اليوم مو متل باقي الايام
عيد ميلاد امي واختي الصغيرة
الساعة 1:30
فقت متأخرة كلعادة لانو عطلة ومبارح سهرت كتير نزلت على غرفة الجلوس لقيت امي عم تطبخ واختي عم تزين
رحت لعند امي بسرعة
نور: ماما ليش ما فيقتيني انتي روحي ارتاحي انا لح كمل
لمى: لا ياروحي مو مشكلة قربت خلص روحي ساعدي ريم بباقي التزين
نور:ماشي ..ريم. (صرخت بصوت عالي شوي)
ريم: جيتي بوقتك تعي علقي هي ماعم اوصل
ملاحظة(انا نور عمري 16 وريم اختي عمرها 11)
كملت التزين واطلعت علغرفة من بعيد كانت كتير حلوة
رن الجرس ؛ركضت افتح الباب هاد بابا
كلعادة معصب جايب معو صواني الحلو
قلي وهو عم يفوت من الباب بسرعة هلق فقتي مشي من جنبي بسرعة قبل ما يرد
ركضت وراه
نور: هات عنك بابا ما بيسوالك التعب
حسن: خلص اصلا مالح فوتهن علمطبخ .صحي بابا خدي هدول المصاري وديهن لعمك ضروروي وانتبهي ما تضوعيهن وما تتأخري بدي ياكي بشي تاني
(كلعادة وصاية الأب)
نور:ماشي بعد شوي بروح
اطلعت على غرفتي وصرخت لاختي ريم تجي
ريم:شبك خوفتي فكرت انو مسويية شي
نور : لأ مافي شي بس لح اعطيكي مصاري بتروحي بتوديهن لعند عمو أبراهيم وأوعك تضيعيهن تمام ولا تركدي منشان ما يهرو منك
ريم: بلله سمعت بابا وهو عم يقلك الك مالح روح
نور:ماشي ياريم لح روح ومالح جبلك هدية
ريم :اصلا مابدي هديتك 😒
(وتطلعت عليي نظرة المستغني .لبست وجهزت حالي لحتا روح صارت الساعة 2:20 )
ركضت طلعت من الباب بسرعة لقيت اجو مرت عمي وولادها سألت مرت عمي وينو عمو ابراهيم قالتي هو بلمحل
قلتلها تمام رايحة لعندو بدك شي (ردت لأ)
(بعد ما دخلت الحارة تبع بيت عمي حسيت بأيد صارت على تمي وبلشت اغفو شوي شوي لحتا اغمى عليي تماما )
