغدينه وشربنه جاي مهيل وعلى الفحم
من بين الكلام افتهمت من #عباس زوج اختي #نجوى
انه اخواتي حاليا .... يسعولي بخطوبه من اخت العريس وهاي سالفة العرس حجه حتى اشوفهه وتشوفني وشو هنه كلش مقتنعات بيهه
مو اكول السالفه ابد مو خاليه
#مصطفى زوج اختي #شذى هم كان يعرف بالموضوع
.....كل يوم كانت نبأ تتصل حتى تطمأن عليه ....
نبأ .....انت شوكت ترجع ....
ثائر .....يمعوده مصارلي هنا غير 4 أيام وباجر العرس يعني اذا زفيناهم باجر أن شاء الله يجوز عكب باجر نرجع
نبأ .....زين ليش ميصير ترجعون باجر
ثائر ...لع ميصير ...وبعدين اكو شغله هم لازم اكملهه
نبأ ....شنو عندك
ثائر ....هيج ماكو شي مهم ....بنيه اخواتي يردوني اشوفهه حتى إذا عجبتني يخطبولياهه
نبأ ....بنيه شنو ....وانت شنو تشوفهه
واذا معجبتك شلون ...
ليش انت تريد تتزوج ...
ومنو يكول هيه حلوه .....
يعني معقوله مشفتهه لحد الآن ....
وليش يعني اخواتك يختارن
...انت ليش متختار لروحك
...وشلون تتزوج وحده بدون متحبهه ...
وليش ....
ثائر .... ولج بسسسسس نفختي راسي شكد تلغين ...
نبأ ....اي مو غير افتهم ...
ثائر ....شتفتهمين
.....هو شكو ...
بنيه واخواتي يردون يخطبولياهه
شنو المشكله
نبأ .. .زين هيه حلوه ...
ثائر ....تدرين لحد الآن مشفتهه ...
نبأ ....معقوله ....زين ليش ...
تمنيت يكول .....
ثائر .. لان عيب اني داخل ابيت العالم وتالي اباوع على عرضهم ميصير
هاي الأمور هنا غير شكل تنحل ...
وبعدين اني تواجدي كله ويه الزلم ماالنه كعده ويه النسوان لان هنه ماخذات راحتهن
عرس بعد
نبأ ....زين اذا شفتهه ومعجبتك شلون
ثائر .. وانتي منو كلج متعجبني ...يجوز تطلع حلوه وتالي اتزوجهه
نبأ ....انت شبيك شنو ناوي تجلطني ...
ثائر ...شبيج على شنو اجلطج
ثائر. ....نبأ انتي شنو سالفتج
نبأ ....صحت ...ماكو شي ...
ماكو شي ....
يله كافي روح اريد انام .
ثائر ....صوتج شبيه تغير .. .
نبأ ....ماكو شي. ...😢
ثائر ...خلي اغير من الموضوع شويه ...
زين مهره دتجي وياج للمحل مو ...
أنت تقرأ
نبضة قلب
Roman d'amourأضع قلمي جانبا حين يمر همسك،فحروفك كإجراس الكنائس،تخبرني بحلول وقت العباده. وعندما أكون أنا وفي تلك اللحظة آخر اهتماماتك أعلم عندها ....انك وفي نفس اللحظة قد أصبحت خارج نطاق اهتماماتي بقلمي
