ٱلُـ‘ـُسُـ‘ـُلُـ‘ـُٱمُ عُـ‘ـُلُـ‘ـُيُـ‘ـُكُـ‘ـُمُ
#الحب لا يعرف المستحيل
البارت 33
عشت برعب وجوع وقهر وذل
رغم جمالي والشباب تتحارش بية بس صرت رجال ومحد كدر يمسني بحجاية
نمت بالشوارع بالحر والبرد وكلت الله يفرجها وادعي ليل ونهار الله يسترني
اريد بس سكف ستر
وانت اجيت بطريقي وصادفتني اكثر من مرة خدمتك بالشركة مالتك وخدمتك ابيتك وصرت ع مرامك حتى لبسي وكلامي واسلوبي غيرتة كلة لخاطرك وخلفلة عليك تعبت وياية ولفيتني ابيتك كل هالمدة خلفلة عليك طولت خلك وياية وتحملتني بكل حالاتي
وحتى من مديت ايدي سامحتني تعبت وياية وصلتني لهل مرحلة
اشكرك جدآ بس صار لازم اشوف حالي
اني ما اكدر اخدمك بعد
ما اكدر اباوع بوجهك وانت مقدملي اهانة تسوة حياتي كدام العالم كدام اليسوة والميسوة
اني صح خدامة وجنت ناوية طول عمري ابقى خدامة تحت امرك
بس لا ما اكدر
بشنو اختلف عنكم بشنو اقل منكم اني هم بنت ناس وعشاير
واهلي ناس معروفين واصحاب مال وجاه بس اني منحوسة ومحد يريدني ومابقالي خيار ثاني غير ادخل لبيتك واخدمك
انت متكدر ترتبط بخدامة مثلي انت تريد ترتبط بوحدة ابوها تاجر ابوها معروف بوحدة عايشة حياة ترف
اميرة متشرفك اميرة ألي جاهدت من صغرها واسترجلت حتى محد يمس كرامتها وكيانها متشرفك اقل من مستواك انت وحبيبة القلب روان
رامي: اميرة انتي شدتحجين انتي تشرفيني وتاج ع راسي هذا كلامج كلة مموجود بقاموسي بس اني حجيت هالحجي لان ألي قصد بيه انتي مدتفهمين شي
اميرة: روح رامي خليني اروح بطريقي اني ما ارجع لبيتك بعد
رامي: رامي هيج رامي بدون استاذ بدون اي شي
اميرة: اي رامي الظهار كلمة استاذ علتك زيادة ونسيت نفسك بشر لا حول ولا قوة حالك من حالي
رامي: كافي لتخربطين امشي اصعدي للسيارة وياية
وخلينا نرجع للبيت
اميرة: كتلك ما ارجع وياك روح ارجع لبيتك ولروان حبيبتك اني دا اسببلكم مشاكل..
عفتة ومشيت
رامي: عافتني ومشت مشيت وراها بعصبية جريتها من ايدها فريتها عليه ضربتها راجدي
اميرة: محسيت ألة انلزمت من ايدي حيل وافتريت وانضربت.
لزمت خدي
هاي هية هاي ألي الله كدرك عليها تمد ايدك علية فوك الغلط مالتك
فوك متروح لروان ألي هانتني تجي علية تحاسبني
انتو ناس بلا رحمة
ظليت اصيح وابجي
رامي: هالبنية ضعيف جدآ كدامها وكدام دموعها جريتها علية حضنتها
ظليت امسح بدموعها
ماكو احد ظلمة ومحد يشوف تقربت منها اتلمس بشعرها حسيتها هدأت..
كافي تبجين لخاطري اني اسف
اميرة: ياكلبي الفطير بس لزمني نسيت كلشي وهدأت بس دموعي تجري
رامي: مو كلنا كافي تبجين
مسحت دموعها
اني من حجيت هذا الحجي حتى بعد متتقربلج وتأذيج حتى تخلي ابالها اني لا راح اتزوجها ولا اتزوجج حتى ترتاح وتبتعد عنج بعد حتى اخليها حايرة ودايخة منو راح اتزوج وع منو متعرف والمن احب
هسة افتهمتي مو لان انتقص منج بالعكس
هسة وصلت الفكرة
اميرة: اي وصلت
بس انت صدك تحب بنت التاجر
رامي: لا طبعآ هي روان جنت احبها وبسبب افعالها كرهتها ومناوي ارجعلها وراح انهي كلشي وياها
اميرة: يعني متحب اي وحدة هسة
رامي: لا ما احب لا روان ولا بنت التاجر ولا بنت رجل الاعمال
اميرة: ومتحب بعد لو هم ترجع تحب
رامي: ليش ما احب يجوز هسة اني بديت احب وحدة بس هي غبية مدتفتهم
👑ٱبُـ‘ـُوٌ شُـ‘ـُبُـ‘ـُلُ👑
