_طيب خلاص لو مش عايزه تتكلمي برحتك انا هدخل انام في الاوضه اللي جمبك لو عوزتي حاجه خبطي عليا
=يااربي انا بيحصل فيا ليه كل ده.. انا ليه يتفرض عليا حاجه انا مش عايزها يارب بقي انا تعبت
فضلت اعيط طول الليل لحد ما نمت.. ولكن مكنتش تعرف ان حد سامعها وقلبه بيتقطع عشانها
_والله يا زهره ما هخليكي تعيطي طول ما انتي معايا ولا دمعتك حتي تنزل بس سبيلي فرصه اكون جمبك.
تاني يوم الصبح.. صحيوا علي صوت ناس صحيت.. زهره جت تجري علي اوضه ادم.
لاقيته لابس وفتح..دخلت الاوضه تاني.. ولبست بسرعه قبل ما ماما تدخل عليا
_يارب يابنتي تفضلوا مبسوطين دايما يارب
=ضحكت لان اوهمت امي اننا اسعد اتنين في الدنيا طبعا مش عايزه ازعلها لانها من اي شئ بتتعب.. اقولها ايه اقولها انها السبب فاني اتجوز واحد مش بحبه.. اقولها اننا عملت كل ده عشان تبقي مرتاحه ومبسوطه.. يارب انا تعبت رايحيني بقي يارب
عدي اليووم وكان متعب جه الوقت اللي لازم اتكلم فيه مع ادم لازم اقوله علي كل حاجه عشان ارتاح يارب يفهمني يارب
×سمعت صوت خبطت علي باب اوضتي قطع تفكيري فيها فيها هي هي وبس هي حب عمري كله.. يارب انا عارف انها مش بتحبني وبتعتبرني دايما اخوها عارف ان كنت اقرب حد ليها وعارف كمان كل حاجه عنها معرفتش اعملها زي ماهي بتعاملني للاسف قلبي كان اللي بيتحكم وانا معاها.. قمت وفتحت الباب كأني كنت نايم..
_زهره في حاجه
=انا كنت عايزة اتكلم معاك ممكن
_اكيد اتفضلي طبعاا
بعد سكوت معرفش عدي قد ايه بس حاسس ان عدي بسرعه وانا بصص علي عنيها انا حساس بالوقت بس للاسف الوقت مش في صالحي ان ابص عليها.. قلبها مش معايا.. بس انا واثق انه هيبقي معايا.
_في حاجه يا زهره
=ادم انا
_عارف اللي هتقوليه يا زهره عارف انك مش بتحبيني وعارف انك دايما معتبراني زي ما دايما بتقولي( صديقي الصدوق)عارف كل حاجه يا زهره وعمري ماهجبرك علي حاجه
=طيب يا ادم بدل ما انت عارف ليه جيت واتقدملتي انت عارف انت ايه بالنسبه ليا وعمرك ما هتبقي اي حاجه تاني فاهمني عمرك ما هتبقي حاجه تاني غير كده..
اتنرفزت جداا من كلامها
_طيب يا زهره هنشوف... وخليكي فاكره انك هتجيلي وتقوليلي انك بتحبيني.. وانتي عارفه اني مش برجع في كلامي
=يووووووه.
جريت علي اوضتها.... وفضلت تعيط
=انا اسف يا زهره والله ما سهل عليا اني اسمع صوتك بتعيطي بسببي بس انا اوعدك ان عمري ما هخليكي تبكي تااني.
عدي اسبوع وهي مش بتكلمني ولا حتي بتطلع من الاوضه قاعده طول الايام فيها ومش بتخرج. بطلع من عند امي الاقيها مجهزه الاكل ومش موجوده.. مش بشوفها وحشتني اووي يارتني ماتجوزتها.
ادم بتريقه:خلاص خلصت اجازه شهر العسل اللي بجد كانت احلي اسبوع في حياتي وانا مش بشوفها ده انا كنت بشوفها كل يوم ولما تبقي مراتي وفي بيتي ما اشوفهاش يارب علي الحظ
خبطت علي اوضتها كتيرر مردتش قلقت عليها جدا ودخلت لاقيتها نايمه زي الاطفال..
قعدت جمبها.. وفضلت اكلمها
_عارفه يا زهره عارفه انا بحبك من قد ايه من وانا عيل صغير بحبك من اول لما عرفت يعني ايه حب حبيتك اكترر من اي حاجه في الدنيا.. كنت بتوجع من وانا صغير وانا شايفك دايما بتعمليني علي اساس ان انا اخوكي.. كنت بفرح لما الاقيكي تحكيلي علي كل حاجه في حياتك عارف ان انا الوحيد اللي بتكلميه وبتحكي معاه وان حتي اصحابك البنات مش بتتكلمي معاهم زيي عارف ان انا بالنسبه ليكي غير اي حد.. عارف دايما لما كنتي بتتمني فارس احلامك.. عمري ما بنسي جملتك( انا عايزة واحد زيك بظبط يا ادم زيك في كل حاجه.. حد يخاف عليا زيك حد اكون اول اهتماماته ..انا عايزه واحد زيك في ثقتك في نفسك. شيكتك طولك شعرك الناعم ده. كل حاجه كل حاجه )
طيب اديكي لاقتيني انا ومش بحب حد غيرك في الدنيا دي كلها.. وعايزك انتي تكملي معايا حياتي كلها ومش عايز غيرك فيها اول لما قولت لمرات عمي ان انا بحبك لاقيتها مستغربتش وقالتلي انها عارفه اني بحبك من زمان طيب ده مرات عمي حست انتي محستيش بيا.. خلاص انا مش هبكي تاني وهخليكي تحبيني.. وعارف انك هتحبيني وده وعد...
بعد ما خلصت كلام معاها مسحت دموعي.. وهزتها عشان تصحي
_زهره زهره.. يابنتي قومي بقي
=ايه ايه يا ادم في ايه بتصحيني ليه عايزه اناام
استغربت انها متخضتش اني انا اللي بصحيها مع اني عارف ومتاكد انها بتخاف من اي حد بيصحيها لانها بتخاف
.. مش معقول تكوون
_طيب اسمعي الاول قبل ماتنامي انا نازل بكره الشغل.. حبيت اقولك عشان تبقي عارفه.. يلا تصبحي علي خير
