-روح الدكتور قالك اي يا بنتي
-للاسف يا طنط سيلا عندها كانسر في الدماغ
-يالهوي، لا إله إلا الله، لا حول ولا قوة إلا بالله
-أهدي يا طنط هتتعالج إن شاء الله وهتبقي كويسة
-كلمتي خطيبها يا بنتي
-آه وقالي انه جاي في السكة
-طب أنا هروح أكلم الدكتور يا بنتي أشوف هنعمل اي
"في مكتب الدكتور"
-طمني يا دكتور بنتي مالها
-يا حجة أهدي إن شاء الله هتتعالج وتبقي كويسة
-في أمل تخف
-والله كل حاجة بأمر الله وإن شاء الله تخف
-طب وفرحها يا دكتور
-والله الاحسن أنه يتأجل لانها هتفضل معانا لازم نبدا علاج وحتي لو اتجوزت هي هيظهر عليها أعراض تانية وحالتها جسديا مش هتساعدها علي الزواج من الأفضل يتأجل
-طب وهنبدا العلاج أمتي
-النهارده هعملها شوية فحوصات وأشعات علشان نحدد مكان الورم ونشوف هنقدر نتدخل جراحي او لا
-تمام شكرا يا دكتور
-العفو، الف سلامة عليها
-الله يسلم حضرتك
"علي الجانب الآخر"
-اي يا عريس مالك
-بالله أسكت يا محمد بلا عريس بلا نيلة
-في اي يا احمد مالك
-مش قولتلك حاسس ان سيلا فيها حاجة
-اه مالها
-عندها كانسر
-اي ازاي لا حول ولا قوة إلا بالله، وهتعمل اي
-ولا عارف مفروض اعمل اي
-أنت بتفكر تسيبها
-مش عارف يا محمد بس كدا هيبقي في حاجات كتير اوي عليا وأحنا يعني مش واخدين بعض عن حب علشان استحمل
-كل دا ومحبتهاش يا ابني
-لا
-وهتعمل اي
-مفروض ابان الشهم الجدع علشان مطلعش ندل
-يا ابني انت عايز تتخلي عنها
-ياعم بقي اتخلي عن مين دي طول الخطوبة مقالتش كلمة حلوة حتي
-طب مش هي مفهماك انها هتمشي علي ضوابط الخطوبة.
-اه وكانت متمسكة اوي
-والله دي غلطتك ولو سيبتها تبقي ندل فعلا
-هو أنت معايا ولا معها يا محمد
-أنا مع الحق يا صاحبي
-أنا هقوم أمشي عايزني في المستشفى
أحمد" هي صعبانة عليا وكل حاجة بس مش كفاية مش بحبها وحتي الي حبيتها أتجوزت وسابتني أنا قولت هحبها بعد الجواز هو آه محدش غصبني عليها بس هي عقليا مناسبة ليا..لكن... قلبي عاصي أوي ولسه بيحبها."
"في المستشفى"
,ببرود' :سلام عليكم، إزيك يا سيلا ألف سلامة عليكي
سيلا: الله يسلمك يا أحمد
-إن شاء الله هتقومي بالسلامة
-أحمد الفرح هيتأجل
-'بإنفعال وإندهاش' :فرح مين دا الي يتأجل
-'بضعف': فرحنا يا أحمد
-سيلا هو أنتي علشان كدا كنتي رافضة نكتب الكتاب
-والله أبدا بتظن فيا كدا ليه أنا فعلاً لسه عارفة النهارده والله لا
-ماشي يا سيلا الفرح هيتأجل لامتي
-هو أنا عارفة هخف أمتي يا أحمد
-تمام أنا ماشي هتعوزي حاجة.
-شكرا يا أحمد... شكرا
سيلا" هو ربنا الي بيقدرلنا الخير دائما بس فين الخير في الي أنا فيه دا.. أنا تعبت.. خذلان.. ألم.. أحمد أنا مشوفتش في عينة نظرة حزن عليا مشفتش نظرة قلق ولا نظرة خوف...أمال غلاوة حبك فين وفين حنان قلبه عليا!.."
-سيلا حبيبتي لازم نبقي أقوي كدا علشان العلاج
-ماما أنا هسيب أحمد
-أنتي بتقولي دا فراحكم بعد كام يوم
-فرح مين يا ماما الفرح هيتأجل
-آه صح، بس هتسبيه ليه يعني
-ماما أنتي شوفتيه وهو داخل عليا كانت عينه عامله إزاي
-....._بصت الي الأرض بإنكسار_
-ردي يا ماما، ولا أقولك أنا هقولك كان واحد داخل قرفان تحسيه جاي غصب واحد مجبر يستحملني واحد مفيش في عينة نظرة ولو شفقة والله، أنا ملقتش الأمان يا ماما في عينة وشوفتي أنفعاله لما قولت الفرح هيتأجل أنا مش هكون في أمان معاه يا ماما
-أعملي الي يريحك يا بنتي
-ماشي يا ماما، روح راحت فين
-روحت يا بنتي أبوها رن عليها خلاها ترجع
-طيب قومي يلا أنتي كمان روحي
-لا أنا هبات معاكي
-مينفعش يا ماما، روحي وبكرة تعالي
-حاضر غصب عني والله يا سيلا
-أدعيلي يا ماما
-حاضر يا بنتي
"المرض دا جديد عليا آه أنا كنت مهمله في نفسي ومكنتش بركز مع تعبي بس توصل ان عندي كانسر ومحسش آه يارب صبرني
بعد عياط طويل وبكي طول الليل قررت إني أكتب بعض من مشاعري علي ورق علشان لما أموت يقروها"
_شعور غريب ولكنه مخيف شعور أفزعني أكثر من فزعي من مرضى وهو أنني بحثتُ عن الأمان في عينيك ولم أهدتي إليه
"بعد مرور عدة أيام"
-ماما كلمي أحمد
-هو مجاش من ساعة ما مشي يا بنتي
-هههههههه لا تخيلي.
-أكيد مشغول
-كلميه يا ماما قوليله يجي علشان أريحه
"بعد مرور عدة ساعات"
-سيلا أزيك يا حبيبتي
-ههههه حبيبتك
-آه مالك
-هه لا مفيش
-معلش معرفتش أجي الأيام الي فاتت كنت بجهز ورقي علشان مسافر
-مسافر! فين
-السفرية الي كانت بعد الفرح وأنا كنت لغيتها
-وأنت رجعتها تاني
-اي.. ا.. لا هما الي لما لقوا إني قطعت أجازه الفرح قالوا طب سافر
-طب وأنا.
-مالك محتاجة حاجة
-مش مفروض تكون جمبي يا أحمد في تعبي
-هما أسبوعين وهرجعلك يا سيلا بلاش نكد
-أسبوعين آه "تنظر إليه بحسرة"
أمسك يا أحمد
-اي يا سيلا دا
-اي مش شايفها
-الدبلة يا أحمد الدبلة، أنا أسفة أنا مش هقدر أكمل معاك أنا بقول الكلمتين الي موجودين في عينك من ساعة ما تعبت أنك مش هتقدر تستحملني أنا مش هكمل معاك يا أحند أبعد وسيبني أنا عايزه أتعالج وكفاية كدا أنا مش عايزه أكون تعب عليك
-سيلا أنتي بتقولي اي
-بقول الي أنت معرفتش تقوله.
-بعد اذنك يا احمد انساني وانا هنساك، ماما بكرة تعدي عليها تاخد باقي شبكتك اما أنا فأنا هتعالج علشان نفسي
-سيلا أنا أسف
-أطلع بره يا أحمد ملكش ذنب ومتتأسفش علي حاجة أنت عايز تعملها
-أهدي يا بنتي كدا
-أطلعوا بره أطلعوا بره كلكم مش عايزه أشوف حد
-يا دكتور ألحقنا
-حقنة مهدئة بسرعة
الدكتور:أنا أسف يا جماعة كلكم أطلعوا برا لازم نلحقها قبل ما تدخل في غيبوبة
ام سيلا: اي بنتي الحقها يا دكتور
منك لله يا أحمد منك لله كسرت بنتي ليه أنت عايز منها اي
أنا دي غلطتي ان وافقت أخليها تتخطبلك منك لله
"يرن الهاتف"
-الو
-أيوه يا أختي أنا حجزتلك في الطيارة الي جاية بكره علي أستراليا علشان تيجي
-اي أسافر لا مش هعرف أسافرلك أنا
-نعم هو بمزاجك ولا اي وربي هسلم الشيكات الي معايا وأسجنك
-أنت بتهددني حرام عليك والله بنتك تعبانة
-لو بتموت هتيجي سلام يا حلوة
"حسبي الله ونعم الوكيل أعمل اي يا ربي أنا أزاي أتجوزت الراجل دا وسيلا هسيبها إزاي وهي كدا يارب أجرني في مصيبتي"
.-بس أنا لقيت الحل.....
"وجع المرض لديه أدويه ماذا عن وجع القلب من الخذلان"
---يتبع----
#بين_جدران_الألم
أنت تقرأ
بين جدران الألم
Romance(ربما بعض الأبتلاءت تكن لك منقذ من إبتلاء أكبر، هكذا دائما ما أظن ذلك وأؤمن بهذا، أشعر وكأن كل خيبئة أمل كانت سبب في أن أصبح أقوي، الضربة التي لا تجعل تفراق الحياة فهي تجعلك تقوي علي إستكمال الحياة)
