بين جدران الألم

1

-يعني اي مش عايزه كتب كتاب ليه دلوقتي يا سيلا
-يا أحمد أنا عايزه أكتبه في الفرح زي البنات
-أنا مش فاهم ما لسه 20 يوم بس عالفرح هيحصل حاجة لما نكتبة دلوقتي
-ومش هيحصل حاجة لما نكتبة في الفرح
-أنا مش عايز نتخانق وأنتي بتعاندي
-خلاص يا أحمد بقي علشان خاطري أجل كتب الكتاب
-ماشي يا سيلا أما نشوف أخرتها معاكي

"أنا سيلا عندي 24 سنة متخرجة من كلية علوم قسم كيمياء، أحمد خطيبي _زوجي مستقبلياً_ عنده 30 سنة خريج كلية تجارة وبيشتغل في بنك"

-مالك يا سيلا في حاجة ولا اي
-اي لا مش عارفه بس دايخة ومصدعة شوية
-مش ملاحظة انك بقالك فترة كدا
-مش عارفه يا أحمد يمكن من تحضيرات الفرح والمشاوير وكدا مرهقه
-ممكن برده بس روحي أكشفي علشان تقدري يا سيلا
-حاضر

-في منزل سيلا-

-يا ماما تعالي شوفي الحاجات اللي جبتها للفرح
-جبتي تاني يا سيلا يا بنتي أنتي ماشاء الله مفيش حاجة مجبتيهاش وكل يوم ترجعي تقولي جبت
-خلاص ياماما بقي هعمل اي بضعف قدام الحاجة
-تعيشي يا حبيبتي وتستعمليهم
-عارفة أنا خايفة اوي يا ماما
-من اي بس يا حبيبتي
-حسه اني مش هتجوز او لو اتجوزت هموت
-بعد الشر ليه بتقولي كدا
-مش عارفه إحساسي كدا ودا سبب رفضي لكتب الكتاب مش مرتاحة حقيقي
-أعملي الي يريحك محدش هيغصبك علي حاجة
-تسلمي يا مامتي، هقوم أنام بقي مش قادرة خلاص 
-ماشي يا حبيبتي تصبحي علي خير
-وأنتي من أه....
-سيلا مالك
-آه مش عارفه دوخت جامد فجأة وكنت هقع
-يابنتي لازم تأكلي عماله تقللي أكلك وفي الآخر هتقعي من طولك اهوه.
-هقوم أنام وبكرة هكون كويسة

"علي الجانب الآخر"
-أهلًا العريس جه أخيرًا اي ياعم هي خدتك مننا من قبل ما تتجوز
-ههههههه بنجهز الشقة بقي
-ربنا معاك يا صاحبي، امال مش هتكتبوا الكتاب بقي ولا ناوي تكتبه من ورانا علشان منعملش معاك الواجب 
-هه لا والله سيلا مش عايزه نكتبه دلوقتي بتقول عايزه زي الموضة في الفرح
-يا جدع
-اه والله، ماشي مفرقتش بقي
-بس مش عارف حاسس ان سيلا فيها حاجة.
-حاجة زي اي
-تعبانة كدا ووشها أصفر ودائما دايخة وعلطول بتكون هتقع من طولها
-أكيد من ضغط الفرح
-مش حاسس كدا، أنا هروح أنام بقي مش قادر
-تصبح على خير

"في صباح اليوم التاني"

سيلا"يارب أنا مش مطمئنة لفكرة كتب الكتاب وحسه إن هيحصل حاجة لو في إشارة انه خير ليا قولي"
"دماغي يارب مش قادرة اه أنا لازم أروح أكشف وأحلل"

-ألو، إزيك يا روح
-سيلا وحشاني جدا والله 
-وأنتي كمان والله عامله اي
-الحمد لله
-بقولك عايزين نتقابل.
-بس كدا هقوم أجهز
-اي دا بالسرعة دي
-طبعا العروسة سيلا بتقولي نخرج يبقي أكيد هنروح نجيب حاجات بنات وأنا بفرح اوي بحاجات البنات دي
-ههههههه أنتي اي يابت، بس لا مش هنروح نجيب حاجات بنات أحنا هنروح لدكتور.
-نعم ليه مالك؟
-مفيش يلا لما نتقابل هقولك
-طب يلا خمس دقائق وهعدي عليكي
-ماشي

-ماما أنا نازلة
-راحة فين تاني
-هنزل أقابل روح
-تمام خدي بالك من نفسك
-ماما هو بابا مش هينزل علي الفرح
-"تنظر الي الأرض بإنكسار" مش عارفه والله يا سيلا هبقي أكلمة
-تمام سلام

-العرورة نورت العربية
-اي عرورة دي اتلمي
- سيلا مالك
-يا بنتي ما انا زي الفل اهوه
-زي الفل دا أنتي وشك أصفر اوي هو أنتي بتبصي للمراية دا أنتي خسه النص
-لا أنا مبأكلش علشان الفرح
-ولو عمرك ما كنتي تخسي كدا بينا عالدكتور يا أبلة.
-لا الاول هعمل تحليل شامل وبعدين نروح للدكتور
-تمام يلا

-الو يا سيلا أنتي فين
-أنا بشتري حاجات
-لوحدك
-لا معايا روح
-تمام لما تخلصي كلميني
-حاضر

-مقولتيش ليه انك عند الدكتور
-هيقولي مالك وكدا واحنا شادين مع بعض.
-ليه يا بنتي
-تعالي نروح ناكل علي ما نتيجة التحليل تطلع ونروح للدكتور
-يلا
-يا بنتي هو انتي سهلة اوي كدا
-وصاحبت صاحب يقولي ناكل اقوله مراحب
-ههههههه  أنتي مصيبة والله

-ها متخانقين ليه بقي
-عايز نكتب الكتاب دلوقتي وانا بقوله لا
-مش موافقه ليه
-خايفة اووي" بدات في البكاء"
-يا حبيبتي طيب بس تعالي في حضني
-خايفة يا روح محدش حاسس بيا
-اي السبب
-كل حاجة مخيفة ساعات بحس اني بحبه وساعات بحس اني مش طيقاه ساعات بحس انه فعلا عايزني وساعات كتير بحسه مغصوب
-هيكون مغصوب ليه
-نسيتي انه ابن خالتي وابوه الي قاله عليا
-طب فين وجه انه مغصوب بقي
-مش عارفه مش عارفه
-طب أهدي متعمليش غير الي عايزاه عايزه تاجلي كتب الكتاب أجليه ولا يهمك يا سلام
-ربنا يخليكي ليا يا روح بجد أنتي بتهوني عليا كتير
-دا اقل ما عندي
-ههههه طيب يلا نروح ناخد الصدمه
-صدمة اي
-مش احنا هنروح عند الدكتور
-اه
-طيب ما هو هيقولنا علي صدمة
-هو انتي مش قولتي عايزه فيتامينات بس
-اه بس قلبي مقبوض
-طب يلا والله هتكوني كويسة يلا

"عند الدكتور"
-والله يا أستاذة سيلا مش عارف أقولك اي
-خير يا دكتور سيلا عندها اي
-هو أنتي بداتي تحسي بالاعراض دي من امتي
-بقالي شهر تقريبا
-اتاخرتي جدا
-اي خير يا دكتور
-أنا أسف بس أنتي عندك كانسر
-سيلا:......."سقطت علي الارض"
روح:سيلااااااا

---------------يتبع
#دموع_قلم
#نورهان_متولي
#بين_جدران_الألم
#حكاوي_نورهان_هتكبر