أسيره قلبي

الفصل الرابع

ميان بدهشه..
_خطيبته ، انت خاطب

ادم بحزن..
_ميان انا...

عمار..
_هو في حاجه ولا ايه

ميان وهي تحاول السيطره علي بكائها..
_لا ياخالو اصلي استغربت بس عشان مش لابس دبله وكده ، انا شبعت

ونهضت تذهب الي غرفتها ودموعها تسبقها ، لقد احبته شعرت ولأول مره بسلام بجانب شخص ما ، كان هو ذلك الشخص ولكنه اصبح فجأه مخطوب ، بكت كثيرا علي نفسها
ميان لنفسها..
_عنده حق انا بنت عمته الوحشه الي كان بيعطف عليها بكلمتين من باب الشفقه ، اكيد خطيبته احلي مني بكتير ، انا الي حلمت احلام اكبر مني ، انا الغلطانه

_______

صممت ان تصعد في سياره عمار بدلا من الذهاب مع أدم ، منذ ما حدث وهي لا ترد عليه لا تريد اي تبريرات منه لا تريد شئ يكفي ما حدث

عمار..
_ما كنتي تركبي معاهم احسن بدل ما انتي محشوره كده مع الشنط

ميان..
_اسيبك لوحدك يعني مينفعش وبعدين هناك زحمه انما هنا انا وانت والشنط

عمار..
_براحتك ، انا قولت عشان مامتك والطريق طويل

ميان..
_لا ولا يهمك هيا مندمجه مع هند وأدم

عمار..
_صحيح يا ميان ، حسيتك زعلانه من ادم من ساعه ما عرفتي انه خاطب ، هو كان في حاجه وقتها

ميان وهي تتذكر ما حدث وتحاول عدم البكاء وقالت..
_لا خالص هو بس عشان انا مكنتش اعرف وتفاجأت ، وبعدين عشان احنا كنا صحاب وهو مقليش وانا ادايقت منه شويه وخلاص

عمار..
_متاكده

ميان..
_ايوه ، هيا خطيبه ادم مش هتيجي

عمار..
_لا دا زمانها هيا واهلها قربو يوصلوا مشيين من قبلنا بكتير

ميان..
_طيب

_______

انتهت اخيرا هذه الرحله لتنظر ميان حواها بأنبهار
ميان..
_خالو المزرعه تحفه

عمار..
_بجد

ميان..
_دي تجنن

عمار..
_كل الشجر والزرع دا ، مامت هند وادم هيا الي عامله الله يرحمها كانت بتحب الزرع جدا ، في ركن ورا البيت بقا دا ادم زرعه ورد هبقا اوريهولك

دلف عمار وميان الي المنزل الكبير ليجدو رجل وأمرأه يجلسون في غرفه استقبال الضيوف

عمار بترحيب..
_امجد وحشتني يا راجل

امجد..
_وانت كمان ولله ياعمار وحشني جدا

عمار..
_ماشي يا امجد ، ميان تعالي ياحببتي

تقدمت ميان بأبتسامه مجامله ليقول عمار...
_دا امجد صاحبي ، ودي مدام مرفت مراته
ابتسم لها امجد في حين كانت تنظر لها مرفت بتقييم ملابسها الذكوريه البنطال والتيشرت وشعرها الغير مهندم بالمره ووجهها الذي من الواضح انه لم يري المكياج منذ زمن ، نظرت لها مرفت بأستحقار من تلك الفتاه الذي تشبه العاملين بالمنزل