الحلقه11و الأخيرة :
قدام العماره: (امقعمزين سعد واياد يراجو فى غسان)
غسان:السلام عليكم
سعد&اياد:وعليكم السلام...شن صار شنى قلت
غسان:خلاص مزال شهر لازم انروح
إياد:قول والله
سعد:بس انت متحبهاش بل تكرها
غسان:خلاص انى منبي انحب حد ولا يحبني حد
إياد:خلاص هذا قرارك رغم انه غلط بس شوف انى نعرفك كويس ومش حتتحمل من توا قول لا لان كان خش فى الموضوع صغار مش ح تلق
غسان:اسكت
إياد:ناض....غسان انى الحق مصدوم يعنى انت غسان الحكيم الى تنصح فينا الى كنت فى يوم نسمع فى كلامه ونخلي فيه يقرر اعليه مش مصدق انك هكى كيف والله معرفتك شكلى 26 سنه يعنى من لما عمرنا3 سنين وانى معاك ومنعرفكش انى متاكد انك لو توقف ع المرايه مش حتعرف روحك
غسان:خلاص قلت هذه حياتى وانى حر
إياد:لو تفهم ان هذه حياتك وانت الى تقرر و
غسان:ناض ودف إياد..هيا انت قعمز انى ماشي ....ومشى
إياد:يا عن شكله ضاع فى الضباب ...(سكت شوي)تكلم خيرك ساكت
سعد:شن بنقول انى مش فى مكانه وهو يعرف مصلحته وفى الاخير شوف الموضوع من زاويه تانيه
إياد:كيف
سعد:أولا فسخ من سبب اكتر من تافه ودار علاقه وبعدها اخطب ولمز امه قالت للبنت وافقت طول
إياد:اه فهمت
سعد: قعد يشبحله وخلاص
إياد:واو يعنى غسان لازم يكون فرحان لانه ادبس فى بنت ماديه وصطحيه لللوح😠
سعد:الناس قناعات
إياد:وقناعت امه تعبانه
سعد:هيا نوض وصكر ع الموضوع
إياد:😑باهى
وبعد حاجت شهر
روحوا كلهم من ألمانيا وجي عرس غسان
ومشت الأمور تمام
وبعد فتره
غسان صاحبه طلق ومعاش يبي حد فى حياته وقرر انه يقعد فى المانيا وفتحوا شريكه هو و (سعد وإياد)وبدو من الصفر وغسان فى االبدائه كان يبي يلها وينسى الدنيا والناس الى جرحاته وبعدها نجحت شركته
واياد و جود كانت حياتهم كويسه يتعاركو ويرجعو وهمي وعندهم ولدين وبنت الكبير ادم و بعده بنت اسمها جنى والولد الصغير اسمه ناديم
وسعد وغسون كانت حياتهم حلو واكتر اتنين متفاهمين وعايشين فى حب وسعاده و عند ولدين الكبير اسمه علي و التانى مالك
وغسان خوه كانت حياته عاديه جدن وعند بنت اسمها لجين ولد محمد
وأنور كانت حياته حلو ومرتاح هلبا وعنده ولد ايهم و بنتين ايه وآيات
وهذا نهاية القصه اشكر الجميع ع القراءة
🌸العبرة 🌸
عمر الوحدة متقلل من قيمتها و ترضه باي حد يقلل من قيمتها ومتقولش يحبني الان اَي حد يحب اَي شخص (امه بوه خوه صحبه )
مستحيل يقلل من قيمته ولا يهينه ولايضره حتى بربع كلمه❤️❤️
وبعدو ع الكذب الى يضر اَي شخص
وحاولو متكذبوش ع الناس الى تحبوهم
لا تخصروهم🌸
وقبل لا تاخذو اَي قرار فى حياتكم المهنين الاجتماعية العاطفيه ارجعوا وفكروا بعقلكم الشي هذا (صح ام غلط) ❤️❤️
تعامل مع الناس بتربيتك مش تخلي حد يغلط فيك و متردد رد لكن متنزلش روحك لمستواه
وأمشي بشعار(الناس مقمات )وانتى احس الناس طل ما غلطت فى حد🌸
واسمع النصيح من كل حد اكبر او اصغر ولد او بنت مش مهم انت اسمع وخود الكلمه الي تنفع بيك وخلى الباقى لان كل حد يعرف مصلحته واهم شئ فى الدنيا انك تقتنع بجميع قراراتك حتى لو سعدك اَي حد فى اتخاديهم❤️❤️
ورد بالك من التقليد الأعما يعنى مديرش هذا ع خاطر صحابك يديرو فيه قبل لا ترجع لروحك وتسأله هذا فى مصلحتى او لا
ودير الى تقتنع بيه ومتقلدش اَي حد الان (الناس مختلفين)🌸
للكاتبه:🌸Heba🌸
