تملكتها بجبروتي

الجزء 💫20

ريناد كانت قالبا وجهها لسرجم كاتسمع انفاسه دالة على كتمه لغضبه دارت شافت فيه لقاتو كالس بكل كاريزما هاز تيلي كايخربق فيه عاقد حجبانه .. عروق عنقه بارزين بالغضب ماحساتش حتا داير يديها فوق يديه و نطقات بصوت طفا ديك البركان لي شاعل فيه
🌹ريناد: ا وو س ماعندك علاش تبقا معصب علي انا ماكنتش عارفا ايوقع ها شي كامل
🌹اوس:(شد يديها طبع فيهم قبلة) انا مامعصبش عليك مادرتي والوو
🌹ريناد:(بابتسامة) ببلا مانمشيو مول صافي اصلا عندي باش نقضي هاد ياام
🌹اوس:(جرها عنده لفوق حجره) انمشيو للمول و اندورو فحال ناس عاديين و انرجعو نوصلك عند نيهالل (بابتسامة) عنداك تسخفي
🌹ريناد:(بابتسامة)

نزل الشيفور و حللهم الباب و هو حاني راسه اوس شافها كيفاش فرحانة ماباغيش يخسرلها تنهد و شد راسه بزز و دخلو ... كان حاضي كل جزء بسيط فشكون داير بيها شكون حاضيها شكون كايشوف فيها ... لالة الغزالة كاتمشي غا للمقزب كاتخليه يجهل بهدوء هههه ... كانت كاتقيس فمحل و كل مرة ماكاتعجبوش شي حاجة خاصها تزولها و هو كون لقا يلبسها فخنشة مايشوفها حد غيره خخ اي حاجة لبساتها كاتزيد تبينها يالاه دايرا .. تا كاتشوف بنات المحل كايتهامسو على اوس شي كادوز حداه باش تبانله و يشوفها شي كاتبغي تعاون ريناد باش يطلع عينيه فيها كلا و شكادير اما هو ماشي فهاد العالم كل انتباهه و اهتمامه عليها حاضيها مركز مع جزء منها طلعات فيهم و نزلات و تبمات فوجههم بابتسامة شيطانية تا فهمو راسهم كل وحدة فين تشيرات ..... و بعد ساعات و ساعات من العذاب النفسي مع اوس خخ خرجو كانت سيارة اوس من نوع بورش كحلة ماط و قدامها ميرسيديس فيها شيفور
🌹اوس:ايوصلك شيفور تا للقصر .. و ايرجع باش يردك للدار ...
🌹ريناد:(قاطعاته) علااش ماتوصلنيش انت !! بغييتك نتااا تديني
🌹اوس:(طول شوفة فيها بابتسامة شدلها يديداتها) يالاه

ركبو فالطوموبيل بعد مادارلها كل ما اشترت فالكوفر ركب وهاد المرة كان سايك بكل هدوء لاول مرة ايسوك بهاد السرعة الخفيفة خخخ ااخ يا ريناد باقا شي قاعدة ماخربتيهاش فحياته ؟!!
كانت خاشية وجهها فميكة د الشكلاط يد شادة بيها شكلاط و يد شادة بيها شيبس و جنب وجهها كامل مخمج بالشكلاط دارت حالة لاوس فالمول شراهلها بلهلا يطريه ليه كان كايشوف فيها من المرايا و داير ابتسامة جانبية ماباغيش يبينلها ان طريقتها كاتخليه يفشششل بالضحك

🌹اوس:(صايك بيد و يد فسرجم) باراكا عليك راه ايدرك

🌹ريناد:(كاتعض عضة منه و مخرجة عينيها فيه) مااكليييتش بزاااف و زايدون ماكايضرنيش ااا خليني ناكله تا نشبع
🌹أوس:(كاتجننه طريقتها باغي يفراني يااااكلها تا نطق بامر و هو باقي مكسيري و مفيكسي عينيه مع الطريق) اتكملي هاداك لي فيديك و باراكا
🌹ريناد:(بعناد) لاااااااااااا مااااكليتش بزاااااف
🌹اوس:(عرف عنادها رجع) ريناد بلا اعصاب بلا غوات هضرتي تتنفد باغا ترجعي للسيروم و نخليك فيه نهار كامل نرجعك حتا دابا واا كملي داكشي لي فيديك و هنينا
🌹ريناد:(دورات وجهها لسرجم و هي ماحاملاهش كايتحكم فكولشي فيها اما اوس عرفها تقلقات تملكه و هوسه بيها ماباغي والو يآديها خايف عليها من ريح لي كايدوز من حداها و هي ماشي فهاد العالم كاتشوف كولشي انه باغي يفرض سيطرته و يحكمها بقا اوس مكسيري و الصمت سيد الموقف تا وصلو للقصر كالعادة الكارد كاملين منزلين راسهم داربين سلام تحلاتلهم بوابة القصر و كسيرا اوس فممر طويل فوسط الجردة تا وصل للباب الرئيسي للقصر كانت حركة كثيرة و اصوات موسيقى نسائية فالقصر نزل اوس و نزلات حتى ريناد كايجبدلها داكشي لي شرات من الكوفر تا جات لالة حفيظة لابسة قفيطن بلدي بالطرز الرباطي فاللون الغوز بااااااارد و دايرة شدة درة معاصرة و ربي عاطيلها نور فوجهها سبحان الله
🌹حفيظة: شهاد التعطيلة تباركالله عليك عاد جايبلنا البنت
🌹اوس: تا دابا ماوقع باس نرجعو بزوج منين جينا
🌹حفيظة:(شدات فريناد) اوهووو لا سير نتا خلييهالنا
🌹اوس:(شاف فريناد) 8 انجي موراك
🌹حفيظة: لاواه لاواه خليها معانا اكثر و زايدون كاينين غا العيالات
🌹اوس:(بابتسامة شيطانية) مراتي و كانتوحشها
🌹حفيظة(بابتسامة) ايوا الله يمسخك