-ملك أرجعيلي مش قادر أعيش من غيرك
-أبعد عني يا أحمد
-ملك تعالي يا ملك نرجع أنا بحبك والله
-سيبني يا أحمد في حالي أنا عايزه أعيش واربي عيالي ابعد عني
-يا ملك هكون معاكي ونكمل حياتنا سوا
-ابعد عني يا أحمد....... يا أحمد يا أحمد
"يستيقظ من نومة" -ماما خير في اي
-مالك يا ابني عرقان كدا ليه
-اه كابوس ياماما
-خير يا ابني احكي
-هه لا ملوش لازمة
-طيب قوم يلا علشان تفطر، هتروح تشوف سيلا النهارده
-لا
-ليه
-سيبنا بعض
-يا لهوي ليه ابني
-نصيب يا ماما نصيب
-سيبتها في علاجها يا ابني ومرضها
-خلاص بقي يا ماما
-ربنا يهديك يا ابني
أحمد "تاني يا ملك بعدتي عني في الواقع وبتطارديني في أحلامي ليه تعبت منك يا ملك اه لو ترجعيلي"
"في المستشفى"
-معلش يا سيلا يا بنتي دا كان الحل الوحيد علشان أحافظ عليكي وتكوني في رعاية
-ولا يهمك يا ماما أنا مقدرة دا والأفضل إني كنت أقيم في المستشفى فعلا علشان هقعد بره لمين
-يعني مش زعلانة مني
-لا يا ماما متقلقيش، ويلا علشان تلحقي الطيارة
-ماشي يا بنتي أنا هكون معاكي عالتليفون دائما وهخلي روح معاكي وفي ممرضة مسؤولة عنك
-تمام يا ماما خدي بالك من نفسك
-في رعاية الله
"حتي ماما بعدت عني هو أنا حمل التعب دا كله ياربي أحمد بعد وماما سافرت وروح عندها ظروف يارب دبرلي حالي"
-الممرضة: سيلا يلا أجهزي علشان عندك جلسة
-سيلا: جلسة اي
- الممرضة: اشعاعي عايزين نحدد مكان الورم بالظبط علشان نقدر نستأصله
-سيلا: تمام
"علي القهوة"
-مالك يا أحمد
-تعبان يا محمد اوي
-رجعت تحلم بيها
-وأنا من أمتي بطلت أحلم بيها
تعبتني اوي
-يابني لازم تنساها وتبعدها عن تفكيرك
-مبفكرش فيها طول يومي ناسيها بتحيلي في أحلامي.
-أنت عارف أصلا هي في اي بلد
-لا والله هي بتلف العالم اصلا
-مش كانوا قالوا ان جوزها مات
-آه وأشتغلت تاني مضيفة طيران
-أنا مش فاهم أنت بتحبها علي اي والله دي سيلا برقبتها
-أه ملك هي ملكت قلبي يا محمد وأنا توهت في عينها الي زي البحر
-طب والله الحمد لله ان سيلا فركشت
-ياعم بقي أنا رايح الشغل
-هتسافر امتي
-كمان أسبوعين
-لازم أشوفك
-أكيد
"في مكان أخر تهبط الطائرة علي بلاد غريبة وبلاد لم تسمع عنها إلا كلمات السوء من المفترض أنها ستكون بجانب زوجها ولكنها لا تقبله وتتمني أن يطلق صرحها ولكن كيف وهو يمسك عليها أوراق تذهب بها الي السجن الأبدي ولا محال إن حكم عليها الأعدام عدة مرات"
"في سويسرا"
-حضرتك حرم الشناوي بيه
-أيوه أنا مين حضرتك
-أنا مكلف بأني اوديكِ لحد عنده
-تمام شكرا
_بعد مرور الوقت_
-أهلا وأخيرا جيتي سويسرا يا عزة
-عايز اي يا شناوي ابعد عني وطلقني بقي
-أطلقك؟! " يضحك بسخرية وإستهزاء" ، أدخلي حسابك معايا لما أرجع
-حرام عليك بنتك مريضة كانسر ولازم أرجعلها
-ههههه هتموت أمتي
-منك لله دا انت شكلك أتجننت فعلا الفلوس جننتك
-أخرسي يا عزة هحبسك
-نهايتك عل أيدي يا شناوي
-أحبسوها في الأوضة
_الشناوي والد سيلا مسافر سويسرا او نقدر نقول هربان السبب هنعرفه قدام رجل يكره عزة_ام سيلا_ ولا يحب سيلا مطلقًا_
"نرجع تاني لمصر"
-روح وحشتيني اوي
-وأنتي كمان والله يا سيلا أنا اسفة إني مش عارفه أجيلك والله
-طب مش هتحكيلي في اي
-أنتي ناقصة يا سيلا
-أنا برتاح لما تحكيلي، أحكي
-بابا تعبان اوي وحالته الصحيه وحشه
-الف سلامة عليه التعب بتاع كل مره
-آه القلب وبقي ضعيف أكتر
-يالله ربنا يشفيه يارب
-يارب، معلش هروح أنا بقي علشان بابا
-ماشي خدي بالك من نفسك
-هتعملي العملية أمتي
-كمان أسبوع
-لازم أكون معاكي.
-هعرفك أكيد
-ماشي سلام
روح وهي تخرج من باب المستشفي" يارب أشفي بابا وسيلا أنا مليش غيرهم يارب يارب"
-ااااه، مش تحاسب
-أنا برده أنتي الي ماشية سرحانة يا أستاذة
-" بإنفعال" أنا سرحانة وحضرتك اي بقي
-طب أهدي أنا أسف بتعيطي ليه يا.. .
-روح اسمي روح
-مريضة؟
-لا كنت بزور صاحبتي
-ألف سلامة عليكي
-الله يسلمك يا...
-أسر
-عن إذنك لازم أمشي
"ربما يخلق الحب من بين جدران الألم......."❤
-----يتبع
رأيكم وتوقعاتكم ❤
وتفاعل بجد حرام. 💔
#نورهان_متولي
#بين_جدران_الألم
أنت تقرأ
بين جدران الألم
Romance(ربما بعض الأبتلاءت تكن لك منقذ من إبتلاء أكبر، هكذا دائما ما أظن ذلك وأؤمن بهذا، أشعر وكأن كل خيبئة أمل كانت سبب في أن أصبح أقوي، الضربة التي لا تجعل تفراق الحياة فهي تجعلك تقوي علي إستكمال الحياة)
