انتقام وعشق مميت

الفصل الاول

&الفصل الأول&
(صباح مشرق ويوم جديد في احد الشقق المطلة علي البحر)

هند:خلاص بقي ياحياه فهمنا وحفظنا

احلام:علي فكرة بقي احنا كبرنا ونعرف نحافظ علي نفسنا كويس

هند:ياحياه بلاش القلق بتاعك ده انا كده بقيت بخاف بجد

حياه:انتم مش فاهمين انتم مش بس اخواتي انتم بناتي النهاردة اول يوم في الجامعة ليكم وكمان مش هتكونوا مع بعض والجامعة مكان مفتوح اوى وانا بخاف عليكم

(جلست حياه علي احد المقاعد فى حالة من التوتر الغريب هم لا يعلمون أن ماتخفيه أكبر بكثير مما يعتقدون الوجع والألم مصيرها ولكن الصمت أيضا حلها الوحيد حتى لا يصبح مصير أخواتها مثلها )

هند:وحياتي عندك ياحياه روقي بقي وهنعمل اللي انتي عايزاه والبت أحلام ام لسان طويل هتتعدل صح يااحلام

احلام:اضحك بقي ياجميل وهاتي المصروف

هند: يامادية

سعاد:خلصتم دراما علي الصبح ولا لسه روحي يااحلام انتي وهند حضروا الفطار وانتي ياحياه تعالي عايزاكي

(اخذت حياه والدتها بالكرسي المتحرك ودلفوا إلي الحجرة الخاصة بها)

سعاد:حبيبتي يابنتى انا حاسة بيكى وعارفة انتى خايفة من اى بس انتي كده هتموتي نفسك من كتر التفكير والقلق وانتي عارفة ان انتي اللي بتسند عليها واملي فيكي بعد ربنا

حياه:متخافيش عليا ياماما بس مش هقدر مقلقش او اخاف صحيح الاسم اتغير وسبنا مصر وجينا إسكندرية بس في حاجة قلقاني وكأن الماض بيلحقنا، غصب عنى والله

سعاد:اهدي يا بنتي و قولي ناويه علي ايه

حياه:مش هرتاح غير لما اخذ حق ابويا اللي مات غدر وحقك وحق اخواتي اللي تيتموا بسبب الحيوان ده

(جثت حياة علي الأرض لمستوي سعاد ووضعت رأسها علي قدمى سعاد)

انتي عارفة اني بشتغل عند عمو ياسر (ياسر محامي وصاحب والدها وهو اللى بيساعدهم )من وانا في الجامعة وخلاص خلصت وهنزل التدريب معاه عشان ابقي محامية ولازم اشتغل بسرعة عشان اكون أشهر محاميه في فترة قصيرة عشان ابدأ خطتي اللي رسمتها من زمان

سعاد:ربنا معاكي يا بنتي وانا راضية عنك

(خطة حياة مبهمة بس من الواضح انها الوجع الداخلى عندها ولد هدف لابد من تحقيقه واكيد السبب هو اللى حصل زمان )

(ذهبت حياه واحلام وهند لوجهتهم وهدفهم)

حياه:أحلام انتي لازم تتفوقي في كليتك وتعرفي جدول المحاضرات وتبعتهولي والمجمع مش للتمشية خليكي في كليتك ولما تخلصي تكلميني ، وانتي ياهند كليتك لوحدها عايزاكي تبقي اشطر مهندسة الكلام واضح