# مصائب

#مصائب 1

رواية أيه الحاسي

أووووعر حاجه انها تجيك الخيانه من شخص كنت دايره توأمك وقطعه من روحك واوعر حاجه اخرى لما الي تحبهم يظلموك واوعر حاجه الطمع بس الخيانه حاجه غيييير

هزار..ماما انا ماشيه لجامعه
نورا..باهي باهي ربي معاك
عدت هزار ركبت في السياره
نبيل..ها نمشي
هزار..تمام توكل
عدت هزار  وقعدت مع أعز صديقه ليها
رنا صاحبتها.. اهلين بالحلاوه
هزار. اهلآ بالعسل
رنا.. شن الجو
هزار.. تمام
رنا.. اساعه كم توا
هزار.. قريب ال 9 ونص
رنا.. هيييي حي عليك اجري عل محاضره
هزار.. هييي هيا مسرع ماجت التسعه

... احممم اسمي هزار عمري 21سنه نقرا ماجستير الدكتورا   مزالي سنه وانتخرج ونقعد احلى دكتوره 😏 الجامعه مالهاش  4اسابيع وانا نقرا في الماجستير  حالتنا الماديه مشاءلله شركات وعمارات وأسهم واجده الحمدلله طبعي اني جريييييئه ومره ومره  نقعد معنده وعصبيه ولسانيي طوييل مانهلبش ولا كلمه بشرتي بيضه شعري كيرلي لعند خصري لونه بني داكن  وعيوني بني مائل للعسلي مش سمينه ومش رقيقه وقصييره🙈 ورنا تعرفت عليها في اول يوم لي في الماجستير  وقعدنا صحبات امي اسمها نورا وبابا نبيل عندي اخت وحده بس ومعنديش اخوه اختي اسمها نور حتى هيا ماجستير بس مش معاي مزال لها سنتين واتخرج وهي الي ديمه نحكي الها في اسراري و هي الي اتغير لي في جوي😂
...
طلعت هزار ورنامن المحاضره ن وعدن للكافيتيريا
رنا..حبيبتي هزور من وين جايبتها البسه هاذي
انا كنت لابسه ماليه سوده ظابط لوطه من البطن وجاكه خفيييييفه عند الركبه لونها احمر وسروال اسود توب
هزار...جبتها من محل ال......
رنا..عجبتني بكم
هزار.. ب450 والسروال مش معاهن ا...
رنا...😳شنووووو
هزار..وطي صوتك يا واطيه
رنا..توا بلوزه عليها جاكه ب450 وزياااده السروال مش معاهن
هزار..اها
رنا..واااو منين لك هل فلوس بلوزه وجاكه بسسسسس ب450كان مانخسرش روحي وفلوسي يعدن كللللهن عشان بلوزه
هزار..ليش ماتعرفيش بابا
رنا..لالا
رنا..رنا كانت تشرب في ميه
هزار..نا بنت نبيل ال.....و
رنا بزعت الميه..نعممممممم😳
هزار .عطك سم بزعتي علي كنك
رنا.لا مافي شي
هزار.. ااه هيا نمشو المحاضره قريب تبدا
رنا..تمام هيا
.
رواية:🎇Aya Alhassy🎇
.
نورا..نبيل تعال تغدى
نبيل..هيا هيا اني جاي
نورا..السواق قال السياره تبيلها زيت
نبيل..توا نعطيه يجيب
نورا.. وجيب الحجات الي يبيهن متاع الحديقه
نبيل..تمام
نورا..وانتي كنك ماعديتي للمدرسه
نور..ماعنديش راس
نورا..كيف ماعندكش راس
نور..انحس في روحي مريضه تمام...وصبت
نورا.. اااااه من هل بنت بتجيبلي الجلطه
نبيل..ماشي نا اوكي
نورا..اوكي

نور:
اسمي نور عمري 20نقرا ماجستير الدكتورا   مزالي سنتين وانتخرج ونقعد دكتوره😍 وانا وهزار مش نفس الماجستير شعري ناعم حرير لونه بني لعند خسري وبيضا عيوني قهويات طولي وسط