بنيه عمرها ١٧ سنه يجيها عريس من طرف ابوها ابن شيخ بين التردد والخوف شنو لي راح يصير
هو شاب عمره ٣٥ سنه مطلك يطلب زواج من وحده عمرها ١٧ سنه شراح يصير وشلون حتكون حياتهم
تابعو القصه راح تكون احداثها نار
ســيــر عـلـيــنــه الــهـوه
وجفـل بـگــايـا ا...
اسيل : الووو اسر : تساليني ليش احبج تساليني عن عذابي عن جنوني عن حنيني الناس ما سالو شمسهم ليش تنطيهم ضوه الناس ما سالو كمرهم ليش يجمعهم سوا ومن اغني احب وحدج تسمعيني تساليني ليش احبج
اسر : كملت الاغنيه واني السماعه بذني باوعت ماكو صوت عرفتها نامت كتلها احبج والاخر نفس بيه احبج اخر يوم بعمري احبج اخر دكت كلب احبج يااحلى شي مر بحياتي احبج منطاني كلبي اسد الخط بس سديته حتى لاتضوج لان منعسان اني سديت الخط وكمت سويت اكل لان جوعان وهم هو رمضان صح بعد وكت للسحور بس خلي جعت كُلش سويت 🍳🍳 و كعدت اكل وراها شلت فوني ورحت للغرفه ونمت
اسيل : كعدت على صوت ماما تكول يله نتسحر يله يوم كمت اكلت كم لكمه ورجعت نمت مادري شبيه اليوم خامله وتعبانه احس جسمي ذبلان وقتت منبه ونمت
محسيت غير المنبه يدك ⏰ كمت سبحت وبدلت ولبست عباتي ورحت للدوام ادري اسر ميكعد من وكت لان رمضان رحت للدوام مرت كم ساعه ورجعت للبيت لكيت ماما تنضف هيه وتاره واني بالشت افزعلهم اخر شي كملنه ورحنه نحضر فطور وحلويات وعصاير وكولشي ماما تحب هل الشغلات كملنه كولشي وكمنه نحضر السفره طبعاً جهازي بالجنطه مطلعته ( عفيه السبعه حتى تترزلين ) صاح الله اكبر كلنه نجمعنه بسفره وحده وكعدنه فطرنه واني كتلهم اريد اسبح ماما كالت اي اني واختج نهتم بالباقي روحي عفتهم واخذت ملابسي وفتت للحمام سبحت وطلعت امشط شعري طويل موتني بس بابا يحبه وميقبل العب هوووف متت يله كملته وعطرت جسمي ولبست دا الف بالشال وسمعت الباب ندك يممممه متت حتى الشال معرفت الفه باوعت ع الساعه ب 7:15 دقيقه ليش تاخرت ياربي ليش هوووف ركض كملت لفش شالي ورشيت عطر وقبل لا اطلع دورت فوني تذكرته بعده بالجنطه 🤦🏻♀️ يبووو لكيت 20 رساله ماعده المكالمات لي متنعد بلعت ريكي واني اعرف اسر راح يزعل عفت كولشي وطلعت رحت لكيت ماما مفوته النسوان بصاله والزلم بالاستقبال رحت جبت عصير ومي واجيت اقدم الهم وهمه كاعدين يسولفون ويضحكون ويه ماما وتسالهم عن سبب الزياره منسمع غير الصوت عله وعياط عالي كلها كامت ........
