هلاو
#الحب لا يعرف المستحيل
البارت 21
اميرة: شمالة الزلمة تسودن انة مابين اخرب ومابين اطكة واطلع بس شني احسن روحي بادت مابية ارفع اصبع رجلي مدري شجاني وشحسيت
رامي: ظليت اباوع بعيونها واتلمس بشعرها
مابين تعبان مابين فاقد تقربت منها وبستها
اول مرة بحياتي اتقرب لبنت بهاي الطريقة
اميرة: باساني وانة مابية ادافع عن نفسي مابين حابة هالشي ومابين ماقابلة بقت بس دموعي تصب من عيني ما اعرف شسوي وشلون اتصرف كلبي ظل يدك مثل الطبل
رامي: ابتعدت عنها شوية شفتها مغمضة عينها وتبجي ما اعرف شلون اتجرأت وهيج سويت حيل اتندمت وكرهت روحي بساعتها بس الصار صار
ظليت مرتبك ما اعرف شكول وشنو ابرر ظليت امسح بجبهتي عركت تعبت ما اعرف شنو شعوري
ابتعدت عنها كعدت ع الجرباية نزلت راسي وايدي ع وجهي وهي ع نفس وكفتها
اني اسف
اميرة: اريد اسيطر ع دموعي بس ما اكدر النوب من كال انة اسف وانة زادن دموعي ظلن يجرن عشرة عشرة ظليت متبسمرة بمكاني شسوي وين اودي وجهي ما اعرف
رامي: رفعت راسي الها لكيتها تباوع علية وتبجي بحركة....
اطلعي برة 😡
اميرة: عاط بية وانة جفلت فوك ما مسويلة مكسورة وياي النوب يصيح ويزمخ عليّ
انة هم ماكلت باطل طلعت وركعت باب غرفتة حيل
نزلت لغرفتي وانة طاكة من البجي ساعة اكولن ها اعوفن البيت واطلع انهزم وساعة اكولن وين اولي وين انطي وجي
ظليت ع هالحال لثاني يوم وانة ماطالعة من غرفتي
رامي: طلعت وركعت الباب وراها واني نمت بفراشي حتى ملابسي مابدلتهن حاولت ثاني يوم اكعد من وكت حتى ما اشوفها اني صح غلطت بس مو بقصدي مع ذلك مراح اسامح نفسي
كعدت ساعة 6 سبحت بدلت دكيت الباب ع آشتي
آشتي: منو
رامي: آشتي اطلعي سويلي ريوك لو سمحتي
آشتي: صار ببا
اميرة: سمعتة كعد ودك باب آشتي الظاهر مايريد يشوفني ويفشل من عملتة وياي
انة هم ماطلعت ظليت كاعدة بغرفتي
واتذكر الموقف ساعة اضحك ع روحي وافرح وساعة اضوجن وانقهر هسة شيكول عليّ الزلمة ناطية روحها يو رخيصة
لهناك سمعت صوت سيارتة اشتغلت اظنة طلع
انة كمزت من مكاني فتحت باب غرفتي وطلعت اباوع منا منا ماكو احد ادور ع هاي عطسة ماشفتها رحت للمطبخ
سويتلي ريوك وتريكت ونظفت المطبخ النوب رديت ع البيت
لمحت آشتي تنظف بالحديقة والكراج
وانة ظليت انظف بالبيت صارت ساعة 10 خلصت طبيت للحمام وحلفت بعد هالدشداشة مالبسها للموت شني خالة لبستها وعميت ع روحي خلصت لفيت الدشداشة بعلاكة وشمرتها بحاوية الزبل
طبيت لغرفتي مشطت شعري سويتة ضفيرتين ولفيت حجابي ع راسي النوب التهيت انظف بغرفتي النوب صار الضهر طبيت للمطبخ سويت غدة دجاجة شوي وتمن برياني وشوربة عدس وزلاطة ولبن حضرتهن بالمطبخ وطبيت لغرفتي حتى يجي يتغدة خطية اظنة بعد مايكدر يباوع بوجي يستحي مني وهالخوثة هاي ماتعرف تطبخ عدل
رامي: طلعت لموقع التصوير صارت ساعة 12 الضهر مريت ع الشركة صارلي 3 ايام مرايح
مساء الخير
