part6
نهى:اينور ضربتها سياره ليها اسبوع في المستشفى 😢
سامر:كييف امتا هدا
نهى:اخر يوم امتحانات طلعت مروحه ضربتها سياره
سامر عرف انه السبب في اللي صار:وين هيا
نهى:في مستشفى....
سامر:تمام وطلع ركب سيارته واتجه للمستشفى سأل عليها ومشالها
نادر:اهلين دكتور
سامر:اهلا سلامتها
نادر:الله يسلمك
سامر:شن وضعها
نادر بحزن:ربي يفرج الحوض مكسور وهيا صايرتلها صدمة ماتحكيش بكل
سامر حس بقلبه بيوقف:لاحول ولا قوة الا بالله ان شالله ربي يشفيها
عند اينور راقده عاسرير وتتفرج عالسقف
فتحيه تبكي:عين وصاباتك يا بنيتي كنتي زي الوريده شن جاك
اينور!!
ندير يتفرج عليها ويبكي
وبوها قلبه تقطع على بنته الوحيده
نفس الوضع ياسمين ونهى وريان وريهام
تعودو عليها ديما تضحك ومبسوطه ماحد توقع يشوفها في الحاله هدي 💔
سامر حاط راسه عارجل امه ومنظر نور اخر مره بين عيونه
امه:خيرك وليدي
سامر:انا داير غلط ياامي وفقتله متاخر
امه:شن درت
سامر:جرحتها وكسرت قلبها بسببي كانت حاتموت
امه:لا حول الله
سامر:مستحيل تسامحني
امه:تأسف منها لو انت نادم بجديات
سامر:اول مره في حياتي مش قادر نشوف لعيونها
امه:تبيها?
سامر واطا راسه:انتي عارفه اني مانبيش حنين وخطبتها بس عاخاطرك
امه:وفسخت منها
سامر:وربي عاقبني بالطريقه اللي نستاهلها ووقف خش لداره
فاتو اسبوعين
طلعت اينور من المستشفى صحتها تحسنت تحكي شويه شويه
طق باب دارها وخشت
ياسمين:حبتي هيا نوضي يابايره عمتي فتحيه ضم بروحها
اينور:ضمي معاها انتي
قعمزت جنبها:ارجعي زي قبل والله عيلتك بيموتو عليك
اينور نزلو دموعها:ديما كنت نتهزا عالبنات اللي يبكو وقت. يتعاركو مع حبيبهم بس توا حسيت حرقه القلب لما تخيلت انه ممكن يكون لغيري
ياسمين:حبيبتي وحضنتها اول مره تجربي الحب و
اينور:وانكسر قلبي بسرعه صح
ياسمين:لو مش نصيبك ربي يهنيه ماتعرفيش الخيره وين قوي روحك وماتخلي شي يحطمك بوك يوجع القلب يا نور نادر كل ليله يتصل بيا ويقعد طول الوقت ساكت بيموت لانه مش قادر يطلعك من اللي انتي فيه
اينور قعدت تبكي لين خداها النوم
طلعت ياسمين وكيف بتنزل
نادر:بتروحي
ياسمين:لا بنشوف امك لو بدير شي
نادر:تعالي نبيك شويه
ترددت في الاول وبعدين مشتله قعمزت عالسرير
نادر حط راسه عاكتفها:مخنوق
ياسمين شدت يده:ماتضغطش على روحك هكا كلنا جنبها ومعاها وباذن الله ترجع زي قبل واحسن
نادر:هدي بنتي كاره مجرد فكره انها تبكي ولا مضايقه
ياسمين دارت يدها عاخده:كلنا مرينا بالمرحله هدي اينور زي اي بنت حبت ووجعها الحب هدا شي طبيعي بس ان شالله ربي يقويها
نادر:جرحتك!
ياسمين:لا بس وقت تقولي انتي نفس اينور قلبي يوجعني
نادر:اسف
ياسمين:انا مش زعلانه منك
نادر شد يدها:تعالي معاي
خداها ومشو لاينور
نادر:اسمعي جاي بنقول لصاحبتك كلمتين وانتي شاهده
اينور بهدوء:احكي
نادر شاف لعيونها:ماانتبهتش في يوم ليك ولا لنظرتك ليا ماكنتش نحس تجاهك بشي ونساير فيك لما نقولك انتي زي نور بس يشهد عليا ربي وقت حكيت معاك هدا حبك وتعلق بيك وقلي لو تبعد عليها انا بنموت ودبر راسك
ضحكت ياسمين
اينور:يعني!
نادر: شوفيلنا موعد مع امك لو سمحتي بنخطبو
ياسمين نزلو دموعها
اينور ضحكت:الحمد لله ربي حققلي امنيتي وحضنت خوها
نادر:راضيه
اينور:نحبكم 😍
نادر:واحنا نبوك زي قبل
اينور:حاضر نحاول
ياسمين:انا بنروح نتلاقو وطلعت
نادر:جو الحشم
اينور:مابردك خلي صاحبتي في حالها
الساعه 1رن هاتفها رقم غريب
اينور:الو
سامر سكر عيونه:كيف حالك
اينور:دكتور
سامر:كيف عرفتيني
اينور:عادي
سامر:كيف صحتك توا
اينور:الحمد لله حركتي صعبه شويه بس احسن من قبل
سامر:شدي حيلك نبيك ترجعي زي قبل
اينور:اها
سامر:اسف عارف انه كله بسببي
اينور:لا مش بسببك ضربتني سياره انت شن علاقتك
سامر:مش عيل انا
اينور:تمام انا تعبانه وبنرقد ليلتك سعيده دكتور وسكرت عليه
فاتت باقي ليلتها دموع
فاقت الصبح لقت رساله منه"نجحتي الاولى عالدفعه ووجعني قلبي بنفس الطريقه ارجعي زي قبل لانه ربي خدالك حقك"
نزلت:صباح الخير
امها:صباح الفل
ابراهيم:الحمد لله بنيتي نزلتي وحالك بهي
ندير يبوس فيها:استحشتك نويرتي والله الحوش بدونك مظلم
اينور: سلمه غزالي احم عندنا عرس
ابراهيم:عرس منو
نادر:ماتعرفيش تسكتي
اينور:لا ولدك المصون يبي يخطب
فتحيه:هدا يوم السعد وليدي شن ندورلك
اينور وندير عيطو مع بعض:لاااااا
نادر:بكشه منك ليه
اينور:عروستنا واتيه
فتحيه:ومنو ان شالله
ندير:مع اني كنت نبيها بس يلا ماتغلاش عليك
ابراهيم:تحشم يافرخ
اينور:بنخطبو ياسو
فتحيه:اشيي ربي يهني
ابراهيم:ان شالله عالخير زين مااخترت
فتحيه:هي بنيتي افطري وارجعي لدارك الدكتور قال ماتتحركيش هلبا
اينور:حاضر
ندير:نركب معاها حتى اني
فتحيه:شد كتاباتك خيرلك 😒 تسقط لما نقددك
ندير:تو فيه ام ترضا تقدد ولدها والصغير ثاني دا انا حتى من ريحة الغالي 😁
فتحيه:نوض يا قليل الحيا
ركبت لدارها وتتفرج عالتلفزيون رن الهاتف قلباته
قعد يعاود لين فدت وفتحت الخط:نعم
سامر:خيرك قريب تضربيني
اينور:واضح من اول مكالمه مانبيش نرد علاش تعاود
سامر:نبي نطمن عاحالك وصحتك بس
اينور:حالي بهي وصحتي تمام
سامر:دومها يارب لو طلبت منك طلب تفهميها وقاحه
اينور:شن رايك انت
سامر:انا بنطلبه وخلاص
اينور:تفضل
سامر:وقت نتصل بيك ردي انا نبي نسمع صوتك
اينور:هدي قمه الوقاحه شن مزال تبي مني بعد كل اللي صار يااخي خليني ننساك ونقدر نطلعك من حياتي الهى في روحك وخطيبتك
سامر:نور
وقف قلبها لما سمعت اسمها منه:نعم
سامر:سيبتها
اينور:بهي شن علاقتي ربي يبعتلك بنت الحلال هي نستاذنك دكتور وسكرت
"لازم تنسيه ركزي اووف"
نادر عالهاتف:فكيني من حركات ولد عمي وولد مش عارف مني خوك وبس
ياسمين:محمد بايت برا وقتلك ماما بتمشي معانا
نادر بصوت عالي:قتلك لا يعني لا معاش تناقشي امي
ياسمين:تمام
نادر:علاش تعصبي فيا يا قلبي تبي شي مهم تو نجيك انا ونور ونرفعك اي مكان
ياسمين:لا معاش نبي شي شكرا
نادر:اسف
ياسمين:ولا يهمك بنمشي نشوف ماما باي
نادر حدف الهاتف:عليك حمار
سامر يدور في داره
خشت امه:خيرك
سامر:شي
امه:سامحاتك
سامر:لا مزال مضايقه وصادتني بكل الطرق
امه:تحبها
سامر سكت
امه:قولي تحبها ولا لا
سامر:نحبها
امه:نوض البس اللي يحب يخش من الباب والباقي دوه فاضيه
سامر:وبلكي رفضتني
امه:حاول مرتين وميه وبعدها تأكد انها مش نصيبك
سامر:تمام لحظات ونجيك
بعد نص ساعه كلم استاذ يعرفهم وخدي منه مكان حوشهم ووصلو
امه:توكل على الله سلم ولدي
نزلو رن الجرس
ندير:تفضلو
سامر:حوش ابراهيم....
ندير:وصلت يامعلم من تبي ناديلك
سامر:نعم
ندير:اه قصدي تفضلي يا عمتي وانت تفضل للمربوعه
فتحيه:اهلين وسلمت عليها
ام سامر:الحمد لله عاسلامت بنيتك ان شالله هدا حد السو
فتحيه:سلمك يارب
ام سامر:وينها هيا
فتحيه:هي لحظه ناديها ركبت نويرة انزلي بنيتي فيه مرا تبي تشوفك
اينور:من تكون
فتحيه:مانعرفهاش بالك جايه تخطب البسي كويس واتصلي بياسمين تجي وانزلي
اينور:لا من قالك تخطب مرات سحاره
فتحيه:بلا هبال بنوت مرا محترمه الحقيني ويا ويلك تنزلي بمنظرك هدا عطتها نظره تهديد وطلعت
اينور:وك ماما تخوفي ناضت غيرت وساوت شعرها وبعتت لياسمين رساله ونزلت السلام عليكم
ام سامر:اهلا تبارك الله عليك غزاله
اينور:تسلمي وقعمزت
ام سامر:انا يا وخيتي مانعرفكمش وخاشتلكم اول مرة وقاصدتكم في طلب
فتحيه:تفضلي
ام سامر:تعطوني هالوريده نديرها كنتي
فتحيه:والله الرأي لبوها وخوها وان شالله مايصير بينا الا كل خير
خشت ياسمين سلمت وطلعت للكوجينا:خيرها
اينور بصدمه:تخطب
ياسمين:الله 😱
اينور نزلو دموعها:مانبيش نتزوج
ياسمين:غير اهدي خلي نضيفو الناس
خش ندير:نويرتي قلك نادر ديري قهوة وتعالي لديكي "مقابله شرعية 😂"
اينور:لا بالله عليك مانبيش
ندير:هيا بلا جو باين عليه مريش الراجل وخوك نادر طلع يعرفه يعني بتشبعي في الفلوس وتشبعي خوك معاك
ياسمين:غير اسكت انت نور حبيبتي اهدي وتعالي ارفعي القهوة شوفيه ولو ماعجبكش قولي لا واكيد عمو ابراهيم مش رح يجبرك عليه
اينور ارتاحت نوعا ما لبست وشاحها وخدت القهوة وطلعت خبطت عالباب وخشت:السلام عليكم
سامر قلبه مش مريحه 😂
نادر:تعالي قعمزي تو نجي انا
اينور تدعي في قلبها
سامر:كيف حالك
شافتله تجمدت في مكانها وقعدت ترمش اكثر من مره
سامر ابتسم:هدا انا حق
اينور:انا مانتخيلش ولا نهلوس بيك
سامر:للدرجه هدي تحبيني
اينور:حي عليك والله حق
سامر:حق يا هبله اسمعيني ليك فترة متربعه في حياتي ومش مخليتني نفكر في غيرك حتى امي شحطتها معاي واليوم قتلي لو تحبها امشي اخطبها
اينور مصدومه
شد ايديها:حانسيك كل شي وجعك مني اسف نبيك حلالي يا بنت وربي نحبك ارحميني
اينور:انا
سامر:شنو
وقفت وطلعت وهيا مزالت مصدومه خشت للكوجينا وقعمزت
ياسمين:شنو سيء للدرجه هدي ووك تي شن يا فرخه قولي
اينور:سامر
ياسمين:فكينا من سيرته هدا قوليلي على اللي في المربوعه
اينور:سامر في المربوعه
ياسمين:شنو
اينور:شد يديا وقلي نحبك تخيلي قلي نبيك حلالي
ياسمين:مستحيل
فتحيه تنادي:يانور تعالي سلمي
طلعو الزوز سلمو عليها وروحت
فتحيه:ماشالله عليها المرا قالت ولدها دكتور يقري فيك
اينور:اها 😳
فتحيه:خير بلاك ماعندك ماتقولي فيه راجل ماشالله عليه
ياسمين:ايه حق
فتحيه:عقليها بالله يابنيتي خلي توافق ونتهنى عليها انا مش دايمتلها
ياسمين:حاضر يا عمتي ربي يطول في عمرك
ركب نادر وخشلهم في الدار:هوا هدا?
ياسمين غمزتله
نادر:نكلم فيك ادوي
اينور:ايه
نادر:وانتي شن رايك
اينور:مش عارفه
نادر:ولد ناس وراجل مارضاش يلعب زي الفروخ واستنى لبعد يفسخ من خطيبته القديمه وبعدها جي تقدملك
اينور:نفكر
نادر:تمام وطلع
قعدت معاها ياسمين تقنع فينا وبعدين روحت
معاش طلعت من دار وهيا تفكر كيف صار كل شي بسرعه هكا
بعتلها رساله:كان تحبيني ردي عليا
واتصل ردت
سامر:نحبك
اينور:كداب
سامر:ضحك عيب ره
اينور:كيف حبيتني هي ولا مخطط تنتقم مني سادني رهو انا مزال تعبانه من الحادث
سامر:هبله انتي قتلك نبيك مرتي
اينور:كيف
سامر:ربي خدالك حقك
اينور:من قالك بنوافق
سامر:انا معاك لين توافقي
اينور:صدمتني تعرف
سامر:مزال نبي نشوف هبالك ومقالبك نبي نعطيك محاضرة وانتي خطيبتي
اينور تبكي
سامر:علاش الدموع بهي
اينور:ماتخيلتش في يوم يصير هكا كنت بالنسبه ليا حاجه مستحيله
سامر:وربي حققهالك وافقي وخلينا نكملوها
اينور:مش عارفه
سامر:تمام فكري براحتك مانبيش نضغط عليك ليلتك سعيده
اينور:ليلتك اسعد وسكرت
فاتت فتره تحسنت اينور اكثر وقررو يديرو بيان نادر وياسمين بما انه اهلها وافقو
ريهام:مايطلع منها صاحبتك ماتوقعتهاش بكل
اينور:حسستيني ساحراته هوا يبيها ماحد جبره
ريان:ربي يهنيهم هي تعالي نديرلك شعرك
جهزو روحهم ومع المغرب طلعو لانه الحوش قريب منهم
اينور تغني:ياسعيدنا ياسعيدنا بنيتنا لوليدنا
ريان:حصلتيه ولد متسمي لا تبكي لا تقولي امي
ودارو شوط اغاني
اينور:اشيي هدا كله لخوي
ياسمين:شن حلوة
اينور:غزاله بس ماقلتيش
ياسمين:شنو
اينور:طريقه البسبوسه اللي موكلتيها لخوي
ياسمين:خزي عليك يا حماره 😨
ريهام وريان يضحكو
جت فتحيه:نوضي تحركي من جنبها خوك بيخش
خش نادر وقعمز جنبها:وين خطيبتي لو سمحتي
ياسمين:بارد
فتحيه:هيا لبسها
وقفو لبسو الدبل
نادر:مش واخدها رقمك انا الدبله
ياسمين:ايه 😳
نادر:ملا خيرها واسعه اشبحيها كيف جاتك 😡
اينور:معليشي بعدين غيرهالها
نادر مش عاجبه
فتحيه:هيا لبسها الطاقم باش تطلع
نادر لبسها وقرب منها باسها 😍😍
اينور وريان يعيطو
ياسمين:تحشم🤭
نادر:خطيبتي حر
فتحيه:اطلع ياسر قليل ربايه
اينور:هي تفضل يا اخي وطلعت معاه
نادر:اسمعي فرخه كلمني سامر قال عطلتو في الرد
اينور:وخيره مستعجل
نادر:شن مستعجل ليك قريب شهر تفكري يا ايه يا لا وريحينا
اينور:بهي قوله ايه وخلاص امري لله
نادر:على اساس كاسبه فيه اجر يعني 😒 مش القلب ومايهوا
اينور:برا بلا بساله وين ندوري
نادر:برا مقعمز ياكل زي المجاعه
فاتت الليله حلوة
ياسمين الفرحه مش سايعتها انه اخيرا بتكون لفارس احلامها والراجل اللي تمناته ❤️"محلاه النصيب لما يعطيك اللي تحبيه وتتمنيه رح تحسي روحك ملكتي الدنيا باللي فيها 😍"
اينور:اطلع برا
ندير:لا بنرقد معاك انا حاس روحي تعبان مرات نمرض ومايكونش معاي حد 😣
اينور:وانا رافضه الموضوع هيا
ندير:ارجوكي نويرة وخيتي
اينور:لا برا ارقد مع نادر
ندير:من بكري سكر الدار بالمفتاح الحقير خدي ياسمين وباعني 😓
اينور:وحتى انا بنسكرها تفضل هي
ندير:بالله عليك خليني
اينور:اوووف ياربي
فرشتله عالارض ورقد قعدت جنبه لين رن الهاتف طلعت لدار ندير
اينور:الو
سامر:استحشتك
اينور:اللي يسمعك مستحيل يصدق نفسك اللي كان مايفوتش يومك بدون ماتهزبني
سامر:عادي مهو مابعد الكره الا حب
اينور:اممم
سامر:مانبيش ندير بيان انا
اينور:وعلاش ياحلو
سامر ضحك:عارف روحي حلو هكا نبي نكمل الحوش باش نتزوجو طول
اينور:وكليتي
سامر:مزالك سنه ياروحي وبتبدا الاسبوع الجاي ماكملت انا لين انتي خشيتي عالمشروع
اينور:مش عارفه نفكر
سامر:غير فكيني من تفكيرك تو تقعدي شهر ثاني تفكري
قعدو يهدرزو ساعات ويضحكو لين خداها النوم
الصبح فتحيه فتحت الباب وخشت:اللطف هدا شن مرقده هنا وضرباته علي رجله
ندير:ها ها يما خيرك تعاملي فيا هكا تقول شغاله
فتحيه:شن راقد في دار اختك
ندير:انا مرضت امس ورقدت مع نور وين الغلط
فتحيه:وهيا وينها
ندير:مانعرفش
لين خشت عليهم
فتحيه:وين كنتي
اينور:رقدت في داره الهم هدا
بعد يومين جي سامر مع امه بيديرو تلبيسه بسيطه
فتحيه:اطلعي لخطيبك خلي يلبسك
اينور:بهي تعالي معاي
ياسمين:بلا هبال بري
اينور:حتى ندير 😣
فتحيه:اطلعي
خشت للمربوعه متوترة
سامر:اخيرا انتي ليا انا
اينور 😊
سامر:شنو كلو لسانك احكي نبي نسمع صوتك
اينور:بجديات بنتزوجو
سامر:لالا نمثلو فيلم 😒
اينور:بارد
شد يدها لبسها الخاتم وباس عليها:مبروك علينا
اينور:الله يبارك فيك
قرب منها:نحبك
اينور:بهي خلاص يخش حد خيرك
سامر:عادي خطيبتي
اينور:نطلب منك طلب 😊
سامر:عيوني ليك
اينور:ماتلبسش خاتمك ومانبيش حد يعرف انه خطبتني
سامر:علاش
اينور:ارجووك
سامر:تمام
مدلها كيستين
اينور:شن هدا
سامر:هدية
اينور:شكرا جت بتطلع جبدها وباسها وضحك
سامر:محلاك
اينور:سخيف
فات اسبوع وبدت الكليه
نزلت تغني
نادر:ربي يسلم
اينور:شن قصدك
ندير:قصده اللي حطاته في راسك اليوم ربي يسلمه منك
اينور: 🙄🙄 هيا من بيوصلني
ابراهيم:هيا
خشت للكليه تبتسم
نهى:على شن ناويه
اينور:خيركم فاهميني غلط من قال اني بندير شي
نهى:نعرفك انا ترا قولي شنو
اينور:خشي في الموضوع طول 😒
نهى:خزي كلبه واخدنا دكتور سامر في مادتين
اينور:كويس هيا تعالي نتمشو استاحشت الكليه
خشو للمحاضره
سامر:صباح الخير ياطلبه وبدي يحكي عالمنهج
اينور تبتسمله
وهوا مايبيش يشوفلها بكل
بعد كمل وطلعو
اينور:خيرك مش مدورني
سامر:وخيرك توزعي في ابتسامات من الصبح
اينور:شن حرام 😁
سامر:لا براحتك فطرتي
اينور:لا
سامر:تعالي هي
طلعو يهدرزو ويضحكو وقفو في الكافتيريا
سامر:تو شن منظري واقف نهدرز مع طالبتي بدون صفه
اينور:عادي مصاحبني 😂
سامر:انا مش عاجبني الوضع هدا
اينور:عاخاطري حبيبي
سامر:🤤😍
اينور:بهي ياسر
سامر:ههههه تعالي افطري هي
خشت فاطمه قعدت تشوفلهم بحقد
اينور:كول
سامر:لا صحتين بنمشي عندي ورق بنعطيهم للادارة كملي فطورك ونتلاقو بعدين
اينور:بهي
قعمزت قدامها فاطمه:شنو وضعك مع الدكتور
اينور:اي دكتور
فاطمه:سامر
اينور:وخيره
فاطمه:معليشي تبعدي عليه لانه بيخطبني ومعاش نبيه يكلم حد
اينور:والله
فاطمه:ايه
اينور:بهي تو نمشوله انا وياك ونقوله معاش تكلمني خطيبتك تغار
فاطمه:مافيش داعي نمشيله انتي ابعدي واحترمي نفسك
اينور:حاضر
طلعت واتصلت بيه:حبيبي 😓
سامر:خيرك عيوني
اينور:قعدت بروحي نهى روحت
سامر:تعالي للمكتب اقعدي جنبي شويه نكمل ونطلعو
مشتله وقعدت تلعب بالهاتف لين كمل
طلعو قابلتهم فاطمه
اينور:تعالي فوفو
فاطمه ارتبكت:نعم
اينور:حبيبي
سامر:عيونه
اينور:بكري فطومه قالتلي ابعدي عليه عاخاطر بيتقدملي ومعاش نبي حد يقرب منه
سامر:نعم امتى صار
اينور:نعرفش شن خطبتني وخطبتها
فاطمه 😱
سامر:اسمعي وخيتي انا خطيبتي نور وخليك بعيده عليها وبلاش دوة فاضيه احسن
مشت فاطمه وهيا بتتفجر
سامر:مرتاحه هكا
اينور:نحبك
سامر:ترا عاوديها
اينور:نحبك 😊
سامر:احمدي ربي في الكليه
اينور:نادر جي باي
سامر:بالشويه عليك ماتجريش
ركبت للسياره
نادر:علاش تجري
اينور:عادي
نادر:مش عادي حوضك كان مكسور يعني راعي مشيتك وحركتك خليها بالشويه
اينور:بهي
بدو نادر وسامر يجهزو لانه بيديرو عرس مع بعض بعد 5شهور
محمد:فرخه
ياسمين:نعم
محمد:اطلعي خطيبك جاي يبي يهدرز عليك
ياسمين:اني
محمد:اطلعي خير مانجيك انا ماشي لصاحبي
دارت عصير ونسكافيه وشكلاته وطلعتله
نادر:طيب فيك
ياسمين:سوري عطلت تفضل
نادر:مانبي شي تعالي جنبي بس مستاحشك يا بنت
ياسمين:كيف حالك
نادر:اهو متشحط باش نكملك الحوش يااميره
ياسمين:مش خساره فيا
نادر:والله ماهو خساره مش عارف وين كانو عيوني
ياسمين:اعمى
نادر:اهو رجعلي بصري وخديتك وباسها 😘😘
ياسمين:هاك نسكافيه يخش علينا حد
نادر:بهي هاتي 😁
اينور:معقولة هكا شن تحساب روحها
سامر:بهي خلاص ياقلبي قتلك تو نكلمها انا
اينور:وانا نقول علاش تجي مع امك بس
سامر:اووف
اينور:وتنفخ ثاني غير ماتكونش غاصبينك عليا
سامر:شن الكلام هدا نور خيرك
اينور:شوف تصرفاتك
سامر:بهي بهي تمام وسكر نزل وينك
امه:منو
سامر:فيه غيرها بنتك عاطيها رقم نور باش تتعرف عليها مشت ماخلت ماسمعتها
سهى:فرخه تدلع وتكذب عليك
سامر باعصاب:فرخه مش فرخه مادخلكش فيها معاش تدوي معاها بالطريقه هدي
امه:خيرك بنيتي هدي بتبدا مرت خوك
سهى:مش هاضمتها كيف تخطب وحدا اصغر منك بالسنين هادو فرق كبير سيبت حنين عاخاطر فرخه
سامر:تي شن علاقتك
سهى:بهي بهي 🙄
قعد باقي اليوم يتصل بيها ماتردش
ياسمين:تو معقوله تزعلي منه عاخاطر اخته شن دخله هوا
اينور:قتلك ينفخ عليا
ياسمين:عنده الحق واجعتله راسه بقصه هوا مايعرفهاش
اينور 😣😨 تصدقي معاش اتصل بيا
ياسمين:اكيد طارتله معليشي تو يكلمك او اتصلي بيه انتي
اينور:زعما 🤔
ياسمين:اهو خوك يتصل ايوا
نادر:قولي للحمارة اللي جنبك تنزل ليا ساعه نتصل بيها
ياسمين:حاضر
نادر:وانزلي معاها
نزلو مع بعض
اينور:شن تبيها
نادر:شن علاقتك خودي حبيبي
ياسمين:شكرا
نادر:خشي هي
اينور:انا اختك يا بياع
نادر:والنبي اسكتي حصتك في دارك
ندير:نويرة
اينور:لاااااا خليني في حالي
ندير:غير تعالي وراس وخيتي
اينور:لا
نادر:خيرك شن تبي
ندير:عندي معاها راس موضوع
اينور:ماعندنا شي كذاب
ندير:لو سمحتي يعني 🥺🥺
اينور 🤦♀️🤦♀️ ااه يا جلطه عمري
ندير:احسن اخت وربي هيا تفضلي
ركبو للدار
اينور:احكي واطلع
ندير:بهي اوعديني ماتقولي لحد
اينور:هيا سقدني
ندير:........
اينور 😨😱 يتبع
