تملكتها بجبروتي

الجزء 💫8

طلع الصباح و الابطال ديالنا ناعسين كان الفجر يالاه طلع نسيم الصباح حدا البحر و الجو ازداد برودة على ليل فيقها غير البرد كاتعرعد و مازالا مكمشة فحضن اوس لي فسابع نومة تا شوية شتا بدات كاتنقط شويا ب شويا
🌹ريناد:(بصوت كيوت مخربف بنعاس كاتحاول تفيق اوس) اا ووس
🌹اوس:(ناعس و كايهدر) ممم ؟؟
🌹ريناد:(معنكشة) اوس شتاا اتبدا نووض
اوس حل عينيه بزز مخنزر لقاها حداه و كاترعد فمها علاين زرق بالبرد و شادة تحت كرشها شربات البرد مزياان فليل
🌹اوس:(قاس جبهتها سخونة) ينعل .... جرها لطوموبيل غير دخلو و هي تبدا دقا د الشتا ريناد كلها كاترعد بالبرد تحتها عاطيها الحريق بزاااااف
🌹اوس:( كايديماري و كايهدر صاعر) شقتلللك البارحح واش باغا تجهلي ديلمي هدرتي كاتوصليلها
🌹ريناد: اوس ماتزيدش فيه ..
🌹اوس:(كسيرااااا بجههههدد)
🌹ريناد: (بطلب) اووس
🌹اوس(كايشوف فطريق مكسيري بيد وحدة ماجاوبش)
🌹ريناد: (ماباغاش ترجع لديك الحبس)واخا نمشيو عند نيهال و خاالتي مليكة ؟؟
اوس ماجاوبهاش بقا مكسيري تا وصلو حدا قصر العمراني حلو الكارد الباب الكل حاني راسه ضارب سلام للأوس تا وصلنا للباب الداخلي شتا قويا نزلنا من طوموبيل اوس شدلي فيدي و جرني تا دخلنا فازكين الكل كان كايفطر الانتباه كامل ضار عندنا تا ناضت نيهال و خالتي مليكة
🌹مليكة: الله اولدي شهاد الحالة
🌹اوس: نيهال عطيلها شي حاجة سخونة تلبسها
(شاف فريناد و نطق بأمر) طلعي بدلي عليك هادشي (بتحذير) دابا
نيهال جرات ريناد لبيتها اما ليلى و دينيز بقاو غير كايشوفو فاوس و اهتمامه بريناد .. دخلو البنات و سدو عليهم الباب
🌹نيهال: دخلي دوشي بالما سخون انا انوجدلك شي حاجة سخونة تلبسيها
🌹ريناد: معاك شي فوطة صحية را ختك فيها
🌹نيهال: اويلي حيي زولي داكشي عليك دغيا راك اتزيدي تشربي البرد

ريناد دخلات دوشات بالما سخيخن عاد زولات ديك البرد خرجات لابسة بينوار و فوق راسها فوطة لقات نيهال منزلالها كل ماتحتاج فوق الفرشة و خرجات خلاتلها شوية د الخصوصية ريناد دارت فوطة صحية و لبسات سروال كحل سخيخن من لداخل و تريكو قطني كيوت فالحمر (لبيسة د خرجة)و بانطوفة سخيخنة يالاه تسخنلها رجيلاتها نشفات ريناد شعرها تا كاتسمع الباب تحل كان اوس تا هو دوش و بدل و نشف شعره و لبس سروال كحل و تيشيرت صيفي فالكحل رغم الجو و سبرديلة كري
🌹اوس:قلت لنيهال تنزلك دوا شربتيه ؟
🌹ريناد: لا ماشفتوش
اوس شاف فيها بعصبية كب كاس د الما كان فطابلة حدا الفرشة و شد حبة من دوا خشاهالها ففمها و تبعها الما
🌹ريناد:كححح كحح وااش حممق
🌹اوس: (دار يديه على جبهتها لقا الحرارة عادية) (بأمر) اتنزلي تفطري و شربي شي حاجة سخونة ...

ريناد تعجبات من هاد التغير المفاجئ ماكانتش عارفة انه كان هدوء ما قبل العاصفة
نزلت لتحت لقيت ليلى و دينيز و خالتي مليكة و نيهال و كرم(أب اوس) و ليلى كانت كاتشوف فيا بطريقة شككاتني فراسي مافهمتش مالها و دينيز كذالك كاطلع فيا من الراس للراس كلست و انا الشهية مسدودالي تا نطق عمي كرم لي من المفروض يكون شيخي لكن طالما ان هاد الزواج مزيف فجميع العلاقات مزيفة
🌹كرم: بنتي ريناد عاد عرفت بزواجكم لطالما كان اوس كايدير غير لي فراسه و ماكايهتم بتاحد حمدلله انه ماداش شي وحدة غريبة كانعتابرك بنتي و وحدة من ولادي عمري فرقت بينك و بين نيهال لكن ماكاضنوش انكم تسرعته شويا كان يمكلنا نديرو عرس يليق بيكم بزوج و العالم يعرف ان وريث العمراني الوحيد تزوج
🌹دينيز:(كانت اتشرب جغمة د العصير تا جافت) كحح كحح
🌹ليلى:(كاتنغزها من تحت الطابلة زعما ماتعيقش)
🌹ريناد:(فنفسها) شانقلك اعمي ان زواجنا كذب و ان ولدك كايستاغلني و انه اكبر زعيم د المافيا و مخبيها عليكم و ان أكبر مؤتمر تعقد فتاريخ المافيا هو لي منضمو و ساني على جرائم اتخرج على جيل
🌹مليكة:عنده الحق ابنتي خاصكم عرس يليق بعائلة العمراني
🌹ليلى:(كاتقطر بالسم) اكبد هادا تسرع كبير و يقدر يأدي لمشاكل فالمستقبل كبيرة ماشي غير اجي و تزوج و بشكون (شافت فريناد بحقد و نطقات بكل فخر) بعائلة العمراني
ريناد يالاه اتنطق تا كاتشوف اوس نازل بكل هبة رجولية غوباشته معقودة و نضرة حادة لباسه كله اسود سبور عضلاته ايطرطقو تيشيرت تا نطق ببحة صارمة
🌹اوس: اول حاجة تقدرو تديوها فراسكم عرس ولا بلاش و لا تسرعنا كايبقا قراري و ماعند تاواحد الحق يدخل حياتي الخاصة و نعيشها كيف ما بغيت و ثاني حاجة مراتي و تزوجتها كيفاش و فوقاش هادشي ماكايخصكمش و موضوع بحال هادا ماتبقاوش تحلوه معاها (نطق بصرامة و تحذير) مفهووم