part3
سامر: تي شن هدا الزح من العيل اللي لاعب في السياره
تجمعو الطلبه
سامر:مني داير هكا في السياره
طالب:مش عارف يادكتور بس تو نصلحوها عالسريع ماتاخدش وقت
سامر:كيف ماتاخدش وقت تشوف في العجل عالوطا والمنظر يقرف
"عجلات السياره الاربعه مافيهمش هوا والسياره كلها عليها دحي والريحه عاد دايرة الواجب " 😂
اتصل سامر برافعه جت خدت السياره ورفعها غسلها وروح الساعه 5
امه:اهلين وليدي عاسلامتك خيرك عطلت
سامر:مفرخ يلعبو يحسابوني فاضيلهم فاشين العجل ودايرين عليها دحي
امه:لاحول الله هي خش نحطلك غداك
سامر:مانبيش بنرقد بس تاعب خش دوش وكيف حط راسه عالمخده اذكر اينور ناض قعمز وربي ماتطلع الا هيا دايرتها لكن نوريها.
نهى عالهاتف:حي عليك كان شفتيه كيف يعيط وتعصب
اينور:الله 😍محلاه
نهى:معاش فهمتك عاجبك ولا كارهتيه
اينور:مش عارفه يلا نمشي لماما انا بايات
نزلت تجري
خبطت في ندير:اي يا هم خيرك تمشي بلا عيون
اينور:سوري ندورتي
ندير:انبحي معاش تقوليهالي
اينور:برا ملح الحق فيا ندلع فيك ونزلت امي يا امي ياامي
فتحيه:خيرك مش تشوفي فيا قدامك
نادر:هبله
اينور:نبي نمشي لياسو وانت بترفعني
نادر:على خير
اينور:لانك بتعتذر منها
فتحيه:علاش شن درت للبنت
نادر:مادرت شي بصرت معاها زعلت دايره روحها تدلع
اينور تعصبت:معاش تحكي هكا على صاحبتي فاهم
نادر وقف:صوتك ركزي على روحك لما ترفعيه وشوفي فرق السن بينا
فتحيه:اسكتي يا نور تحشمي
اينور:ديما انا نتحشم وخيره هوا ما يتحشمش
نادر:فرخه قاعد ساكت ره
اينور:معادش تكلمني ولا تجي جيهتي لين تعتذر منها اهو قتلك وركبت وبنمشي لياسمين اليوم هي
نادر:بنتك زودتها رهو دلعتوها لين خلاص
فتحيه:انت وبوك مدلعينها مادخلونيش توا
الساعه7 واقفه اينور قدام الباب
نزل نادر:شن واقفه تستني
لفتت وجها مابتش ترد عليه
نادر:بلا حركات صغار نور هيا اطلعي قدامي نمشو لصاحبتك
اينور:حااق
نادر:تو انا نقدر نزعلك
اينور:طبعا لا هيا ومشو الحوش كان قريب
اتصلت بيها ونزلت فتحت الباب
ياسمين تفاجئت:اهلا نور
نادر:مافيش اهلا ليا
ياسمين:اهلا
نادر:اسف مش قصدي شي بكلامي رهو نبصر عليك عادي حاسبك زي نور
اينور 🤦♀️🤦♀️
ياسمين 💔😊:تمام هيا خشي
ركبو مع بعض ونادر روح
اينور:حقربي خوي حمار بهي
ياسمين:عادي عارفاته مش رح ينتبهلي بكل
قعدو يهدرزو وتعشو مع بعض وبعدها روحت اينور
فاتو اسبوعين وثالث اسبوع
خاشه اينور للقاعه تغني: لربما لو هزك الشوق بتجي
سامر:صوتك يا طالبه
اينور ارتبكت:اسفه كنت نحساب القاعه فاضيه
سامر:تفضلي
قعمزت اينور مقابلاته في اول كرسي
سامر:كم عمرك انتي
اينور:م97
سامر:كبيره والمفروض تكوني عاقله
اينور:شفتني نجري ونعيط 😒
سامر:اللي درتيه في سيارتي حركات عاقلين
اينور بثقه:مادرت شي
سامر:ربي يعطيني ثقتك
اينور ضحكت:انت ديما جميل هكا
سامر انصدم في جرأتها:ربي يثبت علينا العقل و الدين
بدو الطلبه يخشو خدي الحضور وبدي يشرح ويسال واينور ماحولتش عينها من عليه
نهى:ياسرك شن هدا
اينور:محلاااه ياناس
سامر:زي ماقلت البحث بنسلمه الاسبوع الجاي
اينور:بحث شن!
نهى:صحه النوم هيا اطلعي
سامر:اينور ركزي راك اضعف وحدا في القروب
اينور:انا مانحبش القرايا اصلا 🙄
سامر:شدي الحوش
اينور:ان شالله دكتور وطلعت
نهى:تحشمي خيرك تدوي هكا
اينور:نحبه
نهى:بلا هبال
اينور:هيا تعالي نفطرو
نادر يتصل:هيا اطلعي انا برا
اينور تمشي هيا ونهى:تعالي نروحو بيك
نهى:لالا فكيني خوك طرف
اينور 🤔:ندوري
نادر:فكي امنا مستعجل عندي حالات اركبي
اينور:لا انزل معايا نبي ناخد حجات وماعنديش فلوس
نادر:هاك فلوس وخوديهم غدوة
اينور:لا انزل معاي بناخد رايك
نادر:الزفت يا نور عش ونزل امشي قدامي
اينور لصقت فيه وشدت يده: هيا يا عنوني
قعدت دور بيه في الكليه لين تلاقو مع
سامر:اهلين
نادر:اهلا
اينور:حبي هدا دكتوري وهدا الدكتور نادر خطيبي
سامر بابتسامه:اهلين دكتور
نادر قعد مصدوم: بالجوده هيا نور مستعجل تأخرت عالعياده
اينور:هيا قليبي سلام دكتور ومشو
نادر:شن فيه في دماغك علاش هكا قلتي
اينور:عادي 😊
نادر:تو نتفاعمو بعدين مش فاضيلك توا
روحت ركبت لدارها طول غيرت وقعمزت تفكر"انا ليش درت هكا حبيته ولا شن صارلي علاش نفكر فيه اصلا واااك
فتحت الفيس وكتبت اسمه في البحث قعدت تتفرج عاصوره لما كان برا وهايمه فيه لين دارت لايك ااخ 🤦♀️عليك غباء
عند سامر كان فاتح النت يحكي مع صاحبه سكايب وصله اللايك ضحك:عليك خفيفه 😏
فاتو ايام واينور كل يوم يزيد اعجابها بسامر ومعاش غابت على محاضراته بكل وهوا ولا معبرها
في يوم سلمو بحوثهم
اينور قعدت اخر وحدا:تفضل دكتور
سامر:ان شالله يطلع كويس ومش واخداته من حد
اينور:لا خادماته من كل قلبي
سامر هز راسه ويجمع في الورق
اينور:نقولك شي
سامر بدون مايشوفلها:نسمع
اينور:نحبك
سامر قعد يشوفلها:توكلي على حالك سلم بنتي
اينور:مش بنتك انا عادي يعني ليا فتره نعافر في قلبي لحد ما تأكدت من شعوري
سامر:والمطلوب مني
اينور:ولا شي بس عطيتك علم نحبش نخلي شي في قلبي
سامر:بهي بري عاحالك
طلعت اينور مبتسمه 😊🤤
نهى:شن درتي
اينور:حكيتله اللي في قلبي
نهى 😱حي علي انهبلتي انتي
اينور:عادي يا حبي الصراحه راحه
نهى:هدي وقاحه
روحت اينور كيف بتخش سمعت امها تزغرط:شن فيه
فتحيه:خوك بيخطب هدا النهار المبارك
اينور انصعقت من الخبر:كك كيف
نادر:قولي مبروك يا حيوانه
اينور:مستحيل لا ماتخطبش
فتحيه:خيرك اللطف
نادر يضحك:شن غايره من توا ماتخافيش مكانك ماياخده حد
اينور نزلو دموعها وركبت تجري لدارها
نادر:خيرها
فتحيه:تدلع
اينور:لا ياربي ياسو حاتموت لو تسمع بيه
قعدت لاذان العشا مسكرة على روحها
ندير يخبط عالباب:نور افتحيلي
اينور:مانبيش
ندير:بالله عليك نبي نحكيلك حاجه
اينور بصوت عالي:قتلك لا
ندير:افتحي انا مريض
ناضت تجري فتحتله:خيرك حبيبي شن يوجع فيك
ندير خش قعمز عالسرير:شي سكري الباب وتعالي احكيلي خيرك
تنهدت وجت جنبه:قلبي واجعني
ندير حضنها:سلامت قلبك قوليلي من واجعه
نادر كان جايب شكلاته وراكب لاينور بس لما وصل جنب الباب 😳😳يتبع
