خرجت نبدل الجو قودتها

البارت 2

-بقيت جارية معااهم تاكلسو...ولي معااه تيتيزة ديال بصح وعندهاا فورمة مقحبنة طرماحة خارجة وواقفة وصدر مفركع وسالف عبلة كلها على بعضها حلوة ولكن تا انا رااه فسرة وعندي حقي في زين ثقة في نفس ولاهيلاا وانا طبونمي مانبانش قدامهاا ولكن كيف كيقولو لمرا لحلالة كتغلب سحارة والخايبة كدي قفة زوينة😂🤗 قلت آش ندير ماندير باش نهرس الملل مشيت كلست مقابلة معاهم ..درت رجل فوق رجل وطلعت الكسوة باش فخااضي يباانو ..مالها غير هي لي تبين الخيرات ديالهاا...المشكيل عيني تفيكسااو على سيد تااعاقت بياا القحبة لي معاه وبقاات كتخنزر وهو ماعلابالوش شاد تيليفون مكنسونطري معاه وانا وتقولو بغيت نحشم عيني مخرجاهم فيه ولا كيبان ليا فحال شي دجاجة محمرة خاصني ناكلهاا..صافي درية تعصبات طلعات معاها سخانة.. وهي تجي قاصداني كحلت بلعمى ماكحلت بيهاا😂
البنت:ختي واااش مسطية ولااا مال زامل بوك من صبااح ونتي مقابلة راجلي كاين مانقضيو
وقفت طلعتهاا وهبطتهاا مزيان ودرت ديك شوفة ديال الاستهزاء وفي صراحة هي لي خاصها ديرها😂انا قدامها كنباان مقموعة حيث هي لاابسة غير لي مارك وشعر ملصق تامن تيليفون ايفون x باين طبونمهاا كضرر غير على الهوتااات وكتشد الفكاتم صحااح ماشي فحالي هازة لانفينيكس ومن فوق مهرس..قالت ليك راجلي وفين الخاتم يالاه انا اول حاجة قشرت هي صبيعااتو آحح عليه الحب من اول نظرة
البنت:واا بنادمة راني داوية معاك 
انا:شكاتخريقي نتي وآش هااد نيفو اتمشي تحواااي ولاا نعيط على سيكيريتي 🙂
شداتني من إيدي وكرزات علياا تاضفارهاا تخشااو في الكسوة ومع الكسوة بنت الحرام قديمة وتوبهااا راشي تشنتفاات وتقبات😂 نهار حتاجيتك ا وجهي قمشوك المشاش😅
البنت:هاااد تصوبيص ديال بنات زنقة راني خافضااه اتجمعي كرك ولاا بربي تاانهارك مايدوز فيه ضو

ماحسيت براسي تادفعتهاا طااحت لارض معلقة رجليهااا وطعت فوقهاا كنريش وهي تريش عااد جرا معانا زامل وجااا يفك والأمن دارو بيناا وليت كنقفقف...تالاكارط بااش نفك راسي ماكاينة😭