(رواية) أسيرة قلبي🖤
للكاتبه / مي مالك(زمزم)💎
الفصل الثاني 😊
جلست على السفره بجانب والدتها ، وهي تسترق بعض النظرات الي أدم خلسة ،
عمار بأبتسامه..
_اهو جالك اخت وصاحبه اهي يا هند ، انبسطي
هند وهي تنظر لميان..
_ميان دي كيوت هنعرف نتأقلم مع بعض علي طول ، مش كده يا ميمو
ميان بأبتسامه..
_اكيد
آدم..
_اشمعنا انا مليش اخ ، بعد اذنك يا عمتو انا عايز اخ مليش دعوة
ميان بسماجه..
_وحتي لو في اكيد كان هيطفش منك
ادم بغرور..
_دا انا حتي مز ومفيش مني
ميان..
_بيتهيألك لو سألتي عن رأي فيك ، هقولك انك مش حلو خالص
آدم..
_رأيك دا خليك لنفسك ، عشان عندي مكانه في الزباله
عمار..
_بس يا ولاد كفايه مشاغبه ، حاسس والله اني قاعد وسط آدم وهند وهما بيتخانقوا وهما صغيرين
آدم..
_طب هند بتسكت بقفا بنت عمتي بتسكت بأيه
لوسي بضحك..
_بقفا برضو
ميان بغضب..
_ماما
لوسي..
_ايه بهزر
ميان..
_عن اذنكم انا شبعت
وذهبت ميان الي الفراندا لينظر لها آدم بدهشة
آدم..
_هيا زعلت ولا ايه
لوسي..
_معلش يا آدم هيا بس مش متعوده ان حد يهزر معاها بالطريقة دي
عمار..
_عجبك كده روح صالحها
نهض آدم سريعا وذهب الي غرفته ، ثم خرج منها سريعا وذهب إلى الفراندا
آدم..
_ايه يا نكديه ، مالك
نظرت له ميان شرزا ، خرجت من الفراندا ليمسك آدم يدها ويعديها للداخل
آدم..
_دا كلو عشان هزرت معاكي شويه وقولت عليكي نكديه
ميان..
_دا مش هزار دي اهانه يا ادم
آدم..
_خلاص يا ستي انا اسف ، معلش انا هزاري رخم شويه ، بكره تتعودي
ميان..
_اتعود علي ايه ، تصدق انك تغيظ ، عن اذنك
آدم..
_انتي مستعجله ليه وراكي حاجه
ميان..
_لا بس اتشليت منك
آدم..
_معلش ، انا اسف ، راسك ابوسها
وأمسك رأسها بين يديه وقبلها بهدوء ، اغمضت عيناها وقلبها يدق بعنف من قربه هذا ، وضعت يدها علي صدره لتتفاجأ بضربات قلبه العاليه
آدم..
_ايه دا ، فار
نظرت ميان وراءها سريعا لتجد فار ، وبلحظه كانت تصرخ وتجري في أرجاء المنزل ليمسك ادم الفار بضحك وخرج من الفرانده
آدم..
_طلع لعبه ، سوري مختش بالي
أنت تقرأ
أسيره قلبي
Short Storyحاولت جاهدا ان ابتعد عنها لكني لم افعل ، احببتها بشده برغم من عدم صدقي بالحب ، لأخذها اسيره ، وتبقي هي اسيرة قلبي دائما وابدا #أسيرة_قلبي
