انتقام وعشق مميت

الفصل الأخير

اخر فصل في روايه انتقام وعشق مميت الجزء الأول

أمام الحرم الجامعي كان آدم بإنتظار وليد وأحلام بالسيارة

وليد :آسف ياادم اتأخرت عليك

آدم: ولا يهمك عملتي ايه يااحلام في الامتحان

أحلام :الحمد لله بس المهم هنعمل ايه مع حياه

آدم بحزن :مش عارف انا نفسي اعرف انا ذنبي إيه

أحلام بزعل علي حال آدم :معلشي حياه من وقت اللي حصل وهي اتغيرت حتي معايا اللي حصل معاها مكنش سهل لحد دلوقتي مش بتقدر تنام غير بمهدئ من كتر الكوابيس

وليد :طب إيه رأيك تخلي طنط فاتن تكلمها

آدم: هحاول بس انت عارف حياه عنيده

أحلام :كل شيء هيتحل إن شاء الله انا هروح عشان حياه عايزاني عشان متزعلش

وليد: استني أنا هوصلك عشان عايز حياه

(ذهب آدم للبيت ليقنع والدته بالتحدث مع حياه و ذهبت أحلام مع وليد إلي البيت واستقبلتهم حياه وطلب وليد من حياه التحدث معها)

وليد: احنا اتفقنا إن انا اخوكي صح

حياه :طبعا يا وليد

وليد: طب ممكن اسألك سؤال

حياه :لو يخص الماضي بلاش

وليد :عشان نعيش الحاضر لازم ننهي الماضي يا حياه

حياه :أنا تعبانة يا وليد و مش قادرة استوعب اللي حصل ومن البداية قربي من آدم غلط إحنا علاقة صعب تتحقق اللي حصل من معتز بنى حواجز أكبر وانا مش قادرة اتخطى الحواجز حبنا كان حلم ومش كل الأحلام بتتحقق

وليد :بس آدم ملوش ذنب ليه تظلميه

حياه: اظلم إيه يا وليد انا محدش اتظلم زي مااتظلمت تقدر تقولي لوكنت مجتش في الوقت المناسب كان إيه اللي حصل تقدر تقولى مين اللى ليدفع الثمن لحد دلوقتى انا نفسي مش عارفة اى إللى حصل جوايا حاجات كتير انكسرت يا وليد انا عمرى ما حسيت بالعجز زى ما حسيت وقتها انا كنت بموت وشايفة آدم فى الأرض بيصارع الموت والحيوان ده بيحاول...

وليد :انسي يا حياه عشان تقدرى تكملى حياتك ولازم تعيشي قبل ماتندمي وتخسري

حياه :بس صحيح ياوليد انت عرفت المكان ازاى

وليد: هحكيلك

آدم بعد ما وصى والدته علي أحلام ومشى انا اتصلت بحازم عشان يساعدني
فوصل للفيلا عندى وبدأنا نخطط بسرعة أخذنا هدوم أحلام وحازم لبسها ورحنا علي بيتكم لأن آدم قالي ان معتز مخلي رجاله عشان يخطفوا أحلام وفعلا هجموا علينا بس كان حازم مرتب كل حاجة وقبضنا عليهم
وأخذنا واحد منهم وعرفنا الطريق منه بس كده