الشيخ فادي والفصليه سوزي

بارت 2

ما اعرف شنو ميصري وشنومنتظرني

اخذني ودخلوني جوه والدنيا مكلوبه عدهم والناس دمهم حاررر واني بنصهم ميته من الخوف والرعب يمه عبالك هو بشر
استقبلوني بدفرات والجلاليق (عجل بشنو يستقبلوج يا مسعده )

ونفشو شعري الحرير مرعدوني تمرعد ودخل واحد من ولدهم طويل ومعضل لابس دشداشه ومحزم بسلاح ولاف جراويه
(عرفتو البطل مووو )

صاح بيهم صوت ما كلكم على قوت صوته بدون مبالغه حسيت المطبخ اهتز
كاللهم هاي تعوفوها عليه
اني كيف كلت اي راح يخلصني منهىم
كمزت وختلت بظهره

اشو هذا مد ايده وكمشه وحده تكورت بأيده وسحلني لغرفه جوه الدرجه مسويه مخزن وشمرني بيه وقفل الباب ولزمني كتل كتل
وين جنب اليوجعج يضرب ويحجي كتلو اخويه احزام ظهري اليوم ابرد ناررر كلبي بيج اليوم انعل امج على ابوج ودك كتل

واني ابجي واتوسل بي عفيه يول عوفني فديت طولك اني شعليه قابل اني لكتلت اخوك ريتك بعد عشيرتي كله لا تضربني لا تضرب

مو بعدين راح تحبني لو تموت ما احبك ولا ابجي عليك
اخر شي عافني وطلع وقفل الباب طكتين

ضليت وحدي اون وعظامي توجعني ياربي شهالورطه البيه اني وين اولي شلون اخلص منهم وهو هذا حظي هاي تالي الدلال طلع كله من خشمي
كاعده بمكاني وانتظر منو بعد يجي يبرد گلبه بيه
مرت الوكت مدري شكد ما اعرف حسيت الباب انفتح ودخل نفسه هذا الطويل لمحزم
صاح انتي هييييييي كومي كومي

فزيت هاا هااا خيررر شبيكم صاير شي خو ما احد انقتل

ضل واكف يفرج عليه  كال
انتي ليش ما تنطمين تفاولين علينه تريدين احد ينقتل موو
كومي يلا جدامي كومي
اني خنست وكمت
احم نعم تفضل
ونعامه ترفسج وتكسر ظلوعج
امشييي امشيييي

مشيت بخطوات ثقيله وطلعت من المخزن
هو كمشني من ثوبي وسحلني وكفني ورا الباب مال الديوان مدري الهول
بعدني ما تعرفت عالبيت
كال دكولين نعم قبلت الزواج وتنجبين وتسكتين مفهوم
هزيت راسي برقة اي اي
وجعي وجعي راسي الهندي

هنا اني اجرأت وسألته
فدوه بس احجيلي على شنو اكول اي وقبلت
حتى اعقد عليج لان انتي حصي وطير عيونه ورفع حواجبه
ونظراته كله مكر وغضب

المهم عقدنا وخلصنا وهنا عرفت اسمه فادي (هالمره مو فهد )
عقد عليه وياريته ما عقد
طلع وسحلني للغرفه ورجع كتلني كتله غسل ولبس وسخلني واخذني للغرفه مال امه وشمرني تحت رجليه
هاي امي يلا بوسي راسه واديه ورجليه
اني رفضت ما احسن الا ضربه على ظهري كطع نفسي دكنت بوسته
وكال يلا طلعي نظفي واطبخي

مسحت دموعي ولميت كفشتي وبديت انظف خلصت تنظيف ودخلت للمطبخ طبخت خروفين وجيس تمن تاكلون سم وزقوم
للظهر خلصت وفضيت الغدا

وهن كاعدات خوش اجتهن خدامه يسولفن ويضحكن عود عدهن ميت
جعل الموت ياخذهم واخلصهم منهم
صاحتني امهم كالت انتي شسمج
اسمي سوزان
اسمعي انتي يا بعران
خاله سوزان مو بعران
بعران طليان مو مهم

انتي هنا تخدمين وبسسسسسسسسسس وتعالي يله فرجي رجليه وراسي
شنو افرچ
مال الوجع شنو اناي ما تفهمين
لا خاله ما فهمت عليج
يعني افركي رجليه يوجعني
هااا قصدت مساج موووو
عزه بعينج سبداج انوب هذا شنو
خاله مساج هو يعني تفريچ

خايبه انطمي انطمي خفت هالحلك الاعوج يلا خلصي
اوف اوف هاي اولها هيج تاليته شلون
كعدت افرك وافرك وهي اوف واوف اي اي حيل منا لالا مو منا
اي اي اوف اوف

كلت بكلبي هاي شبيه جانت تركض بسباق عابت
خلصت منه وضليت حايره وجسمي يون عليه وين اروح هسه
دخلت للغرفه الي مسويه مخزن وكعدت وسكتت

وهيج مرت الايام مشابه يوميه كتل واطلع انظفلهم واطبخلهم
فد يوم اجى فادي من برا وصعد فوك مستعجل وصاح عليه
هييييي انتي يا بعران يا سوزان وينج
سمعت صوته وكمت ارجف وبطني مغصتني وكلبي صاررر طبل
طلعت اركض عليه
نعم
وجع تعالي ورايه
صخام صخمج سوزان شيريد مني يووومه بس لا راح يغتصبني
لالا لا غير اضربه وادفع عن نفسي
اصعد الدرج والافكار براسي

وكفت باب غرفته شفته واكف ومتخوصر وملابسه منثوره والكناتير مفتحه
هييي شكو واكفه بالباب تعالي
يووومه فزيت من صوته ودخلت بسرعه
نعم محتاج شي
باوعلي صفح

حضري جنطتي وحطي بيه هاي الملابس
هزيت راسي بأي
صاح وجع راسي الهندي
خلصي بسرعه
اوك حاضر

وهو يحوس بالغرفه مدري شيطلع
اني ملتهيه ارتب بالجنطه وفجأة رفعت راسي عليه
ونصدمت اه ياربي شنو من خلقه
لابس لبس عسكري
تجرأت وسألتة  انت عسكري
كال اي ظابط

اني هنا ماعت روحي هيج ما اتحمل
ضابط وشيخ ياويلي ياريلي
رتب نفسه ولبس ساعته واخذ العطر من الميز
وتششششش وتشششششش وتشششششش
يبووو عليه غيررر عطر هذا مال ضباط يسطررر سطررررر

ظليت واكفه ومغمضه عيوني واستنشق واشم واسحب نفس حيل
وسارحه ومندمجه وما احس غيررر كفخه على راسي صحتني على نفسي
يتبع .............