جعلتني عاشقاً (حقيقه مكتمله) 🔞

البارت الاول

أسر : اني أسر من صلاح الدين عمري ٣٥ سنه ابن شيخ مكمل ثالث متوسط وتركت واشتغلت ويه اخواني بمحل اثاث ابويه شيخ عشيره اله هيبته وكلمته اني اخر العنقود بالولد والبنات خلي اعرفكم على اهلي

ابويه يوسف
امي زهره
عدي ٧ خوات خمسه متزوجات وثنين لا
عدي اخوان ثنين واني الثالث

بسنه ٢٠٠٧ كلت الابويه اريد اتزوج وكلي عدي اجتماع بغداد من اجي اخطبها الك راح ابويه وره اقل من الساعه اجانه اتصال انو  صاير اعتداء ع سياره لي ويه ابويه بالطارميه وهو متصوب بجتفه رحنه اني واخوني كبل للمكان لبي هو بس للاسف ملحكنه عليه واستشهد قبل لا نوصل جان يوم ٩ محرم واهلي عده قرايه مال امام الحسين رجعنه للبيت وطبينه على اختي الجبيره حجينه وياها وبده العياط وطلعو بقيت خواتي على عياطها كتلهم سمعو زين خلو القرايه تكمل وكولو للملايه انو تبقه تقره لان ابونا توفه وكولو الامي قبل الكل عفتهم واخذت السياره شخطتها ورحت للمغيسل انكمل اجرائات الدفن طبعاً بسبب الضروف واوضاع الخطف ولاغتيال مكدرنه ندفنه بالنجف دفنه هنا يمنه بمقبره قريبه وضلت الفاتحه سبوع لان شيخ عشيره ومعروف الكل تعرفه (هنا جان عمر البطله ١٠ سنوات) الكل اخر يوم رجل عمتي كال اني اسوي عشه الفاتحه الكل وافق وكملنه كلشي بس بهل الفتره امي تعبت وصار عدها عجز كلوي وضلينه ناخذها نغسل كليتها ومره من المرات غلطو وغسلوها دماغ (استغفر الله) وهنا امي بدت حالتها تسوء متعرفنه لا اني ولا اخواني ولا خواتي ابويه عده املاك هواي بس امي جانت موجوده محد فتح الموضوع وره ٦اشهر من وفات ابويه كعدت الصبح على عياط خواتي رحت يمهم لكيتها يهزون بامي وهيه مترد اخذناها للمستشفى وتوفة امي وهم فاتحه وقرايه ودفن بس خلال هل ال٦ اشهر والوضع صار احسن قررنا نطلع جثة ابويه وندفنها ويه امي بالنجف وفعلاً فتحنه القبر واخذنا الجثه ورحنه للنجف دفنه امي وابويه واحد بصف الثاني ومرت سنتين على وفاة امي وابويه وفتنحنه وصية ابويه جان موصي بخواتي البنات وبل الكل وموصي بيه يزوجوني وجان موصي ماخذ مره غريبه يريد اله من كرايبنه ومحدد بيت عمتي

طبعاً اني عدي عمات ثنين

وحده ايمان عدها ٦ بنات و٣ ولد
البنات متزوجات باقيه بس وحده والولد ٢ولثالث انخطف

والثانيه سعاد عدها 5 بنات ولد وحد

كلهم متزوجين وعدها بنت وحده اكبر مني بهواي

ابويه جان قاصد عمتي الاولى بس قبل لا اروح اخطبها اجو عليها ناس ونطوها وره فتره كتلهم مو عدهم حفيده اسمها اسيل كالو صغيره ومتفيدك كلت الاختي الجبيره بكيفكم انتو شوفولي وره فتره اجه ابن خالتي وكال اكو وحده كرايبنه وخوش بنيه وحبابه كلت الخواتي راحو لبيتهم ومن هنا تبدي معاناتي كل وجال يتزوج حتى يرتاح اني من تزوجت دمرت حياتي رحنا خطبناها وافقو اهلها بس هيه جانت كلش نحسه ومتكبره ومغرورهزمع الاسف بالبدايه عبالي خجل خطبتها وسوينا حفله طبعاً اسم العروس سوزان تم كولشي بس هيه جانت تتجنبني ومتقبل تكعد وياي او نسولف حالنه حال المخطوبين وكل كلمه والثانيه عدها